مشكلة الترجيم ... ومنع خروج الجماهير للصلاة .. والمكان ذا محجوز - نادي الهلال السعودي - شبكة الزعيم

حوطي وهلالي · #1 05/02/2009, 04:41 AM

السـلام عليكم ورحمة الله وبركاتهـ ...

صباح / مساء الورد ..

كيفكمـ شخباركمـ..

عموماً ..

انا راح اتكلم عن مشكلة الترجيمـ اللي جالسين نشوفها في الملاعب قسم بالله ماتحس أنك جاي تتفرج مبارة طالع قنص ..

بيني وبينكم إحنا اللي مخربين على بعض يعني لو بعض الجماهير احترموا انفسهمـ كان ماصار اللي صار من منع دخول الماء والخروج والدخول أوقات الصلاة في المباريات القوية ..بعض الأخوانـ يقولون في أوروبا يسمحون لهمـ يدخلون الملعب بعشاهم بعد... الخ . يااخي وين إحنا ووين ثقافة الدوري الأوربي .. انا صراحةً أول مرهـ أشوف جماهير طول المبارة يرقصون ولايتابعون المبارة ,, يعني ليش جاي المبارة ويتضارب مع فلان وفلتانـ ,, وبعض الأخوان هداهمـ الله دينه دين الخوال انا اللي شفته بعيني تلقاهـ يقول لخويهـ شف العبد وانا اسمعهم دايمـ يتكلمون على أي واحد خال يمشي ياعبد وماادري وش وش ذا الكلام وش ذا الثقافة انت جاي تتفرج مبارة وإلا جاي تهايط لا واللي مطينّها زيادة جالسين يرجمـون ولو قلت له ليش ترجم قام يقول وش دخلك إذا رجمتك تعال كلمني قسم بالله بغيت اسطرهـ قهرني ,, الحين همـ مانعينـ دخول الماء للملعبـ ,, يفترضـ أن يسمح لك ,, تدخل بها لكن البعض يستخدم نعمة الله في الترجيمـ .. ياحبيبي رح للبر دامك هاوي ترجيمـ وخذ معك ساكتون بعد ,, عشان تكمل ,, والله الكلام مايصير لا وشوف عيني والله كاسرين الكراسي اللي في استاد الملك فهد وجالسين يرجمون بها افرضوا جت في رأس واحد من الجماهير وراح غلطهـ من اللي يعوض المتفرج سلامتهـ ..
تبون الحل لمشكلة الخروج وقت الصلاة والعودة مرة أخرى ...

أنهم يرقمون التذاكر وتصبحـ الكراسي مرقمهـ ....
ونفتك من كلمة محجوز ...

في مبارة الهلال مع الوحدة الإماراتي فيه 7 أماكن فاضية .. شفت واحد جاي يبي يجلس قال له واحد محجوزهـ بدت المبارة ولااحد جاء انتهى الشوط الاول وجاء واحد ثاني يبي يجلس قال له محجوز انتهت المبارة خخخخخخخخخخخ ولااحد جاء يعني يفترض تكون التذاكر بالارقام واللي يبي يحجز يجلس برقم التذكرهـ بس مااظنـ دام الحنس موجودينـ ماراح نتطور وراح نرجع وراء ... قطر واللي هي قطر توّ دوريها يتطور وصارت احسن مننا في تنظيم الكراسي انا حضرت مبارة في قطر للسد وياسلام على التنظيم صح انهم قليلين بس منظمين ... يفترض يحضرونـ ناس فاهمة تنظم مقاعد الجماهير .. ويصبح افراد قوة المهمات خارج المدرجاتـ فقط في أرضية الملعب .. ويحطون رجال أمن سيكيورتي أحسنـ .. وإن تداعى الأمر وصارت مشاكل يتدخل أفراد قوة المهماتـ ...

اتمنى الجميع يتناقش في هذهـ المشكلة ولازمـ نوصل لحل ونوّصله للرئاسة العامة لرعاية الشباب ...

عشان يشوفون لنا حل ..

صرت ماعاد اروح المباريات .. صار الواحد يااكل العصر كثير عشان يغطي جوع وعطش الملعب تقول رايح يصومـ ماراح يتفرج المبارة ...

اعتذر عن الإطالة وزي ماقلت سلامة الطيبين ...

تحياتي

سـيـف الـعـشـق · #2 05/02/2009, 05:11 AM

الله عليك مابعد كلامك كلام

للاسف هذا الواقع الي نعيشه بملاعبنا نلقاها من امن الملعب او من المطعسه

ناس الكوره بوادي وهم بوادي كنت اكره الحضور المجاني للمباراة بسبتهم والحين بدو يكثرون بكل مباراة جماهيريه

مافيه حل الا ترقيم المقاعد بس الحين خلهم يركبون مقاعد بالملز بعدين يفكرون يرقمون المقاعد

بارك الله فيك اخوي

لك تقديري واحترامي

نادر الوجود--- ؟ · #3 05/02/2009, 05:34 AM

صراااااااااحه كلام سليم

بس وين اللي يسمعك!!!!!!!!!

الصويلح 9 · #4 05/02/2009, 05:36 AM

بيض الله وجهك هذا الكلام الصدق والحنس نقص سبحان الله الله لا يكثرهم

xx911 · #5 05/02/2009, 05:41 AM

والله انك صادق...

للاسف لايوجد مكان انسب لمشاهدة الهلال افضل من المنصة ..واذا مره درجة ممتازة

اما ابو 20 ريال ماتنفع ابدا والسبب وجود صغار الاعراب وبعض الهمج جايين يفرغون

طاقتهم على خلق الله ...

حمــMــودي · #6 05/02/2009, 06:29 AM

قالك الرجال , درجه ممتازه , وعساك ترتاح

,, هد جبل ,,,, ولا تفهم حنس

عطــر الأمــاكن · #7 05/02/2009, 06:53 AM

ما طرحته أقرب للحقيقة ،، وأكثر الأسباب تأثيرا على الحضور الجماهير من موضوع الزميل محمد الهلالي

كثير من المجالات يتم تغيير الإدارة بين كل فترة وفترة ، وبما أنها إدارة ملعب فأستغرب ألا يتم تغيير الأستاذ سلمان النمشان منذ تأسيس الملعب !!
في الحقيقة .. كل الأسباب تندرج تحت سبب وحيد وهو إدارة الملعب
( فوضى بترتيبات المدرجات والكراسي - معاملات سيئة من رجال الأمن - تشديد غريب على روابط الأندية )
الشعارات كانت سبب مهم في حضور بعض الجماهير ليتم إبراز لافتته وظهورها بالجرائد والتلفزيون .. ومع ذلك تمنع .. !!!!!!!!!!
مع المبرر لذلك .. ومنذ متى سمعنا ان اللافتات والتعابير تسبب مشاكل ؟

متى نتطور .. وهل أصبح الملعب ورث للنمشان أم ماذا !!

المــلك الهلآلي · #8 05/02/2009, 07:02 AM

أخوووي هذا الكلام الواقعي

ياليت فيه أحد يسمع كلامك ويرقمون التذاكر ونفتك من الحوسه والهياط

تحياتي لك

ولد الحموله · #9 05/02/2009, 08:14 AM

يارجال الي قلت عنه كوم

والتدخين لحاله وش ذنبي طالع من المبارة أنجبرت امر محل ملابس رياضية أشري ملابس أقابل أهلي فيها لايقولون معك ريحة دخان

جاي من بدري وحاجز مكان ويجي واحد ويعفن بالعالم لا وشين وقوي عين

لو قلتله ممكن تتهاوش معاه

قسم بالله شي يحوم الكبد

لا لا وكلام وسخ وسخ بمعنى الكلمة تسمعه إذنك من العالم الهمج

الـثـنـيـان · #10 05/02/2009, 08:17 AM

صراااااااااحه كلام سليم

بس وين اللي يسمعك!!!!!!!!!

عبدالعزيز الأول · #11 05/02/2009, 09:28 AM

والله انك صادق ياخووي الواحد لو بغى يروح الملعب يروح نص يومه عشان يحضر مباراة ساعتين

نطلع من العصر عشان نحجز الاماكن ومانطلع من الملعب الا 11 واحيانا 12

وواحد يطلع هلكان تعبان وراسه مصدع من الدخان والازعاج ومن استقعاد الامن

عشان كذا الواحد يشوف المباراة في بيتهم اصرف

هلالي جنيف · #12 05/02/2009, 09:59 AM

سلام عليك

كلام في الصميم

ناس والله ما جت تشاهد مباراة جايه عشان اغراض معروفة للجميع
واقرب حادثة ما شاهدنه في مباراة النصر والاتحاد اتحدك إذا كان هذا يشجع اي فريق نزل عشان تحدي مع ورع من ورعينه
لكن يفترض ان الامن عطاه كم كف وسطره عن العالم والشاشات عشان يعرف الفشيلة صدق

Za3eem_2008 · #13 05/02/2009, 10:27 AM

كلام سليم و في محله

وبعدين ترى عزوف الجماهير أو عدم حضورهم للملاعب

بسبب التفاتيش الدقيقه التي تصل لدرجة الإذلال

وهذا سبب رئيسي لعدم حضور الكثير من الجماهير

♥ N E V E S ♥ · #14 05/02/2009, 01:03 PM

كرهنا الملعب من الامن حقهم ومن اللي يدخنون ويكتمون الواحد

ومن التنظيم الفاشل....!

الله يصبرنآ بس..!!

the-tiger20 · #15 05/02/2009, 01:56 PM

والله انك صادق مباراة الهلال والشباب الاخيره الشال الهلالي منوعه من الدخول

ولما اسئله يقول اوامر ادارة الملعب