إقتباس الرسالة الأصلية كتبت بواسطة هلالي 292 حبيبي ماقصرت في طرحك للموضوع ،، وانا عارف وربي انه عتب محب ،،، انا من سكان الرياض ويعلم الله اني حضرت للملعب وتفاجأت بالجمهور ولكن ابغاك تحضر مره لملعب استاد الملك فهد وتشوف الاهانة والتفتيش الفاضح والاسلوب الغير حضاري من رجال الامن حتى الشالات غير مسموح فيها يعني ما ادري في اي نظام هذا ،، حتى الموية وربي مايدخلونه يعني شيء يخليك تزهق من الحضور ،،، صدقني انا ما ابرر وانا اعترف اننا كجمهور هلالي بالرياض مقصر ولكن هذا الواقع والبركة في ادارتنا اللي تعلم بالظلم اللي نواجهه من ادارة النمشان الفاشلة وتسكت وكاننا لانعنيها ،، تقبل وجهة نظري ،،، تحياتي ،،،

أخوي هلالي صباح الخير يا الطيب

احنا ما قلنا الكلام هذا الا بعد ما حسينا بالضيق اللي في صدر عبد الرحمن بن مساعد من كثر ما يطلب الحضور وبالاسم من جمهور الرياض
وآخر لقاء مع نواف بن سعد طلب كذلك بالاسم جمهور الرياض وشكر جماهير الهلال في المدن الأخرى يعني كان عتب واضح من الأمير نواف بن سعد لجمهور الرياض

ويمكن أننا قاسين في كلامنا ولكن هذا حب الهلال ورغبة في أن تهز جماهير الرياض مدرجات درة الملاعب والملز كما كانت تعودنا زمااان

وشكراً أخوي على ردك الراقي

ياهلا بزعيم اسياء بشرقيه

جماهيره ماتقصر

وه بس قال برد

إقتباس الرسالة الأصلية كتبت بواسطة aahhmmaadd أهم الشئ ما تضيع الصلاة يا أخواني

في المُباريات المنقولة المباراة تبدأ بعد الصلاة بمدة طويلة تتيح للواحد أنه يصلي ثم يذهب إلى الملعب

ومع قلة الجمهور في الرياض مثل ما نشوف دائماً راح تلقى مكان ممتاز حتى لو حضر الواحد بعد بداية المباراة

إقتباس الرسالة الأصلية كتبت بواسطة دوق فليد أخوي الدوسري الله يعافيك حتى اخواننا جالسين يدورون أعذار جديدة ومنهم محمد الهلالي وكمان موضوع مثبت يقول بأن جمهور الرياض يتعرض للضرب والتلطيش عشان كذا ما يحضر !! تبرير حلو خلاص معذورين يا جمهور الرياض ولا تحضرون نهائياً أي مباراة أحسن عشان لا تنضربون وتتلطشون مثل ما قال الأخ محمد الهلالي لا تحضرون إلا بعد ما نجد حل للمشكلة هذه من محكمة العدل الدولية ومن الأمم المتحدة وإلى أن تنحل المُشكلة نطالب بنقل مباريات الهلال إلى جدة أو حائل أو الشرقية إلى أن تنحل جميع مشاكل جمهور الرياض

كلام محمد الهلالي سليم 100%


ومب عذر لعدم الحضور ، لكن لوصف معانآة جماهير الهلال في الرياض ...


أجيب أقرب مثال أمس بين شوطي مباراة الهلال والشباب طلعت بآخذ لي 2 شاهي لي ولخويي تدفينآ في ذا البرد


والله العظيم والله العظيم والله العظيم

شفت العسكري اللي ع البوابة يرجع الناس اللي معاهم الشاهي والعصيرات يقول آشربو برا وآدخلو بدونهآ ...


قلت بأستأذن منه لأجل آدخل شاهي خويي والا آنا بآشرب برى ماعندي مشكلة



جيته السلام قالي هلا !!!!


قلت أبغي آخذ 2 شاهي لي ولخويي شفه هناك

قال لا آشربهآ برى وآدخل ..

قلت يارجال كله الا شاهي << وآنا آتضحك ومسوي بآحرجه


قال ماعندي الا هذي << جهاز الصعق الكهربائي


ويضربهآ قدام وجهي


والله ثم والله إنه كشح البرق مدري وشهو في وجهي آنا قلت الله لا يعيده شاهي


قلت آجل دامهآ معك ماراح آقربك


وطلعت وشربت برى وعقب دخلت وقلت لخويي السالفة قال ما آبغي شاهي << خواف



ولو آقعد آقولك اللي يصير للي آعرفهم بس مب اللي ما آعرفهم وآشوف وش يصير فيهم ماقلت هذا عذر


لكن اللي مامر بهالشيء من حقه يتريق ويقول كذابين

إقتباس الرسالة الأصلية كتبت بواسطة القنــــ309ـــاص اما لو ينقلونها فله تحياتي لكاتب الموضوع،،

الله يسلمك ويبارك فيك اخوي القناص

أنا أبغى أكمل سهر إلى الساعة ستة عشان أصلى الفجر ثم أرجع البيت وأضربها نومه إلى الظهر

إقتباس الرسالة الأصلية كتبت بواسطة رحيم المنشاوي كلام محمد الهلالي سليم 100% ومب عذر لعدم الحضور ، لكن لوصف معانآة جماهير الهلال في الرياض ... أجيب أقرب مثال أمس بين شوطي مباراة الهلال والشباب طلعت بآخذ لي 2 شاهي لي ولخويي تدفينآ في ذا البرد والله العظيم والله العظيم والله العظيم شفت العسكري اللي ع البوابة يرجع الناس اللي معاهم الشاهي والعصيرات يقول آشربو برا وآدخلو بدونهآ ... قلت بأستأذن منه لأجل آدخل شاهي خويي والا آنا بآشرب برى ماعندي مشكلة جيته السلام قالي هلا !!!! قلت أبغي آخذ 2 شاهي لي ولخويي شفه هناك قال لا آشربهآ برى وآدخل .. قلت يارجال كله الا شاهي << وآنا آتضحك ومسوي بآحرجه قال ماعندي الا هذي << جهاز الصعق الكهربائي ويضربهآ قدام وجهي والله ثم والله إنه كشح البرق مدري وشهو في وجهي آنا قلت الله لا يعيده شاهي قلت آجل دامهآ معك ماراح آقربك وطلعت وشربت برى وعقب دخلت وقلت لخويي السالفة قال ما آبغي شاهي << خواف ولو آقعد آقولك اللي يصير للي آعرفهم بس مب اللي ما آعرفهم وآشوف وش يصير فيهم ماقلت هذا عذر لكن اللي مامر بهالشيء من حقه يتريق ويقول كذابين

أخوي رحيم كيف حالك

حاشاك أنت واخوانا من الجماهير ما حد قال كذابين ولكن المُبرر ما له داعي أحيانا

واحد من الصومالية اللي يغسلون سيارة أخوي يشجع الإتيحاد مره قال لي أنه دائماً يذهب مبكراً إلى الملعب أيام مباريات الاتحاد ويرابط في الموقع عشان لا يضيع المكان عليه

وعندما سألته عن جمهور الاتحاد اللي يجلسون ساعات طويلة في الملعب كيف يقضون حاجتهم البيولوجية ( الله يعزك ) قال بأنهم يأخذون قوارير موية صحة معهم عوضاً عن الذهاب إلى دورة المياه ونت بكرامة

هي سالفة مقرفة وآسف إني أذكرها ولكن تبين لك كيف أنهم مخلصين للاتيهاد مو مثلكم عشان شاهي تتركون الحضور للملعب

شكراً اخوي ولا تزعل من المزح

إقتباس الرسالة الأصلية كتبت بواسطة صاحب الذوق ياهلا بزعيم اسياء بشرقيه جماهيره ماتقصر وه بس قال برد

صاحب الذوق كيف حالك صباح الخير

لا وحسن كراني يقول هطلت الثلوج على ملعب الملز ودرجة الحرارة وصلت إلى الصفر المُطلق ( 273 تحت الصفر ) عشان كذا جمهور الرياض بردان وما حضر الملعب

إقتباس الرسالة الأصلية كتبت بواسطة abu_david كلامك صحيح وعجبني تعليقك (اعتبر أنك رحت مطعم فول وطلبت قلابة عشان تسطل كم ساعة) عموما ان شاء الله اللي ما يبغى يروح الملعب على الأقل لا يقدم اعذار عشان لا يثبط همة غيره اللي يبغى يروح..

هذه هي المُشكلة والله في اللي يخترعون أعذار جديدة شفت كيف إنهم فرحوا بموضوع محمد الهلالي وطاروا فيه وكأن الهلال هذا هو اللي ناقصه هذه الأيام بأنهم يحصلون عذر عشان ما يحضرون

مع أن حكاية التلطيش من الأمن هذه أول مرة نسمعها والدليل دور في المواضيع القديمة في المنتدى ما تحصل أي أحد جاب طاريها إلا اليوم من أبو الشباب اللي اسمه محمد الهلالي !!

اخخخخخخ بس لو جمهوووووووووور الرياض زيك تحصل الملعب مليان
الله يوفك في اختباراتك بس عساك حليت في الاختبار

إقتباس الرسالة الأصلية كتبت بواسطة هتلر اخخخخخخ بس لو جمهوووووووووور الرياض زيك تحصل الملعب مليان الله يوفك في اختباراتك بس عساك حليت في الاختبار

ما عليك يا الفوهرر ( هذا لقب هتلر ) حليت تمام لأني أذاكر طول السنة مو مثل جمهور الرياض ما يذاكر إلا في يوم مباراة الهلال

يرجال كل يوم طالعين لهم بعذر

اللي يقهرك بربرتهم الزايدة على اللاعبين بالمنتدى كل مين مسوي ناقد على غفلة