حسب تعليقك على بعض الردود او الرد السيء .. انا اقول لك المنتدى مليء ومليء جدا بالاطفال والمراهقين والسذج .. اضافه بأن ألسنه بعضهم تفتقد لأبجديات التربيه ..!!!
لذلك لأتستغربي وجود تلك العينات فأنتي في المجتمع السعودي ..!!
اما تعليقك على موضوع نامي ..
انا هاللاعب مادري هل في قراره نفسه يعتقد انه فعلا لاعب ..!!! وينتمي لاحد اكبر الانديه ..!!
لاعب يفتقد لتثبيت الكره الصحيح .. يفتقد للتمرير الصحيح .. يفتقد للسرعه الي على اصول .. وللأسف خوينا في الله ينطلق وينطلق وفجأه نلاقيه انحرف وطلع برا الملعب وصارت الهجمه رميه جانبيه للفريق الآخر ..!!
وزيه زي المبارك وربي هالاثنين يجب ابعادهم من الهلال ..!!
اضيف شغله في اعتقادي انها مهمه ..
افتقاد الهلال للمهاجم الصريح .. وافتقاد الهلال لصانع اللعب علما باني فرحت لعوده الشلهوب لمستواه ..!! وايضا افتقاد الهلال للظهير الايمن ..!!
وانا متيقن كامل اليقين .. ان الهلال ماراح يحلم بأي بطوله هالموسم الا اذا رجع التايب .. ورجع الصويلح ..