إقتباس الرسالة الأصلية كتبت بواسطة مجنون تـوتـي هذا الي خلا العزوف الجماهيري يقل في الأونه الاخيره ، وانا اولهم ماعاد رحت الملعب بسبب هذي الاشكاليه ، ياخي اجلس اربع ساعات او ثلاث بدون مويه او اكل او ببسي ، ادخل الملعب لا شال ولا علم ازرق والله محد يعرف انا مشجع هلالي ولا من الخصم ، حتى الصلاه اذا كانت مباراه كبيره وجماهيريه يسكرون الابواب والي يطلع ماراح يدخل ثاني مره ، ياخي اهم شي ارضي ربي ثم يحلها ربي ، خل الي يتكلمون ع جمهور الرياض يعرفون الحقائق ويعرفون ان سبب عدم الحضور بسبب رجال الامن ، وسببب اداره الملاعب ، تحياتي يا بطل ،

مشكور عالمرور ووالاضافه والكلام الحلو بس يضيق الصدر

مباراه الهلال والاتحاد ( نهائي باكيتا فوز الاتحاد فالاستاد ) حاضر من 4 العصر وفالواجه يوم دخلوقت صلاه العشاء رحت اصلي وسكرو الابواب قال العسكري خلاص فل قلت مكاني هنا اصلا رحت اصلي والله ثم والله اني جلست فالدور الثاني مع جمهور الاتحاد اول 6 دقايق ما شفتها

لاهنت ويعطيك العافيه

المفروض يكون في اعلان او تنبيه في الجرايد عن الممنوع والمسموح في المباريات

عساكر متخلفين

مابقى إلا يقولون ارجع لبيتك

ياخي كأنك داخل بيته حسبي الله عليهم اتوقع بعدين يمنعون جوال الكاميرا بعد
لاتستغرب هذي الدلاخه وماتسوي

يازين ملاعب الهند وباكستان عند ملاعبنا

طيب الحين وشوله آخذينهن لايكون يخافون واحد يخنق الثاني بالشال

يااخي والله لو يسون مايسون


الهلال كبير ومهما صلحو ماراح يأثر بمكانة الزعيم وجمهورهـ


وبالعكس انا كل مالقيت مضايقات كل مازاد حبي للزعيم

ويـــــــــــقولون لــيش الجمهور مايحضر
انظمتهم بجد باايخه وش ذا !!!
الله يعينكم ..وان شالله بس مايكون هالنظام بس ع الهلاليين

لآهـ عآد ؟؟
من جد ؟؟
يبيعُوهآ برّـآ
ويآخذوهآ جوآ ؟؟
بلآهـهـ هيـآ ولآ كيف ؟؟
من جد نَـآس غريبيـن ~
شُُوف تبغى الحل الصّح ..
ومدآمك رآيح رآيح تكلّم الآدآرَة ..
خخخخ
قولهم بعد آذنكَم ..
حطّوـآ مكآن للحريـم ..
وقصصصم مآنسوي آزعآج ..
ربع مدرج من آليمين ..
وربع مدرج من اليسَـآر
خخخخ ~

تقبل مروري

إقتباس الرسالة الأصلية كتبت بواسطة T U R K I _ 15 سلام عليكم والرحمه والبركه .. مساء الخير او صباح الخير .. هادرلك الخساره ومعوضين بالدوري ان شاء الله .. والحمد لله على كل حال وان شاء الله انها خيره .. المباراه انتهت بخيرها وشرها واللاعبين ما قصرو .. انا واوعوذ من كلمه انا رحت للملعب بعد صلاه المغرب قصيت التذكره وصلت لعند العساكر واشوف الحاجز الاسود مغطى بالازرق بكثره الشالات عليه قلت لا يكون العساكر يبيعون الشالات بدال الباكستانيه خخخخخخخخخ وحاط الشال على رقبتي وقربت للعسكري قال نزل الشال قلت انتم تبيعون ولا تسحبون الشالات قال اخلص نزل الشال قلت بس سم . تبي الجكيت قال امش ولا يكثر قلت مكتوب العقل السليم في تشجيع الزعيم ما فيه سب ولا شتم قال الكتابه ممنوعه لازم ساده .. قال اخلص ادخل ولا الجيب ينتظرك الشكوى لله عطيته الشال ودخلت .. وهذي صوره الشالات .. هذي قبل المباراه بساعتين تقريبا .. والله العظيم اشوف ناس راجعه لسياره يحطون الشالات في مواترهم . ما بقى الا يشيلون الكراسي ويحطون تراب ( بوجه العدو ) ويخلونها مثل مباريات الحواري ويخلونا نناظر المباراه وحنا واقفين والله لازم حل مويه ممنوع .. الفصفص حطه بجيبك .. اللي لابس بنطلون كيف بيحط الفصفص كل شي ممنووووووووووع .. تكفون يا اداره النادي شوفوا حل

يااااااااخي كل الملاآآآآآآآآآعب لك عليييييييها

واللهـ حتى إستاد الملك معهم بعد

!!!!!!!!!!!!!!!!!!!!!!!!!!!!!!!!!!

اخوي هذا مهب سبب انك ما تحضر عشان شال ...

بس ليش ممنوع .؟ هنا السؤال

يا اخي الواحد مهو مجبور انه ينهان

يا اخي لا تروح الملعب وريح نفسك


الا اذا جابو شركه امنيه خاصه في الملاعب مو شلة عسكر حنسات مغصوب انه يحرس وتلقاه يفضي حرته فيك ونت مالك ذنب

طيب ليش ماتصدر لائحة من الاتحاد ابو خطط علمية مدروسة : توضح وش الممنوع والغير ممنوع

وتكون موجودة في مدخل الملعب

حنا شعب نفتقد لأبسط اساسيات التنظيم والتنسيق

بعدين النقطة الثانية زي ماذكروا الأخوان ان التشديد هذا بس على جماهير الهلال

هذه معاك حق
صارت معي
في مباراه الهلال والأهلي
دخلت عليه شفت أغلبها
شالات الهلال
بس ماأدري إلى متى على هذا الحال

إقتباس الرسالة الأصلية كتبت بواسطة abohamad55 يا اخي الواحد مهو مجبور انه ينهان يا اخي لا تروح الملعب وريح نفسك الا اذا جابو شركه امنيه خاصه في الملاعب مو شلة عسكر حنسات مغصوب انه يحرس وتلقاه يفضي حرته فيك ونت مالك ذنب

بالله اجل اجلس بالبيت احسن

كل يوم كذا معاملتهم بس وش اسوي احب الملعب

بس هالمره منيب رايح عقب مباراه الاخيره