السلام عليكم
اخباركم يا زعماء..
انا ملاحظ حاجه وهي للأسف تعبتر ظاهره بملاعبنا.
الجماهير تشجع وقت الهدف,يعني تسجل هدف تسمع كلمتين وبعدين يسكتون.
واذا صاارت على النادي هجمه كلهم سكتو,واذا تأخر النادي بهدف نصهم يطلعون من الملعب.
ياخي شارك النادي بالزينه والشينه,مو بس معاه اذا جاب بطوله واذا ما جاب الله لا يرده ماني فاضي.
مع العلم ان النادي يكون بأمس الحاجه للجمهور اذا كان خسران,لان الي فيه مكفيه فيقوم الجمهور يسكت,ويتكلم جمهور الخصم وتصير المباراه بأيديهم الى النهاية.
فلو لاحظت انه نسبة كبيرة من المباريات يفوز فيها الي يسجل أول.
انا اتمنى من كل قلبي-طبعا اتكلم عن الهلال-ان الجماهير توعى شوي..
وانا عندي عتب على جماهير الرياض الي بصراحه ما تحضر بكثرة بالملاعب,يعني لو واجهت طفل او شخص جديد
على الميول الرياضي,هو اكيد راح يحتار من يشجع,فلو شاف الجماهير الاتحاديه او الاهلاويه او النصراويه او غيرها اكثر
من الهلاليه يعتقد ان مشجعين الاتحاد اكثر من مشجعي الهلال,ولو قلت له لا يقول اثبت لي.
صدقوني لو قدرنا نسوي الي قلت لكم عليه لتغير الوضع تماما.
وأعتقد ان ما احد له حق انه ينتقد ويناقش عن الزعيم اذا كان يقدر يحضر المباريات بالملعب وما يحضر.
بانتظار ردودكم وتعليقاتكم.
عيب الجمهور السعودي(صدق ماله داعي يحضر مباراة) 
الوضع المتطور
