هذه تجربتي في الحياة !!! ما رأيكم؟؟؟؟؟ - نادي الهلال السعودي - شبكة الزعيم

الـمـشـاغـب · #1 03/02/2009, 08:33 PM

ما شاء الله عليك يا أستاذة ضحى على أفكارك المميزة

هلالي من .. إلخ

ومواصل من .. إلخ

ما شاء الله عليكم .. الله يجزاكم خير على الفزعات وهذا من طيب أصلكم

بالنسبة لي .. ما تحضرني مواقف تجمّلني حالياً لكن طرى علي موقف لعانة واستفدت منه

قبل سنوات في أول سنة جامعية ( الأوريا ) يعني لما كنت بزر في سن القيصر رهيب وسكب الهلال ووليد القحطاني وبقية أطفالنا الغالين في المجلس

كنت ساكن في ( اللاينات ) وكان التلفون مشترك .. رحت أبتصل منه وأدق على رقم بالدمام لكنه ما رد علي ..!
المهم لفت انتباهي رقم حجز رحلة إلى جدة

( كانت فيه اجازة ذيك الفترة بعد كم يوم )
طبعاً كنت طفشان .. دقيت على الحجز أبي أشوف هالحجز وين ومتى

دخلت رقم الحجز وعطاني تفاصيله ..! شيطاني كان طفشان برضه فأشار علي أضغط على الغاء الحجز

فعلاً ما خيبت ظن أبو بلس وألغيت الحجز ورجعت لغرفتي منتشياً بنذالتي

بعدها بفترة صحى ضميري وبدأ يأنبني

تخيلت أخونا في الله متحمس للسفر ورايح للمطار بعد ما جهز شنطته وودع أصحابه ورايح يشوف أهله بعد غربة , ولما يوصل المطار يبي يقص التذكرة يقولون له ما فيه حجز مؤكد .. ويرجع للجامعة خايب منكسر الخاطر

حاولت أني أتناسى هالموقف لكني والله ما قدرت .. وكل ما تذكرته يتقطع قلبي لما أتخيله يدعي على اللي كان السبب ويلعني

<< وشوله القلب؟ مدري

أنا وش استفدت؟؟!! صح حسيت بلذة وشعور حلو لما ألغيت الحجز وكسرت الملل لكن بالأخير ندمت

الله يغفر لي ويريح ضميري ( الحي )

بعد هالموقف خلاص .. تبت من النذالة واللعانة واعتزلتها إلى غير رجعة

الصدق .. هو مو تركتها تركتها .. يعني تركتها إلا شوي

.. أحياناً تجي شطحات نذالة ولعانة بس ما تاصل لدرجة النذالة اللي فوق

وإن شاء الله إذا تذكرت مواقف استفدت منها وغيرت فيني راح أذكرها

شكراً لك أستاذة ضحى

~SaKaB · #2 03/02/2009, 10:31 PM

إقتباس

الرسالة الأصلية كتبت بواسطة الـمـشـاغـب


	قبل سنوات في أول سنة جامعية ( الأوريا ) يعني لما كنت بزر في سن القيصر رهيب وسكب الهلال ووليد القحطاني وبقية أطفالنا الغالين في المجلس كنت ساكن في ( اللاينات ) وكان التلفون مشترك .. رحت أبتصل منه وأدق على رقم بالدمام لكنه ما رد علي ..!

وأنا أقول وش ذي الحكّة في إذني

أثاري فيه حشّة محترمة

سلطان .. لا تقولي إنك سكنت في الاسطبلات

يا قدييييييييييم

وبعدين وش ذي النذالة !! الله لا يرجك

.........

بالنسبة لموضوعك أختي الضحى

في ميجر الماث الثاني .. ما ذاكرت زين ..
فحصدت نتيجة , أقل بـ كم درجة عن الأول .. ثم خفت !

فتعلمت إني لقد سوف أذاكر للمياجر ..

الحق إن خبرة الشخص وتجربته تبان في وقت الأزمات ..
وإن شاء الله أول ما يجي ببالي موقف أجي وأفيدكم .. <<< طيب يا مشقاص

عوافي يالضحى

القيصر رهيب · #3 03/02/2009, 10:47 PM

إقتباس

الرسالة الأصلية كتبت بواسطة الـمـشـاغـب


	قبل سنوات في أول سنة جامعية ( الأوريا ) يعني لما كنت بزر في سن القيصر رهيب وسكب الهلال ووليد القحطاني وبقية أطفالنا الغالين في المجلس

أ. أتمنى موضوعكـ القادم يكون دروس في تبادل الاحترام بين شباب الامه و عمادها ومستقبلها القادم الذي سيرتقي بها و بين الاخوه الشياب اللي راحت عليهم خلاص و لا يشكلون اي اهميه للمجتمع

والله من جد لازم يتعلم يحترمنا هالمنيب قايل

هلالي من ارض اليمن
مواصل من 1413هـ

الحقيقة استفدنا من مواقفكم

المشاغب موقفك بايخ ولا استفدنا منه ولا الضعوي

الضحى · #4 05/02/2009, 02:43 AM

إقتباس

الرسالة الأصلية كتبت بواسطة الـمـشـاغـب


	[COLOR=dimgray]ما شاء الله عليك يا أستاذة ضحى على أفكارك المميزة :COLOR] بعد هالموقف خلاص .. تبت من النذالة واللعانة واعتزلتها إلى غير رجعة الصدق .. هو مو تركتها تركتها .. يعني تركتها إلا شوي .. أحياناً تجي شطحات نذالة ولعانة بس ما تاصل لدرجة النذالة اللي فوق وإن شاء الله إذا تذكرت مواقف استفدت منها وغيرت فيني راح أذكرها شكراً لك أستاذة ضحى

[SIZE="4"]

الشكر لك للمرور ...و أنت المميز لولا هذا الموقف المحزن (لن أقول نذل)

ورجاءً تترك هذه الحركات ترى خف الدم ممكن يصير بمواقف لطيفة خفيفة دون أن تسبب ألم لأحد .

أنا ماأتخيل أن المسلم يضر أخيه المسلم أبداً أبداً

الله يحفظك وتبشرنا أنك تركت هذه المقالب القوية .

[/SIZE
]