بـثوب دوبليـن.. وغتـرة ملمـل.. وشطفـه.. ( بترجع ذيك الايام ياهلال ) - صفحة رقم 2 - نادي الهلال السعودي - شبكة الزعيم

س ا م 9 · #16 02/02/2009, 07:21 PM

الله ع ايام زمان كانو يشجعون م قلب لكن يبيضونه الجماهير لكن إذا ماحضروا

معهم عذر الاختبارات لكن بكرا نشوف حضور يشرف الزعيم

لين شيخه الزين · #17 02/02/2009, 07:33 PM

وأنت صادق أخوي الجمهور في هـ الوقت جمهور نبي هـ الاعب وهــ الاعب مانبيه ولعب فلان ولا تلعب فلان والفريق مايشجع

ولاجيت تدورهم في الملعب مالقيتهم

B A R H O OM · #18 02/02/2009, 07:44 PM

يااخي والله اني متابع مواضيعك هنا وبالمجلس

مشاء الله علييييييييك

مشكوور بالتوفيق لك

هلالي شقردي · #19 02/02/2009, 07:52 PM

الله يالصخرة هذا اول نهائي حضرته بحياتي

كان عمري 10 سنوات ورحت مع الوالد الله يطول عمره

مع العلم ان الوالد شبابي ومهو متعلق بالكورة

بس حاولت معاه الين وافق ويوم رحنا الله لا يوريك

زحمة ومطر شديد وعاصفة والوالد يحاول فيني خلنا

نطلع ونكمل المباراة عند عمي ( عم الوالد بيته عند الملعب )

وانا معيي يحاول فيني ويهددني يمشي للدرج وانا مطنش

ويرحمني ويرجع مرة ثانية ياولد قم وانا مطنش الين انتهت المباراة

وطلعت من الملعب وانا الارض ميب شايلتني ابي المدرسة بس

عشان اقول لزملاء الدراسة عن قصتي مع معشوقي الهلال

Fahad Al Sudais · #20 02/02/2009, 08:34 PM

إقتباس

الرسالة الأصلية كتبت بواسطة عاشق البطل


	هههههههههههههههههههه الف شكر لك على الموضوع يالصخرة يا الشايب تصدق في ذيك السنة باقي ما انولدت ههههههه <<<<<<<< صغير من 1407هـ لكن اهم شي لحقت على الثنيان ^_^ دمت بود

نصاب وشلون صغير وتاريخ تسجيلك بالمنتدى 2002

<< اوووم الذكاء ياشيخ

Fahad Al Sudais · #21 02/02/2009, 08:36 PM

إقتباس

الرسالة الأصلية كتبت بواسطة البندري بنت خالد


	ان شاء الله بكره جمهور الزعيم راح يهز استاد الملك فهد هز ,,,

ياليت والله... ياليت

الف شكر اختي على مرورك

معك قلباوقالباياهلال · #22 02/02/2009, 08:38 PM

ههههههههههههههه والله انك فله انت وابوك هع

وبصراحة مافي مقارنه بين ايام زمان والحين لكن إنشاء الله ترجع مع الايام

لك خالص الود ع الموضوع المميز

T U R K I _ 15 · #23 02/02/2009, 08:45 PM

لا يكثر بس

جمهور منول 5 ريال دخول الملاعب الحين 20 ريال <<<< يقاله حجرلك

ما عندهم منتدى او مكان او مساحه ينتقدون فيها واعلام مثل اعلامنا هاليوم الحين الجمهور اصبح واعي ومثقف بدرجه انك تكتب موضوع مثل هذا

رح للمعيقليه واشتر درزن زين

وش دخلنا فيك

بتروح باكر انا بروح باتسر

لا تقعد تزعجنا مستانس انك كبير يعني

رح الله لا يحفظك ياجروج بن بوش

~أمير الذوق~ · #24 02/02/2009, 08:47 PM

اخوي فهد اشكرك على هالأسلوب الرشيق في كتاباتك000

وبصراحه انت من القله القليلة اللي احرص اشد الحرص على متابعة مواضيعهم000

لأنك ماشاء الله توصّل الفكره بسرعة وبدون تعقيد000

باختصااار

(انت مبـــــــــدع)000

وانا أؤيد كل حرف قلته بموضوعك000

للأسف بهالوقت بعض الجماهير صايرين(يتمننون) حتى بالجيه للملعب

ولا بعد عقب المباراة يقعد ثلاث أيام متحسف انه راح

ومايبقى احد بالدنيا مايعلمه انه راح للملعب000

ياخي تحس انه من القهر وده يتشعمط

( ينط/لغير الناطقين باللهجه القصيميه )ويدخل بيت الرئيس عشان ياخذ

منه العشرين ريال اللي خسرهن من" حر ماله "000

ودايم ماتلقى على لسانه إلا العذاريب000

[اللاعب الفلاني فاااشل ليش اليوم مايسجل هدف << احد قايل لك انه جايك الكابتن رابح

]

و [رئيس الرابطة قديمه كل أغانيه << على باله رايح مهرجان أبها الرجال

]

و....و......و............إلخ الأعذار اللي ماتودي ولا تجيب....

وسبحان الله لاصارت الدعوى تميلح أعلن انه عااااشق للنادي" منذو "الطفوله

وانه مثال للمشجع الوفي اللي اصبح عمله نادرة بهالوقت....!!!!!!!

شاكر لك يابو فهيد هالإبداع000

وصدق احلى شي إبداع

القصماااان

وانت اكبر دليل<< اشتغل التحيز

اخــــوك000

(قصيمي&&رايداوي)

Fahad Al Sudais · #25 02/02/2009, 08:55 PM

إقتباس

الرسالة الأصلية كتبت بواسطة estree7


	يارجال وش تقول وش تخلي جماهير الحين يبي لها إعادة تأهيل انت قلت الشاهي وقلت الماسنجر غيرك يقول مافي كراسي والي يجيك يقول في مدخنين ويحشرونا يقالك جماهير اول مايدخنون ابو بس ولا العسكري مايتعامل معنا زي الناس ولا الي يقولك عندي ضروف وكأن كل الهلالين عندهم ضروف ما أقول إلا الله يهديكم ياجمهور الزعيم ويخليكم لهلالكم

تبي الصراحة

تحس الاغلبية ينكشون الاعذار بعود المنقاش حق الاسنان

اعذار مالها اول ولا لها تالي

لكن الله كريم

السراب الازرق<20> · #26 02/02/2009, 09:05 PM

مشكوووور

واقول يجيب الله مطر اما انا من صحيت على الدنيا وبديت افهم اعتزل الثنيان

بس انا عهد سامي ويااسر والقادم احلى

[الزعيم 2008] · #27 02/02/2009, 09:08 PM

ياسلااااااااااام عليك يالصخرة كلام رائع ومميز

بس تصدق إني ميت من الضحك اللع عليك وعلى إسلوبك الرائع

وإن شاء الله الزعماء يبيضون الوجه بكرة والحضور بكثافة

وعن جمهور الماضي صدقت كلام حقيقة وواقع يعشقون الزعيم بجنون

وعن جمهور الحاضر فيهم إختلاف في كل شيء في المنتديات وفي المدرجات وفي الفريق المنافس

البعض مايحضر إلا المباريات القوية فقط مثلاً مع الاتحاد والنهائي فقط والديربي

وجمهور الماضي يحضر المباراة مع أي فريق كانت حتى لو من الدرجة الثالثة لانه يعشق نادي الهلال بجنون

وليس يعشقه عشان لاعب مايلعب ماني حاضر للمعلب الله يصلحهم بس ويهديهم

لكن الزعماء قدها وقدود إن شاء الله وفيهم الخير والبركة وبالتوفيق للزعيم ...

يعطيك العافية يالغالي ألف شكر لك على مواضيع التي تبث روح الحماس ..