إقتباس الرسالة الأصلية كتبت بواسطة اكـــــه هههههههههههههههههههههه فقراوي قاعد يأكد كلامي عن المندسين اللي ينطون في مواضيع تخص سامي . ايها الكذاب الاشر وش دراك انه يحب يوسف لا يكون هو انت ولا تدقون على بعض ولا واحد يثبت والثاني يشوت طيب هو ذكر في رده ان يوسف والدعيع والنعيمه اساطير ليش حذفت هذولا كلهم وخليت يوسف يافتان ترى الفتنه من طبع الحريم انتم يافقراويه لكم نغمه من كم شهر تسبون سامي واذا قلنا لكم مندسين قلتوا لا حنا من عشاق يوسف تبون تخلون جمهور الهلال حزبين مثل فقركم ممدوحي ووليدي بس بدري عليك تبطي وانت حفاظه وبعدين وش جاب المقارنات ليش انت تحس ان ماجد عنده نقص في مهاراته وجاي تدهن له هنا طيب سؤال كم هدف سجل الابن العاق للسودان من خارج منطقة الجزاء ؟؟ ترى هذا غيض من فيض من الاسئله اللي بتحرج اسطورة الملاعب الترابيه الثاني ماجد لان اسطورة الملاعب الترابيه الاول هو سعيد غراب هذا شهاده لله ترى انا مااحب التزوير وبعدين اقتنعت في سامي ولا مااقتنعت فيه مايهمني ملطومه لان سامي عندي مثل النهار مايحتاج دليل .. اخيرا اقول وربي لو كنت هلالي صميم كان زعلت واخذتك الغيره والحميه ودافعت عن اخلاق مشرف فريقك اللي استبيحت .

اخوي لاتعب نفسك تتكلم مع نصراوي انت تنفخ بقربه مشقوقه !!

إقتباس الرسالة الأصلية كتبت بواسطة هلالي 1977 لا اسطورة ولا شي يا نصراوي اذا لك عيون شف كيف يلعب ماجد وكيف يلعب سامي سامي يلعب بكل الاماكن تشاهده دفاع وتشاهده ظهير وتشاهده مهاجم وصانع لعب تمريراته بدري على ماجدك يسوي زيها وانا اعرف كورة واعرف صعوبة اتقان التمريرات سامي مهاراته الفردية عالية ويا ما سحب دفاع باكمله على عيونهم سامي لا حظ اذا جات معاه الكورة كيف يرفع رأسه فلا يحتاج ان ينزل راسه ليتابع الكرة سامي يلعب بعقله قبل رجله يسجل اهداف من بعيد ولنا في هدفه على الشباب خير مثال دوري عام 1418 هـ سامي لاعب مثقف ومتحدث لبق ويتكلم عدة لغات وهذا نادر في الرياضة السعودية المشجعين برا المملكة ينصفونه فهل تريدنا الا ننصفه !! من جد وش ذا !!!!

سبحان اللي اعطاك حسن الكلام والتقافه العاليه ما شاء الله عليك

تبي تحسم المقارنه مع اسطورة الملاعب الترابيه
بسيطه
اولا سامي يخدم الفريق ومايلعب لنفسه بعد ان يحرث الملعب طولا وعرضا
ثانيا سامي متعدد المواهب اضافه للتهديف عنده موهبة صناعة اللعب ((انت وضميرك))

ثالثا شوف نوعية الاهداف واحكم
سامي سجل من وضعية التسحيب والكعب والدبل والمقص واللب
والتسديد والفاولات والراس والله اهداف ماتمل وانت تشوفها
لانها سيمفونيه ولذيذه ودك تأكلها
<<< جيعان ماتغدا

http://www.alhilalclub.com/vb/showthread.php?t=182218

بعد اذن الجميع لكل من قلل شوفو الفرق بين الموضعين هنا بعض الناس تقارن وتقلل وهناك الجميع يتفق ويبدء وجهة نضره بااحترام كبير اتمنى تقليص عدد المندسين ونتعلم من الغير

إقتباس الرسالة الأصلية كتبت بواسطة مجنون الفريدي اخوي الاجابه بسيطه جدا لانه حطم جميع الارقام التي حققه نجمهم من يوم ماطلع واخذ الهداف 1410 ووصفوه بمريض القلب الى يومك وهم يقللون من سامي ومن انجازات سامي واي نكسه يتحملها سامي والانجاز للمجموعه مع العلم ان سامي حقق المستحيل بالتاهل اربع مرات للمونديال ورحل سامي وشاهد حال المنتخب بالتصفيات راح تعرف مدى تأثير غياب سامي ولايهمك بعض المندسين الي سياستهم معاهم معاهم وعليهم عليهم وتبي تعرف الفرق بين المنتديات وجمهور الهلال رح للملعب تسمع بالشرقيه حضرت واخذ سامي نصيب الاعلى من الهتفات بأسمه ذهبت للقصيم مبارة الرائد جنون الجمهور اكثر لاعب ذكرو اسمه سامي وفي ديرتي الرياض حضرت مبارة الوطني وجابت شاشة العرض صورة سامي الجمهور كله يردد سامي سامي هنا الفرق بين اطفال المنتديات والمندسين وبين جمهور الزعيم الشامخ

يسلم بؤك حبيبي

كلامك على المتمه
هالفقراويه عندهم سامي مذنب ماله توبه
وبعدين كل ماقلنا لهم سامي انجازاته اكثر من انجازات فقركم
قالوا الكوره جماعيه واذا خسرنا بطوله قالوا كلها من سامي
طيب ليه يابزر توك تقول الكوره جماعيه قمة التناقض
ذبحهم الحقد على سامي
على فكره اخوي ترى الحقد طبيا مضر بجهاز المناعه
ولو تلاحظ كل ما جانا البرد اول ماتصيدهم الانفلونزا هم الفقراويه هههههههههههههههههههههههههههههه

إقتباس الرسالة الأصلية كتبت بواسطة مجنون الفريدي http://www.alhilalclub.com/vb/showthread.php?t=182218 بعد اذن الجميع لكل من قلل شوفو الفرق بين الموضعين هنا بعض الناس تقارن وتقلل وهناك الجميع يتفق ويبدء وجهة نضره بااحترام كبير اتمنى تقليص عدد المندسين ونتعلم من الغير

تم حفظ الرابط بارك الله فيك يازعيم

هم كذا الفقراويه اذا ماتعاقدوا مع اللاعب اللي يحلمون فيه ويتمنونه
يقللون منه
مثل ماحصل مع سامي لما قالوا عنه مريض القلب
واذكرك بيتكرر هالتقليل اذا خسروا المحياني

دمت بود عن اذنك
وراجع ان شاء الله اذا جد جديد..

فـى البـدايـه اشكر كاتب الموضوع على هالموضوع ومن جد سامي يلعب فى اكثر من مكان وممكن يسد خانات كثيره


بصراحه جلست اقرى رودو الاخوان وسمح لي اني اتدخل بمى ان الموضوع فيه حرية الرأي يمكن انت اعتراضك كان انه ليه يكتبون اسم ماجد فى منتدى الهلال وفى موضوع يتكلم عن سامي الجابر بس ابى اقولك شي ياخوي ترى لو نروح لأبوعبدالله بنفسه ونتناقش معه ماضايق وكبر الموضوع واعطاه اكبر من حجمه بهالطريقه خلهم يقولون رائيهم وبكيفهم


وشي ثاني معليش كلنا هلاليه اوك بس بـصراحـه لاحظت كلمة مندس تنقال مثل السلام عليكم يمكن تقولها لواحد يشجع الهلال قبل لاتولد انت والكلام مو موجهه لكاتب الموضوع لا وربي الكلام عام يعني احنا ماندري على النيات وماندري مين المندس من غيره ولازم نتعلم نسمع للكل مثل مانبى الكل يسمع لنا الهلال ماصار زعيم على الانديه الى لانه يحترم كل فريق يقابله بعدين يفرض فنه فى الملعب اتمنـى ان وجهة نـظري وصـلت


واما مـن ناحية الاساطير اذا كنت تبى اساطير الهلال النعيمه والدعيع والثنيان وسامي

واذا فى المملكه العربيه السعوديه ماراح اقول لاني ملاحظ فى حساسيه لكاتب الموضوع ولازم على احترم موضوع


ان كان ماقلت صواب فمن الله وأن كان خطا فمني ومن الشيطان


وأتمنى بعد مايطلع لي واحد يقولي انت مندس ؟؟



مـحـمـد الهـلالــي

ادخل منتدى النصر وشف التحريف

لو يملك يوسف ربع ذكاء سامي كان أصبح أسطورة العالم في نظرنا ..
لكـن ..!

لك الله يا يوسـف

اي والله سامي هداف وصانع العاب

وكل شيء



فعلا اسطووووووووووووووووووورة , ,

إقتباس وعلى فكره حتى سامي سبب مشاكل واخرها طيارة طشقند وتلفظه على بلاتشي ومشكلته مع المدرب في المباراة ضد الاتفاق ولكن يبقى لاعب كبير..

مشكلة سامي انه اللاعب الوحيد في العالم الي حورب حتى من جماهير ناديه

تخيلو ياساده انه حورب حتى من جماهير الهلال..!

وتاءكد ان اي شخص يميل الي لاعب معين في الهلال سواء الثنيان او غيره

ان لم يكن منصفاً وواقعياً دون ادنى شك سيحارب سامي

لاءنه يرى في قرارة نفسه ان نجمه المفضل كان اولى بهذه الهاله الاعلاميه والشهره الواسعه من الجابر


خلاصة القول........


سامي اسطورة الكره السعوديه الاول


بالارقام والانجازات بعيداً عن الاهواء والعواطف

ومن يقول غير ذلك فلياتي بارقامه وندع لغة الارقام تتحدث


لنعرف الحقيقه


شخصياً كنت ضد الاستفتاء الاخير وخصوصا النقطه التي تتحدث عن اللاعب المفضل في تاريخ الهلال

ووعارضني الكثير..
اليوم اقول لهم ان المشادات الكلاميه التي تحدث بين الفينه والاخرى بين جمهور اللاعبين

هي احد بركات ذلك الاستفتاء

سامي الاسطور التي لاتنسى الله يوفقك يابوعبدالله

كلمه اخيره للمشرفين:

لاحظنا في الاونه الاخيره هناك مواضيع تحذف بسبب بعض الردود

ويعاقب كاتب الموضوع بذنب غيره وهذا مايتمناه البعض الاخر

وخصوصاً في المواضيع التي تخص الاسطوره السعوديه سامي الجابر

فتجد هناك اشخاص يتحدثون بالمستحيل ويثيرون الفتن

وهدفهم هو حذف الموضوع ويتحقق لهم ذلك دائماً


اتمنى ان ينتبه الاخوان في الاشراف الى هذه النقطه اللمهمه

انت قلت سامي ..
وش خلييييييييييييييييييييييييت؟؟ آاااااااااااااااه يا سامي

إقتباس الرسالة الأصلية كتبت بواسطة مغرور بس معذور<9> مشكلة سامي انه اللاعب الوحيد في العالم الي حورب حتى من جماهير ناديه تخيلو ياساده انه حورب حتى من جماهير الهلال..! وتاءكد ان اي شخص يميل الي لاعب معين في الهلال سواء الثنيان او غيره ان لم يكن منصفاً وواقعياً دون ادنى شك سيحارب سامي لاءنه يرى في قرارة نفسه ان نجمه المفضل كان اولى بهذه الهاله الاعلاميه والشهره الواسعه من الجابر خلاصة القول........ سامي اسطورة الكره السعوديه الاول بالارقام والانجازات بعيداً عن الاهواء والعواطف ومن يقول غير ذلك فلياتي بارقامه وندع لغة الارقام تتحدث لنعرف الحقيقه شخصياً كنت ضد الاستفتاء الاخير وخصوصا النقطه التي تتحدث عن اللاعب المفضل في تاريخ الهلال ووعارضني الكثير.. اليوم اقول لهم ان المشادات الكلاميه التي تحدث بين الفينه والاخرى بين جمهور اللاعبين هي احد بركات ذلك الاستفتاء

اخوي كلامك الاخير رائع اما كلامك الاول
بخصوص محاربة سامي من قبل بعض جمهور الهلال
فأسمح لي انت مخطئ لايوجد هلالي الا ويعتبر سامي ويوسف
مثل عيونه لانهم هم اللي حققوا اغلب انجازات الهلال
وترى خطة الفقراويه الجديده في منتدانا هي
حش في سامي وامدح يوسف يبون جماهيرنا تتناطح
لكن الهلالي الذكي هو اللي يعرف ان هالاسطورتين خطوط حمر بالنسبه له
الله يرد كيد اهل الفتن واهل التشتيت في نحورهم ,,

إقتباس الرسالة الأصلية كتبت بواسطة عـ 15 الثنيان ـاشق ايه ادري انه مر عليه اساطير وهم صالح النعيمة و يوسف الثنيان و محمد الدعيع هذا الي اذكرهم