السلام عليكم ورحمة الله وبركاته

مســــــاء/صبـــــــــاح الخير


انا احترت في كتابة هذا الموضوع

فقلت استنى لما يجي الموسم حقه

حتى يكون واضح معكو

مثل ما تعرفوا

ان اغلب الشباب الله يهدينا وياهم

ما يدل طريق المسجد الا وقت الاختبارات

الحمد لله ماتفوتني ولا صلاه وان شا الله انتو مثلي

انا من سكان حي جديد

والمسجد تو منبني

يعني دايم الصف الاول ما يكمل الا لما يكون في عمال يشتغلو

لكن ما شاء الله من بداية هذا الاسبوع

بدأت تظهر وجوه جديده

وجوه لم تعتاد انظارنا على رؤيتها

في البعض منهم هداه الله في وقت قريب من الاختبارات

يعني راح نشوفه كثير

لكن حديثنا عن اللي نشوفه بس في وقت الاختبارات

اتمنى اننا نناقش هذا الموضوع

ليش شبابنا ما يعرف ربه الا اذا فيه مصلحه له

الغلط مين يتحمله






واتمنى ان يكون النقاش ايجابي



المايك بين ايديك

موضوع رائع ومتميز وجاء في وقته

هالمشكلة للاسف منتشرة بجميع مناطق المملكة

والله ماادري وش السبب معقولة مانعرف ربنا الا بوقت الاختبارات

انا مااقول مايصلون انشالله يصلون بس اقصد ماعندهم اعذار

تلقاهم يصلون بالبيت والواجب الصلاة تكون بالمسجد

احب اعلق على واحد من الاعضاء يقول انهم يطلعون ويصلون بالمساجد القريبة من

الاستراحات اخوي خلك واقعي هذي ماتنرقع يعني معقولة 24 ساعة طالعين

احترم وجهة نظرك لكن حبيت اعلق على رايك


ارجع لحديثي << خلصت بس بقى نقطة وهي انهم لو جيت بتنصحهم يتهربون

منك وشوي ويضربونك الزبدة مابيديننا الا الدعاء لهم

تحياتي