|
المحيــانــي هـــلالـــي 100% والـــدليـــل هنـــا السلام عليكم ورحمة الله وبركاته صبحكم الله بالخير اول شي مبروك علينا الصدارة وعقبال ادوري ان شاء الله ثانياً ابشركم ان المحياني في طريقه لارتداء شعار الهلال وتحديداً رقم 16 :tx: وهي مسألت وقت فقط لا غير واقولكم ليش قلت كوذيه >>كوذيه = كذا اليوم طبعاً صاك امها نومه وصحيت الساعه 11 ونص ليلاً بتوقيت الخرطوم :d يعني 1 ونص صباحاً بتوقيت المدينة المنوره >> مطول الاخ << المهم كالعاده اول لا اصحي من النوم اتمغط :d وانا اتمغط >>ياصبر الارض عليك<< ويوم تمغط ويذكر علي اجتماع لجنة الاحتراف انه اليوم بيحددون مصير عويس >> عويس = عيسى:smilie47: امون عليه ماعليكم<< وانا اطمر من السرير وتصك ركبتي بحد السرير >>عاد هذي صدز هههه تعورت لو احد غيري تسان بتسى :tongue: ايه مالكم بالطويله قبل اغسل وجهي على غرفة الجلوس اللي فيها التلفزيون والبلاستيشن >> شطح :tongue:<< واشغل التلفزيون وروح انسدح امام التلفزيون لقيت اخوي الصغير الله يصلحه ويخليه حاط على قناة روتانا سينما يحب الافلام المصريه>>تخبرون فترة المراهقه :d << يرقع لأخوه ايه نرجع لمحور الحديث احس اني دبلت تسبودكم ولعنت خيرها هههههه واحط على قناة ART7 ادور برنامج الجولة عشان يقولون انهم بستضيفون الدكتور صالح بن ناصر وبيكون حديثهم عن المحياني وتحديد مصيره ماحصلت شي خبركم>>هذي ضريبت النوم الخطا لا صلاة ولا عبادة << الله يرحمك ياجدي :smilie47: :tongue: قلت مالي الا شبكة الزعيم :smilie47: هم اللي بيسنعوني واعرف وش صار بالاجتماع ودخلت واول لا طاحت عيني على موضوع كان عنوانه توضيح لما قاله الدكتور صالح بن ناصر ..((لمن لم يفهم المقصود)) دخلت الموضوع وهذا هو الموضوع بنسخه لكم السلام عليكم ورحمة الله وبركاته ... بعد اجتماع لجنة الاحتراف برئاسة الدكتور صالح بن ناصر قررت اللجنة وضع اللاعب عيسى المحياني على قائمة الانتقال في تاريخ 29-1-2009 في حال لم يتفق اللاعب والنادي مع أي نادي آخر يريد خدمات المحياني في الثلاثة أيام القادمة... أي ان اللاعب بامكانه الانتقال للهلال أو النصر أو أي نادي آخر اذا اتفقت كافة الاطراف وهذا هو الحل الانسب للهلال حيث اذا تم الاتفاق في الايام الثلاثة القادمة سيكون بمقدور المحياني المشاركة مع الهلال ابتداءا من المباراة القادمة للهلال ... ولكن اذا وضع اللاعب على قائمة الانتقال سيتم الزام اللاعب بالانتقال للنادي صاحب العرض الاكبر ( بعد فتح المظاريف ) ولكن لن يشارك اللاعب ناديه الجديد الا بعد نهاية عقده مع ناديه الأصلي واذا رفض اللاعب العرض الاكبر المقدم سيتم تحويله الى لاعب ( هاو ) لمدة عام كامل ... أتمنى ان تكون الصورة اتضحت أكثر لكم ودمتم بود كان الموضوع من اخوي بوثنيان وهذا رابط الموضوع http://vb.alhilal.com/showthread.php?t=706034 اول لا شفت الموضوع قلت المحيــانــي هـــلالـــي 100% والـــدليـــل هنـــا * في تصريح سابق لرئيس الوحده التونسي للجولة قال هالكلام بالحرف الواحد ((لن اغلط مثل غلطي بوضع عيسى المحياني على قائمة الانتقال مثل ماحصل مع اسامه هوساوي بمجرد وضعه على قائمة الانتقال كان دافع فيه الاتحاد 18 مليون واخذو الهلال بنص القيمة ووصل قمة الصفقه 9 مليون نصيب نادي الوحده ولا يلدغ مؤمن من جحر مرتين )) * عيسى المحياني رفض النصر وقال مستحيل انتقل لغير الهلال او اعتزل الكره يعني يالنصرويين لو دفعتو اعماركم عيسى مو بايع عمره :laugh:(( حلم ابليس بالجنه)) خلاصةوسكرية الكلام :d راح يخضعون الوحداويين ويرضون بعرض الهلال عشان وضعه على قائمة الانتقال مو من صالحهم ابدأً وعيسى رافض النصر وخلال الايام المتبقيه هي الشاهده على كلامي برايفت : يجب ان نفخر بوجود عقليات كبيره امثال الامير عبدالرحمن بن مساعد :smilie47: والامير عبدالله بن مساعد:smilie47: والامير بندر بن محمد :smilie47:وحبيب الملايين سامي الجابر:smilie47: ومسؤول الاحتراف بنادينا الشامخ الدكتور عبدالله البرقان :smilie47: سامحوني على البثاره في الجزء الاول من الموضوع :d واذا فيه اخطأ اعذروني عشان الهلال :alzaeem: وعشان اول موضوع اكتبه >> اعليمي يعني :tongue: بختم بكفارة المجلس مثل مايفعل اميرنا المحبوب دائماً (( سبحانك اللهم وبحمدك أشهد أن لا إله إلا الله أنت استغفرك وأتوب إليك)) |
الله يسمع منك وبأذن الله المحياني هلالي لاهنت على التوضيح |
اتمنى تكون نظرتك صحيحة رغم انها مطابقة لنظرتي 100% والمسألة ان شاء الله بس وقت عشان بعض الناس ينثبرون ويهجدون من مهايطهم الي طالعين به هاليومين لن يتخلى الوحدة عن المبلغ ولن يخاطر ابدا حيث من الممكن يعترض عيسى على اتمام الصفقة مع النصر ويرجع هاوي لمدة سنه وبعدها بيكون حر بموجب النظام لك مني كل الود |
والله البداية حسيت انك بثر بس يوم كملت الموضوع عرفت انك مهب بثر هههههههههههه يارب 72 ساعة وعسعوس يصير هلالي امون عليه مثلك خخخخخخخخخ |
دبلت كبدي في أول الموضوع وعندك خطأ فادح كاتب الأميره عبدالرحمن بن مساعد في النهايه مشكور على الوموضوع وإن شاء عيسى هلالي لو يصير اللي صير |
الله يكتب اللي فيه الخير والله دخنا نبي الخبر يكووون نشوووف ونسمع لين نفتك من القضية اللي اخذت اكبر من حقها الله يكون بعونك يا عيسى |
:ev:وش السالفة !!!!!!!!!!!!!!!!!!!!!!!!! وين توقيعي :eve: |
شكراا أخوى على موظوعك بس انت فهمت غلط في حالة انه كان في عرض اعلى ينتقل الاعب غصباا عنه مجبووووووور اي انه اذاا مااو افق على ع8رض النصر و الوحده سو ف يبقى هااوى في الوحده لمدة سنه قاانون مجبور نسيته انت قاانون جديد طلع اليوم |
الله يسمع منك ..~ بـ إنتضار عيسى لـ ينتمي الى كوكبة النجووم ..~ الله يعطيك الف عافيه أخوي ..~ |
100% << على الاقل اكتب 90 % ارحمونا تكفون ولا احد يأكد لا صدق معه دليل والله بدايتك جعت راسي لدرجه ماستوعبت الزبده من الموضوع باين عليك انك خفيف دم علشان كذا ابرحمك ولا مهزئك << تكفى العضو >> شرف العثمان << كلامك سليم و صحيح << ترى وايد شايف نفسك سلنقر |
شاكر لمرركم إقتباس:
الوموضوع = الموضوع :d تسلم على مرورك |
اهم شي اخوي الصـــــــــــــلاه وان شالله عيسى هلالي والله يعطيك العافيه |
إقتباس:
شاكر لمرورك |
ان شاء الله المحياني هلالي الله يسمعه منك الله يعطيك العافية تحياتي |
عيســـــــى لاعبنا قاله زمــــــــــــــــــــــــــــــــــان قول دليخــــــــــــــــان يقــــــــــــــــــــــــــــــــــــــــــــــشر بــــــــــــــــصل هههههههههههههههه عيســـــــى هلاللي مليون با الميه |
ههههههههههههههههههههههه الله يسمع منك والله الموضوع تعبنااااا مرررره الله يكتب اللي فيه الخير للهلال شكراً لك،،، |
مشكووووور عالتوضيح...................... |
انشاءالله يكون المحياني هلالي !! غصب عن الراضي والزعلان |
الله يسمع منك وبأذن الله المحياني هلالي لاهنت على التوضيح بالتوفيق للزعيم |
بثاره وناسخ موضوع بعد الله يهديك بس |
أتمنى ذلك إن شاء الله عيسى هلالي ولكن هذا كان الشيء الماضي يختلف عن الحاضر لان رئيس الإحتراف قال في حال لم يتفق الاعب مع النادي سوف يوضع على قائمة الإنتقال والعرض الأعلى سوف يذهب إليه الاعب أما في حال التساوي في العرض فإن الاعب يخير بين الناديين إما الهلال او النصر وأكيد راح يختار الهلال على الهلال في الأيام المقبلة إذا يريد الاعب عيسى عليه ان يزيد مليونين من قيمة الصفقة |
الله يسمع منك وبأذن الله المحياني هلالي لاهنت على التوضيح |
هههههههههههههه حسيتني معك بالغرفه خخخخخخخخخخخ وانشالله نظرتك الواقعيه تطلع صحيحه ويصير هلالي |
مشكور على الكلام اللي قلته بس مع انه كلام كثير بس كلام جميل انت افتخرت برجلات الهلال بس نسيت واحد منهم الا وهو الامير : نواف بن سعد هو يعمل في الخفاء وهو لايحب الضهور الاعلامي كثيرا ونشكر الامير عبدالرحمن بن مساعد وجميع من يعمل في خدمه هذا النادي الكبير وتقبل فايق تحياتي |
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههه والله يا انت شطوووووووووووووح !! بعددددددددددددددد !! عيسى موضوعة اتوقع ينحسم يوم الثلاثاء ,, |
من زمان وانا اقول واعيد ياناس وشفيكم انتم عيسى المحياني هلااااااااااااااااااااااااااااااااااااااالي هههههههه يعطيك العافية اخوي على هذا الموضوع |
السلمي وربي انك اررهب وااحد بالكوون بعد الموضوع ذا هههههههههههههههههههههههههههههههههههه ودي |
المحياني ابن الهلال وهو طلع وقال انه يبغي الهلال خلاص |
الله يستر والله لااخفيكم اني طوال الاسبوعين ناشف ريقي وسرحان مع الصفقه بشكل ماتصورونه والله لايعاقبني افكر فيه حتى في صلاتي !!!!!!!!!!!!!!!!!! تكفى يا بو مساعد عشان خاطر كل هلالي وعلشان خاطر عيسى نفسه .. |
الله يسمع منك يااااااااااااااارب .. |
اقسم بالله رفعت ضغطي انت واخوك باول الموضوع ؟؟ وبعدين لماقمت تستطرد قلت جزاك الله خير .. ان شاء الله تحسم الامور للهلال .. |
الله يسمع منك وبأذن الله المحياني هلالي لاهنت على التوضيح |
اتمنى تكون نظرتك صحيحة رغم انها مطابقة لنظرتي 100% |
ان شاء الله يكون هلالي صراحه الوضع عندنا بالهجوم مايطمن .................... |
حتى لو نقلوه ع قائمة الإنتقال لن يوقع لنصر وسينتقل للاعب هاو لمدة سنه وبعدها سيذهب للهلال دون الرجوع لناديه تحياااااااتي..................................................... |
كلامك حلو وجميل بس الخط مو واضح |
ماتواجد امس بالهلال عبث حتى التقارير الخباريه اول ماوضوع صورة المحياني مع اللاداره وان شاء الله ينتهي كل شي اليوم |
دمك خفيف والله بس للاسف مالي خلق اضحك وانا توني داخل المكتب |
وش الكلام الفاضي تقول قصة حياتك قمت من نوم وبعدين لقيت اخويه قدام التلفزيون وو... كبر عقلك |
عوافي يا طروقي ... بالعكس بثارتك هي اللي أعطت الموضوع ملح ,,, |
بدياة موضوعك قلت ياصبر الارض شكله بيقول بالاخير كنت احلم ومن هالكلام ههههههههههههه عموما طرحك رائع ومنطقي بخصوص القضيه وان شاءالله المحياني هلالي من ورى خشوم الفقراويه |
هههههههههههههه يعطيك العافيه وبتوفيق الزعيم |
طيب عندي سؤال استقعادي وشلون دخلت المجلس حقكم وشغلت التلفزيون وبعد ماشغلته لقيت اخوك قاعد يتابع روتانا سينما معناته انك ماشغلت التلفزيون كان شغال من اول لووووووووووووووووووووول وشكرا على مووضوعك وانشاءالله عيسى هلااالي |
اخووي كلامك صحيح 100% بس الدكتور صالح بن ناصر قال / اهم شي في الموضوع مصلحة الوحده .. ورجا الله السلمي اسأله بشكل مباشر قاله طيب اللاعب ما يبي النصر ( صاحب العرض الأغلى ) قال مو بكيفه وهذا هو القانون وينتقل للنصر وبين قوسين أقولك والدكتور لمّح لها ( غصبن عنه يروح النصر ) كلامه ضيّق خلقي والله :( ع العموم يعطيك العافيه |
بأذن الله المحياني هلالي ولكن تراك رفعت ظغطي ...... لاعمرك تجيب اخبار الا اذا كان تبي تقولها باختصااااااار ...هههههههههه امزح |
انشاء الله المحياني هلالي بس لايدخل برميل الفسو البلوي كالعاده للخراب فقط |
الإدارة الهلالية تنتظر وضع اللاعب على قائمة الإنتقال لأنها لاتريد ان تتفاوض مع ادارة الوحدة لكن المشكلة ان اللاعب اذا وضع على قائمة الإنتقال واستطاع الهلال الحصول على اللاعب فإن المحياني لن يشارك مع الهلال إلا مع بداية الموسم القادم يعني مهو بلاعب في الآسيوية |
ماصار منتدى كل واحد يصحح لاثااااني كاني داخل حصة املاء مو منتدى خخخخخخخخخخخخخخخخخخخخخخخخخخخخخ |
مووضوووع رائع وان شا ءالله المحياني هلااااااااااااااااااااااااااااااالي |
الله يسمع منك وبأذن الله المحياني هلالي لاهنت على التوضيح |
قبل كل شيء ((الا صلاتي مااا اخليهااا))احرص اخوي الغالي على صلاتك وتكفى لا تخليها امس قمت من النوم وبكره ماتدري وش اللي راح يصير لك.. وبصراحه كلامك منطق لاابعد الحدود وهذا السيناريو المتوقع واللي اتمنى حدوثه ودمت اخوي الغالي بصحه وسلامه |
صراحه اسلوبك يشد حاول تكتب دايم ولا تصير بخيل ( شعنده يالي مقطع المواضيع ) ههههههههههه ؛ شكرا لك على طرحك وتقبل مروري السريع . |
الله يسمع منك وبأذن الله المحياني هلالي لاهنت على التوضيح |
هههههه يازينك انت وبثارتك ياخي اسلوبك حايلي لكن مكان الاقامه بالمدينه < الحس مخوه عموماً : الله يوفق عيسى واتمنى ان شاء الله اني اشوفه بالشعار الهلالي بإذن واحد احد انه هلالي وان شاء الله رجال الهلال ماراح يقصرون بواحد يفدا الملايين علشان ناديهم |
بس ترى نهاية تسجيل الاحتراف في تاريخ 28\1\2009 م ولجنة الاحتراف تقول في 29\1\2009م وباقي اليوم وبكره اذا ماوقع انتهى الامر بس نبي ظهير يمين الدولي الشبابي ياشهيل يامعا ذاللي قالوا عنه ... والظاهر نوووور بعد جااااي والا المحياني اذا ماجاء اليوم يجي السنه الجاية |
موضوعكـ حلووو رائع واللي تبي مشكوووور بس عسا ماشر رجلكـ وش صآآر لهآآ وعيسى أو>>>> ( عويس) هلالي |
مشالله صاحي من النومة رايق ( قالبها تريقه على الظهر ) هههههههههههههاااي الله يسمع منك |
الله يسمع منك يارجل وبأذن الله المحياني هلالي ولاهنت على التوضيح |
ياليت عيسى يكون مع الكتيبه الهلاليه |
الله يسمع منكـ ,, وأنشاء الله المحياني هلالي ,, يـ ع ـطيكـ الف عافيه ,, |
| الوقت المعتمد في المنتدى بتوقيت جرينتش +3.
الوقت الان » 12:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd