::اسباب عدم حضور جماهير الرياض للمباره النصر والدليل عندي [صوره]:: - صفحة رقم 3 - نادي الهلال السعودي - شبكة الزعيم

Y I V E N C H Y · #31 25/01/2009, 03:34 AM

اييييييييييييييه وين ايام الهلال والانصار ............كنت امشي يمكن 3-5 كيلو حتى اشوف المباراة ...
ليت الانصار يطلع الممتاز...حتى نشوف الزعيم

البايسـن · #32 25/01/2009, 03:39 AM

إقتباس

الرسالة الأصلية كتبت بواسطة المدافع الصلب


	والله كأنك طاب علينا كلنا وعارفنا من وين طيب بعضهم من برا بتقول لا جب الاثبات يا ليت لا تكثرون سوالف زي كذا وثلاث اربعاكم بس ببغا يردد وبس يا ليت تفكونا من حركات المبزره وتكرير مواضيع وتشهر اسمك هنا فكنا ياخي

بالله كيف تبيني اجاوب عليك [باسلوب حلو ولا باسلوب مثل اسلوبك ولا اقعد ساكت احسن]

والله عجبتني ياحبيبي

رحال~ · #33 25/01/2009, 03:40 AM

قسم بلله قهر يعني اذا ما حضرتو مباراة الهلال والنصر متى بتحضرون

Xx 8lb JE xX · #34 25/01/2009, 03:42 AM

انا مو من الرياض

من الجوف ومع كذا اذا صارت مباراه الهلال فـ تبوك 500 كم اروح اشوفها وفـ حايل 290 كم اروح اشوفها

ولو اني من اهل الشرقيه او القصيم كان رحت الشرقيه حوالي 350 والقصيم اقل

يعني اسحب 180 200 وساعه ونص وانت فـ الرياض

بس الرياض عن الجوف والله بعيده 950 كم ولا لو اقرب والله اروح عااااااااااااااااادي

وانا من جد استغربت مررررره على بالي بيقفلون البوابات

بس مع كذا يمكن نحصل لهم عذر (( الي هو البرد )) <<

وطبعا ما ننسى نقول للي حظروا يعطيكم الف الف عافيه

عاشق الفن الياسري · #35 25/01/2009, 03:45 AM

صدقوني لو كل يوم يلعب الهلال بالقصيم لا أحضر له .

هالموسم ذا حضرت مالايقل عن 7 مباريات وانـا خارج الرياض

بالشرقيه ضد الأتفاق ومباريات الرياااض خمس مباريات ومبارتين للهلال ببريده

مع العلم اني طالب جامعي وعندي كويزات دايم لكن استغل فرصه سفري للرياض بالحضور

البايسـن · #36 25/01/2009, 04:07 AM

إقتباس

الرسالة الأصلية كتبت بواسطة yosef__15


	- جعل من الحضور للملعب امر ترفيهي..وليس امر تكليفي. وحرب وقتال.!! من وقت وصولك للملعب تبدأ المعاناة..من عند شراء التذاكر..وعند الدخول والتفتيش.. حيث يتم سحب الاعلام والشالات..ليش يعني داخل سجن انا..؟!

هلا فيك ياحبيبي..ومادري ليش انتم اذا قلنا الحق تزعلون وتعصبون

ع العموم ابعلق على نقطك..والي تقول فيها ان يبدا القتال في شراء التذاكر انا اقول ياخوي في كل ملعب في السعودية او العرب يبدا الحرب القتالي لشراء التذاكر مو بس في استاد الملك فهد..

وعن الشالات اظن توها المباره الي راحت مع النصر بدات هـ الاسلوب..يعني مادري كيف حكمت على هـ الشي ..

واعيد واكرر ان موضوعي يتعلق بمباره النصر وبس...

إقتباس


	- اتمنى من كل قلبي ايقاف الطرب وجلسات السامري اللي تدعون انها رابطه...!! الرابطه مهب واحد يغني بمكروفون..الرابطه 1000 واحد يغنون وبصوت واحد وبدون مكرفون..!! هذي الرابطه اللي تسمى رابطه بالفعل.. مهب تطلع من الملعب وراسك منتفخ..!!

المعروف ان ملاعب السعوديه ..وضعت مكان مخصص للرابطه ..يعني ابتعد عنهم ما يضرك اي شي يالغالي

إقتباس


	- في الرياض مباريات الهلال اكثر بكثير من اي مكان ثاني.. واذا كنت تقول ان سكان الرياض اكثر.. انا اقول ان ملاعب الرياض ايضا اكبر..ولا يوضح الحضور فيها..ولا تعتقد انها راح تمتلئ بالكامل...!

يا بعدي يابعدي انا قصدي مباره الهلال والنصر الي فات وبس...

إقتباس


	اللي احب اقوله اللي جالس يصير شي طبيعي..ولو استمر الحال كما هو عليه.. راح يخف الحضور الجماهيري اكثر من كذا بكثير..

وهذا الي خايف منه انـآ..وعشان كِذا كتبت الموضوع..

والله يخليك ع التواجد واحترم وجهه نظرك يابعدي

هلالية%زعيمة · #37 25/01/2009, 04:10 AM

مع احترامي لكلامك يمكن اغلب المتواجدين زعيمات؟
بعدين لكل شخص ظروفه

لاتكبرون هالسالفة تكفون خلونا مع الزعيم

البايسـن · #38 25/01/2009, 04:11 AM

إقتباس

الرسالة الأصلية كتبت بواسطة عاشق الفن الياسري


	صدقوني لو كل يوم يلعب الهلال بالقصيم لا أحضر له . هالموسم ذا حضرت مالايقل عن 7 مباريات وانـا خارج الرياض بالشرقيه ضد الأتفاق ومباريات الرياااض خمس مباريات ومبارتين للهلال ببريده مع العلم اني طالب جامعي وعندي كويزات دايم لكن استغل فرصه سفري للرياض بالحضور

إقتباس

الرسالة الأصلية كتبت بواسطة Xx 8lb JE xX


	انا مو من الرياض من الجوف ومع كذا اذا صارت مباراه الهلال فـ تبوك 500 كم اروح اشوفها وفـ حايل 290 كم اروح اشوفها ولو اني من اهل الشرقيه او القصيم كان رحت الشرقيه حوالي 350 والقصيم اقل يعني اسحب 180 200 وساعه ونص وانت فـ الرياض بس الرياض عن الجوف والله بعيده 950 كم ولا لو اقرب والله اروح عااااااااااااااااادي وانا من جد استغربت مررررره على بالي بيقفلون البوابات بس مع كذا يمكن نحصل لهم عذر (( الي هو البرد )) << وطبعا ما ننسى نقول للي حظروا يعطيكم الف الف عافيه

على راسي يا حبايبي والله...والصراحه من كلامكم باين انكم تتعبون لعيون الهلال وادارته..واهنيكم على روحكم في طرح رد للموضوع

كاكاالميلاني · #39 25/01/2009, 04:13 AM

مشكور والله يعطيك العافيه

كلامك عين الصواب ولي عتب على جمهور الرياض وحظورهم القليل بس إن شاء الله يردون علينا في المباريات القادمه

بس وارجع اقول ستشاهدون جمهورناغيررر

yosef__15 · #40 25/01/2009, 04:40 AM

إقتباس


	وعن الشالات اظن توها المباره الي راحت مع النصر بدات هـ الاسلوب..يعني مادري كيف حكمت على هـ الشي ..

ابد غير صحيح سبق وكتبت عن المشكله هذي..من الموسم اللي راح..

وهذا مهب شي جديد..اللي يصير شي من قديم الزمان..من بدأوا بمنع الاعلام المكتوبه اللي كانت توضع في المدرجات..وتزين منظر الجمهور..

وسبق سحبوا مني الشال..لان مكتوب عليه برشلونة العرب...خخخخخخ

ابدا الموضوع مهب جديد الموضوع قديم..

إقتباس


	والي تقول فيها ان يبدا القتال في شراء التذاكر انا اقول ياخوي في كل ملعب في السعودية او العرب يبدا الحرب القتالي لشراء التذاكر مو بس في استاد الملك فهد..

انا عارف اخوي الحال من بعضه..لكن مرتين او ثلاث في السنه مقبوله والواحد يتحمل..
اما 15 مره في موسم واحد..خصوصا مباريات النهائي ونصف النهائي والديربيات والاسيويه..
يعني اذا انا ساكن في شمال الرياض..لازم اضرب مشوار لجنوب الرياض واشتري التذكره من النادي..او اروح للملز واشتري التذكره..او انتظر واشتري التذكره من زحمة استاد الملك فهد..
ليش ما يكون مثلا سوبرماركت يبيع التذاكرفي شمال الرياض مثل كارفور في مخرج 5 على الدائري الشمالي..وش المانع..؟!
او على الاقل في جميع فروع موبايلي..!!

إقتباس


	واعيد واكرر ان موضوعي يتعلق بمباره النصر وبس...

الموضوع اكبر من مباراة النصر..يعني هي هي نفس الظروف اللي بتأثر في مباراة النصر او غيرها..وبعد كل مباراة يطلع واحد ويتكلم..

ليش ما نشوف لها حل..؟!

إقتباس


	المعروف ان ملاعب السعوديه ..وضعت مكان مخصص للرابطه ..يعني ابتعد عنهم ما يضرك اي شي يالغالي

انا ما اعترض على الفكره فقط..انا اعترض على الصوت والازعاج..
وحط في بالك رابطه للهلال ورابطه للفريق المنافس..
وكلهم يتحدون من اقوى صوت وصراخه اعلى..!
حتى المكان المخصص سلبياته اكبر من ايجابياته..هذا اذا كان له ايجابيات اصلا..
1- قسموا الجمهور الى قسمين.
2- السماعات موجهه للواجهه..وزايدين على الصوت بحث انه اصبح قوي وغير واضح ويزعج اللي في الواجهه اكثر من غيرهم.
ولا انسى مباراة الهلال والشباب..والله ازعاج واغلب الجمهور يتذمر خصوصا من رابطة الشباب اازعاج بمعنى الكلمه..صراخ غير مفهوم وواضح

.
3- جعلوا من الرابطه جمهور..وجعلوا من الجمهور الاساسي متفرجين

..!!

إقتباس


	وهذا الي خايف منه انـآ..وعشان كِذا كتبت الموضوع..

وهذا اللي بيصير..ولا راح يحرك احد ساكن الا بعد ما يطيح الفاس في الراس..!

وشاكر لك سعة صدرك..

الهلال فوق الجميع · #41 25/01/2009, 04:54 AM

جمهور الرياض و جمهور الرياض .. ثلاث ارباع مباريات الهلال تنلعب في الرياض .. و انا احضر ثلاث ارباع هالمباريات ..
انتو كلها مباراتين اللي تنلعب عندكم .. يعني لو ما تحضرون مصيبة !!
دايما نقول لكم نفس الكلام و يرجع نفس الموضوع ينفتح ..
انا حضرت مباراة الهلال و النصر و لو تشوف حضور الهلال بالنسبة لحضور النصر كثر الله الف خيرهم .. هذاني حضرت و جاني افلونزا شديدة من البرد !! ياخي قدروا !!

Sami Cena · #42 25/01/2009, 05:07 AM

..............................................

إقتباس


	انا والله يشهد علي من يوم عرفت الزعيم واي مباره يلعبها في الشرقيه مع(الاتفاق او القادسيه او الخليج ) اكون متواجد..في الملعب..وجمهور الشرقيه كلهم ومو بس انا.. وبعض مباريات الزعيم في الرياض اذا كانت بطوله او حسم فريق .

سيم سيم

البايسـن · #43 25/01/2009, 05:08 AM

إقتباس

الرسالة الأصلية كتبت بواسطة yosef__15


	ابد غير صحيح سبق وكتبت عن المشكله هذي..من الموسم اللي راح.. وهذا مهب شي جديد..اللي يصير شي من قديم الزمان..من بدأوا بمنع الاعلام المكتوبه اللي كانت توضع في المدرجات..وتزين منظر الجمهور.. وسبق سحبوا مني الشال..لان مكتوب عليه برشلونة العرب...خخخخخخ ابدا الموضوع مهب جديد الموضوع قديم..

والله يا يوسف ماكنت ادري ان هـ الموضوع من زمان..لان احنا عندنا بلمعب الامير محمد بن فهد شي مو معقول وتنظيم وحريه اروع..بس ان شالله يوم تفك عنكم هـ الازمه

إقتباس


	الموضوع اكبر من مباراة النصر..يعني هي هي نفس الظروف اللي بتأثر في مباراة النصر او غيرها..وبعد كل مباراة يطلع واحد ويتكلم..

لا تلومني ولا تلوم كل شخص يجلس يتكلم...مع اني انا والله اول مره اكتب مثل هـ الموضوع عن الجماهير..بس الي شفته في مباره ديربي واول مباره عودة الدولين للفريق واول مره يلعبون فيها لاعبين جدد في الدوري..وهـ المباره تنقلها قناه رومانيه..يعني هذا الشي الي خلاني اميل لاكتب هـ الموضوع

إقتباس


	انا ما اعترض على الفكره فقط..انا اعترض على الصوت والازعاج.. وحط في بالك رابطه للهلال ورابطه للفريق المنافس.. وكلهم يتحدون من اقوى صوت وصراخه اعلى..!..

هذي مشكلة الدوري الخليجي..اذا مافي رابطه ما راح تشوف الجماهير تهتف للفريق يعني تعودنا لهـ الشي يالغالي وخليهـآ ع ربك..

وتسلملي ع المتابعه ياسنايدي..والله يعطيك الف عـآفيه

البايسـن · #44 25/01/2009, 05:11 AM

إقتباس

الرسالة الأصلية كتبت بواسطة الهلال فوق الجميع


	انا حضرت مباراة الهلال و النصر و لو تشوف حضور الهلال بالنسبة لحضور النصر كثر الله الف خيرهم .. هذاني حضرت و جاني افلونزا شديدة من البرد !! ياخي قدروا !!

ياحبيبي والله..هذا الكلام الي ابيه منك..ومالي دخل في المباريات الثانيه..
وسلامتك يالغالي وما تشوف شر..كان تدفيت كويس يابعدي

هلآلي535 · #45 25/01/2009, 05:15 AM

تسلم ع الموضوع

والله كلنا استغربنا من الحضور الجماهيري القليل

انا والله جاي من 600 كم ع شان المبارات وطلعت للملعب

الساعه 4 ونص قلت ابي امكن لي كرسي فاضي

ويوم دخلت والله استغربت كل المقاعد فاضيات

بس مو مشكله المرهـ يمكن معذورين اختبارات وبرد بس لاتنسوننا بالجايات .."