::اسباب عدم حضور جماهير الرياض للمباره النصر والدليل عندي [صوره]:: - صفحة رقم 4 - نادي الهلال السعودي - شبكة الزعيم

الهلال فوق الجميع · #1 25/01/2009, 04:54 AM

جمهور الرياض و جمهور الرياض .. ثلاث ارباع مباريات الهلال تنلعب في الرياض .. و انا احضر ثلاث ارباع هالمباريات ..
انتو كلها مباراتين اللي تنلعب عندكم .. يعني لو ما تحضرون مصيبة !!
دايما نقول لكم نفس الكلام و يرجع نفس الموضوع ينفتح ..
انا حضرت مباراة الهلال و النصر و لو تشوف حضور الهلال بالنسبة لحضور النصر كثر الله الف خيرهم .. هذاني حضرت و جاني افلونزا شديدة من البرد !! ياخي قدروا !!

البايسـن · #2 25/01/2009, 05:11 AM

إقتباس

الرسالة الأصلية كتبت بواسطة الهلال فوق الجميع


	انا حضرت مباراة الهلال و النصر و لو تشوف حضور الهلال بالنسبة لحضور النصر كثر الله الف خيرهم .. هذاني حضرت و جاني افلونزا شديدة من البرد !! ياخي قدروا !!

ياحبيبي والله..هذا الكلام الي ابيه منك..ومالي دخل في المباريات الثانيه..
وسلامتك يالغالي وما تشوف شر..كان تدفيت كويس يابعدي

Sami Cena · #3 25/01/2009, 05:07 AM

..............................................

إقتباس


	انا والله يشهد علي من يوم عرفت الزعيم واي مباره يلعبها في الشرقيه مع(الاتفاق او القادسيه او الخليج ) اكون متواجد..في الملعب..وجمهور الشرقيه كلهم ومو بس انا.. وبعض مباريات الزعيم في الرياض اذا كانت بطوله او حسم فريق .

سيم سيم

هلآلي535 · #4 25/01/2009, 05:15 AM

تسلم ع الموضوع

والله كلنا استغربنا من الحضور الجماهيري القليل

انا والله جاي من 600 كم ع شان المبارات وطلعت للملعب

الساعه 4 ونص قلت ابي امكن لي كرسي فاضي

ويوم دخلت والله استغربت كل المقاعد فاضيات

بس مو مشكله المرهـ يمكن معذورين اختبارات وبرد بس لاتنسوننا بالجايات .."

Meshari · #5 25/01/2009, 05:37 AM

انا اتوقع قلة الحضور الجماهيري من الاجواء الباردة في هذه الايام .

دودي.20 · #6 25/01/2009, 06:14 AM

يا شباب انتم تقارنون استاد الملك فهد بأي ملعب في المملكه

سعه الاستاد 75 الف وسعه ملعب الدمام 25 الف

وسعه ملعب جده 20 الف

وسعه ملعب الحزم 3000

يعني الخلاصه ان الاستاد كبير والهلال دايم يعبيه في بعض المباريات

ولكن في ظروف عند اهل الرياض بعض الاحيان امس كان الجو بارد وهذا الا اثر على الحضور

ومشكور اخوي

jeje-s · #7 25/01/2009, 07:00 AM

والله لو نقدر نحظر المباريات ما قصرنا
صرااااااحه في الفتره الاخيره الجمهور ماادري ايش فيه
المفروض نوقف مع فريقنا ونسانده مو نطالب وننتقد وبس

thepunisher · #8 25/01/2009, 07:32 AM

مشكور والله يعطيك العافيه

كلامك عين الصواب ولي عتب على جمهور الرياض وحظورهم القليل بس إن شاء الله يردون علينا في المباريات القادمه

أبو ماجد نيوزيلاندا · #9 25/01/2009, 07:36 AM

إن شاء الله الوعد في المباريات الجاية
و بالتوفيق للزعيم

باندرو · #10 25/01/2009, 07:42 AM

اخوي انت لو تسكن بالرياض ما راح تحضر المباريات

انت بالشرقية ما عندك الا مباراة بالسنة هذا اول شي

ثاني شي لو تجيب نص اللي حضروا مباراة النصر وتوزعهم بملعب الشرقية كان ملو الملعب

البايسـن · #11 25/01/2009, 08:00 AM

إقتباس

الرسالة الأصلية كتبت بواسطة باندرو


	اخوي انت لو تسكن بالرياض ما راح تحضر المباريات انت بالشرقية ما عندك الا مباراة بالسنة هذا اول شي ثاني شي لو تجيب نص اللي حضروا مباراة النصر وتوزعهم بملعب الشرقية كان ملو الملعب

كلامك ع العين والراس..

بس ياخوي دامك قلت اني اعيش بالرياض..ياشيخ انا اتمنى اني الحين اسكن بالرياض عشان احضر التمارين مو بس مباره..

وانا اتكلم عن مبارة ديربي مثل الهلال والنصر..يعني بالله تتوقع اني ما احضر
هـ المباره..وانت اهم شي فاهمني ان قصدي مباره النصر

هلالي 1977 · #12 25/01/2009, 07:54 AM

تقلبت عيوني وانا ادور

مالقيت اسمي

هلالي 1977 · #13 25/01/2009, 07:57 AM

مشاهدة نجوم الهلال في الملعب احلى شي

انا حضرت مباراة نجران الاخيرة يوم فزنا 7/0

بصراحة تمتعت وانبسطت

بالرغم من ان الحضور كان متواضع جدا

يا شباب انا اعرف نصراويين وغيرهم يحضرون مباريات الهلال بالملعب

يقولون نروح نشوف كورة صح !!

ونادينا اولى بمشجعينه من غيرهم

كاريرا · #14 25/01/2009, 07:58 AM

والله طفشنا من كثر ما نحاول نخليهم يحضرون المباريات

بالعربي انا فقدت الأمل بجمهور الرياض

* هلالية ذوق * · #15 25/01/2009, 09:38 AM

،،، تدرون لو فتحت الملاعب المجال للنساء ،،،
،،، كان شفتوا وشلون المدرجات تكون مليااااااااااااااااااااااااانة ،،،
!! خصوصا مباريات الزعيم !!