يا رجل قسم برد بدون هياط انا من منطقة بعيده عن الرياض

لاكن البرد وانا اخوك يمنع واما جمهور الهلال اللي بالرياض

احسها صارت شماعة

ياخي الناس تمل تجي فتره عند الواحد يبي يتفرج في بيته

بعدين وانا اخوك ولا يزعل من كلمتي هذي احد

مع احترامي للجماهير بالملعب لا توجد اخلاق قليل تحصل واحد اخلاق وفواق هذا

انا مشترك بأرتي الزعيم اشترك واحظر بالملعب ..!!

يا ليل ما اطولك..ما نترك هالسالفه ابد..
عموما انا ما اقول الكلام هذا لاقنعك لان رايك ما يهم..
لكن اقول هالكلام للإمعه اللي يسمع ويردد بدون فهم...!
اذا بغيتوا الجمهور في الرياض يحضر بكثافه و دائما يلزمكم:

1- جعل من الحضور للملعب امر ترفيهي..وليس امر تكليفي. وحرب وقتال.!!
من وقت وصولك للملعب تبدأ المعاناة..من عند شراء التذاكر..وعند الدخول والتفتيش..
حيث يتم سحب الاعلام والشالات..ليش يعني داخل سجن انا..؟!
يعني وش نشجع فيه..بالشماغ..حتى اذا لبست ثوب ازرق او صبغة وجهك بازرق يرفضون يدخلونك..!!
غير الكراسي المغبره اللي جالسين ننظفها بثيابنا...غير معاملتك كـ سجين..الاكل و الماء ممنوع..!!
في مباريات الديربي تجلس في الملعب اكثر من 4 ساعات..ممنوع الاكل والشرب فيها..

الواحد
يتعب من هالحال ممكن احضر مباراة مبارتين ثلاث اربع..لكن احضر كل المباريات صدقني ما اقدر..

2- اتمنى من كل قلبي ايقاف الطرب وجلسات السامري اللي تدعون انها رابطه...!!
الرابطه مهب واحد يغني بمكروفون..الرابطه 1000 واحد يغنون وبصوت واحد وبدون مكرفون..!!
هذي الرابطه اللي تسمى رابطه بالفعل..
مهب تطلع من الملعب وراسك منتفخ..!!

3- في الرياض مباريات الهلال اكثر بكثير من اي مكان ثاني.. واذا كنت تقول ان سكان الرياض اكثر..
انا اقول ان ملاعب الرياض ايضا اكبر..ولا يوضح الحضور فيها..ولا تعتقد انها راح تمتلئ بالكامل...

وانت تقارن طريقة وكيفية حضورنا للملاعب بحضور الاوروبيين للملاعب...!!

من جدك انت..

اللي احب اقوله اللي جالس يصير شي طبيعي..ولو استمر الحال كما هو عليه..
راح يخف الحضور الجماهيري اكثر من كذا بكثير..

وش قدمتوا سواءا انت يا الاتحاد السعودي او ادارة الهلال لجذب الجمهور..ابسط سؤال..؟!
هل فيه خطوات لجذب الجمهور..؟!