dont bather me



حياك الله أخوي الغالي

يبدوا أن وقت الصلاة لم يمنحك الفرصة لأكمال الرد
الصلاة أهم من كل شي وتقبل الله منك أخوي
أنتظر عودتك أخوي الغالي



الـصـخـرة



حياك الله أخوي فهد

إقتباس رياضي / سياسي / ديني / اجتماعي / عاطفي

حسيت أني نادي الهلال مكتوب علية رياضي ثقافي إجتماعي

شكرا أخوي على مجاملتك الرقيقة
حضورك هنا كان في منتهى كرمة وغاية نبلة
كل الشكر لك ولقلبك



fff



حياك الله أخوي فهد

إقتباس جمهور النصر ياحبي لهم رغم خسايرهم مازالوا صابرين وليتهم يقنعون ان فريقهم اسم على غير مسمى .. اكثر اخوياي من مشجعي النصر وبعد كل مباراة يخسرون فيها اهزءهم وفي فريقهم والاقيهم يدافعون عنه بكل الوسائل .. استغرب منهم ومن اخلاصهم لناديهم رغم كل الخساير .. ولو الهلال خسر مرة واحدة ضنك بنلاقي واحد بيدافع عنهم ؟؟

المفروض نتعلم من جمهور النصر الوفاء
بس فية فئة من جمهور النصر اللي أعرفهم أربع وعشرين ساعة سب في الهلال
عاد أنا ما أرد عليهم الا بالميدان يا حميدان أرحمهم أخليهم يطلعون اللي في قلوبهم

إقتباس تذكريني بالشيبان كل ما قاموا وقعدوا قالوا الله يرحم زمان اول وهم ما عندهم الا الدجة .. اولا :ليه نلوم الجيل هذا وهم ما لقوا احد يتحاور معهم ويطور افكارهم لان الاحظ الكثير من الاعضاء القدامى ينتقد المواضيع في الفترة الحالية وما يتنازل يرد على مواضيع الاعضاء الجدد ولو ترجع لمشاركاته الاولى تلاقيها اردى من مواضيع هالايام .. ثانيا :لكل جيل اهتماماته وطموحه ولازم نجاريه فيها .. ولكل زمان دولة ورجال ,,

أتفق معك بأني أخطأت بعقد مقارنة وهذا ما نبهني له الهامور
أنا ما قدرت أوصل فكرتي صح أنا كنت أطالب بالتنوع <<من ناحية الأعضاء الجدد فية مجموعة كبيرة جميلة
وأنا أرد على الجميع بدون ما ألتفت لمعرفة أو تاريخ عضويتة ومعاملتي للجميع وحدة
معك لكل جيل إهتماماته لكن نحاول نرتقي بهالإهتمامات للأفضل وما نتنازل عن القيم
التنوع جميل ومطلوب لأن إحتكار المنتدى على فكر واحد راح يقتلة أجمل ما في المجلس هي خلطة التنوع
فلو طغى عنصر على آخر تأخر المجلس وفقد خصوصيته لما تحتكر السياسة أو الفرفشة المجال فقط يصير خلل
أنا مع التنوع موضوع ثقافي موضوع إجتماعي موضوع فرفشة موضوع أدبي يعني مواضيع متنوعة
هذي الفكرة اللي أبي أوصلها أن حتى مواضيع أول مش كلها متميزة وهذا ما يجعلها أجمل هو التنوع

إقتباس ما ينلامون لان زمن الكتب ولى .. والحين زمن التكنولوجيا وانا اشوف ان جيل اليوم اكثر قراءة واطلاع من الجيل السابق والسبب انتشار الانترنت .. مو شرط اذا بغيت اقراء اروح اشتري كتاب الله يخلي قوقل مو مقصر

..

لازلت ممن يعيش في زمن الكتب إذا كانت قرأتنا من النت لكتب ودراسات أمر إيجابي
لأن فية مكتبات الكترونية كثيرة أنا يهمني أكثر مصدر المعلومة أنه يكون صحيح لأن النت سلاح ذو حدين
ليس المهم كم تقراء المهم ماذا تقراء الطريقة لاتهم تقدر تحصل على المعلومة بالصوت بطريقة سهلة لكن المصدر يكون ثقة

إقتباس مع اني ما احب الردود الطويلة جدا لكن موضوعك اجبرني اني اتفلت بالرد ..

ما عليك من السهران الماصل رد بأي طريقة تعجبك مهما طال الرد راح أكون مستمتعة دام هالشي ما يعجب بعض ناس

جميل هو حضورك والأجمل حروفك اللي تعلمت منها الكثير
كل الشكر لك ولتألقك





الشانزليزيه



يا مرحبا بالزين كلة

إذا ما تحبين الكورة حبيبتي جامليني وباركي بالصدارة تراني مدمنة كورة

إقتباس من جد كثير أشوفهم يسوونها الأغاني تصدح وترنح بالقناة وتلقين تحت غزة نصركِ الله ! اذكر مرة كنت فاتحة الـmbc الصبح وكانوا جايبين أغاني عن غزة يقالهم بينصرونها فيها ! استغفر الله والله شيء يضيق الصدر يعني هذا اللي قدرنا عليه نصرف فلوسنا على مشاريع غنائية ضخمة !

هو ده الكلام هذي الفكرة اللي أنا أدعمها
هذي متاجرة بالحرب والدماء وكسب سيء لمن لايهمهم موتانا بقدر ما يهمهم الربح والكسب المادي لا أكثر

إقتباس بالنسبة للمقاطعة أوكي إنّا بنقاطع بس نتمنى المقاطعه تجي من الحكومات والروس الكبيره والتجار ويوقفون إستيراد هالسلع أقلّ شيّ

أنا ما أميل لفكرة المقاطعه كلن لو جت منظمة يكون أفضل ومثل ما قلتي ما تكون فترة تكون دائمة
عشان ما يستغلونا التجار مع أنه ممكن تطلع لنا مشكلة إحتكار أخرى لأن التنوع في الإقتصاد يخدم المستهلك البسيط

الجميلة جدا بحضورها الراقي أخجل من حروفك العطرة
مجاملتك الرقيقة أسعدتني وأتشرف أن هناك من يتابع قلمي المتواضع
غاليتي كل الشكر لك بقدر ما تركته هنا من عطر






وجــدان



يا حيا الله العسل وجدان

إقتباس ماشاء الله عليك وش هالنشاط بجد لو تعطينن شوي منه كان تصيرين احسن وحده جايني كسل مو طبيعي مو بالردود بس حتى بالقراءه

تامرين يالغالية بعطيك نشاط بس بشرط روحي خذي وثيقتي من الكلية لاتضيع
حرام جهد السنين يروح عشان حالة المزاج اللي ما يبي يشوف منسوبي كلية النحس مرة ثانية
ما ادري متى ربي بيتوب علي واروح آخذها عفنت عندهم طلعت وثائق السنة الجاية
والمصيبة لين قالوا لي قدمي على وظيفة أنا أتوظف إذا بيعطوني مكتب الوزير ما عندي مانع
أو يازين التمتع بالعطلة والتسدح والتبطح بدل ما ألوث مخ بنات خلق الله لين درستهم

إقتباس لا بس موضوعك يحرك شيء في النفس لازم الواحد يرد خصوصاً في فقرة تشبيه النصراويين بحال امتنا العربيه تشبيه بليغ

زين طلعتك من الروتين

إقتباس بالنسبه للمواضيع صدقتي انا قبل اسجل كنت اشوف المجلس العام في قمة التميز ويحمس الاعضاء وكل الناس يتفاعلون وكل شيء اوكي بس الايام هذي ركووووود عجيب اللهم شتشتة ماجد كل خميس

هذا اللي أبي أقولة أني أحس بركود راح ينعشة التنوع

الغالية وجدان أستمتعت كثير بتواجدك عاليتي
كل الشكر لك ولقلبك الطيب




القيصر رهيب



حياك الله أخوي

إقتباس أصلا ما ابغى اقرا الموضوع بس كذا عباطه أبيك تغيرين الخط وبالنسبة لردي الاول ما راح أحررهـ متعب نفسي ولا استخدمت قوقل ولا شي بالاخير احررهـ سلام سلام

أصلا من قال أني أبيك هنا أطلع برا طالق طالق تهي تيهي <<خشيت جو مع التهزي في المسلسلات المصرية
أبي أفهم العصمة بيدها وتطلق زوجها وتبكي طلقتية بالطقاق وشولة تصيحين

إقتباس وناس تقرأ مواضيع أول والخواطر ولا يفهمون منها شي و مع ذلكـ يردون << عين تناظر وليد نتمنى جميعا ترجع الحيوية والفائدهـ اللي حببتنا بالقسم

هذا اللي أنا أطالب فية التنوع اللي ما يفهم الخواطر يلقى شي ثاني واللي ما يفهم شي ثاني يلقى خواطر
وفسر الماءَ بعد الجهد بالماءِ
فعلا انا أتمنى التنوع والحيوية ترجع من أيام أول

إقتباس أبيات والله ما تنوصف الحقيقة إني لحنتها وتخيلتها بصوت ذكرى

الحمد لله أن ذكرى صارت من الذكرى ترى أنا بريئة مما فعلت ليش تحملني أثم وتلحنها
كان علمتني أعطيك الباقي عن نستاثم صح من جد أخوي الله يهديك وتترك التلحين وتشتغل رقاصة
صدقني هالمجال ما وراه الا الهم بإمكانك تستغل موهبتك في الأناشيد الإسلامية وبكذا تطور هالمجال
من ترك شيء لله عوضة الله خير منه وصدقني أن رب العالمين بيفتحها عليك لو تركت التلحين عنك
أجل تبي تاثمني تغني كلماتي يا خراااااشي لم نفسك ابل ما لم عليك الشااااارع
ما سكة خط مع المصارية <<أحسك تقول ما سوت علي أمدحها هي وأبياتها الخايسة ماتنعطى وجة

كل الشكر لحضورك الجميل أخوي الغالي
أستمتعت كثيرا بحروفك وبتواجدك الراقي أيها الراقي




عاشق الموهوب 10



حيا الله أخوي المرتب بالألوان المنسقة الحلوة

إقتباس بكل بساطة لأن الأول يتعلق ببطنه وهذا أهم شي .. بالنسبه للقراءه أنا وأعوذ بالله من كلمة أنا هداني ربي وصرت أقرأ بعضاً من الكتب << أروح فصحى .. جد والله شباب في كتاب أنصحكم فيه وهو أسمه (متعة الحديث) لـ عبد الله بن محمد الداوود وهو جزئين ويتكلم عن الحكم والأمثال بالأضافه إلى خواطر لـ أحمد الشقيري ..

فعلا من أجمل الكتب الخفيفة اللي قريتها وحتى كتاب لاتحزن لعايض القرني وكتاب العريفي استمتع بحياتك
كتب خفيفة وممتعة وما تاخذ قراءتها وقت

أنت الوحيد اللي جبرت بخاطري ومدحت التنسيق كلهم أشتكوا من سوء الخط

كل الشكر لتواجدك الجميل وتنسيق الراااااايق وحضورك المشرق وإطلالتك العذبة
أستمتعت كثير بحروفك





وردة الهلال



حيا الله وردتي المفتحة

إقتباس مادري كلماتي سوقيه! ولا انا مسترجله؟ ولا المنتدى هنا ماقد قالوها ولا وش العله بالضبط إلي اول مره تسمعينهم؟

على فكرة كلماتك ما فيها شي أنا اللي ما اددري وين ربي حاطني فية
أحيانا احس أني موب عايشة في الدنيا واستحي أسئل مثل هالأسئلة البايخة
لأنه مثل ما فهمت من تفسيرك أنها وردت في المعجم بس المعجم اللي عندي مشقوقة الصفحة<<تصريف
يمكن سمعتها بس ما أعطيتها بال لكن لما سمعتها هنا وقلبت معناها جتني تناحتي المعتادة وما فهمت
الشخص اللي موب إجتماعي يعاني أحيانا من سرعة وصول المصطلحات الجديده له وهذا يعزلة عن المجتمع أكثر


وردتي المتميزة لازلتي تنثرين عطورك الجميلة في كل مكان تعبرينة
كل الشكر لتوضيحك غاليتي وأعتذر عن تناحتي لكرم توضيحك


بالحب والإشراق

خجل الحب



الجميلة جدا خجل حياك الله يالغلا

إقتباس هههههه .. يستآهلوون الخسآره .. ماحد قالهم يعآندون الزعيم ويحطوون رآسهم برآسه

ترى الشماته شينة يالغالية تحلي بالأخلاق السعودية الإسلامية الحسنة

إقتباس ذكرتيني بموقف قبل فتره ..وحده من صآحبآتي تتكلم عن المقآطعه .. وتقول لنآ أتركووو المنتجآت الأمريكيه .. بعدهآ بيووم لما رحنآ للكفتريآ .. أخذت منهم ببسي .. ولما قلنا لهآ وين المقاطعه اللي تقولينها قالت الببسي ما أقدر أقآطعه << طيب ماتقدرين لا تتكلمين .. يعني أحنآ نتكلم بس مانطبق ..

صاحبتك إنسانة حماستها للدين قوية لكن مدمني السجائر قاطعوا كل شي الا التدخين فصديقتك ما قدرت تتنازل عن الببسي
ببساطة أحنا شعب متناقض والمسألة عاااااادي وسعي صدرك حتى أنا من ضمن المتناقضين

الجميلة خجل الحب مرورك هنا وحروفك اسعدتني كثيرا
كل الشكر لك بعدد نبضات قلبك الطيب




يـ إني هلاليه ـلوموني



حياك الله قلبوا

إقتباس تشلسي كلهم يهود المفروض يٌقاطع آمــا مانـيوو لو قاطعنا مانشستر نشجع مين ارسنال ولا ليفربول

أنا ما طالبت بالمقاطعه لكن أتكلم عن تناقض مجتمعنا

والأرسنال وليفربول بريطانيين يعني الدوري الأنجليزي بكبرة نقاطعة

عموما أنا من جمهور ما نشستر مثلتس يارب نفوز في كل المباريات القلب لكريستانو رونالدو

جميلتي سعيدة جدا بحروفك وتواجدك هنا
كل الشكر لك ولقلبك




الترنيدو25



حياك الله اخوي الغالي

إقتباس بس وشو سؤال البنات المفروض فيه سؤال للرجال <<<< مايعرف يصرف على طول من شاف الابتسامات ضلل النص (وجه فاطس من الضحك )

أتوقع أنك لما ظللت الكلام تدور سؤالكم الضايع <<حلو العذر

أخوي الغالي سعيدة جدا بمرورك وفضولك
شاكرة حضورك الجميل




وليد القحطاني



أحفادي متجمعين هنا

حياك الله وليدي وليد

إقتباس بخصوص المقاطعة والله ماصرنا نقاطع والله ستار بكس مانقدر نتخلى عنه رغم الكلام اللي جاء من الشيوخ اللي يقول ستار بكس مايدعم اسرائيل والله العالم ومالكدونالدز توني متعشي منه امس لكن الله يعينا بس

ما وصلتك رسالة سعد البريك عن ماك لاتأنب ضميرك تراها بالنية

انا سمعت أن مالك في الأدب قصدي الشعر فكيف تعلق على حروفي يقولون انك تجامل فند من فضلك

سعيدة بتواجدك وحضورك ويقال أصل متأخرا أفضل أن لا أصل
أستمتعت بحضورك ومبروك الصدارة مؤقتا
كل الشكر على مجاملتك الرقيقة حفيدي الغالي




الكلاسيكي



حياك الله وليدي عدولة

إقتباس هلا بك اختي رائدة الحرف .. حضور جميل .. وابداااع متواصل .. وابارك لكل الهلاليين , واهني كل النصراوين (لصبرهم ) .. احد اقاربي يحضر كل مباراه للنصر لانه ع حسب كلامه دمه اصفر , يقول مانروح نشجع من اجل الفوز , فقط من اجل الخروج باقل الخسائر

الله يبارك فيك بس قريبكم وسيع صدر أحضر وأنا عارفة أننا بننهزم ما فية أمل أنا أول الهلاليين قليلين الخاتمة

إقتباس وهذا كله بسبب العواطف المندفعه مثل ماذكرت , هذا الكلام كان الساعه 4 عصراً . . الساعه 8 مساء يشاهد ديربي احدى الدول الاوربيه (مابي اتهجم ع احد قريب ) الساعه 10 متعشي من كنتاكي , والساعه 12 يشاهد فلم روسي ونسى كل شي بدقايق .. ولا كان شي صار ابد ..

عادي وليدي أحنا مجتمعنا متناقض وتتغير مشاعرة في ثواني

أنا ما أقول نكتئب وننتحب لكن نكون متوازنيين في أمورنا وما نبالغ وما نكون مجرد ردة فعل
أنا أتمنى أن أحنا نكون الفعل وما بيصير هالشي الا بالعودة للدين مش قنوات الأغاني

إقتباس مثل ماقلتي رائده .. احنا بحاجه ان نصلح انفسنا واخواننا ومجتعمنا وشعبنا باكمله .. بعدها نفكر في تحليل قضايا الامم المتحده ..

هنا أشتغلت الجينات فاتفقنا في نفس الفكرة

إقتباس اما عن الفضول , فانا ما كان عندي نيه اظلل تعرفيني سنع وذرب .. بس بحكم اني مشرف مهنتي تلزمني اكون فضولي واطلع على كل شي << عذر مقنع ولا!!

أفا يا عادل يعني ما فية ثقة<<فاهمه غلط
مهامك كمشرف تبرر لقافة السعوديين بعد تداول العذر وعرضة وتحليلة تم قبولة بتحفظ<<يحتريك تقبلينه
حقيقة من ناحية الذرابة والأخلاق والأدب فشهادتي فيك مجروحة ما شاء الله عليك من أكرم الناس أخلاقا


حفيدي الغالي دائما تضيف لي الكثير بحضورك وأفكارك المتجددةأتمنى نشوف لك موضوع قريب من جد نفتقد حروفك
كل الشكر لك بقدر ما تركته هنا من تميز


بالحب والإشراق

إقتباس كان إحساسي وحيد وكنت في لحظة حزينة وكانت الدنيا تشتت حلمنا وترجع تلمة كانت احلامي كبيرة وكانت آمالي ثمينة كنت قمة في التفائل كنت اشوف الهم همة لين ما وقفت عنده وصرت في حبة سجينة كان حبه كل همي وكان حبي ما يهمه حب من إحساس واحد.. إنتحار..الا غبينه والغبينة إنتحارك لجل شخصً ما تهمه

كبييييييييرة ياجدتي
ماشاء الله على الأبداع المنقطع النظير
انا مع الفغرة علي انك تستحقين تاخذين العضو المميزة لهذا الشهر
انا مالي دخل في الترشيح لكن كل شئ واضح ..
وعلي يستاهل العضو الملقوف لهذا الشهر ..

..

جدتي الف شكر لك ..
موضوع جميل جداً , اختصرتي فيه اكثر من موضوع
وماقصرتي وعساكِ على القوة
فمان الله

nor alshams



حياك الله يالنور كلة

إقتباس حنا أغلبنا بس نتكلم وقت الأزمة ونصيح وننوح ,, وبعد ماتخلص الحرب نرجع لحالنا ولهونا .. مع انه المفروض يكون الشيء اللي صار لاخواننا فيه عضة وعبرة لنا لنغير حالنا ونحاسب أنفسنا , مو لازم العالم تدري اني تغيرت أصلح مابيني وبين الله تصلح حالنا بالدنيا والآخرة .. ماندري اليوم على غزة بكرا علينا والدمار بيجينا سواءاًمن قوة بشرية تدمر بلادنا أو عقوبة من الخالق عز وجل بزلزال أو فيضان يدمر المدن ويقتل البشر مثل ماصار لغزة

العقوبات هذي بسبب ذنوبنا مثل ما قلتي
فلما نطلب بالجهاد فقط لرد الثأر وليس إعلاء الدين فلن تكون شهادة لأننا حاربنا للدنيا وليس للآخرة
فاللي يقول كلنا مسلمين السنة والروافض غلط لأن أحنا نبي نعلي الإسلام الصحيح الإسلام اللي علية الرسول
صلى الله علية وسلم وأصحابة ما نعلي دين يسب الصحابة ويبيح دماء من يخالفهم

على طاري الأنشودة أهديك هالأنشودتين مستحيل أسمعها بدون ما تدمع عيوني

أمة القرآن
كل ما سمعتها تذكرت تهاون الناس في الأسهم الربوية وأنها سبب مصائبنا

أمتي
هذي مرة روعة
أحسها فعلا تمثل حال مجتمعنا

أنا ما أسمع أناشيد لكن هالشريط غير لما سمعته لأول مرة بالصدفة خذيتة من زوج أختي
فعلا فية أناشيد حلوة تغيرت نظرتي من خلال هالشريط

وهذي ما لها علاقة بس كل ابو دايم احب اسمعها تطربني
غصب تدمع عين اللي يسمعها

رأيت الموت

أحس أني جبت الشريط كلة ما أنعطى وجة بس من جد خشيت جو

إقتباس أأيد ماذكرتيه في المقاطعة اللي إذا فعلناها راح تفيد ..!! لكن مقاطعة الرياضة الاجنبية مااتوقع ان شبابنا بيسونَه أعتقد لا مانع من متابعة الرياضة الأجنبية والتمتع بمشاهدها لما يملكون من الفن الكروي الرائع لكن أهم شي انها ماتنسيك قضيتك الاساسية وامتك اللي تنتظر من أبناءها الكثير ونصرتها لن تكون الا بمجاهدة أنفسنا وترك المعاصي وتعلقنا بالغرب

أنا أقول نقاطع كل شي او نترك كل شي يعني نقاطع النافع واللي أحنا نستفيد منه
ونترك الأشياء اللي تأثر على عقولنا وهممنا وافكارنا
نشوف افلامهم نغني اغانيهم نشوف مبارياتهم وجت على أكل وصناعة مفيدة
وش الأولى بالمقاطعة اللي يظرنا أو اللي ينفعنا

عموما أنا ما خشيت مقاطعات صحيح أني ما أحب ما كدونالدز وأفضل محل قهوة عندي انواع القهوة في التحلية
وما لي علاقة بستار بوكس وماك لكن أنا أتكلم عن المبداء والنظرة الشاملة للأمور
أن أحنا كمستهلك بسيط نتضرر من المقاطعات لأن تجارنا جشعين ويستغلونا أسواء إستغلال

إقتباس {{ الرجال من المريخ والنساء من الزهرة}} تصدقين هالكتاب عندي له مادري كم سنة والى الان مادري وش يتحدث عنه !! بس أذكر أختي تمدحه .. نقرأه إن شاء الله إذا لقيت وقت .. نحن مجتمع لا يقرأ لذلك نتعجب من اللي يقرأ الكتب والحين جاء النت وخربنا صرنا مانعرف نقرأ إلا من الشاشات ولا نعترف بالورق

عشان كذا جبت رابط تحملين علية الكتاب وتقرينة من الشاشة
شوفي ما أخدعك فية أفكار غير منطقية في الكتاب لكن فية بعض الفائدة
فية نقاط ما هي صحيحة لكن تنطبق على مجموعة ومجموعة لاء لكن تساعد في فهم الآخر
فكل شخص يحكم على اللي يستفيد منة والتنوع في القراءة تعطينا أفق أوسع في التعامل مع الأمور

إقتباس كنا لا نشاهدك الا بالشهرين أوالثلاث أو الأربع الا مرة واحدة أما الآن فـ ما شاء الله متفاعلة مع الكل

كنت مشغولة بالدراسة وأدخل سريع سريع أقراء وأطلع بدون ردود لأن وقتي ضيق
بعد ما تخرجت وسويت كل مشاريعي المؤجلة وجربت كل ملذات الحياة
رجعت للمنتدى ولا أضمن لك بقائي فمزاجي ممكن يلاقي شي ثاني غير النت
ومتى ما مسكت معه سوا اللي يبي أنا مالي علاقة تبين شي تفاهمي مع مزاجي عجزت فية تعبني
المهم الآن أنا في فترة نقاهه قبل العودة لأكمال مشاريعي الآخرى بالعربي فاضية
"تطبيقا لنصيحتك تركت الكلام بالأسود لأنه لك مانبي أحد يقراه"

إقتباس معليش طوولت وشكلي بعد شطحت بس مااتوقع ان ردي هذا أطول من ردودك ما شاء الله .

خالي الماصل يقرب لك هو اللي يتذمر من ردودي كذا تعديتي على حقوقة

خذي راحتك خلنا نرفع ضغطة بالردود الطويلة عشان نعذبة يقراها

حين نتساءل عن مصدر النور والدفئ هنا نتيقن بوجود معرفك المتميز جميلتي
أستمتعت كثير في ردك واستفدت أكثر حبيبتي
كل الشكر لك بقدر ما تركت هنا من روعة وتألق