إقتباس كان إحساسي وحيد وكنت في لحظة حزينة وكانت الدنيا تشتت حلمنا وترجع تلمة كانت احلامي كبيرة وكانت آمالي ثمينة كنت قمة في التفائل كنت اشوف الهم همة لين ما وقفت عنده وصرت في حبة سجينة كان حبه كل همي وكان حبي ما يهمه حب من إحساس واحد.. إنتحار..الا غبينه والغبينة إنتحارك لجل شخصً ما تهمه

كبييييييييرة ياجدتي
ماشاء الله على الأبداع المنقطع النظير
انا مع الفغرة علي انك تستحقين تاخذين العضو المميزة لهذا الشهر
انا مالي دخل في الترشيح لكن كل شئ واضح ..
وعلي يستاهل العضو الملقوف لهذا الشهر ..

..

جدتي الف شكر لك ..
موضوع جميل جداً , اختصرتي فيه اكثر من موضوع
وماقصرتي وعساكِ على القوة
فمان الله

وعليكم السلام ورحمة الله وبركاته ..

هلا بك اختي رائدة الحرف .. حضور جميل .. وابداااع متواصل ..
وابارك لكل الهلاليين , واهني كل النصراوين (لصبرهم ) ..

احد اقاربي يحضر كل مباراه للنصر لانه ع حسب كلامه دمه اصفر ,
يقول مانروح نشجع من اجل الفوز , فقط من اجل الخروج باقل الخسائر

نجي لم موضوعنا , ذكرت في احدى الردود ان العاطفه عندنا جياشه بشكل خيالي ..
يبدوا لي ان عندنا عاطفه لو وزعناها على العالم كفتهم .. لاننا تاثرنا كثير بما حدث
لغزه , وظهر لنا المطالبين بفتح المجال للجهاد وهو مايعرف كيف يحمل سلاحه !!
ولا يدري وين مسجد حارتهم معه !!

وهذا كله بسبب العواطف المندفعه مثل ماذكرت , هذا الكلام كان الساعه 4 عصراً . .
الساعه 8 مساء يشاهد ديربي احدى الدول الاوربيه (مابي اتهجم ع احد قريب )
الساعه 10 متعشي من كنتاكي , والساعه 12 يشاهد فلم روسي
ونسى كل شي بدقايق .. ولا كان شي صار ابد ..

مثل ماقلتي رائده .. احنا بحاجه ان نصلح انفسنا واخواننا ومجتعمنا وشعبنا باكمله ..
بعدها نفكر في تحليل قضايا الامم المتحده ..

اما عن القراءه , فمشكلتنا اننا لم نربى على القراءه منذ الصغر .. لذلك انا اطالب
كل اب او اخ كبير انه يحاول يعود اخوانه الصغار ع قراءة القصص الصغيره المسليه ..

اما عن الفضول , فانا ما كان عندي نيه اظلل تعرفيني سنع وذرب ..
بس بحكم اني مشرف مهنتي تلزمني اكون فضولي واطلع على كل شي << عذر مقنع ولا!!

اعتقد ان الامر مو كله حب بالممنوع , ولكن حب في التجارب اتوقع هيك

رائده الحرف , شكراً لما نسجته اناملك ..
ولاتحرمينا جديد اطلالتك النيره ..
وتقبلي احترامي وتقديري ..
دمتي بخير

خجل الحب



الجميلة جدا خجل حياك الله يالغلا

إقتباس هههههه .. يستآهلوون الخسآره .. ماحد قالهم يعآندون الزعيم ويحطوون رآسهم برآسه

ترى الشماته شينة يالغالية تحلي بالأخلاق السعودية الإسلامية الحسنة

إقتباس ذكرتيني بموقف قبل فتره ..وحده من صآحبآتي تتكلم عن المقآطعه .. وتقول لنآ أتركووو المنتجآت الأمريكيه .. بعدهآ بيووم لما رحنآ للكفتريآ .. أخذت منهم ببسي .. ولما قلنا لهآ وين المقاطعه اللي تقولينها قالت الببسي ما أقدر أقآطعه << طيب ماتقدرين لا تتكلمين .. يعني أحنآ نتكلم بس مانطبق ..

صاحبتك إنسانة حماستها للدين قوية لكن مدمني السجائر قاطعوا كل شي الا التدخين فصديقتك ما قدرت تتنازل عن الببسي
ببساطة أحنا شعب متناقض والمسألة عاااااادي وسعي صدرك حتى أنا من ضمن المتناقضين

الجميلة خجل الحب مرورك هنا وحروفك اسعدتني كثيرا
كل الشكر لك بعدد نبضات قلبك الطيب




يـ إني هلاليه ـلوموني



حياك الله قلبوا

إقتباس تشلسي كلهم يهود المفروض يٌقاطع آمــا مانـيوو لو قاطعنا مانشستر نشجع مين ارسنال ولا ليفربول

أنا ما طالبت بالمقاطعه لكن أتكلم عن تناقض مجتمعنا

والأرسنال وليفربول بريطانيين يعني الدوري الأنجليزي بكبرة نقاطعة

عموما أنا من جمهور ما نشستر مثلتس يارب نفوز في كل المباريات القلب لكريستانو رونالدو

جميلتي سعيدة جدا بحروفك وتواجدك هنا
كل الشكر لك ولقلبك




الترنيدو25



حياك الله اخوي الغالي

إقتباس بس وشو سؤال البنات المفروض فيه سؤال للرجال <<<< مايعرف يصرف على طول من شاف الابتسامات ضلل النص (وجه فاطس من الضحك )

أتوقع أنك لما ظللت الكلام تدور سؤالكم الضايع <<حلو العذر

أخوي الغالي سعيدة جدا بمرورك وفضولك
شاكرة حضورك الجميل




وليد القحطاني



أحفادي متجمعين هنا

حياك الله وليدي وليد

إقتباس بخصوص المقاطعة والله ماصرنا نقاطع والله ستار بكس مانقدر نتخلى عنه رغم الكلام اللي جاء من الشيوخ اللي يقول ستار بكس مايدعم اسرائيل والله العالم ومالكدونالدز توني متعشي منه امس لكن الله يعينا بس

ما وصلتك رسالة سعد البريك عن ماك لاتأنب ضميرك تراها بالنية

انا سمعت أن مالك في الأدب قصدي الشعر فكيف تعلق على حروفي يقولون انك تجامل فند من فضلك

سعيدة بتواجدك وحضورك ويقال أصل متأخرا أفضل أن لا أصل
أستمتعت بحضورك ومبروك الصدارة مؤقتا
كل الشكر على مجاملتك الرقيقة حفيدي الغالي




الكلاسيكي



حياك الله وليدي عدولة

إقتباس هلا بك اختي رائدة الحرف .. حضور جميل .. وابداااع متواصل .. وابارك لكل الهلاليين , واهني كل النصراوين (لصبرهم ) .. احد اقاربي يحضر كل مباراه للنصر لانه ع حسب كلامه دمه اصفر , يقول مانروح نشجع من اجل الفوز , فقط من اجل الخروج باقل الخسائر

الله يبارك فيك بس قريبكم وسيع صدر أحضر وأنا عارفة أننا بننهزم ما فية أمل أنا أول الهلاليين قليلين الخاتمة

إقتباس وهذا كله بسبب العواطف المندفعه مثل ماذكرت , هذا الكلام كان الساعه 4 عصراً . . الساعه 8 مساء يشاهد ديربي احدى الدول الاوربيه (مابي اتهجم ع احد قريب ) الساعه 10 متعشي من كنتاكي , والساعه 12 يشاهد فلم روسي ونسى كل شي بدقايق .. ولا كان شي صار ابد ..

عادي وليدي أحنا مجتمعنا متناقض وتتغير مشاعرة في ثواني

أنا ما أقول نكتئب وننتحب لكن نكون متوازنيين في أمورنا وما نبالغ وما نكون مجرد ردة فعل
أنا أتمنى أن أحنا نكون الفعل وما بيصير هالشي الا بالعودة للدين مش قنوات الأغاني

إقتباس مثل ماقلتي رائده .. احنا بحاجه ان نصلح انفسنا واخواننا ومجتعمنا وشعبنا باكمله .. بعدها نفكر في تحليل قضايا الامم المتحده ..

هنا أشتغلت الجينات فاتفقنا في نفس الفكرة

إقتباس اما عن الفضول , فانا ما كان عندي نيه اظلل تعرفيني سنع وذرب .. بس بحكم اني مشرف مهنتي تلزمني اكون فضولي واطلع على كل شي << عذر مقنع ولا!!

أفا يا عادل يعني ما فية ثقة<<فاهمه غلط
مهامك كمشرف تبرر لقافة السعوديين بعد تداول العذر وعرضة وتحليلة تم قبولة بتحفظ<<يحتريك تقبلينه
حقيقة من ناحية الذرابة والأخلاق والأدب فشهادتي فيك مجروحة ما شاء الله عليك من أكرم الناس أخلاقا


حفيدي الغالي دائما تضيف لي الكثير بحضورك وأفكارك المتجددةأتمنى نشوف لك موضوع قريب من جد نفتقد حروفك
كل الشكر لك بقدر ما تركته هنا من تميز


بالحب والإشراق

nor alshams



حياك الله يالنور كلة

إقتباس حنا أغلبنا بس نتكلم وقت الأزمة ونصيح وننوح ,, وبعد ماتخلص الحرب نرجع لحالنا ولهونا .. مع انه المفروض يكون الشيء اللي صار لاخواننا فيه عضة وعبرة لنا لنغير حالنا ونحاسب أنفسنا , مو لازم العالم تدري اني تغيرت أصلح مابيني وبين الله تصلح حالنا بالدنيا والآخرة .. ماندري اليوم على غزة بكرا علينا والدمار بيجينا سواءاًمن قوة بشرية تدمر بلادنا أو عقوبة من الخالق عز وجل بزلزال أو فيضان يدمر المدن ويقتل البشر مثل ماصار لغزة

العقوبات هذي بسبب ذنوبنا مثل ما قلتي
فلما نطلب بالجهاد فقط لرد الثأر وليس إعلاء الدين فلن تكون شهادة لأننا حاربنا للدنيا وليس للآخرة
فاللي يقول كلنا مسلمين السنة والروافض غلط لأن أحنا نبي نعلي الإسلام الصحيح الإسلام اللي علية الرسول
صلى الله علية وسلم وأصحابة ما نعلي دين يسب الصحابة ويبيح دماء من يخالفهم

على طاري الأنشودة أهديك هالأنشودتين مستحيل أسمعها بدون ما تدمع عيوني

أمة القرآن
كل ما سمعتها تذكرت تهاون الناس في الأسهم الربوية وأنها سبب مصائبنا

أمتي
هذي مرة روعة
أحسها فعلا تمثل حال مجتمعنا

أنا ما أسمع أناشيد لكن هالشريط غير لما سمعته لأول مرة بالصدفة خذيتة من زوج أختي
فعلا فية أناشيد حلوة تغيرت نظرتي من خلال هالشريط

وهذي ما لها علاقة بس كل ابو دايم احب اسمعها تطربني
غصب تدمع عين اللي يسمعها

رأيت الموت

أحس أني جبت الشريط كلة ما أنعطى وجة بس من جد خشيت جو

إقتباس أأيد ماذكرتيه في المقاطعة اللي إذا فعلناها راح تفيد ..!! لكن مقاطعة الرياضة الاجنبية مااتوقع ان شبابنا بيسونَه أعتقد لا مانع من متابعة الرياضة الأجنبية والتمتع بمشاهدها لما يملكون من الفن الكروي الرائع لكن أهم شي انها ماتنسيك قضيتك الاساسية وامتك اللي تنتظر من أبناءها الكثير ونصرتها لن تكون الا بمجاهدة أنفسنا وترك المعاصي وتعلقنا بالغرب

أنا أقول نقاطع كل شي او نترك كل شي يعني نقاطع النافع واللي أحنا نستفيد منه
ونترك الأشياء اللي تأثر على عقولنا وهممنا وافكارنا
نشوف افلامهم نغني اغانيهم نشوف مبارياتهم وجت على أكل وصناعة مفيدة
وش الأولى بالمقاطعة اللي يظرنا أو اللي ينفعنا

عموما أنا ما خشيت مقاطعات صحيح أني ما أحب ما كدونالدز وأفضل محل قهوة عندي انواع القهوة في التحلية
وما لي علاقة بستار بوكس وماك لكن أنا أتكلم عن المبداء والنظرة الشاملة للأمور
أن أحنا كمستهلك بسيط نتضرر من المقاطعات لأن تجارنا جشعين ويستغلونا أسواء إستغلال

إقتباس {{ الرجال من المريخ والنساء من الزهرة}} تصدقين هالكتاب عندي له مادري كم سنة والى الان مادري وش يتحدث عنه !! بس أذكر أختي تمدحه .. نقرأه إن شاء الله إذا لقيت وقت .. نحن مجتمع لا يقرأ لذلك نتعجب من اللي يقرأ الكتب والحين جاء النت وخربنا صرنا مانعرف نقرأ إلا من الشاشات ولا نعترف بالورق

عشان كذا جبت رابط تحملين علية الكتاب وتقرينة من الشاشة
شوفي ما أخدعك فية أفكار غير منطقية في الكتاب لكن فية بعض الفائدة
فية نقاط ما هي صحيحة لكن تنطبق على مجموعة ومجموعة لاء لكن تساعد في فهم الآخر
فكل شخص يحكم على اللي يستفيد منة والتنوع في القراءة تعطينا أفق أوسع في التعامل مع الأمور

إقتباس كنا لا نشاهدك الا بالشهرين أوالثلاث أو الأربع الا مرة واحدة أما الآن فـ ما شاء الله متفاعلة مع الكل

كنت مشغولة بالدراسة وأدخل سريع سريع أقراء وأطلع بدون ردود لأن وقتي ضيق
بعد ما تخرجت وسويت كل مشاريعي المؤجلة وجربت كل ملذات الحياة
رجعت للمنتدى ولا أضمن لك بقائي فمزاجي ممكن يلاقي شي ثاني غير النت
ومتى ما مسكت معه سوا اللي يبي أنا مالي علاقة تبين شي تفاهمي مع مزاجي عجزت فية تعبني
المهم الآن أنا في فترة نقاهه قبل العودة لأكمال مشاريعي الآخرى بالعربي فاضية
"تطبيقا لنصيحتك تركت الكلام بالأسود لأنه لك مانبي أحد يقراه"

إقتباس معليش طوولت وشكلي بعد شطحت بس مااتوقع ان ردي هذا أطول من ردودك ما شاء الله .

خالي الماصل يقرب لك هو اللي يتذمر من ردودي كذا تعديتي على حقوقة

خذي راحتك خلنا نرفع ضغطة بالردود الطويلة عشان نعذبة يقراها

حين نتساءل عن مصدر النور والدفئ هنا نتيقن بوجود معرفك المتميز جميلتي
أستمتعت كثير في ردك واستفدت أكثر حبيبتي
كل الشكر لك بقدر ما تركت هنا من روعة وتألق