السلام عليكم ورحمة الله وبركاته

بعد هدوء الأعصاب بسبب التعادل في مباراة الوطني وقبل مباراة الغد التي هي بإذن الله هلاليه

رأيت الأغلبيه من جماهير الزعيم وضع تحت كلمة الزعيم مليون خط من يسب ويشتم ويقلل

أنا ما ودي أطول عليكم ولا أكثر عليكم لكن ودي أسألكم

لو الهلال تعاقد من ميسي وكريس وتشافي ومانجحوا ؟؟؟ وش بتكون ردة فعلك أعطيك بعض الاجوبه

( ياخي الإداره غبيه ذولي لاعبين كبار مايعرفون يلعبون هنا )
(شلون تجيب لاعب يلعب معه إيتو وهنري وبويول بواحد يلعب معه نامي والفريدي )

هذي بعض النماذج لأنه من جد عندنا أسلوب في إختراع السبه لكن المدح على العكس ؟؟؟؟


ياشباب يا أخواني يازعماء خلونا نقول محترفينا فاشلين وداجين هذا اللي جانا من الله وهذا اللي قدرنا عليه
مانقدر نغيرهم يعني الكلام لايزيد بل ينقص خلونا نصبر ونحاول ندعمهم لانضيع أنفسنا بأنفسنا ياشباب
مافيه فترة تسجيل ثالثه عشان نغير اللاعبين يعني حنا جالسين نسب وننتقد بلا فائده لأنها لم يغيّر شيء
ولنفترض أن سول في مباراة الوطني سجل هاتريك ومباراة النصر سجل سوبر هاتريك بعدها ماشفناه سوى شي
ولنا أكبر دليل ليلو قدام الوطني قلنا بس هذا ضالتنا ومباراة الإتفاق قلنا أسطورتنا وبالأخير خيخه

عبدالرحمن بن مساعد أعتذر وليس هو المفروض أن يعتذر !! وطلب منكم ان تعذروه على التقصير الذي لم أراه !!

هذا اللي قدر عليه أو ذولي اللاعبين المتاحين الممكن جلبهم للزعيم !! ولكل مجتهد نصيب

فهل نصيب ابن مساعد الإنتقاص والتقليل من شأنه كما رأيت عقب مباراة الوطني




أخي المشجع لك أن تسأل نفسك ؟؟؟؟؟ كم مباراه حضرتها للزعيم في هذا الموسم
كيف تبي فريقك يبدع ويمتع وانت قاعد بالبيت فص فص وشاي ؟؟؟؟؟؟؟

من ناحيتي أنا ولله الحمد مافاتتني ولا مباراه وبإذن الله مابتفوتني مباراه الله لايعوق بشر

حتى مباراة الحزم 4/2 ولو إنها تحصيل حاصل لكن حضرت حباً للزعيم وعشقاً لمشاهدته

ياشباب قالها عبدالرحمن بن مساعد في نهاية الموسم حاسبونا مو اللحين لأنه اللحين

مابيتغير شي فخلونا نحضر ونملى المدرجات ونشجع وإذا أنتهى الموسم بدون نتائج ذاك الوقت ننتقد


شباب والله الكلام يطول لكن مابي أطول عليكم وأمللكم

بالله عليكم كل واحد يناظر بنفسه وش عطيت الهلال حتى يعطيك ؟؟

أقل شي نقدمه للهلال فهو الحضور فل نملئ المدرجات......

أتمنى إني توفقت في الكتابه الغير المنظمه واتمنى إني أوصلت الفكره لكم



جلال العتيبي