الهــــــلال vs النصر - نادي الهلال السعودي - شبكة الزعيم

washdee · #1 22/01/2009, 10:02 AM

صبحكم / مساكم الله بالخير جميعا ..

جمهور الزعامه .. عشاق زعيم اسيا .. جمهور نادي الهلال

كما جرت العاده دوما .. قبل المباريات المهمه ان تكون اغلب المواضيع في المنتدى هي دعوات لحضور المباراه .. رغم ان الجميع يدري اللي راح يحضر راح يحضر عشان الزعيم وبس .. ومايحتاج له دعوة .. اما اللي مو حاضر لو طلبته مليون مره مو بجاي ..

النصر .. اعد عدة جباره لمواجهة الزعيم .. ارسل طياره خاصه للكويكبي عشان يجي بسرعه ويشد البوت (( اكرمكم الله )) ..

تعاقد بسرعه مع العماني ربيع .. حاول ينهي صفقة حسام غالي بأسرع وقت لكن الظاهر الوقت ما اسعفه ..

عطلوا صفقة المحياني وقالوا انهم انسحبوا من الصفقه بعد ما اخروها بس عشان لا يلعب طلق المحيا جنب القناص ضدهم ..

هذا كله عشان مباراة 3 نقاط ضدنا ؟؟

.. لكن حتى لو ..

نسوا ان الزعيم كان ياكلهم من ايام الاطلال (( ماجد ومحيسن .. الخ ))

نسوا ان الزعيم ما يحتاج احد اجنبي عشان يفوز عليهم ..

نسوا ان القناص لوحده بدون عيسى سجل بكل الوسائل القانونيه في مرماهم ..

اللي ابغى اقوله ياجماعة الزعماء ..

**مباراة الجمعه مباراه مهمه .. واكيد انتو ادرى .. عشان كده لاحد يبخل علينا في الحضور .. رغم اني ادري ان اغلب الجماهير جاية من خارج الرياض ..لكن ما يمنع ان جمهور الرياض لوحده يزلزل الملعب ويكون هو الجمهور الرئيسي ..

** اللي ماشاف الرساله اللي وجهها شبيه الريح

في برنامج مقابله لجمهور الزعيم اتمنى من كل قلبي ان يشوفه .. لان فيها من الكلام والعبر الكثير

** ياسر يصرح اليوم ويقول (( بعد التسحيب والكعب راح اسجل بيدي ))

عاد تكفى يابو سعيد لا تتهور .. ترا فريقهم يخافون .. بعدين يقولوا (( شفتوا .. اكيد ربطة يد ياسر فيها شعوذه ))

ومايصدقون على الله وقتها

الله يشفي العقول المريضه ..

** رومانيا كلها تتكلم عن رادوي .. لا تنسوا ان الطريق قدامنا طويل ولا تقولو لاعب مانحتاجه .. عزيز وعمر مصابين .. وياعالم ماندري بكره وش يصير ..

اسف ان طولت عليكم .. واللي عنده رأي يدزه ..

تجتمع قلوبنا على حب الزعيم

وتجتمع اجسادنا في الملاعب

مدمن الزرق · #2 22/01/2009, 10:06 AM

مشكووور لاكن نبي صور الجمهور الازرق المبدع

washdee · #3 22/01/2009, 10:11 AM

اتمنى اي احد عنده صور للجمهور ينزلها ولا يبخل علينا

الشمري 999 · #4 22/01/2009, 10:13 AM

الموج الأزرق سحابه *** فيها الغرق لا أمطرت

ياللي تتحدى الذيابه *** الموت لاكشّرت

هلاليه مسرعه · #5 22/01/2009, 10:18 AM

لاربيع العماني ولاكوكيبي النصر

قناص أسيا والتايب وكل نجووووم الهلال قوهـ
هجوم دفاع وسط ضاربه

washdee · #6 22/01/2009, 10:20 AM

يعطيكم العافيه ..

هل الهلال وهلت افراح وامال *** عشق تنامى من سنين الطفوله

للفن والامتاع قصه وموال *** ازرق وابيض صفقوا واهتفوا له

southshields · #7 22/01/2009, 01:04 PM

جمهور النسيم بيملون الملعب... سواً للهلال او النصر

احنا خلينا في مباريات الملز...

الزعـــ47ـــيـــم · #8 22/01/2009, 01:21 PM

ياشباب ممكن تعطونن صورة ياسر وهو بين دفاعات النصر

مشكور ياراعي الوضوع

خلف نت · #9 22/01/2009, 02:08 PM

اتمنى اي احد عنده صور للجمهور ينزلها ولا يبخل علينا

washdee · #10 22/01/2009, 03:58 PM

إقتباس

الرسالة الأصلية كتبت بواسطة southshields


	جمهور النسيم بيملون الملعب... سواً للهلال او النصر احنا خلينا في مباريات الملز...

افاااا ..

لا يازعيم مو كده

washdee · #11 22/01/2009, 03:59 PM

إقتباس

الرسالة الأصلية كتبت بواسطة الزعـــ47ـــيـــم


	ياشباب ممكن تعطونن صورة ياسر وهو بين دفاعات النصر مشكور ياراعي الوضوع

والله الصورة موجوده عندي بس ما ادري كيف انزلها