اذا هذا هو رايكم في الاعب العنبر فأسمحولي ابلغكم بأنكم لاتفقهون في الكره شي !!!!

الان كل واحد فيكم يسب ويشتم ولا كأنه لاعب هلالي ليه ؟ اضاع كوره كورتين اضاع مباراه او اثنين لكل شخص ظروفه ولكل مباراه

ظروفها ولكن من المفروض تشجيعه على بذل عطاء جديد ومميز يخدم النادي وازاله كل العوارض النفسية التي توثر على الاعب .

ماتعرف للجمهور الهلالي مره يسبون ومره يمدحووووون

إقتباس الرسالة الأصلية كتبت بواسطة طـــــارق14 صبـــــــــــــاح الخيــــر اخوي زجــــــــــــــــــــــــــــــالو 55 اقول يازينك ساكت ( قل خير أو إصمت ) الجماهير قاعده تحترق في المدرجات و اللي في البيت وعشاق الزعيم في كل مكان و انت تشبه العنبر العله بياسر بن سعيد القحطاني الله يصلحك بس شكلك تتفرج على مباراه غير مباراه الهلال وش اللي قدم مستوا العنبر بدون التايب ولا شيء ماسوى شيء من يوم اصيب التايب ولا نفع الهلال مره اخذ حقه وزياده في النادي من انهم يعطوه فرصه يمكن يتعدل بس مانفع فيه لا حياة لمن تنادي و جاي الحين تكتب بكل برود ان العنبر ماقصر ياخي لا زم نقف كا إداره وجماهير لكي نحسن من اوضاع الزعيم من راح ياسر و الهجوم مره مايسوى يعني زعيم يعتمد على مهاجم واحد العنبر قدام الوطني والرائد ماسوى شيء كيف تبيه ينفعنا بالآسيـــــــــــــويه اللي من بوابتها بنتاهل ان شاء الله لكاس العالم للاندية وبعدين بالله عليك بكل امانه العنبر تبيه يلعب في كاس العالم للاندية لو اخذنا الاسيويه الله يصلحك ويهديك بس وراجع نفسك قبل ماتكتب مثل هذي المواضيع .

اولأ شيء اخوي اذا جيت تقرى الموضوع حاول تقرى اكثر من مره علشان تفهمه زين اذا انت ماتفهم من اول مره

ثانيا انا ماشبهت العنبر بياسر انا قالت انتم الان جالسين تسبون العنبر علشانه ماجاب هدف اليوم وهو مهاجم لحاله
ولا احد سب في ياسر يوم ماجاب هدف في عمان مع ان كان معاه مهاجم ثاني

معنا كلامي ان (بعض) جمهور الهلال عاطفي

إقتباس الرسالة الأصلية كتبت بواسطة زاجالوا55 اولأ شيء اخوي اذا جيت تقرى الموضوع حاول تقرى اكثر من مره علشان تفهمه زين اذا انت ماتفهم من اول مره ثانيا انا ماشبهت العنبر بياسر انا قالت انتم الان جالسين تسبون العنبر علشانه ماجاب هدف اليوم وهو مهاجم لحاله ولا احد سب في ياسر يوم ماجاب هدف في عمان مع ان كان معاه مهاجم ثاني معنا كلامي ان (بعض) جمهور الهلال عاطفي

اولا : العنبر لحاله ؟؟ والكوري اللي دفع فيه شبيه الريح دم قلبه عليه ,,,

ثانيا : انت تعرف ياسر ... اشك .. شوف ترى رقمه 20 يلقب بالقناص عند الباب ماعنده لعب .. اللي يتحداه يتعب .. والله يتعب..

وعنبرينهو والله لوما الله ثم التايب ان تكون الـ 7 اللي مسجلها .. في الاحلام ..
بعدين وش ابي بلا عب يضيع اكثر من مايسجل لا ومن كثر اهدافه ..

وين يابو الشباب تقارن العنبر بياسر ،،،، الله يصلحك

وانا حضرت وسمعت ،، بس هذا جنون الكره وش تسوي ،، محد يدري عن نفسه وش يقول من الحماس ،،

تقبل مروري،،

عبودي 9 رح اقر ردي على العضو اللي اسمه طارق 14 لانه برضه يشملك

يعالم انا ما قارنت ياسر بالعنبر ياسر افضل مهاجم في السعوديه

انا اقول للي جالسين يسبون ويشتمون في العنبر علشانه ماسجل هدف ليش ما سبيتو ياسر يوم مبارة السعوديه وعمان مع انه ما سجل هدف


بليز افهمو قبل لاتردون عشرين طعش واحد افهم هذي النقطه

جمهور عاطفي لا اقل ولا اكثر ..
..................................

كلامك عين الصواب

انا حاضر الملعب وشاهدت السب لاكثر لاعبين الهلال وهم يستاهلون لان هذا عتاب محبين لهم اجل هذا لعب؟؟؟؟؟؟؟؟؟
الحمدالله على النقطه من فريق يقع في المركز قبل الاخير!!!!!!!!!!!

ولد البقوم ردك خنفشــــــــــــــــــــآري

بالنسبة لي العنبر لاعب عادي ... لكن مهما كان انا ضد ان الجماهير يتكلمون عليه هو او العتيبي او غيره

والله الي صاير شي غريب
ما في جماهير بالعالم تحطم وتقتل المواهب مثل جماهير الانديه السعوديه وخاصه جماهير نادي الهلال
الله يصلح الحال

ومن قالك ان جمهور الهلال يشجع اللاعب اذا كان وسيم ؟!!!!!

وش هالخرابيط كلام غير صحيح

مثل ماقال احد الاخوان.. الهلاليين يحبون ايتو ورونالدينهو وهنري وابيدال ودروجبا وغيرهم هل لأنهم وسيمين؟!!

ثاني شي اسمح لي العنبر لامهارات لاسرعه برود لعب يرفع الضغط بس ماتوصل انهم يشتمونه بكلام جارح ولاتنسى ان ياسر جاه شتم وكلام كبير في بعض الفترات < قلت بعض الفترات يعني اذا انخفض مستواه يعني جمهور الهلال ياعزيزي يبي لاعب يلعب صح موب على قولتك وسيم !!

من حظي إني في ماليزيا ، والعارتي لم تنقل إلا مباراة الإتحاد والنصر ولم يذكر المذيع الشيء الكثير عن الهلال والوطني.

من الآخر ...

موضوع المبارة لم يفتح معي ففتحت موضوع لواحد من الأخوان ... المهم قرأت هاردلك - فقلت في نفسي الله يستر شكله الوطني عمل مفاجأ وفاز على الهلال (لا قدر الله) قرأت لواحد من الأخوان يقول في مداخله له لمقال: لماذا لم يلعب الدعيع ؟
بعدها على الفور تنقلت بين المواضيع حتى فتح معي موضوع المباراة (النت تعبان هذا اليوم)
المهم رأيت أن المباراة تعادل !!! مو بس كذا تعادل صفر/صفر

سؤالي هو أيش دخل الدعيع في الموضوع ؟؟ حسن قام بدورة وزيادة

ورأيت الملخص
ورأيت تمريرات اللاعب الكوري ... أستغرب من السكاكين التي كتبت عنه وأعتبرته عنبر 2
ولم يكمل في السعودية أسبوعه الأول (على ما أعتقد)

ورأيت الفرص التي ضاعت من العنبر

وكذلك بعض من الهجوم واللعب القوي للوطني والبلنتي الذي لم يحسب للهلال

ماذا تريدون من اللاعبين أن يقوموا به ؟
لاعبين يلعبون مع بعض لأول مرة أو لثاني مرة
توقف ضار دام شهر كامل
غياب أكثر من 12 لاعب أساسي

ماذا تريدون ؟
قولوا الحمد لله أنها جات تعادل

أليس التعادل أفضل من الخسارة ؟

قال تعالى { وعسى أن تكروهوا شيئاً ويجعل الله فيه خيراً كثيرا}

والله إني رأيت وجوه لاعبي الإتحاد والخوف آكل فيهم أكل ... وهذا لصالحنا

المهم الحكمة في التصرف من قبل الإدارة الهلالية

ودورنا كجمهور هو إعطاء الثقة لهم