18/01/2009, 02:16 PM
|
| زعيــم متواصــل | | تاريخ التسجيل: 11/01/2009 المكان: الطائف
مشاركات: 140
| |
|
قصيدة..روووووعه..لاتفوتكم.........
هذي قصيدة قديمة يمكن قبل 40 سنه
وعنوانها:
محاورة بين الجمل والطرمبيل(السيارة)
القصيدة لشاعر يدعى: مستور المطرفي
اترككم مع القصيدة:
قال المطرفي رد المثايل وغنى = من هاجس فيه الخبر ساعدن
وامسى مريحاً من العنا وارجحنا = يارب ريح خاطره لاتعنيه
غنيت من بالي هوى شف باليً = والطيبه والمعرفه راس مالي
أشوفها اطيب من مواشي وحلالي = ليا كسبت العز والفرض أصليه
هذي السنين الناس تبغى الدعاوي = الثلث مدنل وثلثين غاوي
أزرى المساوي بينهم لا يساوي = الحق يصعب والخطا تجتهد فيه
ون جيت تهرج بينهم بالنصيحه = ما يسمعون الا الهروج القبيحه
يارب عز أهل الوجيه السميحه = اللي ترد الحق والواجب تعديه
من بغضهم كثر الحسد في الدياره = وصغارهم ماتستمع للكباره
ضاع عقلي بينهم بالشواره = الكل منهم صاحب ما يدانيه
بعده سمعنا بالجمل والترمبيل = كل رضيوا لهم قاضي وحطوا معاديل
والكل منهم قال أنا صادق القيل = كل على القاضي يفيض دعاويه
قال : الجمل يالقاضي ياللي رضيناك = في دعوتي جيتك وفي دعوته جاك
نبغي الأمانه والمعاديل بيداك = الكل منا تقنعه لين ترضيه
قال : الترمبيل اسمعوا في الدعيه = بعد وردت الحق والمرضويه
كن الجمل بالحيل ضايق عليه = يبغي المساوى لاكن ماني مساويه
قال : الجمل لاشكر لك يالهديمه = وين أنت عنا في السنين القديمه
يوم الحرايب قايمه مستقيمه = لاعاش صناعك ولا علم مساويك
قال : الترمبيل اسمعوا من لساني = عن الجمل الساحلي واليماني
اللي يحطو له التبع والبطاني = وخطامه ها اللي فوق خشمه واذانيه
قال : الجمل حنا الوجيه المسافير = أما نت صنع المطرقه والمسامير
مع كل واد لك صياح وتصفير = مر تصيب الدرب ومرار تخطيه
قال : الترمبيل اضمنوا بيننا بين = ممشاة دورين للجمل : لى نهارين
علماً اذا قلته مثبت بعد لين = أبدى شروع العلم واحمي تواليه
قال : الجمل وانت اذا رحت في بعض الاحيان = أظلم الليل والدرب ريعان
الجمل سير والترمبيل خربان = لزماً على السواق يرجع لراعيه
قال : الترمبيل أنتبين حسودي = حيث ان ما يركب عليك السعودي
نبغي الجمل يبدي كنان السدودي = والله اذا راد علماً يمضيه
قال :الجمل وين انت ياراقد النوم = يوم السعودي بالقنا عامهم عوم
بالجيش الاغبر صب قوم على قوم = قرر موازينه وبانت مواريه
قال : الترمبيل نعادي اللي عادانا = يا كم حربنا في البحر من ورانا
أهل البخت تشهد عليك وعلينا = ونكافي اللي مانت قادر تكافيه
قال :الجمل أنت مالك معز زمقدار = حيث ما صورك خلاق الاعمار
قال : الترمبيل أنت مجنون صاحي = أنا ابغي جمال البر توحي صياحي
حتى تروح عن الدرب البراحي = ونا صياحي غاوي الدرب يوحيه
قال : الجمل لو صحت مانت مراعه = ولانت خير يوم الطماعه
ولانت ضاري بالحرس والشجاعه = النار في جوفك والاخرى تمشيه
قال : الترمبيل اسمعوا يا قبيله = عزي لمن ركب الجمل والهتيله
ماهو كما اللي في سوات السفينه = في قيلةأحذر كل علم يوديه
قال : الجمل من هو يبرش دروبه = يوم الحرايب للقا يتبعو به
الجمل سير والمدافع جنوبه = والدرب ساير والحفا في مناحيه
الحــــــــــكم
قالوا زهمنا القاضي اللي رضينابه = قال افقهوا والعلم كله عرفناه
ومجلس الخصمين كله حضرناه = اذا رأيت الحق له أباارضيه
حكمت يهل المعرفه والمثايل = أن الشجاعه للجمال الأصايل
اللي الى جارت عليها الحمايل = خويها في دربها ما تخليه
أما الترمبيل اليا بطل سوقه = يسرح ويضوي ما يضوي علوقه
ما هو كماالجمل قوده وسوقه = يسرح ويضوي والعقيله تضويه
ماهو الترمبيل ادعى بالاماره = وهومع العربان ماهو تجاره
لافيه مكسب ولافيه خساره = لاخاب بياعه ولا خاب شاريه
الحق أصابك يا الترمبيل أصابك = انته نشيط وجيت وفول شبابك
يوم الجمل يمشي وهذا مصابك = ولا الذي شبت جهنم تمشيه
أبغي أوصل الحكمه جميع الطوارف = ماني من الخصمين هايب وخايف
أنا تحت تدبير رب وسيع الكنايف = اللي خلق عبده يميته ويحييه |
الوضع العادي
