اخواني بصراحة مالك ماكان يستحق يتواجد في المباراه من البداية مو معقول اعتمد طول الدورة على مهاجمين

فقط نفسهم في كل مباراه ...!!!

المفروض مره الهزازي ومره الراهب .. اما ممسكه معاه على مالك وعلى ياسر فقط ؟؟

مالك ماقدم شيء نهائيا امس وكان مفروض مايتواجد في المباراه كلها لانه لعبه سيئ جدا

كل المباراه طايح في الارض بس يبي اخطاء حتى لما يكون لوحده يرمي نفسه في الارض كانه مكسح

والجوهر اساسا مدرب فاشل شاف اخطاء الفريق ولا عدلها في الشوط الثاني بس فالح ماسك لنا ورقة وقلم

وجالس يسجل ! .. بالله يسجل فشله على الورق والا الاخطاء اللي يبي يعدلها .. شوفوا مستوى عمان اعتدل 180 درجه

طول عمرهم ياكلوها مننا واليوم للأسف اخذوها مننا على الكأس ...

للأسف دام المنتخب اتغير بهذولي اللاعبين الفشله طول عمرنا ماراح ناخذ بطوله ,كاس اسيا وكاس الخليج مرتين تروح علينا

ليش نتفرج اساسا على المباريات ...

وبعدين حتى وليد عبد الله اللي ابدع في كل المباريات مو عارف يصد ضربات جزاء يطالع في عيون اللاعبين وهم يطالعوا في جهة

والكورة تروح على مكان ثاني .. الله يرحم ايامك يادعيع انت وسامي .....

مالك مالك مالك وش فيكم عليه

حتى ياسر ماسووى شي خلونا مع الاخضر ولا عشان ياسر هلالي

انا هلالي مووووووووت بس ياسر ومالك ماسوو شي ابد

والمنتخب اول مره اشوفه ينظغط عليه من بداية المباراة إلى نهايتها

وانت من جدك احد يشره على الجوهر بربك !! ولا سلطان ابو المقاييس والمساطر

يارجال طنش ، وطالع واهتم في مستقبلك وبس

ترا الرياضه عندنا تحديات اصحاب سمو وبزنس مان

خخخخخخخخخخخخخخخخخخخخخخخ

والله انا معك , وقد قلتها خروج مالك قتل المنتخب
الجوهر اخرج منها ياصاح

أنتم الظاهر ما تربيتووو


أنتم تتكلمون في ما لا تعلمون


أنت تقيم الجوهر أنت و أشكالك

البحر من خلفكم و العدو أمامكم

بالعكـــس أفضل تغيير بخروج مالك معاذ لو لاحظت الشوط الاول


3 تمريرات غلط من مالك للمنتخب العماني كلها مرتده والمشكله


أنه أصبح بين كماشة المنتخب العماني والسبب للمحاور المرض


أحمد عطيف وسعود كريري والله ماكنهم لعبوا أمس ولافيه أي أدوار


مفهومه. أظهرة المنتخب ماقدرت تتقدم ومالك ماقدر يآخذ مساحه والسبب


المحاور أبي دورأيجابي واحد للمحاور أمس.... آآآآآه ياعزيز بس.

مالك / يستآهل الخروج من الدقيقة العاشرة من الشوط الآول..!!

لم اشآهد مآلك .. فقد شااهدت شبيه مآلك..!!


لآتمركز... لآكنترول ... لآتحكم ... لآبآص .. زي العآلم... مدري وش فيــه..!!

-----------------------------------------------------------------------------


بالآخير .. بسئلك / من درسـك إمــلاء..؟؟

مفروض اول ما طلع مالك نزل احمد الموسى مكانه لأن مالك كان سئي جدااااا ولأن وسطنا كان نااااااااايم تعرف يعني ايش نايم يعني رااقد يعني منسدح يعني مافيه وسط وآآآآآه وينك امس يابو عزيز.

ازين شي سواه انه طلع مالك
وخطاءه الوحيد انه ماخذا
الفريدي والله ماعنده سالفة

اسمحلي اقول لك ان ما عندك سالفه

مالك كان اسوا لاعب بالمنتخب في النهائي
ما يستلم كوره صح ولا يمرر صح و لايتمركز صح
وغير كذا كل ما جته كوره طااااااااااااااااح

تمنيت الهزازي يلعب من بداية المباراه

واللي يقولون ان ياسر ما قدم مستوى
اقولهم

ياسر كان لحاله بسبب سوء مستوى مالك
وياسر كان يرجع يدافع و يجيب كوره

لكن يد وحد ما تصفق

أعتقـد خـروج مالك مستـحق ويستـاهل الـخروج
مـاقدم أي اضافه للـمنتـخب
كان عـآله في الـهجوم
ومالك معاذ في هذي الدورة فاشل مرة

لو ان الفرصه للهزازي من اول كاان احسن شف وش سو اليوم


مازيد على كلامك فديتك

[

مالك ليس بمالك

طيب طبب الشمراني هداف الدوري

مطبب لي هزازي

والله ان بعض الناس لابس نظارة زرقاء وبس ...

عشان كذا الرياضة ما راح تتقدم في ها البلد ...

بالله وش سوى ياسر طوال المدة اللي كان لاعب فيها مالك ... ياسر ما كان يتحرك ابداً

والا وين الفريدي (الفيلسوف ) << صفر على الشمال !!

والا البطل المغوار عبد الله الزوري << صفر على الشمال !!

والا احمد عطيف مهندس الوسط القادم << ولا باص صح و قاعد يدور على نفسه !!

وسعود كريري (فييرا العرب ) على غفلة << ولا استلام وتسليم صح ... وين ربط الوسط بالهجوم !!

-----------------------------------------------------------------------------------------------------------------

أنا متأكد من أن اللي يكتبون إن مالك كان سيء كلهم مدربين في هالمنتدى << كلهم مراهقين و بزارين للأسف !!

شوف من تغير مالك ... شفنا احمد كانو واحمد حديد صاروا هجوم ما شاء الله ...

نجي لنايف هزازي البطل !! وشوف تحركاته ماشاء الله عليه مغير يطامر ويشوت على كيفه .. ولو مالك هو شات ها الكورتين برا

المرمى كان قلتوا سيء و تعبان وخلوه يفارقنا.

في النهاية ... اللاعب ما يظلمه الا تكتيك المدرب فقط ، ومالك ضحية لناصر الجوهر بكل تأكيد هو وخططه الفاشلة ؟

المفروض إنه أخرج مالك معاذ وادخل لاعب وسط ( أحمد الموسى مثلا) علشان يمسك الوسط لأننا شاهدنا المنتخب العماني كيف ماسك المباراة ولعب ثلاثة وسط وخلفهم محورين ولعب ياسر لوحده هجوم وبمساعدة الوسط في حاله الهجمة