السلام عليكم ورحمة الله وبركاته

لأول مره ... نطلع مهزومين

واصير فرحان

هُزمنا في المباراه النهائيه قدام عمان ... بضربات الترجيح

ولكن ...

كسبنا صالح النعيمه الصغير

كسبنا ماجد المرشدي المدافع الصلب اللي كتّف حسن ربيع وخلانا مانحس بوجوده

كسبنا اسامه الهوساوي وفدائيته

كسبنا وليد عبدالله وانقاذه للمرمى مرتين في المباراه في اهداف حقيقه كانت 100% محققه ومستعد احلف انها لو على الحبسي كان ممكن يكون فيها كلام ثاني

كسبنا دفاع يطمح فيه كابيللو

كسبنا منتخب قوي

ولو انه هُزم وظَلم

ضربتين جزاء

لكن مانبيها

خلوا البطوله للعمانيين ... يستاهلون على لعبهم

لعبهم افضل مننا بمراحل

لدرجة اني حسيت انه المعجزه طلعت في الملعب ... ترافيان مو دورة الخليج من كثر الهجمات علينا

بس ان دل هذا على شي

فإنما يدل على صلابة المرشدي وهوساوي والشهيل والزوري

والبطل

وليد عبدالله

رفعتوا روسنا

جماهير عمان صفقت لكم على ادائكم المشرّف اللي رفع راسنا اكثر من حصولنا على البطوله


اتمنى يكون هالشعور مايكون عندي بس

اتمنى استقبالهم في مطار الملك خالد يكون بأفضل شكل

لانهم ابدعوا

ياناس ... شفت تضحيه

لكن زي دفاعنا ماشفت

اساسا اول مره اشوف دفاع السعوديه بالقوه هذي

بسم الله ماشالله عليهم كلهم

نجي للأهم

تيسير الجاسم

كلنا نحبك حتى لو حرمتنا البطوله

مو ذنبك انك تحرث الملعب وتقّطع رجلينك .. وتصنع وتدافع وتهاجم وتنفرد ( مراكز تيسير في المباراه النهائيه )

وتجي عند البلنتيات وتضيع ... شي طبيعي

الرجال يلعب اكثر من ساعتين

ووالله يوم ضيع البلنتي ... وجابوا الكاميرا على وجهه

اني تمنيت اني بالملعب علشان ابوس راسه واقول له ماعليه .. تفداك الف بطوله يابطل

لولا الله ثم انت ماكان وصلنا للنهائي ... ماننسى هدفنا على الكويت

لولا الله ثم انت كان ماشفنا الكوره تنقطع من لاعبين عمان في ملعبهم

بإختصار

المنتخب ابطال ابطال ... ولو انه خط الوسط ماتواجد في الدوره هذي ابداً

لكن

كسبنا خط دفاعي متوحش

وكبير يالمرشدي

على راسي والله يابطل

ياجعلنا ماننحرم طلتك في المباريات

في الختام

الف الف الف مبروك للمنتخب العماني

يستاهلون الفوز عطفا على الاداء

برايفت للحبسي :

احبك واحب اخلاقك يابطل


تحياتي للجميع