ياشـــبــاب تـــكــفـــووووووون بيضوووووا وجــيــهــنــا قدام الامـيـر عـبـدالـرحـمـن !! لا تفشلونا ..
السلام عليكم ..
يامعشر الهلاليين تكفووووون ثم تكفوووون ثم تكفووووون !!
لا تفشلونا مع الامير عبدالرحمن بن مساعد وربي هالانسان مهما قلت فيه ومهما تكلمت ماراح اوفيه حقه ..
ياناس من كان في يوم من الايام يتخيل ان فريق سعودي راح يضم 4 لاعبين كباااار ( اقصد اجانب ) واثنين منهم من اكبر الدول الاوربيه ( سويدي و روماني )
ومن كان يتوقع في يوم من الايام ان فريق سعودي يضم لاعب كوري كان يلعب بالدوري الانجليزي << اقوى دوري بالعالم
والمعروف ان الكوريين واليابانيين عموما تكون رواتبهم عااااااااليه وهذي طبيعة المعيشة عندهم ..
ياناس والله اني احمد ربي اني هلاااالي .. وافتخر وانا اقولها ..الامير عبدالرحمن يسير بنادي الهلال نحو العالميه ( وانا اقصد بالعالميه هنا .. انه صنع فكر احترافي في وسطنا الرياضي كان يفتقده الدروي السعودي عموما وليس الهلال فقط )
والله صرنا مثل الانديه الاوربيه .. حتى القرار اللي تتخذه الاداره لجلب لاعب معين يكون عن طريق المدرب وهذا يدل على عقلية رئيسنا الذهبي .. << ياجعلك دوم ذخر لنا ولكل الهلاليين
آآآآسف عالاطاله اذا كنت اطلت عليكم بس والله كلام كان بلقبي ومقدمه صغيره حبيت اقولها وانا وربي عجبني كلام الاخ
هلالي وذوقي راقي في موضوعه المثبت والله انه صااااادق بكل كلمه قالها .. والله يعطيه العافيه قال كل الكلام اللي بقلبي واللي كنت ابي اقوله ..
زبدة الموضوووووع ..
ياناس انتو شفتو كم قيمة عقد ويلهامسون ( تقريبا 8 مليون يورو ) ..
وشفتو قيمة عقد رادوي ( تقريبا 7 مليون يورو )
هذا فقط المعلن عنها .. والله اعلم كم قيمة عقد سيول .. الكوري ..
يعني الامير عبدالرحمن مو مقصر معنا بشي بالعكس سوا معنا شي زيادة عاللي مطلوب منه كرئيس نادي ( بيض الله وجهك يابو فيصل
)
عشاااان كذا مانبي نقصر معه او نفشله قدام اللاعبين والصحافه والاعلام ..
ياشباب ترا الدوري السعودي صار متابع من معظم دول العالم وخصوصا الدول اللي لهم محترفين اجانب هنا ( مثل السويد و رومانيا لانهم اكيد يخافون على لاعبينهم الدوليين ويبون يتابعونهم .. )
المطلوووووب ..
1- الحضووووووووووووووووور الجماهيري ثم الحضور الجماهيري ثم الحضور الجماهيري .. ( خلونا نرد لو جزء من المعروف اللي يسويه رئيسنا ونبيض وجهه)
2- الاستقبال الحاااار للاعبين الاجااانب اللي تعاقدنا معهم مؤخراً ( سيول و رادوي ) سواءً في المباريات القادمه او في المطار او في المؤتمرات الصحفيه لهم عشان نعطيهم دفعه معنويه ومانبي نحسسهم بالغربه .. ( عاد شفتو رادوي وشلون ودع اخوياه وفريقه ستيوا بوخارست وهو يبكي .. ياشباب مانبيه يتحسف انه جا هنا بالعكس نبيه يقول ماعاد ابي ارجع رومانيا )
3- مانبي بعد مباراه والا مبارتين يلعبونها المحترفين الجدد يطلعون لنا هالاطفال واصحاب العلقيات المحدوده ويقولون لنا مايستاهل هالاعب هالمبلغ وهذا لاعب فاشل وهذاك مايعرف يلعب كوره ومن هالكلام اللي والله لو تسأل صاحب الموضوع منهو فريق الهلال ماعرف يجاوب ..
4- تكفووون نبي نوقف وقفه وحده صااااادقه مع رئيسنا الذهبي ونكون على يد وحده واذا فيه لاعب من الاجانب الجدد ما أدى .. بالعكس المفروض اننا نوقف معه ونسانده وندعمه اكثر .. مثل ماسوينا مع ويلهامسون والحمدلله الحين بدا يتحسن مستواه من مباراه الى مباراه ..
بالنهايه لا تنسوووووووووووووون موعدنا مع الوطني
الاثنين , الساعه 8 , بالرياض .. مع ان والله عندي اختبارات بس بحضر 
الوضع المتطور
