[c]




الاهم هو الوطن





قبل لابداء في الموضوع حبيت ابين انه هالكلام من اجل الوطن وليس من اجل لاعب او مسئول واذا ماتكلمنا
بحريه وصدق من اجل الوطن فالافضل انه لانتكلم عن الوطن بشي ..
و كلامي هو من ابن الى وطنه .. اختياري لاي مثال كعينه فقط ..
الاعتراف بالحق فضيله وهو انه الكرة السعوديه تعاني من تدهور والسبب نقاط عديده سوف احاول تلخيصها
وقد يفوتني شي والمعذره مقدما









الاتحاد السعودي لكرة القدم





من المعروف انه هو الجهة العليا لكرة القدم في المملكة العربيه السعوديه يراسه الامير : سلطان بن فهد
ونائبه الامير نواف بن فيصل وله مجلس اتحاد مكون من مجموعه من الشخصيات ..
طبعا مهام الاتحاد السعودي تتمثل في تسيير امور كرة القدم في المملكه وتنظيم المسابقات المحليه
ومشاركات منتخبات المملكه ...
ومن االمعروف في كل مكان اذا لم يكن لديك تنظيم وترتيب لامورك سوف تواجه مشاكل ..
الاتحاد السعودي لديه مسابقاته المحليه التى تنظم بين الانديه والجميع يشاهد انه منذ بداية المسابقات
المحليه في المملكه الى اليوم لم نرى جدول ثابت لمباريات القدم فترى التاجيل وترى التقديم وهي امور
تساهم في كثرة البلبله .
ضعف القرارات والارتجاليه بشكل عشوائي واغلب القرارات التي تصدر تجد انها قرارت فرديه وليست مستنده
على قانون معتمد ماعدا القليل ..
طبعا من المعروف انه لدينا احتراف في كرة القدم وهو احتراف اعتبره مزاجي يعني متى ماصار الشي على
كيفهم قالو احتراف والعكس صحيح ..
في كل دول العالم هناك شي اسمة الانظمة واللوائح والارتباط بالانظمة العالميه لكرة القدم اللي صاير
عندنا فيه قوانين وانظمة بس على الكيف والاهواء ..
ناخذ كما مثال نبسط فيه النقطه ..
في العالم كله مافيه شي اسمه الشطب على أي شي ..
ولكم في حادثة النعيمه الشهيره خير مثال اللي كان قرارها فردي وليس مستند على قانون او نظام ..
الشطب يكون لشي نعتبره مصيبه ومتبوع بحكم شرعي يعني اذا باشطب لاعب يكون هاللاعب صادر عليه حكم
شرعي ( اخلاقي – قتل – او حد من حدود الله )
اما ماسواه فيه شي اسمه عقوبات وهي الايقاف الغرامه وتكون من خلال انظمة وليست اهواء
عندنا فيه شي اسمه منع اللاعب من السفر بسبب عقوبه وضعت عليه ؟؟؟
عندنا عقوبة ايقاف وسحب جواز ؟؟؟
عندنا يعاقب اللاعب بايقاف سنه وبعد شهر يجي شي اسمه عفو رياضي غير معروف في العالم غير عندنا ؟؟
طيب وش فايده العقوبه كيف يستـفيد اللاعب من العقاب اذا فيه شي اسمه عفو طيب وش ذنب الطرف الاخر ..
عندنا عدم توازن العقاب مع الخطا لانه العمليه متروكه لصاحب الصلاحيه ؟؟؟
ليش ياخي مافيه قانون ولا نظام يحدد اللي لك واللي عليك ..
عندنا الاتحاد السعودي يعاني من ضعف امام بعض الانديه بسبب قوة ومكانة روساء الانديه
عندنا انديه تهدد الامانه العامة اللي هي تبع الاتحاد وعادي كنه الاتحاد السعودي مايشوف ولايقراء
تصريحاتهم ..
عندنا روساء اندية تهاجم الحكام والاخرين بالفاظ اقل مايقال عنها قذف صريح لاشخاص مسلمين ..
عينه من هالتصاريح (( المهنا كنه اسماعيل ياسين – الشريف مافيه من اسمه شي – الصادر والوارد ))
عندنا يتهم الحكام و الاخرين بالرشاوي
عندنا يتهم الاتحاد السعودي بمحاباة انديه معينه
عندنا تخبط تنظيمي في كل اروقة الاتحاد والسبب المحسوبيات
عندنا احتراف ولايوجد دعم له
عندنا لاعبين محترفين ولم يستلمو رواتبهم من شهور
عندنا روساء انديه تدخل الملعب كنه من ممتلكاتهم الخاصه
عندنا روساء انديه تسرق انديتها عيني عينك
عندنا انديه تمنع الصحافه من دخول النادي وكنه من ورث ابوهم
عندنا لاعب يعتدى على مواطن والاتحاد متفرج ولا بعد يضمه مع االمنتخب ؟؟
عندنا لاعبين اقوى من الاتحاد والدليل ماحدث بين محمد نور والخوجلي وكسر الاصبع ولازال اللاعبين موجودين
من ضمن التشكيله ؟؟
عندنا لاعبين يرتكبون مهازل اخلاقيه وانفضحت امام العالم ونشوفهم مع المنتخب ؟؟
عندنا صحافة تكتب من اجل تفرقة جماهير الوطن و ارجاع تعصب المناطق والانديه ؟؟
عندنا اشباه كتاب يكتبون ضد لاعبين يدافعون عن الوان منتخبهم بسبب انهم من النادي المنافس ؟؟
عندنا اغرب حادثة في العالم رئيس نادي ليوم واقالة بانقلاب من قبل الاخرين ؟؟
عندنا مسابقات غريبه مره مربع ومره مثلث مابقى غير متوازي اضلاع
في كل العالم شي اسمه دوري عام ويكون مشوار واحد عندنا لا لانه احنا الاذكى
من بداء المربع والتخبط والعداوة والتهجم زادت بشكل لايوصف الغوه وريحونا منه وحطو مربع بين كاس
ولي العهد والدوري وكاس الاتحاد ويكون باسم الملك ..
عندنا كاميرات تصيد الاخطاء اللي تبدر في الملعب بس ماتشتغل غير مره كل خمس سنوات
عندنا لاعب يوقف شهر ولاعب يوقف سنه والخطا واحد ؟؟
عندنا

المشكله ورغم كل هالاخطاء الاتحاد السعودي يقف موقف المتفرج وموقف الضائع والمشكله يطالب الاخرين
باشياء ياخي اصلح حالك اول ..












الكثير يقولون انه الاتحاد السعودي قبل كان اقوى وانا اخالفهم الراي ...
الفرق بين الاتحاد السعودي في السابق والان شي واحد في السابق كان تعسفي الان طيب وكلهم
لاعبه فيهم المحسوبيات ..
ومن خلال هالنقاط السريعه راح ابين صحة كلامي ..











الاتحاد السعودي السابق








من المعروف انه كان الدعم المادي خرافي في ذلك الوقت ..
طبعا ماراح ننكر التطور اللي صار بس المدح معروف او بالاحرى الايجابيات من كثر مايمدحون عندنا بالاعلام
راح نتكلم عن كرة القدم فقط ..
كان الاتحاد السعودي يدار من قبل مجموعه والقرار كان فردي وتعسفي مرتبط بيد شخص واحد فقط ..
اكبرمثال : ايقاف النعيمه الشهير ؟؟
منع لاعبين من السفر بسبب عقوبات ؟؟
شطب عشوائي حسب المزاج ذاك اليوم ؟؟
تدخلات حسب الاهواء
منتخبات تدار بفرديه وليس بقرارت فنيه او تدريبيه
محسوبيه لبعض الانديه
مثال : ماراح احط اسم الشخصيات عشان ماتقولون متعصب
(( كان المدرب العالمي زاجالو بيدرب منتخب الكويت وكان مسئول كبير في الاتحاد السعودي معروف بانتماه
الى نادي سعودي قام بتوجيه رئيس ناديه المفضل بعرض مبلغ اكبر على المدرب من اجل تدريب ناديه طبعا
التكلفه عاليه قال له ماعليك بعد مايدربكم بفترة راح ناخذه للمنتخب بدبل السعر ؟؟ ))
مصدر السالفه ندوة عن تطور الكرة الخليجيه وكانت بمناسبة بطولة الاندية الخليجيه المقامة في قطر
وكان رئيس النادى موجود وعجز ينكر السالفه كانت منقوله على تلفزيون قطر ..

مجاملات لانديه معينه حسب المزاج ؟؟
اختيار لاعبين الى المنتخبات حسب المزاج واكبر دليل منتخب 94 كم لاعب ماطقوها وانضمو
يوسف الثنيان كان ابرز لاعب في تلك السنه على مستوى اللاعبين بس عشانه ماعتذر ( السالفه الشهيرة )
نفس الكلام 98 لاعبين انضمو من باب التفائل فيهم
فضائح معسكر كاس العالم 98 وسرقة المعسكر بسبب سهرة
الاختيار العشوائي بسبب انه انسان وصولي او صاح في مباراة او تصاريحه حلوه
اجل علي دواد يصير اداري منتخب ؟؟ او الخراشي يدرب ؟؟ او احمد عيد ؟؟ وغيرهم
فضيحة المنتخب الاولمبي بعد الهزيمة من الاردن والايقافات العشوائيه واللي هم السبب ماجاهم شي بسبب انهم
اعتذرو وماصرحو بشي
فضائح سنغافورة و سهرات الاداري ابو سكسوكه الحين
ايقافات وعقوبات للاعبين وصحافيين حسب مانقل من كلام واكبر دليل ايقاف كاتب بسبب انه حط احصائيه عن
اهداف لاعب في نادي وعمل مقارنه
عجزه عن تحقيق العديد من البطولات بسبب المجاملات للاعبين معيينين
تصفيات التاهل الى كاس العالم 82 - 86 – 90
كاس الخليج كم مرة شاركنا
ماراح اتعمق في هالامر لانه يحتاج الى موضوع لوحده .

من مميزاته الاتحاد في ذلك الوقت هو الشده رغم انها كانت في احيان ظالمه وبشكل واضح ..
بس نقدر نقول انها كانت موقفه بعض الانديه وروساءها عند حدهم بنسبة 70 % على الاقل












الاتحاد السعودي الحالي






الاتحاد الحالي انا براي انه مشكلته الطيبه الزائده رغم انه الله موفقه في امور والدليل
تحقيقه للعديد من البطولات في وقت كنا بحاجة اليها ورغم عدم استحقاقها ..

المجامله للعديد من الشخصيات في الاتحاد واعطاهم مناصب رغم انهم شرق والكرة غرب
ضعفه امام بعض روساء الانديه والاداريين وايقافهم عند حدهم
وجود الكثير من الاحداث والامور التى لم يستطع ان يتدخل فيها رغم انها من صلاحياته
مثل (( سالفة محمد نور مع المشجع وغيرها ))
ضعفه امام بعض اللاعبين و المجامله للعديد من اللاعبين
الارتجاليه في قرارته وتغييرها بعد فترة ؟؟
كل من في الاتحاد يصرح ويفتي والمشكله ولاواحد متفق مع الاخر
ضعف الامانه العامه والسكوت على اخطاءها
عدم وضع الصحافه عند حدها الطبيعي
اجل كويتب كاتب (( انها حرب بين الوسطى والغربيه .. لايسمعك الملك عبدالعزيز الله يرحمه ..
كيف يكون رئيس نادي وعضو في اتحاد كرة القدم في نفس الوقت ؟؟
عندما تكون الانديه تقف ضدك وفي وجهك ولاتستطيع ان تفعل شي الافضل لك ان
لاتطلب بتطور رياضي ..

















الجهاز الاداري للمنتخب







من بداء الرياضه عندنا الى الان ومارزقنا الله بجهاز اداري مميز او بالاحرى يخاف على سمعة الوطن فاغلب الاداريين كنو شلة من المنتفعين لم يفكرو بشي غير منصبهم فقط يعني ماعمرنا شفنا اداري استقال من نفسه بحجة وجود تدخلات او محسوبيه ..
اجل اداري مايقدر يضبط اللاعبين وش ابي فيه حتى كيف اللاعبين بيحترمونه وهو لايهش ولاينش الافضل نلغي هل المنصب ونوفر تكاليفه ..
هذه عينه من الاداريين السابقيين بالله على أي اساس تم اختيارهم او بالاحرى وش قدمو وايش هي موهلاتهم لادارة منتخب ؟؟ (( علي داود – احمد عيد – فيصل عبدالهادي وغيرهم
اذا لم يكن بيد الاداري صلاحيات ومساحة يعمل فيها وشوله نحط اداريين ...
من فضايح الاداريين في احد البطولات القديمه للمنتخب كان الاداري مايقوم لصلاة الفجر بسبب عصير البرتقال قام احد اللاعبين الملتزمين (( استبعد بسبب تقرير الاداري عشانه ملتزم ويعتبر من افضل المحاور )) بالشكاوى الى كابتن المنتخب في ذلك الوقت من تصرف الاداري الكابتن قال له بالحرف الواحد ياتجلس معنا وتكون مثلنا او شف لك فندق ثاني ..
احد الاداريين السابقين للمنتخب كان عامل سهرة في معسكر المنتخب هو وبعض اللاعبين في السر طبعا هم شربو من عصير البرتقال ونامو البنات قامو بسرقة فلوسهم واغراضهم طبعا هم صرفوها بانها سرقة بس ربك فضحهم من خلال تصريح البلد المنظم قامو قفلو الموضوع ؟
طيب بالله هذولا كيف نرجو منهم فائده ؟؟
اذا ماكان الاداري قدوة صالحه ومثال حسن يحتذي به اللاعب الافضل مانحطه ...
المشكله هالعينات موجوده في منظومة الاتحاد السعودي الى الان ...
قيام اللاعب محمد نور ومسلسله الشهير ابوعنتر بكسر اصبع محمد الخوجلي ويصاب اصابه تحرمه من المشاركه والبلوه انهم كلهم باقيين مع المنتخب ويحرموننا من لاعبين افضل منهم وجاهزين مدري وين الاداريين عنهم ؟؟

الجميع طالب بتغيير الاداريين الحاليين من زمان بس اذن من طين واذن من عجين ..












الجهاز الطبي واللياقي للمنتخب







وهذا نحط عليه استفهام كبير جدا ..
من استلم هالكادر الطبي واللياقي المنتخب وهو ماعد فيه لياقه والاصابات بالهبل وعلاج اللاعبين
موجود بس من خلال تصريح الصحف ..
اللي يشوف التخبط ينهبل كنهم مايدرون انه في شي اسمه كاس عالم اللاعبين المصابين جالسين يلعبون
من انديتهم وهم مصابين ؟؟
المعروف في العالم كله انه لاعبين المنتخب يتعالجون على حساب المنتخب واجباري وتحت اشرافه
اللي نشوفه انه كل لاعب يدبر نفسه وعلى صدقات اعضاء الشرف وحسب علاقته وحسب مزاجه ..
استبعاد لاعبين من قبل الكادر الطبي بسبب عدم جاهزيتهم واللاعبين من خلال الصحف يصرحون بانهم مافيهم شي ..
يعني وحده من الثنتين ..
يالجهاز الطبي مافي راسه او اللاعب كذاب وفي كل الحالتين لازم يحاسب الطرف الخطا وبقوة
الشيحان لعب في البحرين ؟؟؟؟ ويقال مصاب ؟؟
سعد الدوسري عشان كيلو زياده طيب سوي له برنامج خاص
طلال المشعل على مزاجه في العلاج
حسين عبدالغني يرفض العلاج ويدور له علاج اخر ؟؟
طيب افهم هالكادر الطبي وش دوره بالضبط ؟؟
سامي يلعب مباراة وبعدها يطلع مصاب طيب كل ذيك الفترة وش جالسين تسون
اكبر كمية اصابات نشوفها الحين بالمنتخب
الجميع شاهد لياقة المنتخب وتحرك اللاعبين اللي واضح ان اغلبهم غير جاهز من ناحيه طبيه او لياقيه او ذهنيه ؟؟
قبل كاس العالم بايام نصف اللاعبين متكين بغرف العلاج ؟؟
قبل البطولة مدرب اللياقه والجهاز الطبي يصرحون بانه لايوجد اصابات واللياقه ممتازه ؟؟
اثناء البطوله مدرب اللياقة البرازيلي يقول باحد الصحف طلبت 15 اسبوع اعداد وهم اعطوني 3 اسابيع ؟؟
اصابات لاعبين اثناء البطوله بدون ماحد يجيهم ؟؟

اذا كان غير قادر انه يجهز اللاعبين وشوله نخليه يعني اكيد فيه خلل وتناقض فيه والايام تكشف لك اكثر ..












الجهاز التدريبي للمنتخب








اول شي أي مدرب حاط في باله كلمة ابي اعيش وجالس يسمح بالتدخل الافضل له يريح او يتحمل مايجيه ..
ناصر الجوهر مدرب جيد ولاحد ينكر انه حقق اشياء مع المنتخب ولكن لم يحققها بتكتيك او بخطه
بل حققها بعامل نفسي وكان وقتي ومن خلال امكانيات بعض اللاعبين وخدمته الظروف بشكل خيالي
خاصه في التاهل الى كاس العالم ..
بعد ماتاهلنا الى كاس العالم اعطي الثقة او بالاحرى اعطي مسئوليه فوق طاقته من باب التكريم
او المجامله او .... ؟؟
طيب على الاقل حط معه مستشار فني .. منتخب البرازيلي 94 كان مدربه كارلوس البرتو ومستشاره
زاجالو عام 98 زاجالو ومستشاره كاندينو ؟؟
يعني هل الجوهر افضل منهم ؟؟
ارجعو الى اغلب مباريات المنتخب ولاتنظرو الى النتائج فقط ارجعو الى مستوى المنتخب متذبذب
من مباراة الى اخرى رغم انه الجوهر جالس فترة طويله مع المنتخب يعني عارف كل امكانيات
اللاعبين وعارف عيوبهم بس اللي نشوفه انه كل مباراة يحط فلسفه تدريبيه ..
وكل مرة يدخل لاعبين الى التشكيله بشكل غريب جدا ويضم لاعبين مايلعبون في انديتهم واحتياط
ويترك لاعبين الكل متفق عليهم ..
عنده خانات مفرغه للاعبين يعني بالعربي ضمنوها وهم غير جاهزين لها ؟؟
اتمنى اعرف على أي اساس اختير هاللاعبين ؟؟
احمد الدوخي - عمر الغامدي - خميس العويران - محسن الحارثي - عبدالله سليمان – محمد نور
اللي بعضهم غير جاهز بدنيا والاخر ماطقها في ناديه والاخر ناسي شي اسمه كوره
ويترك لاعبين مثل :
الشيحان – فهد الزهراني – طلال المشعل – احمد خليل – صالح الداود – عبدالله الشريده – باسم اليامي
خالد الشنيف – وفيه غيرهم ...
كيف تبقي على لاعب مصاب وهو الخوجلي ومعروف انه لايمكن ان يلعب بسبب كسر في اصبعه تحرمنا من لاعب اخر ؟؟
ابي افهم كل هالمعسكرات والمباريات الوديه وعجز انه يحط تشكيله
كل مره له تشكيله لدرجة انه اللاعبين عجزو يعرفون وش مركزهم او خطة اللعب .
تصاريحه الغريبه جدا .. اجل يقول سنهزم المانيا و حفظت المانيا عدم احترامه للخصم
يقول بعد الهدف الالماني الثالث اصبت بغيبوبه وفقدت التركيز ؟؟
والله لو جاء أي واحد ليس له أي ميول تدريبيه بس اهم شي يشوف كورة انه يحط خطة احسن منه امام المانيا ..
عدم مقدرته على قراة المباراة واعتقد انه هناك الكثير من المباريات نوكد كلامي
الجوهر نفخ كالبالونه من قبل الاعلام والاتحاد السعودي وفجرها فولر امام العالم
هل يعقل انه مدرب الحراس للمنتخب هو علاء رواس وش العمليه سعوده وبس
معسكر ايطاليا ضم لاعبين عشان يكمل عدد اللاعبين بسبب مشاركة بعض اللاعبين مع انديتهم
اجل لمين تعود فائده المعسكر ؟؟ ممكن القصد التمشيه

كان واضح انه كاس العالم شي اكبر من قدرات الجوهر .. والبركه في الاتحاد السعودي














اللاعبين








اول شي حملوهم شي فوق قدراتهم وجاهم الملل بسبب التخطيط العلمي المدروس ..
الحين في كل العالم هناك الغي شي اسمه معسكر طويل وهناك شي اسمه افضليات يعني ماكل بطولة
اروح اشارك فيها لاعبين المنتخب انذبحو بشي واسمه المشاركات بانواعها شي مع المنتخب وشي مع
الانديه جتهم اصابات اصيبو بملل بسبب المشاركات المتواليه والمعسكرات مره في الدمام مره جده
مره الرياض وش العمليه سعوده
ياخي حط برنامج تحت اشراف عالمي وليس تحت اشراف مجاملات ..
أي لاعب عندما لايجد من يردعه او يحاسبه وش تتوقع منه وقالوها من ضمن العقوبه اساء الادب
أي لاعب ضامن خانته في المنتخب كيف تبيه يتحمس او يحرص على العلاج والخانه في جيبه اذا لم يكن
شعار الافضل هو المطبق اجل لاتطالبهم بشي ..
الدعيع - الخوجلي – مبروك زايد متفق انهم الافضل في الحراسه بلا جدال بس بالعقل يدربهم
علاء رواس ابي افهم وش خبرته وايش تاريخه في الحراسه وهو حتى يوم كان لاعب ماطقها في المنتخب
كيف تبيهم يهتمون ويبدعون اجل ؟؟
الخوجلي اصيب بكسر في اصبعه وجالس في المنتخب ليش على حساب لاعب جاهز انت امام واحد من
الامرين تعالجه واذا ماجهز استبعده ..
هناك مجموعه من اللاعبين مستواهم هابط جدا وللاسف موجودين في المنتخب ؟؟
الدوخي : براي له اكثر من سنه وهو مستواه في هبوط بشكل مخيف ومدري على أي اساسه يلعب
حسين عبدالغني : كان مصاب واستعجل العلاج ورجع مع النادي وهو لم يشفى من الاصابه وكان ضامن
الخانه وهو لم يجهز لياقيا
عبدالله سليمان : واضح انه غير جاهز مررره وليس في مستواه من جميع النواحي
محسن الحارثي : مدري كيف اختير وهو مالعب اساسي في النصر اعتقد انه الدواد افضل منه
محمد نور : ابي افهم على أي اساس يلعب وهو سي خلقا ولعب خاصه مع المنتخب اتمنى يلعب بنصف
مستواه اللي يلعب فيه مع الاتحاد
خميس العويران : كيف يضمنها بالمنتخب مدري ؟؟ لالياقه ولا لعب
عمر الغامدي : اموت واعرف وشوله ضامينه للمنتخب
براي انه هاللاعبين غير صالحين للمنتخب سواء من ناحيه فنيه او لياقيه او ذهنيه ..
كيف تبيني اشد حيلي والخانه ضامنها في الجيب ..
انعدام الروح في الفريق بشكل غريب ؟؟
براي انه عندنا لاعبين جيدين ولكن لم يوظفو جيدا او بالاحرى لم تستغل امكانيتهم بالشكل المطلوب ..










الاندية




للاسف الانديه عندنا فكرت بشي واحد وهو مصلحتها فقط حتى لو كانت على حساب الوطن والاتحاد السعودي
ساعدها على ذلك بقرارته الارتجاليه وضعفه امام بعض اجارت الانديه ..
كما خسرت الكرة السعوديه من لاعب بسبب الانديه وروساءها ..
اذا كانت الانديه عندنا محكوره على اشخاص فعليها السلام
عدم السماح باكثر من سنتين لرئيس النادي واعطاء الفرصه للاخرين لخدمة النادي
ايقاف تصاريح الانديه وتهجمها على الاخرين ووضع ضوابط للتصاريح






















الاعلام الرياضي










وهذا سلاح ذو حدين ..
الجميع يطالب بحرية في الراي ولكن لاتصل الى حد التجريح والقذف تحت مسمى النقد
الصحافه عندنا قويه من خلال انتشارها وتوزيعها يعني رايها موثر ..
الصحافه عندنا حسب الاهواء والميول يعني لو لاعب اخطاء تنقسم الصحافه الى قسمين صحافه دفاع عنه
بسبب ناديه والانتماء له وصحافه هجوم بسبب كرهها لناديه ..
ومانجد صحافه تبين له الصح من الخطا فتجده ماعاد يبالي لانه ضمن من بيدفاع عنه
الصحافه عندنا للاسف عاطفيه والدليل رفعو الجوهر فوق الخيال حطوه عالمي اعطوه شي ماكان
يتخيله في حياته
الصحافه عندنا حدها تنتقد اللاعبين وادارة المنتخب فقط وغيرها توقف
كل من هب ودب صار يكتب ويقيم وينتقد كنه اعلم خلق الله
تبي توصل لمنصب بسيطه كم مقال على كم مديح وماتدري غير انت عضو بالاتحاد
اذا كانت الصحافه ماتقدر تنتقد شخص عشانه فلان الفلاني ومعروف انه قوي وش نبي فيها اجل
براي انه هناك صحافيين يهمهم سمعة الوطن وللاسف مهمشين واخرين اعتبرهم وصوليين وللاسف ماكلينها
بارده ومبرده ..
صحفي جالس يسب بشكل متواصل في لاعب بسبب انه مايحبه والمشكله هاللاعب جالس يدافع عن الوان منتخبنا
ويحقق معه البطوله ؟؟
نبي شي اسمه صحافة وطن يعني اذا جاء المنتخب خلاص نكون صحافه للوطن وليس للميول
مشكلة الصحافه عندنا تكذب وتصدق كذبتها منها اقوى دوري عربي
يطالبون اللاعبين بالحماس والروح واللعب للوطن وهم يزرعون بينهم الفرقه والعنصريه للمناطق والانديه
انا مابي نترك لها الحبل على الغارب بس لازم ندع لها الحريه ونضع لها نظام يحاسبها وليس قرارات فرديه






الجماهير الرياضيه








الحمد لله انه عندنا فئة كبيره من الجماهير الفاهمه بس للاسف فيه عينات الكوره بالشرق وهم بالغرب وماهم
شي غير لاعبي المفضل او نادي المفضل ..
في كل العالم اذا لعب منتخبهم ماعدا تشوف شي اسمه نادي او لاعب كلهم ينصهرون تحت منتخبهم للاسف عندنا
يطلع لك واحد في احد القنوات من خلال اتصال ويتكلم عن المنتخب ويسب في لاعب ويحطه هو سبب الخسارة
والمشكله انه اللاعب مالعب
اذا ماحسو اللاعبين انه الجماهير تنظر لهم كالاعبين منتخب وليسو لاعبين انديه كيف نطالبهم بالحماس
واللعب مع المنتخب بروح
عندنا جماهير تكره المنتخب بسب انه مافيه لاعبها المفضل او مافيه لاعبين من ناديها او بسبب وجود
لاعبين مايحبونهم ؟؟














شي من الحلول





1 – الاعتراف بالاخطاء
2 – وضع تنظيم وقانون يعرفه الجميع حتى الجميع يعرف ما له وما عليه
3 – وضع الشخص المناسب في المكان المناسب
4 – ابعاد عنصر المجاملات في كل شي
5 – اعادة تشكيل الاتحاد السعودي من كل النواحي
6 – محاسبة المقصرين
7 – عدم توزيع المناصب بالعلاقات او القرابه
8 – الحزم والشده بالنظام
9 – الاستفاده من خبرات وارء بعض الكتاب
10 – ايقاف التصاريح والمهترات التي سببت الكره والحقد بيننا
11 – وضع مشروع تحت مسمى اعادة بناء الكرة السعوديه
12 – الاعتراف بانه الرياضه عندنا في هبوط على كل المستويات
13 – الاهتمام بالناشئين والشباب
14 – السماح بالاحتراف الخارجي وعدم ترك الامر للانديه

هناك العديد من الامور ومنكم ننتظر المزيد ..









اعذروني على الاطاله واللخبطه بس وش اسوي الشق اكبر من الرقعه ..










[/c]

الإتحاد السعودي الجديد لم يمضي عليه سوى فترة بسيطة . يجب الإنتظار حتى تتضح معالم تخطيطه

الله يعطيك العافية وانا قلت ان الاتحاد السعودي مكيف مركزي قرارات فردية ولا تصدر الا في الليل ؟؟؟؟؟

اذا غاب التخطيط صارت النتيجه خرابيط واذا ما غير الاتحاد وجابوا اهل الخبره فلا تحلمون بنتائج واذا واذا واذا ياكثرها بس ماعندنا احد يقرا ولا احد يسمع

لا بد من الغربلة الشاملة

الزعيم الأبن
هلا اخوي
تدري المشكله في ايش انه فيه اعضاء لاتهش ولاتنش





مملكة الزعيم
مشكور على الرد
بالنسبه لقرارات الليل لاتلومهم شمس بالنهار تسيح اطلاق قرار





حاكم بن بدران
هلا اخوي
البلاء ماهي بالاعضاء البلاء انهم ماعندهم صلاحيات لاي شي
حتى الكرسي اللي يجلس عليه بالاجتماع محددينه له





kutob
هلا اخوي
الاهم انها تكون من فوق الى تحت

الله يعطيك العافية (جهد كبير )
وبالتوفيق يابطل

صراحة كلامك ممتاز ورائع وانا اعتتقد من وجهة نظري الشخصية ان هذا هو الواقع اللي حاصل الان واعتقد ان هذا راي كل انسان سعودي ينتمي الى هذا البلد الطاهر.
بس انا مع الاخ الزعيم الابن ان الاتحاد السعودي توه جديد ولازم نعطية فرصة يثبت نفسة وانا معاك ان هناك اخطاء وبالهبل بس احنا ويش نقدر نسوي ؟؟؟؟؟؟؟؟؟

ما قصرت اخوي كريم والله كفيت ووفيت وما تركت لنا شي نقوله بس ما تلاحظ ان الداوود ما عنده ماعند جدتي وبعدين الحل المناسب للرجوع الى الطريق الصح هو (( حل جميع الاتحاد السعودي بما فيه الرئيس العام ونائبه وعدم استعجال النتائج )) وهذي هي الحقيقه ولو كانت قويه وكلكم تعرفون الشي هذا بس يبي لنا شوي مصارحه ومكاشفه وتقبل الانتقادات .... ودمتم.

الله يعطيك العافيه
بـصــراحه كفيت ووفيت

وعساك على القوه إن شاء الله