السلام عليكم ورحمة الله وبركاته...

أنا من أشد المتحمسين لإحظار النجم عيسى المحياني

وقد كنت في ترقب شديد للأخبار المتواترة خلال الأيام الماضية

وكنت على أعصابي وذلك لظلم الاعب بانتقاله لنادي متهاااالك لن يجلب له إلا المشاكل

المهم اليوم بعد صلاة العشاء قلت خلني أعرف وش صار على الرجال

إتصلت على صحفي هلالي معروف (صعبه أذكر اسمه)

قالي القصة كاملة قلت لازم أقولها لكم :

النصر بعد ما أعلن الاعب رغبته باللعب للزعيم

قالوا خربانه خربانه لازم نزيد العقد علشان نسوي بلبلة ونضغط على الإدارة

وكان بنفس الوقت تدخلات من كبار النصراويين على رأسهم بندر بن سلطان

المهم انصدموا برفض الاعب جميع الإغرائات فقالوا لازم نزيد قيمة العقد علشان نصير قدام الجمهور سوينا الي علينا

فأرسلوا صورة الشيك "شكلهم ماخذينها قرض" مع العبيط عفواً العطيب طلال الرشيد

لنادي الوحدة عشرين مليون

ولعيسى عشر ملايين

وسيارة بنوراما

فجاء الأخ جمال تونسي وكلم عيسى وقال العرض والشيك قدامي

وش رأيك؟

قال عيسى غير الهلال ما أبي وقلت كلمة والرجال مايغير كلمته

قال جمال تونسي نبي نجي لمك بالبيت

قال حياكم

ثم جو لمه بالبيت وخلا إخوانه يفتحون الباب ودخلوهم وهو راح برى البيت وقفل جواله

راح لجده لم بيت الأمير بندر بن محمد وجلس عنده حتى آخر الليل

ثم رجع للبيت واليوم تدرب مع الفريق طبيعي وقالهم غير الهلال لاتكلموني

والإدارة مضطرة لبيعه عشان الأزمة المالية

والاعب قاعد يضغط على الإدارة بالموافقة والإدرا ة تطلب منه الطلب من الهلال زيادة عرضهم

لكن الهلاليين بحكمتهم يعرفون لو أنهم زادوا الصفقة النصر راح يزيد لأن النصر عارف إن الاعب ما يبيهم

يعني بالعربي ماخذين الدعوة تخريب وعناد

هم يبون الاعب يختلف مع الإدارة ثم تلتغي الصفقة ولكنهم مايعرفون أن نادي الوحدة يمر بأزمة ماليه كبيرة

والحل بيع عيسى المحياني

يعني بالعربي مصيرهم راح يوافقون على عرض الهلال لكنهم الآن يبغون الهلال يزيد والهلال لن يزيد

مع العلم أن الاعب عيسى طلب من الإدراة الموافقة على عرض الهلال مع تنازله بفرق المبلغ

يعني يتنازل عن مليونين الي هي الفرق بين عرض الهلال والتصر

لكن المشكلة أن إدارة الوحدة خايفين من النصر وكلامهم لأن النصر بالعربي فريق شغله

يحبون الكلام على غير سنع

والاعب الآن في قصر الأمير بندر بن محمد في جدة

مع العلم أن الأمير بندر تسلم ملف المفاوضين الهلاليين حيث سيكون المفوض الهلالي الوحيد

على العموم عيسى المحياني "طلق المحيا"

قبل يوم الأحد سيكون هلالي بإذن الله


............""""................""""................


المصدر : صحفي هلالي معروف أكاد أجزم أن الجميع يعرفه وهو يعايش هذه القضية

الهدف من ذكر القصة : بعد ما مريت الأيام الماضية بقلق وعرفت الحين القصة قلت أخاف أن أحد صار له نفس الي صارلي فأريحه وهذا والله العظيم هدفي الوحيد





وبإذن الله عيسى سيكون هلالي