￭￭￭ الزعيم يلعب والمنتدى كله عيسى !!!! ￭￭￭ - نادي الهلال السعودي - شبكة الزعيم

Nilmar · #1 13/01/2009, 08:56 PM

السلام عليكم ورحمة الله وبركاته

صراحه الوضع اللي صاير غريب مو معقوله الهلال يلعب ومهزوم 2 الشوط الاول

وبدل ما تكون المواضيع عن ملاحظاتكم عن المباراة يكون المنتدى كله عيسى !!

من حق الجمهور يفرح بقدوم اي لاعب بس مو بهالشكل اللي صاير

.

.

ملاحظات من المباراة

* الى متى الواسطات ياناس ؟؟؟ بدر الدعيع ابوه عبدالله وعمه محمد وعلى العين والراس بس سبق واعطي الفرصه السنه اللي فاتت وشارك حتى في نهائي كأس الامير فيصل والله مو تحامل مني على بدر لكن اليوم شفنا مستواه الهدف الاول طالع بوسط الدفاع والهدف الثاني بكل سهوله لاعب الحزم يسحب فيه؟؟؟ يا ناس اعطوا فهد الشمري فرصه !!

* الهدف الثاني للحزم هدف اقل ما اسميه مهزله ولاحظوا خيرات بالهدف واقف يتفرج؟؟؟
يعني حتى لو زميلك رجع لك الكوره قصيره تجلس تتفرج؟؟ لعب حواري صراحه

* الفرج والمبارك اكثر من يتحرك بالفريق والعنزي عنده لمسات وشي يقدمه وان شاء الله مع الوقت نشوفه من نجوم الفريق.. الباقين ضايعين و اولهم الشلهوب واضح الارتباك فيهم

.

نتمنى كما عودنا الزعيم ما يخرج من المباراة خاسر

يعطيكم العافيه

عبودي 9

*

زعيم Toop · #2 13/01/2009, 09:29 PM

معك بكل شي الا انك تقول واسطات ومدري وشو قلة حيا ياناس ..

الا بتلعبون الشمري بالغصب !!!!!!

خلاص المدرب ادرى مني ومنك يا دونجا !!

بوقاسم الهلالي · #3 13/01/2009, 09:31 PM

السلام عليكم

كيف الحال ياللاخو..؟؟

عساك بخير..؟؟

بغيت اقولك ترى المحياني هلالي

ههههههههههههههههه

النايف الهلالي · #4 13/01/2009, 09:32 PM

والله قهر والله قهر واسططططططططططططططططططططططططططططططططططططططططات ليه بدر موب فهد الشمري

رايداوي · #5 13/01/2009, 09:34 PM

الهلال عااادل بالشوط الثاني ..........

مجنون ســ9ــامي · #6 13/01/2009, 09:38 PM

شفتوا هدف رائد الصويلح

مجنون هالولد وله مستقبل مشرق

لا تخافون على قاعدة الزعيم مادام أبو محمد موجود ( بندر بن محمد ")

طويرق · #7 13/01/2009, 09:38 PM

فزنااا في المبارة الحمدالله

قلب الزعيم النابض9 · #8 13/01/2009, 09:39 PM

الهلال متقدم 3/2 مبرووووووووووووووك

عبدالله السليمان · #9 13/01/2009, 09:40 PM

ابشرك الهلال فاز

وصادق والله جماهير الهلال منلهين مع الصفقات يااخوان والله مااصارت حتى اميرنا بن مساعد جالس يتابع وانتو منلهين بالصفقه الله يهديكم

محب الجنه الخرج · #10 13/01/2009, 09:47 PM

حبيب قلبي انا معك المنتدى كله عيسى عيسى والله لو انه مع احترامي الشديد له ك.رونالدو

كل الصفحة الاولى عيسى ونسو او تناسو ان بكره المؤتمر الموعود من قبل شبيه الريح

الله يلعن ابليس الرياضية على هالحركات ابو فيصل يبيه اربع مفاجات مرة وحدة وهم جالسين ينشرون

بس على فكرة فيه تصريح من اول لابو فصل اذكر قال مااحد يعرف اللاعبين اللي يتفاوض معهم الهلال الا انا ونائب الرئيس وسامي والمدرب

مدري ذولا وش مدرهم

بكرة المؤتمر ونشووووووف

اما كلامك عن الواسطات فلا تعليق ابو عبدالعزز اكثر من خدم الفريق ومازال يقدم وانت تتهمه بطون اي دليل او شي

اتمنى انك ماتتكلم في شي ماتعرفه ياحبيبي

النتيجة النهائية 4 : 2 للهلال

وبالتوفيق لمنتخبنا غدا امام الكويت

Nilmar · #11 13/01/2009, 10:08 PM

إقتباس

الرسالة الأصلية كتبت بواسطة زعيم Toop


	معك بكل شي الا انك تقول واسطات ومدري وشو قلة حيا ياناس .. الا بتلعبون الشمري بالغصب !!!!!! خلاص المدرب ادرى مني ومنك يا دونجا !!

اول شي قلة حيا << ما راح ارد عليها السن له دور

بالنسبه لبدر الدعيع كلامي هذا بتعرف قيمته لا سمح الله اذا انصاب محمد الدعيع فجأه في الاسيويه بتشارك بحسن ولا بدر ؟؟؟

يا اخي فهد الشمري ما طالبت الا انه قدم نفسه واثبت وجوده وارجع للمباريات اللي شارك يها

اللي اذكر له انا شارك قدام النصر ورد بلنتي لسعد الحارثي

وشارك قدام مانشستر وابدع

وشارك في احد المباريات للهلال وكانت ضربات ترجيح رد منها ثلاث ركلات جزاء

تتوقع حارس مثله ما يستاهل يعطى الفرصه؟؟؟

حنا يهمنا مصلحة الزعيم ومن ناحي ةالواسطه موجوده رضيت ولا ما رضيت من العنبر لبدر الدعيع لبعض الاسماء

يعطيك العافيه

.

محمد سواري · #12 13/01/2009, 10:15 PM

اول شي مبروكين بفوز زعيمنا وتاهلنا دور الاربعه
وثاني شي مبروك بصفقه عيسى المحياني

ولد الرميحي · #13 13/01/2009, 10:18 PM

المبــراة انتهت بفـونز الهلال و أصـلا هو لقـاء تحصيل حـاصل يعني ( وسع صدركـ ) ,,

و ألــف ألــف ألــف مبروووووووووك قدوم النجم ( عيسى المحياني ) ..

Nilmar · #14 13/01/2009, 10:23 PM

إقتباس

الرسالة الأصلية كتبت بواسطة محب الجنه الخرج


	اما كلامك عن الواسطات فلا تعليق ابو عبدالعزز اكثر من خدم الفريق ومازال يقدم وانت تتهمه بطون اي دليل او شي اتمنى انك ماتتكلم في شي ماتعرفه ياحبيبي

معليش انت داخل مطفي النور انا ما اتهمت ابو عبدالعزيز كتبت على العين والراس بس مشاركة بدر اعتقد مجامله وليست من اجل مستواه..

اي هلالي متابع للهلال الفتره الاخيره يدري انه افضل حارس بعد محمد الدعيع هو فهد الشمري ولو اعطي الفرصه كان شفته مكان وليد عبدالله بالمنتخب..

يعطيك العافيه

هلالي ... دوم · #15 13/01/2009, 10:28 PM

مبرووووك للزعيم النتيجة وعيسى