السلااام عليكم

انا اعرف ومتاكد لحظة كتابتي للموضوع هناك اكثر من شخص يكتب عن نفس الموضوع

لكن احب اطرح وجة نظري

واسف اذا كان فيه اكثر من موضوع مكرر

لكن الي فاته وماشاف البرنامج

كان هناك بيان من الامانه العامه عن طريق فيصل عبدالهادي


يقول مضمون البيان ان الاتحاد السعودي شاف انه مافيه شي يستوجب او يشجع على استضافه البطوله

وال الشيخ ماقصر بهالنقطه وحشره فيهااا

وزعل عبدالهادي يقول انا مو في تحقيق ولاتسئلني

اول مره اشوف واحد يتصل وما يبي احد يسئله

لانه عرف انه كان بينحشر

وبالاخير رظخ وقام يجاوب على الاسئله وليته ماجاوب

ماعرف يرد على شي

وقام يتهرب يمين ويسار

علما بان الخطاب كان عنده من 7 اشهر


وقاله ال الشيخ انه الانديه الي بتشارك عرفناها قبل 4 اشهر وليه ما ارسلتو لها الخطاب . . ؟

وقام يتعذر باعذار واهيه ليس لها اي مبرر

ويقول ان الانديه ماتحددت الا قبل شهرين



الفقره الي قاهرتني وخلتني اقلب مخي شوي الي هي تقول ان من شروط الاستضافه

ان الملعب يكون سعته اقل شي 45 الف متفرج

طبعا بهالكلام اتي لحالو مايقدر يستضيف البطوله كذا

وبكذا الواحد مايقدر يشكك في ذمم احد لكن وضعها مشكوك في صحته



بالاخير

فيصل عبدالهادي زعلاااان مررره ومرتبك بشكل غرييييب

ويقول ان القرار قرار اتحاد سعودي وانه هو الي ينضم البطوله

وماله حق الاتحاد السعودي يرفض الاستضافه بدون مايشاور الانديه


اتمنى منكم التعليق



وسؤوالي لفهد الهريفي

والي يقول انه يمدح ياسر وان ياسر يقول كنت ادور رقمك من كثر ماتمدحني<< كبيره


انا احب اسئل الهريفي

الا وهو السؤال اذا انك دايم تمدح ياسر وتثني عليه وش تصف لي اتهامك لياسر عندما هزمت السعوديه امام اوزباكستان 3_0 واصيب ياسر في اول المباراه وخرج اتهم الهريفي ياسر بانه ادعى الاصابه لكي يرتاح ويستطيع يشارك في المباراة النهائيه اما النصر

طبعا هذا اكبر تكذيب لكلام الهريفي وعن مديحه لياسر

كنت اتمنى احد الضيوف في البرنامج وجه السؤال هذا للهريفي

فكيف يلام ياسر بعد هذين الحادثتين من الهريفي ضد ياسر ....؟






انا اعرف ان الموضوع غير منسق وغير منضم لكن كتبته على عجاله


واتمنى منكم التعليق على الموضوع بما يفيد وبعيدا عن التجريح .. كعادة الزعماء

سلمت اناملك هذا اللي اقوله

العبدالهادي يوخر عن الاتحاد بيفلح بس ما تشوووفووون منهو اللي جنب الامير سلطان في الخليجية يعني افهموها

وبخصوص الهريفي الله يهديه ليش هو فيه انفصام في الشخصيه الله لا يبلانا امس يزبد واليوم يرفع اللاعب فوق وين الاتهامات اللي ذكرها

الله يعافيك

وشكرا على ردك الراقي

والجمييل

العبد الهادي .. يارب انك تعجل في شيلته !


ورجاءا فكونا من سالفة الهريفي وياسر ...

صحيح الهريفي اخطأ .!

بس الان حنا في بطوله (خليجيه) وعنونها الترابط ..!

واذا كان حالنا كذا والله ماحنا بمفلحين ..

رجاء خاص ..

انسوا الهريفي .. الرجال واضخ من مداخلته انه متأثر مره وحالته النفسيه دمرانه ..

وليكن شعارنا بالمستقبل دائما وابدا ( اسمع منا وطلع منا )

8 8 8 8

الله يهديك طبعا كلامك يعبر عن شخصيتك ولا يعبر عن شخصيات الهلاليين

الهريفئ اخطا ورجع وشاف انه غلطان وخلصت السالفه ...وعلى قوله خويي الي فوق خذ منا وطلع مناا يعني لايهمك كل مايقال عنك ...مهما كان نبقئ ابناء وطن وااااااااحد


والعبدالهادي ((مضيع الطاسه من مبطي ..الله يسلحه))

وصدق شيخ الرياضيين يوم يقول انت ((وووووووووووووووووش دخلك ))<<ياحبيل الكلمه يوم طلعت من فم شيخ الرياضيين متحمس يوم يقولها ربي يخليه لنا ويطول بعمره بالعمل الصالح


دمتم بود وعلى طريق الزعامه نلتقي

يا ناس الهريفي طلع واعتذر وش تبون اكثر من كذا !!


اما بخصوص فيصل العبدالهادي فالواضح ان بينه وبين طلال ال الشيخ مشاكل سابقة
وهذا واضح من كلامه وتهجمه ضد ال الشيخ اللي كان يسأل اسئلة منطقية
والحقيقة انا اعتقد ان الخلل في نظام الاتحاد الآسيوي وليس في الاتحاد السعودي
لان هناك اعذار ومنها ان مباريات الدوري السعودي لا يحضرها 35 الف متفرج فكيف بمباراة بين فريقين ليسوا سعوديين
لذلك اعتقد ان افضل حل هو كما قال الامير عبدالرحمن بن مساعد
ان تكون المباراة النهائية ذهابا وايابا
وهذا ما اتمنى ان يعمل عليه الاتحاد السعودي في مخاطبته للاتحاد الاسيوي .

إقتباس الرسالة الأصلية كتبت بواسطة زاوية حادة كرمو المنتدى من اشباه الرجال لاعب وسخ وقذر

تراه انسان وله كرامه مثلك

وانا ابي منك طلب

انك ماتصير زي النصراويين

أشوف الاتحاد السعودي يحتاج إلى غربلة كاملة من أعلى الهرم حتى أسفله ويحتاج إلى دماء جديدة متطورة إعلاميا وفنيا ز واقتصاديا والكترونيا حتى التحدث باللغة الانجليزية

والله قهررر يافيصل عبدالهادي ولاراح الكوره تتطور في ظل وجوده في الاتحاد السعودي

والهريفي أقولك غلطان يامعاند الـــزعيم

ومشكور على الموضوع والتوضيح

شكراً على هالموضوع

- مهما حاولوا الأساءه للنجم ياسر القحطاني تأكد مستحيل تهز ثقته بنفسه ماشاء الله عليه .
- ماأثار هذه القضيه هم ( الأعلام القطري والأماراتي ) وأنتم عارفين المقصد من ورى هذه البلبله لعلها تأثر بمستوى الكابتن ياسر في البطوله .
-انا شاهدت تصريح الكابتن /فهد الهريفي وبصراحه يعجبني صراحته في التحليل ونقد الاعب (لماذا الأعلام الأماراتي لم يتطرق للنقد الموجه للفريدي أو عبده عطيف .
- الكابتن فهد أتصل على برنامج سعودي وشرح ماأراد توضحه بعد ماحاولوا الاعلام الاماراتي ان يكسبوا تصريح لفهد الهريفي عبر قناتهم (وخص القناه السعوديه بهذا التصريح ).
- نحن الزعماء لايؤثر بنا اي تصاريح أو اي بلبله فنحن لها .

وأخيرا/ موضوع وانتهى وانسوه يازعماء وياسر اكبر من كل شي يقال عليه .

تقبلوا تحياتي ,,,,

على طاري الاتحاد السعودي هههههه لو اجيب لي منخال مابقي الا واحد أو أثنين

الله يشفيهم والله مايدرون وش السالفه أهم شي يكشخون بالبشت ويصيرون على يمين ويسار الامير سلطان ونائبه

تعالوا فيصل عبدالهادي وش مأهلاته على شأن يستلم منصب الأمين للأتحاد السعودي

صدقوني ماراح تتطور الكره السعوديه مادامت هذه الشاكله موجوده وبالمختصر (الاتحاد السعودي محتاج هيكله ).




تقبلوا مروري,,,,,

إقتباس الرسالة الأصلية كتبت بواسطة زاوية حادة كرمو المنتدى من اشباه الرجال لاعب وسخ وقذر