حبايبي الزعماء .

جمعه مباركه علينا وعليكم ..

في البدايه احب اعتذر للي غلطت عليهم امس في موضوعي

((ياسر انت تستهبل ؟؟! ولا هذا مستواك ياأفضل لاعب آسيوي .. واحسايف بس ))

الموضوع كان انتقادي بحت يمكن انا كنت منفعل شوي وصار فيه مشادّات كلاميه بيني وبين بعض الأعضاء . لكن الله يحللهم ويبيحهم ويهدينا وياهم لما يحب ويرضى ..

حبيت أخص بالاعتذار اخوي (هلالي طاير)..ارجوا انه يقبله .

عموماً

ادخل في صلب الموضوع ..

أكثر العنواوين اللي صرنا نقراها ذا اليومين . عن (عيسى المحياني-كوزمين-عبدالرحمن بن مساعد )وحولها

يعني القضيه الحاليه اللي شاغله الساحه قضية عيسى المحياني .


صحيح ان عيسى لاعب كبير وموهوب ويقدم مستويات مع الوحده .
لكن السؤال هو ؟ هل عيسى أفضل من ياسر أو العنبر أوالصويلح

يعني حرام نجيب مهاجم ويضل حبيس الدكه في ظل وجود نجوم كبار غيره هم أحق باللعب منه . بصراحه عيسى بيكون عبئ على الفريق . أنا أقول من الأفضل انه يروح لأي فريق ثاني يلقى فيه فرصه للعب . أحسن لنا وله وإن كانت ميول عيسى هلاليه .

ثاني شي ياجماعة الخير كوزمين أولاريو الداهيه هو أفهم مني ومنكم بمراحل في الأمور الفنيه .. وهو قال انه لايحتاج عيسى .. مع ذلك يجي بعض الأعضاء يحشر نفسه في أمور فنيه بحجة ان عيسى هداف وووالخ .

طيب يالحبيب الزعيم ماجاب كوزمين وجدد معاه عشان يفرض رايه عليه ونفرض عليه لعيبه ونتحكم في شغله .
وهذي هي أكبر مشاكل الإدارات عندنا في السعوديه وحتى في المنتخب .


الشي الثاني اللي حبيت اتكلم عنه .
هو الهجوم الغير مبرر على ادارة بن مساعد لدرجة ان احد الأعضاء قال لن نسامحك يابن مساعد وكان هجوم على مثالية ابن مساعد
يااخوان ابن مساعد لو بغى عيسى جابه حتى لو كانت انديه ثانيه تفاوض عيسى لان الآن زمن احتراف . لكن حينما قال كوزمين انه لايحتاج عيسى ابن مساعد سحب المفاوضات .

يعني انتم يا جمهور الهلال نسيتوا جمايل بن مساعد عليكم .

نسيتوا تجديده مع موبايلي -تجديده مع التايب -التجديد مع كوزمين -صفقة ويلهامسون اللي انا اشوفها ناااجحه الى الآن . نسيتوا التعاقد مع الآر تي لافتتاح قناة خاصه بجمهور الزعيم .

نسيتوا كل هذي وهاجمتوه لسبب بسيط وهو انه تنازل عن لاعب محلي.

ابن مساعد الآن قاعد يشتغل في مفاوضات مع لاعبين أجانب وانشالله نيفيز لاعب هامبورج في الطريق .

انتم اصبروا بس وقولوا الخيره فيما اختاره الله .



تحياتي ..

ذواااق ..