09/01/2009, 03:29 AM
|
 | موقوف | | تاريخ التسجيل: 03/09/2008 المكان: شارع التخصصي
مشاركات: 387
| |
| بعـد التحيـه والسـلام
اباركم لكم هذا الفوز الساحق والمهم لنا وبـث روح الحماس وتقديم الافضل في المباريات القادمه
وبعد
اشوف اكثر الاعضاء يلومون الجوهر ومافيه الآ شيل وحط عليه ؟
الحين بتقنعني ياللي ماتبي الجوهر انك افهم من ادراه رعايه الشباب ممثله بمسنوبيها والمهتمين في شؤن المنتخب ؟
الحين حتى لو اختلفنا عليه وكل واحد يطالب بمدرب غير الجوهر مهما كان هذا المدرب
يجب علينا ان نوقف مع الجوهر ونسانده لان الحين خلاص دخلنا البطوله والواجب علينا ان نوقف معه ونسانده لو اخطاء
وان ماكان حولكم مسانده او اي شي دافع معنوي اسكت وخل عتبك واستيائك في بطنك لين تتنهتي البطوله
وبعد انتهاء البطوله طلع كل مافي بطنك من عتب وملاحظات
الجوهر فاز اليوم وتغييراته في الخطه كانت في محلها من ناحيه الفريدي وكريري
اللي ابي اوصل له من الاخر ..
ان الوسط الرياضي والاعلام وجميع منبر صحفي وصوته مسموع يطالب بآبعاد الجوهر ؟
الجوهر ياجماعه الخير بشر ويحس وشي طبيعي تحوسه وتلعب في تفكيره هالاراء والمطالبات اللي تجيه
لكن لو مثلا كل هالاصوات وقفت مع الجوهر راح يحاول يقدم كل مايملك
امانه بذمتكم لو خير الجوهر بين اختيارين في مباراه الامارات بالفوز .؟ او الخساره ؟
شي طبيعي يقول راح اختار الفوز .، لكن لو خسرت شي طبيعي لان الجميع محاربني وماعاد تفرق معي
{ مستويه معه بالعربي}
لكن لو الجميع مع الجوهر راح يقرط في الفوز ولايترك اي مجال غير الفوز لان الجميع حاطين الثقه فيه
وان ضيع ثقتهم بتكون صدمه عليه لان هالملاايين ثقتهم فيه كبيره اذا خسر
وصدقوني سبب الصحافه وشن هجومهم على الجوهر هم اعضاء المنتديات الكرويه لانهم هم الشارع الرياضي ومصدرهم في جمع المعلومات
وشي طبيعي يجيك صحفي ويشوف هالعالم تسب في الجوهر يروح يدافع عنه الا بيوقف ضده عشان اكسب ثقتهم واكون معهم ويقرون مقالي وكم معلومه سارقها من هذا وذاك وزي ماقال المثل مع الخيل ياشقراء
واخيـرآ وليـس اخـر
سالفه التعاقد مع زيكو والمدرب الحالي يقود منتخبنا ويحاول جلب البطوله لنا وتعلنون عنه في وسائل الاعـلام مهيب حلوه..!
اسف على الاطاله .، وي نقاش حاضرين |
الوضع العادي
