تعلمـــي ايتهـــــا الجمـــــــــاهير الصامتـــــــــــه ... - نادي الهلال السعودي - شبكة الزعيم

مفــارق احبــاب · #1 07/01/2009, 07:18 PM

السلام عليكم ورحمة الله وبركاتــــه ..

الي يشــوف تشجيع الجماهير العمانيه لمنتخبها في كأس الخليج يتحسر على جمهور الرياض وانا اعني جمهور الهلال بمـا اني هلالي ويهمني الجمهور الهلالي ..

الجمهور الهلالي .. مشغول بالفصفص !

الجمهور الهلالي .. المشغول بالتفرج فقط وليس التشجيع ..

جمهورنـا يطلق عليه جمهور ولا يقال عنهم " مشجعين " ..

رابطتنــا الفذه " بسم الله عليها " قالبه لي المدرجات مسرح المفتاحه ابو غندر وقبله اخونا الطيب ..

يقعد يجر لك موال 18 دقيقه .. وبعدها تحس وده يقلبها سامريات !!

,,

الي اطلبه من اميرنا الغالي .. الي يسعى للتحضر حتى في طريقة التشجيع ..

انه يلغي الطيران من المشجعين .. وتكون طريقة التشجيع طريقه حضاريه ..

تعيين 40 شخص او 50 بالرابطـه أو على حسب العدد .. ويتوزعون على الجماهير كلها ويغنون بصوت واحد ..

لا طيران ولا هم يحزنون ..

خلونا نكون حضارين الله يرضى عليكم ..

,,

ادري موضوعي مدري وش يبي .. بس قسم لمى شفت المدرج العماني كله يغني بصوت واحد " اولي اولي " وقلبي قام يتحقرص