|
تعلمـــي ايتهـــــا الجمـــــــــاهير الصامتـــــــــــه ... السلام عليكم ورحمة الله وبركاتــــه .. الي يشــوف تشجيع الجماهير العمانيه لمنتخبها في كأس الخليج يتحسر على جمهور الرياض وانا اعني جمهور الهلال بمـا اني هلالي ويهمني الجمهور الهلالي .. الجمهور الهلالي .. مشغول بالفصفص ! الجمهور الهلالي .. المشغول بالتفرج فقط وليس التشجيع .. جمهورنـا يطلق عليه جمهور ولا يقال عنهم " مشجعين " .. رابطتنــا الفذه " بسم الله عليها " قالبه لي المدرجات مسرح المفتاحه ابو غندر وقبله اخونا الطيب .. يقعد يجر لك موال 18 دقيقه .. وبعدها تحس وده يقلبها سامريات !! ,, الي اطلبه من اميرنا الغالي .. الي يسعى للتحضر حتى في طريقة التشجيع .. انه يلغي الطيران من المشجعين .. وتكون طريقة التشجيع طريقه حضاريه .. تعيين 40 شخص او 50 بالرابطـه أو على حسب العدد .. ويتوزعون على الجماهير كلها ويغنون بصوت واحد .. لا طيران ولا هم يحزنون .. خلونا نكون حضارين الله يرضى عليكم .. ,, ادري موضوعي مدري وش يبي .. بس قسم لمى شفت المدرج العماني كله يغني بصوت واحد " اولي اولي " وقلبي قام يتحقرص |
اقول شكلك تدقق على المباريات العادية شف وضع مباراتهمـ وشف اوضعنا ^_^ |
انا بقولها بالمعنى الصحيح نبغى رابطتنا مثل رابطة اخواننا الاتحاديين شوفو رابطة الاتحاد ...لاتعليق... |
يالوافي والله لو المباراه مع النصر ... ان تلقى غندر يجر مـوال !! موال في مباراه !!!!!! ,, وين الصوت الي يهز الارض .. نبي زي الاهلي والاتحاد .. والله ان رابطة الاتفاق اقوى مننا بعض الاحيان ! |
ياحبيبي وش اللي جماهير الرياض وجماهير الرياض جانا طبع جيرانا ! ياخي فريق يلعب عندك طول الموسم صعبة يصير حماسك واحد بتمل شف الشرقية يجيها الهلال مرة وحدة فلابد يتحمسون لأن الجمهور مهوب شايفة إلا مرة وحدة أما بالنسبة للطيران فلا حياة لمن تنادي إزعاج وقلق ماتطلع الا مصدع راسك وطول المباراة موالات والصوت في راسك من قوة تقبل رأيي وشاكر لك :rose: |
التصفيق والتصفير افضل طريقة للتشجيع |
والله انك صادق بكل صراحة جمهور الهلال بالرغم من كثرته الا انه ممل ... |
أولآ وعليكمـ السلامـ والرحمهـ ثانيا هو كلامكـ صحيح على ااني ما فهمت الا أخر الكلام هو حلوة أن تكون الجماهير كلها صوت واحد أغنية وحدة تصفيق واحد هذ1 بس للمنتخب ويكون فيها شوية شكشكة أما بـ Variance أبدا ما يصلح |
بصرحه قلت لكم سابقا شوفو جمهور الاهلي كيف الرابطه حقتها كيف مو مثل اللي عندنا بصراحه صرت اتمنى مباراة الاهلي اكثر فعلا رابطه 100%والنهائي ضد الجار طلعو اغانى جديده شوفو كيف الجماهير الصح جمهور الراقي ..... |
يا ريت جماهيرنا ورابطتنا زي الاتحاد او الاهلي |
والله الجمهور الهلالي ماينطرب الا مباراة قويه |
هذا الحل : المشكله : الرابطه تكون في ركن من اركان الملعب والجمهور اللي في الواجهه مايرددون خلفهم ,, الحل: يجيبون مثلا 50 مشجع من الاف من المشجعين الهلايين, ويتفقون معهم ويقسمون الـ 50 من المشجعين في كل جزء من اجزاء الواجهه, ويرددون خلف الرابطه,, وكذا راح يتفاعل الجمهور كله,, لان بعض الجمهور يبي يردد خلف الرابطه بس مافيه احد يردد معه |
صحيح كلامك أخوي جماهيرنا الله يحفظهم حظور بلا فاعليه على الإطلاق وخاصة جماهير بعض المدن!!!.. ولكن اتمنى عندما يحضر الجمهور يحضر بشكل أكثر فاعليه ليعكس مدى كثافته وحضوره الأكثر من رائع.. ولو إتبع الجمهور طريقة التشجيع الإحترافيه لكان لهم شأن خاص بحكم أننا جماهير النادي الأكثر شعبيه بالمملكه... |
الصراه ما شفت مثل جمهور الاتحاد من ناحية التشجيع ما اشاء الله عليهم |
فعلا .. جمهور يحمسك للحضور .. أحسن من جماهيرنا .. تروح .. تلقي رقص وهبال |
| الوقت المعتمد في المنتدى بتوقيت جرينتش +3.
الوقت الان » 06:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd