نظام المجموعتين فاشل ... والدلـــــــــــيل >> - صفحة رقم 2 - نادي الهلال السعودي - شبكة الزعيم

d7homi-7 · #16 06/01/2009, 07:32 PM

ياخي مدري وش يحسبه ابن همام الحين سنتين كثير تبيها اربع

بعدين مدري ليش مدخلين اليمن والعراق ما منهم الا المشاكل

وياليتهم يتاهلون ما فيه امل معجزه

الف شكر لك

ابو طـــــلال · #17 06/01/2009, 07:57 PM

إقتباس

الرسالة الأصلية كتبت بواسطة captano-9


	آلبــطولهــ بآلــنقــآط آفــضل... ودخــول آلعــرآق وآلــيمن مــدري وش يــبي..؟؟ إذآ آلعــرآق فيــهـ ويــن سوريـآ وآلآردن وإلــخ.. >>>>( آولآك تؤبرني ) آتــمنى وجـودهم فـي آلبطـولـهـ,,, وبـآلنـسـبهـ لإبـن هــمآم آلـظـآهـر أنـهـ يـتآبـع آلبـطولـهـ لوجـتود إبـن إخــته مشــآركـ.. آمــآ إلآخــرآج آليــمـ وخـصوصــآ لآ جــتكـ آلكــآميرآ مـن فـوق ولآ عــلى آلمنــصه وجــآيبيــن آبــو شـآل فلســطيني"" ...تحـــيآتي لــك...

اتوقع يكفي مشاركت بقية الفرق مع بلدانهم في البطولة العربية للمنتخبات !! العراق واليمن وسوريا والأردن ..

بس بطولة الخليج أفضل في الدول الست فقط ... بسبب الحماس والنديه والتنافس الشريف بين شعوب المنطقة وحكامها ومسؤولينها ..

الإخراج ممتاز بس جديد علينا .. أصبر عليه وبتمدحة !!

شكرا عمووو

ابو طـــــلال · #18 06/01/2009, 08:00 PM

إقتباس

الرسالة الأصلية كتبت بواسطة طارق+التايب=باص عيون


	كلامك عين الصواب بس ليه تطالب بخروج العراق واليمن

اتوقع يكفي نقابلهم في بطولة العرب وآسياء ...

أما الخليج ( خمبدزة العراق ) واجدة .. ومشاكلهم كثيرة .. ويختلفون معنا بامور كثيرة

أما اليمن فهي ليست دولة خليجية .. مع أمنياتي بالتوفيق للمنتخب اليمني الشقيق .. وحتى لاتكون اليمن دائما موضع شك في نظرة جميع المنتخبات عند هزيمتها من كل المنتخبات المنافسة

حياك يالذيب

ابو طـــــلال · #19 06/01/2009, 08:05 PM

إقتباس

الرسالة الأصلية كتبت بواسطة dal3_uae


	ههههههههههــ وانا اقوووووول وين اختفى الريال ... اثاريك تكتب موضوع عناااا ... يقولك المجلس العام مشتاقين لي ولك ... المشرفين مرتاحين اهناك ... هاليومين ... كافتنهم من شري ... خلهم ياخذون اجازة .. الحين ... وبعدين بنرد لهم ... ان شاء الله ... اذا الله احيانا ... :: نحن والحمدلله فزنا ... بنشوفك انته شو بتسوي ... هذا مخه مقفل شرات القطريين اللي في المجلس نيهاااهاااهاااا ... يعني ما عنده سالفه ... نحن جماهيرنا وايد ... يمكن لأنه المسافة مب بعيده بينا وبين عمان ... مفتقده اخواني وبو وصايف هالمرة ... لأنهم متواجدين اهناك ... ونحن في الامارات عندنا امتحانات الفصل الاول ... يعني الناس مشغوووولة الحين ... وهاذيله توقيتهم غلط ما يناسبنا ... ثاني مرة لازم يراجعونا وخلاف يحددون الموعد ... تصوير ... صفر ع الشمال ... وياه الاخراج طبعااااا ... الكورة رفعه ... والمخرج حاط اللقطه اللي تحت ... شو هالمخرج >>>> اونه الجزيرة محترفين في التصوير .. اي محترفين الله يخليكم ؟؟؟ !! الصراحه الصراحه .. اول مرة احس انه البطولة مب حلوة ... لأنه قبل اللي كان محلنهااا ... قنواتنا الاماراتيه ... احس صدق اني مفتقده قنواتنا والله ... وفاقده معلقينا ... معلقين الجزيرة يالسين يسولفون ... ومال الكاس ... يالس ويسولف اروحه .. وشويه وبيني رقاد ... قلت في خاطرية خليني اشوف تعليق السعودي ... يمكن يطلع فيه خير ويطلع احسن عن هايلاك ... وفعلا ما خاب ظني اول مرة احس انه التعليق حلووو طبعا بعد فارس عوض ... قناة الفتنه والمجاملات ... >>>>>>>. صدقت انها متعه ...

وين أختفى الريال وإلا الدينار ؟؟

دلع شفتي هالكاريكاتير اللى بتوقيعي ؟

تعليقك عليه

بعدين المفروض جمهور الإمارات أكثر الجماهير الحاضره مو لقرب المسافة فقط .. بل بسبب عدم نقل مباريات منتخبهم على قنواتهم !!

لازم يضربون مشوار يشوفون المباراة ويرجعون

جسيس الهلال · #20 06/01/2009, 08:08 PM

إقتباس

الرسالة الأصلية كتبت بواسطة طارق+التايب=باص عيون


	كلامك عين الصواب بس ليه تطالب بخروج العراق واليمن

صراحةمنتخب العراق لااؤيدة

مثيرللمشاكل واهل شقاق و نفاق و معروف من ايام يوسف الحجاج

ونحنوا الخليجين معروفين باخلاقنا وعاداتنا فديظهر منا خطاءالالمن رحم الله فهم بصراحة لايناسبونا

ابو طـــــلال · #21 06/01/2009, 09:00 PM

إقتباس

الرسالة الأصلية كتبت بواسطة عيون ياسـ20ــر


	والله انك صادق....! النظام اول احسن ويزيد المتعه والاثاره.. بس ابن همام قهرني هو وكلامه اللي مادري وش يبي....!

أشوى ان الفك والربط مهوب بيدة بخصوص بطولة الخليج وإلا كان من زمان ملغي البطولة

كل بطولة بنقاط تكون افضل واكثر إثارة من المجموعات .. خصوصا الفرق القليله وش مجموعات عليه !!

ابو طـــــلال · #22 06/01/2009, 09:11 PM

إقتباس

الرسالة الأصلية كتبت بواسطة حمد الاحبابي


	لا مب حلوة تلعبون مع الكويت !!!

شكرا اخوي حمد على حضور ك ومرورك ... وماعطيتنا رايك في موضوع عدم نقل قنوات الإمارات لبطولة الخليج ..

أخو الحاني · #23 06/01/2009, 09:17 PM

ايه والله كلامك صحيح والمفروض العراق ماتشارك دايما نشوف أخلاقهم كيف وأشتفنا لديربي الخليج السعودية والكويت

القنــــ309ـــاص · #24 07/01/2009, 12:59 AM

كلام حلو

وكان نضام النقاط حماي اكثر من اللحين

تقبل مروري،،

ابو طـــــلال · #25 07/01/2009, 01:23 AM

إقتباس

الرسالة الأصلية كتبت بواسطة فديت السعوديه


	صدقت والله يابو طـــــلال والله اني اتمنى نقابل الكـــويت مع انـه خالف كل التوقعات واخاف يفضحوننا مدامنا مع الجوهربس احساسي ان منتخبنا بيصحى لأنه عناصريا افضل من الجميع بصراحه وقادرين على العوده والمنافسه ان شاء الله ؟؟؟؟؟؟؟؟ وشيئ طبيعي ان النقاط افضــــــل حتى الدوري لما رجع لنقاط صــــــــــار فيه اثاره اما دخول ايرااااان ما بقى الــى هي ناقصين رفـــــس وضــرب يكفينا الــعراك اما السطح حـقي والله هو الي مخرب التصوير ولا البــاقي ماشاء الله حلللللللللو مره بس ياليتهم يخلون السطـــح مثل ماقلت مـووقت هجــمه الـــين نتعود عليه تعــــرف نبــــــــغى وقت لأننا قبل حـــــدنا الي انت خابر كل التصوير تحت ولا بوجه الاعب دمــــــت كمـــــــــــا تحـــــــــــــــــب

يامرحبتين .... هلابك والله

شلون رقبتك بعد التصوير من فوق أمس

اما تصويرنا بدائي خصوصاً لاصارت على نهائي .. المباراة حامية وهي على شخص واحد طيلة المباراة والتعليق كله مدح وترفيع .. وشحاذه بس من بعيد ... خصوصا طيب الذكر ( إبراهيم الجابر ) كل كلمة والثانيه ويقول ( حكومتنا الرشيده وقيادتنا الرياضيه ممثلة .. ) ويخلص ... تجي أسامي اللاعبين ولاخلص ردجع ثانيه وقال ( حكومتنا الرشيدة ) يابثر هالآ دمي وياهو منافق ..

غثنا وغث حكومتنا الرشيدة بمصالتة ..

تحية لك وعقبال فوز منتخبنا بكرا إنشاء الله ..

Al Suwalih 9 · #26 07/01/2009, 01:29 AM

إقتباس

الرسالة الأصلية كتبت بواسطة فايز الكاسر


	البطولة من الأساس مالها داعي وليس معترف بها بالفيفا

البطولة لها داعي وغير معترفة الهدف الاساسي مشاركة الاشقاء مو الفوز

انا ما تفرق معي فزنا والا خسرنا اهم شي اسيا وقمة الانجازات

ابو طـــــلال · #27 07/01/2009, 01:50 AM

إقتباس

الرسالة الأصلية كتبت بواسطة Abood.8


	أنـآ معـآك .. يـرجـع زي أول نقـآط .. بـس دون خرووج اليمـن والعـرآق .. وبـآلتـوفيـق للصقـوور الخضـر ..

شكرا لتواجدك وبالتوفيق للأخظر ...

ورجوعها للنقاط أهم من إبتعاد اليمن والعراق ... المهم ترجع نقاط وتتقابل جميع الفرق فيما بينها

المحبره · #28 07/01/2009, 08:54 AM

هلا أبو طلال ..

ماشاء الله وش هالنشاط بالخليجي ؟؟ نجيب و الخليفي كلهم بركة

و الله مواضيعك خطيرة .. و تحمس

نظام النقاط حلو .. لكن وجود منتخبات أكثر بعد حلو .. أقل شي العراق رغم مساوئهم إلا إن لعبهم مفتوح .. و يحمس شوي !
و اليمن .. يلعبون لعب حلو .. لكن مشكلتهم بالتهديف !
أكره ما أشوف الفرق اللي تقفل .. و تلعب 10 دفاع مع الحارس

مثل البحرين و الامارات في خليجي 18

الله يوفق الأخضر .. و يقويهم .. و يجيبون الكاس

ونقابل الكويت بعد مانتأهل معهم

ان شاء الله ..

الجزيرة تصور زي ماتبي .. عادي

يكفي انها جايبة سامي و نواف .. يالله من فضلك

برايفت لابو طلال بس

موضوعك أمس رهييب

.. و رديت بس راح الموضوع

عموماً .. حافظته عندي

الى الامام يابطل

سلام

ابو طـــــلال · #29 07/01/2009, 12:38 PM

إقتباس

الرسالة الأصلية كتبت بواسطة فايز الكاسر


	البطولة من الأساس مالها داعي وليس معترف بها بالفيفا

لايكون ودك تنقلها وأخذتها منك الجزيرة بعد !

بالعكس البطولة لها داعي بالنسبة لنا ( خليجيين ) اما باقي الأخوة العرب أكيد ماتشكل لهم اهمية ومالها داعي لهم ..

وإعتراف الفيفا مو مهم بالنسبة لنا .. المهم اللقاء والتجمع الخليجي ....

مهيب يابه ؟!

تحياتي لك

ابو طـــــلال · #30 07/01/2009, 03:29 PM

إقتباس

الرسالة الأصلية كتبت بواسطة هلاليه تشلساويه


	والله انك صادق يا اخي قبل تحس الي يفوز يأخذ الكأس بجداره يلعب مع جميع المنتخبات ويقدم كل الي عنده والحين الفوز انه يلعب 5 مباريات فقط

أول أفضل مافيه شك ..

شكرا لك