03/01/2009, 08:29 PM
|
| زعيــم فعــال | | تاريخ التسجيل: 19/08/2008 المكان: الخرج
مشاركات: 457
| |
|
حوار بين الحارثي والقحطاني ونور
--------------------------------------------------------------------------------
بسم الله الرحمن الرحيم
7
7
7
ياسر:سعد انت ونور ماسمعتو اللي انا سمعته
سعد:وش سمعت
نور: علمنا يا ياسر وش السالف واللي صار بسرعه
ياسر:صرحه شي يضيق الصدر ويحزن بعد
نور وسعد: اوه يا ياسر خلصنا ترى معاد فينا اعصاب قل بسرعه
ياسر: طيب طيب ابقول طولوا بالكم علي شوي خلوني اخذ نفس لاتستعجلون
سعد ونور:ياسر بتتكلم بسرعه ولابنقوم ونخليك اخلص ياخوي
ياسر: اسمعو الهرجه دخلت النت وعلى طول كالعاده دخل المنتدى الي احبه وياكم
ونسنتر عنده دايم منتدى فاول الرياضي وياليتني ما دخلت ضاق صدري ورتفع ظغطي
سعد ونور : عسى ماشر لايكون واحد من الاعضاء جايه شي اومصيبه ان شاء الله كلهم بخير
ياسر: كلهم بخير لكن اللي مضيق صدري المنتدى من ثلاثه ايام كله طقاق الهلالي
يستهتر با النصراوي والاتحادي والنصراوي يستهتر با لهلالي والاتحادي مثلهم بعد
المنتدى كله طقاق في طقاق وكل عضو يسب الثاني والحاله حوسه زعلوني الاعضاء
المنتدى هذاني دخلته عشان تصدقون
نور: ياساتر ياشباب بكره مبارة المنتخب مع كوريا وقاعدين ينزلون مواضيع بايخه
مالها داعي وكلها استنقاص من الاخرين وتاركين المنتخب
سعد: ايه والله يانور انك صادق
ياسر:صدقتنوني صراحه طاحو من عيني ما كنت اتوقعهم كذا بس عجبني ماجد الواصل
منزل موضوع جميل ويقول للشباب اتركو هذا الكلام والتفتول للمنتخب وتركوالتعصب
نور : من هو سبب المشكله في المنتدى
سعد:بكون صريح السبب الرئيسي العضو مجننهم صراحه نزل مواضيع
كلها عن النصر وفيها تقليل منه وزعلني وزعل بعض الاعضاء النصراويين بعدين نزلو
مواضيع ضد الهلال بداء بها كحيلان بموضوع عن سامي
نور: اكيد زعلو الهلاليين ومن ضمنهم فري نايس ولمبارد وkaka511 بناخي وغيرهم
وقامو يردون على كحيلان ثم ختلط الحابل بالنابل
ياسر:طيب رايكم الحل كيف بيكون نبي المنتدى يرجع زي اول كل واحد يمدح ويدافع
عن فريقه ويرد على الثاني لكن بحترام وادب وبدون هذه المواضيع البايخه الموجوده
سعد:عندي فكره كل واحد منا يرسل رساله لجماهير نادييه واكيد مهوب مخيبينا
ياسرونور: فكره حلوه
ياسر يالله نور انت اكبرنا ابداء
نور: تراني شباب لاتقعد تكبرني يحسبوني شايب وصابغ
سعد وياسر:هههههههههههههههههههه
نور: اخواني محبين وعشاق الاتحاد لي رجاء منكم خلوكم مثل مااعرفكم لاتدخلون في هذه
المعمعه وحترمو الاعضاء الاخرين وخلونا نبداء من الان خلاص اكيد خلاص
ياسر: يالله ياهلاليين لاتخيبون ضني فيكم خلاص نوقف كل المواضيع ضد النصر والاتحاد
ونلتفت للمنتخب ونرجع مثل اول واحسن اتفقنا
سعد: عشاق العالمي تكفون وتكفى تهز الرجاجيل من هذه الاحظه نمد يدينا لكل الاعضاء
وبلاش من الكلام الي ماله داعي خلونا نفتح صفحه جديده
ياسر :سعد نور جتني ثلاث رسايل خاصه من فري نايس ولمبارد ومجننهم عجبهم كلامنا
ويقولون يدينا مع يديكم
نور :ونا بعد جتني رساله من ماجد الواصل يسلم عليكم ويقول انا كفيل عن كل اتحادي
ويدينا معكم
سعد :هههههه قايلكم الاعضاء النصراويين مايمكن يخيبون ضني جتني اربع رسايل من
كحيلان والذابح11 وكراش النصر ونصراوي مدريدي يقولن انتم فصلو ونا نلبس
ويدينا معكم
ياسر: خلاص اذن اتفقنا كل الاعضاء متفقين ويديهم ممدوده ويدينا ممدوده
نور وسعد وياسر:بصوت واحد وقفو مع المتخب ياشباب ونبداء من بكره صفحه جديده
اعضاء منتدى فاول الرياضي بصوت واحد :ابشروا وبتشوفون اللي يسركم من اليوم
ان شاء الله |
الوضع العادي
