في ألبي ( تـكّــــة ) .. - صفحة رقم 2 - نادي الهلال السعودي - شبكة الزعيم

DHOOOM · #1 31/12/2008, 06:45 AM

أولا سلامة ألبك من التكة ياغالي ,
ثانيا أنا ودي أبدأ من آخر الموضوع والله لاينكسنا < بدر صفوق رافع ضغطه.

بالنسبة لكلمة بدر صفوق , فهي غريبة منه فعلا , صحيح اعتدنا تملق لجنة تحكيم شاعر المليون لكن الأن تملق للمسيحيين غريبة ما خبرت أحد من شيوخ الامارات مسيحي .!!!

بالنسبة للشباب السعوي وإنهم برا يشتغلون أي شغلة , أنا أقولك فيه ناس هنا يعجبونك حالتهم المادية أكثر من حلوة لكن أهلهم يبون يطلعونهم ع الدنيا صح ومخلينهم يصرفون على أنفسهم , فبالتالي لازم يشتغل حتى لو كانت شغلات بسيطة . وبالمقابل تلقى واحد حالته وحالة أهله صعبه ومع ذلك قاعد بالبيت + باكيت دخان بظهر الباكيت الثاني 24\7 وهو على هالحالة.

بالنسبة للتعريض عند الإشارة , أنا كثير أسوي هالحركة , وماعندي أي مشكلة إن أحد يعرض السيارة ,عارف إنه فيه خطوط مشاة وإنه منظر غير حضاري ,بس أعرض أفضل من إني أسدالطريق على اللي يبي ياخذون يمين من عند الاشارة

المسجد وصجة البزران , مع ملاحظة إن مصطلح البزران بنظري شامل إلى عمر 15 , على قولتك التربية وماغير التربية شي. لو تلاحظ فيه صغار ماشاء الله تبارك الله أعمارهم 8 و 10 سنوات وصلاتهم ازين من صلاة الشيبان. وبالمقابل تلقى صغار بأعمار 14 و 15 , صلاته الله بالخير .

بالنسبة للعسكر وإنهم ماينزلون , أنا ودي مرة تصفطني دورية وأكون فاضي جداُ , اللي بسويه إني بقعد بسيارتي حتى لو قعدت لي عشر ساعات . لأن نص النظام وأكدوا عليه قبل تقريبا 6 شهور , إن الأصل إن العسكري هو اللي ينزل . أما تحبب وعقال , فراس ماله مخالفة وتلقانا نصرف ألوف على سخافة محنب عجزين عن 500 ولا 900 ولا خله يدبل المخالفة إن كاني أستاهله ,

موضوع مميز وعلى قولتهم من كل بحر قطرة ومن كل بستان وردة<< إذاعة الصباح.

مشكور يالغالي على الموضوع المبدع والمظاهر اللي ترفع الظغط ,

Hilali88 · #2 31/12/2008, 08:07 AM

تعتمد على حسب العسكري
بعضهم رافع خشمه وماخذ مقلب في نفسه لكن البعض حبيبين
والمفروض على العسكري إن هو اللي ينزل
إلا وش قصة الكلب إللي فوق

أما الإزعاج في المساجد البزر ما ينلام إللي ينلام ابوه الدلخ إللي ما يعلمه
وفي ازعاج ثاني وهو في رمضان في صلاة التراويح تسمع صوت سوالف الحريم -الله يهديهن- من ثلاثين كيلو

بالنسبة لي ما عندي مشكلة في هالموضوع
لكن إللي يقهر لما يجيك واحد يوقف قدام وإذا ولعت الإشارة يتسحب

يمكن مفاهيم الشخص تختلف باختلاف المجتمع إللي هو فيه
هنا المجتمع ينظر لبعض الأعمال نظرة استنكار
لكن في بعض الدول الموضوع عادي وما يعيب الشغل
علشان كذا بعض الطلاب لا يخجل من العمل هناك

أنا مستنكر كلمة (الاخوان المسيحيين) فقط
أما التبريكات سمعت القرضاوي يقول حلال

يعطيك العافية أخوي كان هنا ورده

alhawey · #3 31/12/2008, 02:15 PM

وعليكم السلام والرحمه،،

هلا بالغالي كان هنا

طرحك هنا متنوع و أسلوبك ممتع ما شاء الله عليك..

أول شي تعريفك للتكة ما جاز لي وليتك مخليها مثل ما هي وما عرّفتها

بالنسبة لحديثك عن المساجد والعبث الذي يحدث داخلها ومن حولها واستنكارك له، فاتفق معك فيه، وأننا يجب أن نربي أطفالنا على احترامها والتأدب فيها، والحقيقة بعض الكبار أولى بتلك التربية!، ففي الطريق إلى المسجد تجد بعضهم يبصق -الله يكرمكم- على الأرض وعند مدخل المسجد!، وبعضهم إصبعه ما يطلع من خشمه وهو داخل المسجد!! -الله يكرمكم نوبتن ثانيه-، غير المقاطع المنوعه من الأغاني اللي تصدر من جوالات الرجال البالغين!! والإمام يقرأ الفاتحة!!..
واللي ما اتفق معك فيه هو أسلوب محاولة لحق البزران بعد الصلاة بغرض جلدهم!، لأنك ما راح تقدر تمسكهم والناس إن شافوك قالوا وش هالمبهول اللي يلاحق بزران!

.

أما عن قضية تصرفات بعض رجال المرور والدوريات الأمنية، وتصريح بدر صفوق المتفتح والفاهم، فما ألومك إن صار في قبلك تكك (جمع تكه) بسبتهم..

شكراً لك

MaRoUaNe · #4 31/12/2008, 11:33 AM

عافاك ربي ورده

موضوع واقعي جميل مع بعض الفكاهه

استمتعت بقراءته

هلالي من ارض اليمن · #5 31/12/2008, 12:30 PM

إقتباس


	اللهم إنا نسـألك بفضلك ومنك وكرمك ، أن تهون على أهل غزة وترفع ما بهم من ضر وان تجعل قتلاهم في عداد الشهداء ؛ اللهم آميـن .

اللهـم آمين

إقتباس


	ولو ما نزلت .. الله يعينك ، الليلة بترقد في سرير غير سريرك

عبدالرحمن .. عذرا انت لا تحترم واجبات القبيله

الرجل مضيفك وقايم بواجبك .. بدل ان تقول له شكرا طارح موضوع تظهر استيائك من واجبات الضيافة .. هذا وهو معطيك سرير !!

يا عيبااااااااااه

ليس لي سوى ان اتركك لضميرك

لماذا لا يتبرع احد رواد المسجد بعمل لوحة ارشادية تفيد اولياء الأمور بضرورة تربية ابنائهم على احترام تواجدهم بالمسجد !!

إقتباس


	بدون صورة مؤقتاً

بناء على الفقرة الأولى من الموضوع وهذه الفقرة استنتج ما يلي :

1 - انك مثير للمشاكل

2 - انك تعمل في الحسبة

إقتباس


	الغريب في الأمـر .. ان الشاب هذا لو توجه للخارج نشوفه يشتغل أي شغلة

صبرا جميلا يا عبدالرحمن .. الايام تمضي والمجتمع سيتقبل كثير من الاعمال التي كان يتعال عليها والشباب لن يتحرجوا عن الخوض في اي مهنه ،،،

إقتباس


	موضوع ركيك لفظاً بعض الشيء .. اختلطت اللهجات فيه .. والأهداف

نصيحة مباشرة : لا تستخدم العبارة اعلاه مرة أخرى

إقتباس


	وتدعي ربك يسهل امر هالبلد

اللهـم آمين وجميع بلاد المسلمين .. كن ادعيلنا معكم

عبدالرحمن ( قلب ) <=== وين راح القلب في قائمة الابتسامات

يعطيك العافيه يا غالي

وشكرا جزيلا لك

المهم : انك فشيت خلئك

Z ! Z OO · #6 31/12/2008, 02:58 PM

هلا والله بـ كان هنا

ذكرت عده قضايا في موضوع واحد
بأسلوبك الجميل

\
هذي إذا ماكان شرطي
بيب بيب ... ويقطع الأشارة وهي حمراء
إذا مات .. الله يرحمه

::

\
أخوانك مسيحيين

أحلـى هلاليه · #7 31/12/2008, 02:59 PM

وعليكم السلام

اللهم هون عليهم مصابهم

موضوع المسجد هو اكثر موضوع حساسيه

اما ابارك لهم السنه الجديده قويه
الله يعطيك العافيه

لين شيخه الزين · #8 01/01/2009, 05:25 AM

كان هنا (( الأصلي والا التيواني )) مشكور على الموضوع وعلى الحبكة الحلوة
ابن صفوق في الأسبوع الماضي يهني أخوانة العرب المسيحيين بعيد رأس السنة
من جد أنة مايعرف إن الأخوة في الدين وليست في اللغة
شعور أنتباني وأنا أسمعة يقولها

Z3EEM . FC · #9 01/01/2009, 12:18 PM

هالمناظر تعودنا نشوفها كثير
والشاب السعودي يبي عمل وراتب بدون لايتحرك
يبي مكتب وكمبيوتر واخر الشهر يستلم
وبخصوص التعريض ياخي هل عليها مخالفات ولا ؟
وعندي سوال مدري وش يبي

ياخي فيه كلب فوق الجمس ولا يتهياأ لي ؟

لاهنت ع الموضوع

D.T U R K I · #10 01/01/2009, 01:39 PM

إقتباس


	إختـــبار كيميا .. دعواتكم ^_^

<< الله يعينك يبو دحيّم على الإختبـآر .. الله الله بالدرجـآت الزينه

..............

بصـرآحـه عنـوآن الموضـوع يشد أكثـر من المحتوى

<< بينجلد

إقتباس


	اللهم إنا نسـألك بفضلك ومنك وكرمك ، أن تهون على أهل غزة وترفع ما بهم من ضر وان تجعل قتلاهم في عداد الشهداء ؛ اللهم آميـن .

اللهم إمين

والله أنـآ ياما ويـآما أشوف بالدآئري الدوريات السريه توقف العالم وكلن جالس بسيارته

لكن العلم الي عندي إن الشـرطي هو الي ينزل .. لكن نادر تلقـآه ينزل

والله يـآعندنـآ بزرآن الله لا يـوريك بمسجدنـآ ..

خـآصـه بعد صلاة العصر .. لأن يصير عندهم حلقه وأنوآع الملآحق والمطآرد

وحتـآ في صلاة الترآويح ولا صلآة القـيام يجيك البزر قايم متحمس لصلآة القيام يطلع من البيت اهله يحسبونه بيروح يصلي .. ولا هو يروح يأذني خلق الله

وأنـآ ألوم أهل البزر والله .. لأن البزر مـآ يدرك بأي مكـآن يلعب فيه

عـآدي دوريـه تبي تقول شي

قال النبي صلى الله عليه وسلم قال: ( ( ما أكل أحد طعاماً قط خيراً من أن يأكُل من عمل يديه ))

إذآ كـآنوا إخوانك مسيحيين .. فهم إخوانك لـ وحدك ..
ولكن نحن مانقول إخواننـآ المسيحيين ...!!

شكـرآ دحيّم

كل الفن هلالي · #11 01/01/2009, 09:15 PM

،

،

وعليكم السلام ورحمة الله ،،
هلا دحوم تراني ما فهمت عنوان الموضوع

يابو تكّه
عشان كذا بنتقل للفقرة التالية :

دعوة بحجم الكون كله
نسأل الله أن ينصر إخواننا وأهلينا في غزة وفي كل فلسطين الحبيبة
نصراً مؤزراً مبيناً عاجلاً غير آجل

ههههههههههههههههههههه
دحوم انت جبت الصورة لهدف ما
لكن اللي صار اننا تفاجئنا بصورة الكلب اعزك الله اللي فوق السيارة

المهم بالنسبة لنزول الشخص لرجل المرور ..
احنا دايم ننزل عشان احنا اكيد مخطئين وما نبي يستقعد لنا

لكن لو ما سويت شي وكل شي عندي تمام يبطي انزل له

لاتعليق

بس ترا أنظمة الاشارات عندنا عقيم بصراحة

وفيه اشارات ترفع الضغط ويتطلب الأمر انك تسوي كذا والله !!

لايوجد أبلغ من قولة تعالى ( ما يلفظ من قول الا لديه رقيب عتيد )

عوافي دحوم

موضوع في غاية الروعة ولا يخلو من الفكاهه

بصراحة اسلوب طرحك جميل وغير ممل وهذا هو المطلوب

شكراً لك ورده

**فهد** · #12 02/01/2009, 02:13 AM

إقتباس

الرسالة الأصلية كتبت بواسطة كان هنا


	بسم الله الرحمن الرحيم السلام عليكم ورحمة الله وبركاته تشوفون هالمنظر ؟ عسكري يقوم بواجبه الوطني ويخالف صاحب مركبة .. الغريب في الأمر أن العسكري في هذه الصورة هو من تكرم وتنازل وحن ، ونزل للمواطن .. حقيقة هو مش غريب .. لانه اساساً لابد ان العسكري هو من ينزل للمواطن .. ولو حدث عكس هالموضوع فالمواطن قد ارتكب مخالفة اخرى .. الحاصل الآن ان العسكري "يستحيل" إلا فيما ندر أن ينزل للمواطن .. ولو ما نزل المواطن .. صارت مخالفته مخالفتين .. بالعربي .. انزل لي يالمواطن .. واطلبني .. واحذف عقالك علي .. وبمشيها لك ^^ . ولو ما نزلت .. الله يعينك ، الليلة بترقد في سرير غير سريرك ..

أولا وعليكم السلام

ثانيا اللهم امين لدعائك للفلسطينين والله يسمع منا ان شاء الله

ثالثا اتوقع ان العسكري ماينزل يخاف انه ينزل ولاقرب من سيارتك هربت

وبعدين انت الغلطان مو هو يعني هو يرى الغلطان هو يجي يصلح غلطه وينزل مثل الحمار ورده وأنتم بكرامه وياخذ المخالفه عشان كذا لاتشره عليهم

ياخي احس ان ماعندي سالفه بس ودي ارد

والسلام خير الختام

كان هنا · #13 02/01/2009, 09:31 AM

سلام عليكم
صبح صبح

..
أبـدأ وبالله التوفيق

نواف ألمع
هلا بالغالي ، نــوّرت الموضوع

السمسار الهلالــي
هلا بالمسمار

..
ياخي ملاحظ انت ، تحسه معطي الدنيا اشكل ، وجا على وجهه

..
الله يتوب علينا وعليه ويصلح حالنا وحاله ..
حياك ربي يالسمسار منــوّر ..

عـز الهلال
أهــلين ريان كيف حالك

..

إقتباس


	هـآآآ بشر .. عرفت أسم بعض الناس ؟! .

اححم .. شالسالفة

..

إقتباس


	فكرت بـ نفس كلامك .. و قلت المفروض من العسكري النزول لكـن فكرت ثانيه .. وقتلت , لو العسكري نزل كم مره بيطر أنه ينزل غير هذي النزله .!؟

يالغــالي ، العسكري هذي شغلته ، يفر بدوريته وينزل من السيّـارة ..

إقتباس


	و بيني وبينك الصوره ذي الظاهر أنها عشان دعايه لــ تلفزيون ولا جريده ولا شي

تصدق اني فكرت بنفس المنطق ، الظاهر اننا دارسين بمدرسة وحدة

..

إقتباس


	أنت قلتهـا [ بزر ] يكبر ويعقل إن شاء الله .

ريان انت بكلمتك هذي ذكرتني بحكمة لوالدي المبجل

..
يقول هذا هو الشعب .. الولد يوم انه صغير تقول لابوه عقله وادبه .. يقول لك يكبر ويعقل ..
وان كبر ودشر ولا عاد رجع صوابه .. تروح تكلم ابوه .. يقول لك وش اسوي له ، صار اكبر مني ، لو بكلمه طرحني

الابن وهو صغير بايدك سهل ، وتشكّـله مثل ما تبي

إقتباس


	فوق الــ GMC فيه كلب .. ولا انا اتوهم .

لالا واهم واهم

.

حياك ربي عز الهلالوو

..
منور ..

الـصـخـرة
آميـن آمين ..
حياك ربي يالحصاة .. نورت

ALMALAKY
اهلين وسهليك ملوكي .. شكراً لاشادتك ( :

إقتباس


	فمالك إلا انك تسقط من يمين وتاخذ الأول وتفك نفسك من زحمة الاشارة

والضحية المسكين الي واقف اول واحد بينلطع زود

..
للاسف ما فيه احساس بالآخر : (

..

إقتباس


	وش سالفة الكلب (وانتم كرامه ) الي فوق الجمس بالصورة الثانيه ؟!

يسوي دعاية لجاقوار ..

عافاك الله وشكراً لتواجدك .

مواصل من عام 1413هـ
من جاب طاري الحكومة ..
أصلاً فيه أحد كاتب موضوع ؟
الا وش معنى موضوع ؟

fff
أهلين وسهلين ^_^

إقتباس


	بيني وبينك افضل لك انك تنزل له ولا بتنام برا البيت ,,

صدقت .. ليلتها بتجرب مور كايند اوف بيد

..

إقتباس


	اما البزران فوالله مشكلتهم مشكلة ان طردته قالوا عنك بزر وان تركته ازعج العالم ,,

والمشكلة مافيهم فحل يطرد العدو الغاشم من بيت الله

..

إقتباس


	اما تعريض الموتر فهو شئ يرفع الضغط ويقهرك وبالذات لما تكووون الاشارة زحمة ,,

ودك تضرب له بوري ، وتخليه يمشي ويجيه دتسن ماشي مليووون ويشيله من الحياة

..

إقتباس


	العسكري عقب ماسمع الكلمة فطس ضحك ..

يقلع تصريفته النايمة

..

إقتباس


	اما بدر صفوق فمت اتوقع منه كل شئ بعد درقن درقن ..

يرفع الضغط ، مسوي انا الي ما حسبت حساب للبشرية

..

استاذ / فهد .. نورت الموضوع يا بعدي : )

ولد عنزة

إقتباس


	هالايآم المجلس العآم موآضيعه ثقيله ..!

يعني تقدر تسميني ( اكتيفيا المجلس العام

)

إقتباس


	لو ينزل عند كل وآحد بينكسر ظهره

وهو وشو له جايبينه .. عشان يفر وينزل الله يجزاك خير ..
ثم اساساً العسكري يشوف المخالف قدامه ويسحب عليه ، يعني لا ينزل ولا يخليه ينزل ..
منقود منقود الله لا يعوق بشر

..

إقتباس


	هذآ يهون , آلي يقهرك الي يسد عليك المخرج علشآن يبي يطلع من الاشاآرهـ

شكلك متعذب مع الدائري

..

إقتباس


	آذآ كآن شبآبنآ يبون مكآتب فقط .!

الدنيا وانا اخوك بتلعب بهم لعب .. وبتعلمهم يشتغلون كل شي ..

ولد عنزة .. حياك خيي .. منور ( :

وليد القحطاني
أهلا وسهلا وليد حياك ربي ..

إقتباس


	متى مابغى يمسك مسك , بس يضيع وقته

للأسف انهم يعتبرونا وظيفة أكثر من اعتبارها واجب وطني وأمانة .

إقتباس


	الف شكر دحوم واعتذر على هذا الرد

شدعوـآ وليدوه .. اسمك بالموضوع يكفي : )
حياك ربي ومنوور ..

رائدة الزعيم
أهلاً حازمة .. أقصد رائدة << ارقد بس انت وذبتك النايمة ..
ممكن كلامك صحيح ، الطفل لو اخذ موقف من مكان او شخص او اي شيء كان ، تجدينه يحاول ينتقم منه باي طريقة ..
وبالنسبة لمواقف كبار السن مهيب مع الاطفال بس ..
اذكر مرة امام مسجد ماحضر "كعادته" .. وتقدم بنقالي لاجل يصلي بالناس .. قام واحد من الشياب ويسحب البنقالي ويرجعه ويقدم واحد من اخوياه الشياب !!
للأسف هالشايب بجهله عمل شيء لن يعمله حتى عيسى عليه السلام وقتما يصل للاقصى
حتى ورد انه سيقول عندما يريد ان يقدمه امام الاقصى للصلاة " أأصلي وقد أقيمت لك" ..

إقتباس


	وشايب ثاني في مسجدنا يطرد الصغار من الصف الأول لأن الأول للكبار

ايه هذي ياكثر ما تحصل

..
خاصة عند الستاند الي بالصف الاول .. موكلين لهم شايب يطرّد العيال ..

عموماً .. محدثكم هاجر من مسجد الى مسجد آخر بسبة شياب الحارة .. قسم بالله انهم يسمعون بالحق ) :

إقتباس


	مرورنا إذا مسك واحد قاطع إشارة وطلع يعرفة يكتفي بالقسيمة واللي ما يعرفة عاد مشكلتة ينطق في التوقيف

هذا زين اذا ما صار فيها عزايم ..

اهلا وسهلا رائدة نورتي الموضوع

.

وردة الهلال

إقتباس


	المـرور

تفكير منطقي رجيمي

..

إقتباس


	يعني مسجدنا يشتكي من طفل الجيرآن.. إلي مخلي المسجد له مرتع..للطقاق!

هذولي يتكررون كثير .. اذكر واحد نفس الحركة لعب وطقاق ..
وفايتّه كذا ركعة .. والتفت واطالع فيه وهو يصلي ويطالع فيني

حقد علي

..
بعد الصلاة يطالع فيني يبي يطقني

..

إقتباس


	قآلوآ لأمه ذاك اليوم تضحك؟ طبعا نوعها بآرد جدا

الحمدلله والشكر ) :
خصمك هو الحكم

إقتباس


	إن كان مفهوم اهلهم عيب انت رجال تشتغل كذا؟

والله سالفة اخوتس مؤسفة .. يعني كان بيكون مشروع هامور وزبيدي بعد ..
بس المشكلة الثقافة العامة عند الشعب ..
واقصد بالثقافة العامة ان كل واحد يعتقد انه لو عمل هالشي الناس بينقدون عليه ..
مع انو الحاصل العكس .. اشوف ناس كثير يشتغلون شغلات يعتقدون الناس انها عيب ، لكن بالحقيقة المجتمع يمدح بهالشاب ويوصي عياله يصيرون مثله ..
بالعربي .. لو نترك سالفة " اخاف من كلام الناس " حنا بخير ..
وردة الهلال شكراً لتواجدك وتشرفت بتعقيبك ..

فجر الرياض
اهلا وسهلا فجر ..

إقتباس


	بالنسبه للمسجد المسؤوليه الكبيره على الأهل كيف يسمحون لأطفالهم بهالشي يايروح يصلي زي الناس ياجلس ماله داعي يتسبب بأذية خلق الله

لو يكون فيه تثقيف من البيت وتوضيح لحرمة وقدسية المسجد ، ما وجدنا هالمعضلة بصراحة ..
اعرف اطفال كثير .. ما بعد دخلوا حتى للابتدائي .. لكنه بالصلاة مستحيل يلتفت ..
السبب التربية الصحيحة ..

فجر الرياض شكراً لتواجدك وتعقيبك ..

DHOOOM
هلا بالسمي

كيف حالك ^_^ ..

إقتباس


	غريبة ما خبرت أحد من شيوخ الامارات مسيحي .!!!

لايخوي وش دراك انت هذا تمويه

.. يعني ترا مهب بس نتلزق بشيوخ الامارات حتى مع الديانات الاخرى لكسب مودتهم ..

إقتباس


	لكن أهلهم يبون يطلعونهم ع الدنيا صح ومخلينهم يصرفون على أنفسهم ,

عاد لا افراط ولا تفريط .. مهب معقول ان الاهل مقتدرين ويعاملون ابنائهم بهالطريقة .. ارخ شوي وشد شوي ..
وارى لو انه يكون المصروف "قليل" أو يعطى احياناً ويُمسك في احيان اخرى هو افضل ..

إقتباس


	بس أعرض أفضل من إني أسدالطريق على اللي يبي ياخذون يمين من عند الاشارة

طيب وش المشكلة لو كل واحد فينا انتظر خمس دقايق .. أو عشر .. أو حتى ربع ساعة عند الاشارة ..
ما اعتقد احد يُعـذر الا في اصعب الحالاات ..

إقتباس


	اللي بسويه إني بقعد بسيارتي حتى لو قعدت لي عشر ساعات

يالقادح

..
/،
دحوم حياك ربي .. سعيد بتواجدك .. وخالد بمرورك .. << ياسمجك ^_^

/،
Hilali88
هلا والله هلالي ثمانوثمانين ^_^

إقتباس


	إلا وش قصة الكلب إللي فوق

هذا طال عمرك يدور البراد

..

إقتباس


	وفي ازعاج ثاني وهو في رمضان في صلاة التراويح تسمع صوت سوالف الحريم -الله يهديهن- من ثلاثين كيلو

سوالف نسوان .. وبرا دوري محترفين بساحة المسجد

..
/،

هلالي ثمانيات .. منور يالغالي ( :

لنا عــــودة بإذن الله

زعـيم الزعـماء · #14 02/01/2009, 02:57 PM

إقتباس


	هـآآآ بشر .. عرفت أسم بعض الناس ؟! .

اححم .. شالسالفة

..

يقصد فـ ي ـ ا ض

<-- أحد كلمك

?

عبد الرحمن ورده
موضوع رائع فعلا ً ,

اللهم آمين

,,

يا حليلكم يا الأعضاء , كلن رقى فوق السيّارة

إقتباس


	الظاهرة هي ظاهرة تعريض السيارات " عند الإشارات " ..

صدقت والله عبد الرحمن , هالحركة ترفع الضغط

( وجه يناظر الملكي

)

- -

اعذرنا ع المرور السريع ,
لكن اعتبره تسجيل إعجاب بـ قلمك

الله يعطيك العافية ورده

I don‘t know · #15 02/01/2009, 05:43 PM

هلا بالسمي ^_^

الله يعين اهل غزة على الصهاينة اليهود
.
.
.
بالنسبة لنزول العساكر للمواطن انا عندي رأي فيها مع اني مواطن عادي انا اعتقد ان من المفترض ان اللي ينزل هو المواطن>>شطحة

بس انا قلت كذا لأن مثلا لو نزل المواطن مايكون مشكل خطر وهو جاي للعسكري اما اذا العسكري نزل ممكن يكون العسكري جاي ورايح للمواطن ويمشي المواطن ويهرب وثم يبتعد العسكري عن المواطن

وبالنسبة للصورة اللي كان الكلب(الله يكرمكم) فوق السيارة ترى العسكري مانزل الا لأنه خايف منه

.
.
بدر صفوق الشنب هذا هو سبب شطحاته وتغيير افكاره

.
.
بالنسبة لسالفة الإعتراض انا عندي قصص صارت صحيح انها قوية شوي لكن ابقول لكم عليها:

قبل كم سنة وبعد ظهور هالحركة كنت راكب مع اخوي وحنا كنا اول سيارة موقفة لكن تفاجأنا بمصري يوقف قدامنا والصراحة انقهرنا لكن اخوي حب يعطيه درس يخليه يكره حتى اول صف>>>من خطورتها

المصري كان موقف قدام ولايشوف الإشارة المهم تعرفون اذا الإشارت صارت خضراء تسمع البواري بتفجر اذنك >>طولتها

المهم ضربنا بوري على هالمصري والرجال مستعجل ويمشي والإشارة اصلا حمراء واول مامشى ولولا الله ماستر عليه كان صدم 3 سيارات : >>>الحركة سواها اكثر من 3 مرات

الموقف الثاني:

مرة كنا موقفين مع نفس الأخ بعد ماسوينا الحركة الأولى بسنة كان موقف قدامنا واحد على ددسن قديمة المهم حنا ضربنا البوري بدون مانقصد ويجيك راعي الددسن يدعس ولايدري المهم ماكمل شوي الا وتجيه ددسن احسن منها ويحصل الحادث اللي الحمدلله ماكان فيه اضرار بشرية يمكن اضرار حديد بس>>>ابد ماسويتوا شئ..!

.
.
تـ ح ـياتي...i don't know