&&& خلوهــا تصــــدي ...... &&& - صفحة رقم 2 - نادي الهلال السعودي - شبكة الزعيم

hah · #16 29/12/2008, 11:51 PM

خلوووووووووووها تصدي والله قمت الاستغلالية انا مستانس بشتر سيارة زينة الاسعار طاحت ويجي هذا ال*** ويطمع بفلوسنا اجل قبل كم اخذ منا

خلووووووووووووووووووووها تصدييييييييييي

ابونوف الهلالى · #17 30/12/2008, 12:41 AM

لا اله الا الله خير مما يجمعون

واجل خلوها تصدي

نــــايــــفــــ · #18 30/12/2008, 01:28 AM

الســــــلام عليـــــــــكم
أكيد كلنا سمعنا وشفنا قوة صدى حملة خليها تصدي
هذه الحملة اللي البعض يعتقد انها لم ولن يستفيد منها المواطن
وذلك لظهور بعض التجار واعلانهم انهم ستزداد اسعار السياراة بنسبة لاتقل عن 10% ويمكن البعض منكم شاف
كيف قام عبداللطيف جميل بزيادة اسعار اللكسز
انا ما اعرف ايش المنطق اللي جالس يشتغل فيه هذا الادمي !!؟
يعني الشركة الأم مسويه تخفيض واسعار الخامات اللي يتصنع منها السياراة بالنازل
شلون انت تزيد الاسعار يا عبداللطيف ؟؟

المهم ... مالكم بالطويلة
اليوم جايب لكم خطاب خاص جداً من محمد عبدا للطيف جميل إلى وزير التجارة والصناعة
يطلب كتم اصوات ويطلب كبت حريات الشعب ويطالب بمحاسبة وإيقاف حملة خليها تصدي
هذا الخطاب هو اكبر دليل على ان هذه الشركة تتعرض لخسائر وتتعرض لضعف لمبيعات
وهذا يعود بعد فضل الله على هذه الحملة اللي اتمنى من كل قلبي تستمر اقل شيء حتى النصف الربع الثالث من سنة 2009
عشان اللي ينزل راتبه يروح يطق له كرولا من غير اقصاد

اتركم مع هذا الخطاب وأتمنى ارسال الرسالة إلى اكبر كم ممكن من الناس والقروبات

سينمائي الزعيم · #19 30/12/2008, 02:53 AM

إقتباس

الرسالة الأصلية كتبت بواسطة القيصر رهيب


	أحمد جميل ولا الخليوي يا الطيب الرجال أسمه عبداللطيف مير الكورهـ لاحستن عقولكم الله يكفانا الشر راح أوقف معكـ وأقول خلوها تخيس

أولا اسمه محمد عبداللطيف جميل

عبداللطيف جميل رجل متوفي مدري من كام خلوها تصدي

فكرة حلوة عشان بكرى بعطي اخوي 500 ريال يشتري لي سيارة امريكية و يرجع الباقي

ماجد324 · #20 30/12/2008, 10:15 AM

خلوهاااااااااا تصدي وبقوووووووووووووه
اهم شي ان الجرايد ما تخاف من تهديد الوكلا وينشرون تقارير عن الحمله ونتائجه
علشااان يعرفون اننا مهوب لهدرجه زلايب

حبيبي يالظاهرة · #21 30/12/2008, 04:37 PM

والله الصحيح قهر كذا السيارات

بس يقولون ان شركة فورد مركبة الشاصي حق 2008 والسيارة 2009

والله قهر
بس ما يقدرون الناس يصبرون

واللي يبي يصبر شجع النصر

ههههه

على العموم خلوها تصدي

ن ا ر ...009 · #22 01/01/2009, 02:34 AM

فوائد المقاطعه بدت تجني ثمارها

المقاطعه مستمره

خلوها تصدي

F I N A L · #23 01/01/2009, 11:46 AM

شوف الصوره

http://www.thegulfbiz.com/vb/attachm...1&d=1230463968

^_^

نخليها تصــدى .,

الأطخـــــــم · #24 01/01/2009, 01:01 PM

بســـــــــم الله الرحمن الرحيم

والحمد لله رب العالمين

جميعنا يعرف الازمة التي تمر بها شركات السيارات وخاصة الامريكيه وانه بسبب هذه الازمه سوف تنزل اسعار

السيارات بنسبه 50 % تقريبا ..

وهذا بلاشك في صالح المواطن الذي مارس في حقة التجار جميع انواع الجشع والابتزاز لدرجة ذهاب السعودديون

للدول المجاوره وشراء السيارات بأرخص الاسعار وبفارق كبير جدا

المهم قام السعوديون بمقاطعة شركة عبد اللطيف جميل التي تستورد سيارات تويوتا وتبيعها بأسعار خياليه جدا

والمقاطعه تحت مسمى خلوها تصدي ( وخليها تصدي على قولة عبداللطيف جميل هههه

..

ويبدو بأن المقاطعه نجحت وبشكل كبير جدا حيث ان عبد اللطيف جميل ارسل خطاب لوزير التجاره يشكو له الحال

المهم اترككم مع صوووووووره الخطاب ,,

عموما اتمنى للجميع ايام سعيده بعيده عن جشع التجار الله يهديهم للصواب ...

أســـ الزعامة ـــاس · #25 01/01/2009, 01:07 PM

خلوووووووووها تصدي وخلوووووووووووووهم يفلسون حسبي الله عليهم

حبيبي يالظاهرة · #26 01/01/2009, 01:13 PM

ههههههههههه

والله ازين خلوها تصدي الين ترخص

وفيه بعض الشركات في امريكا
صارت عنده عرض خذ سيارة والثانية مجاناً>>>>> والله فله هالعرض

بس يقولون يبييله ترخص بعد 4 شهووور اقل شئ

على العموم خلوها تصدي

بجاد الحربي · #27 01/01/2009, 01:18 PM

هههههههههههههههههه جتني على الايميل

خخخخخخخخخخخ الله يرجك ياجميل قمت تتسول

نصيحه للي بيشترون سياره لايشتري من جميل لو بريال

بس والله حلووووووووو الخطاب

اجل نشتري غصب كذا

ابو طـــــلال · #28 01/01/2009, 01:55 PM

عبد اللطيف جميل على الأقل له مشاريع خيرية ويقوم بتدريب الشباب العاطل مجاناً مع توظيفهم !! وله إسكانات خاصة خيريه للسجون والمساجين ...

لاتركزون على وكيل واحد وتتركون الباقين !!

العيسى ... الجميح ... الناغي ... والبقية الباقية اللى نصب وجشع مع قل بركة !!

اتمنى إن هالحملة تنجح ....... ويرجع جميع التجار لرشدهم ( و يعقلون )

ابو طـــــلال · #29 01/01/2009, 02:02 PM

انا مع المقاطعة بالشكل العام وليس بتحديد وكيل واحد وترك البقية !!

لذلك أعجبتني هالصورة .. وأتمنى من المهتمين في هالمواضيع إطلاعنا على كل ماهو جديد ب خصوص المقاطعة ونتائجها ..

شكرا لك اخوي على هالموضوع وعسى الله يحقق الهدف من المقاطعة

alhilal-2007 · #30 01/01/2009, 02:09 PM

خلووها تصدي وموديلها يعدي وفي المواني تكدس