وش سويتوا في الاختبار ؟؟؟؟؟؟ ( قلبي معاكم )!!!!! - نادي الهلال السعودي - شبكة الزعيم

المملكة · #1 30/05/2002, 11:39 AM

يا أحبابي .............

صباحكم فل وياسمين .......... ومساؤكم عطر وورود !

صدقوني إذا قلت لكم ..... إني أفكر فيكم ... وش سويتوا في الإختبارات اللي انتهت !؟؟؟ خايفه تكونون مشغولين باخبار كاس العالم .. وبربسة " الامرط ؟؟؟؟؟؟؟؟؟ " وقناته ؟ لا ياحبايبي ! نظموا وقتكم .. وأعطوا لكل عمل حقه ... فنجاحكم يفرحني ويسعدني حتى لولم أعرفكم شخصياً ! أطمح في أن يكون شبابنا في مقدمة الركب ... واستانس لي شفت الجمهور الهلالي من ذوي الكفاءات والوعي لأن ذلك بينعكس على مسيرة النادي وتوجهاته وتأثيره في النشء ! وترى النجاح ماهو في الدروس فقط بل في كل عمل يقوم به أحدكم حتى الموظف وغير الموظف .. وأهم نجاح .. هو نجاحكم الأبقى دين ودنيا .. وتكفون يا حبايبي لا تتركون الصلاة حتى وانتم على الإنترنت في هذه المنتديات إحرصوا على أن تغلقوا الشاشة بمجرد سماعكم لنداء الرحمن ( حي على الصلاة ) وتسابقوا إلى المساجد .. تنالوا خير الدنيا والآخرة ...

أحبتي :
ما هو أطرف موقف واجهكم أثناء الاختبار ؟؟؟؟؟؟؟؟؟

تمنياتي لكم بالتوفيق والنجاح .... والله يعيني على هدايا النجاح !! ولن أنظر للتقدير العام ... المهم انجحوا !!!!!!!!!

لو سمحتوا :
ابدأوا من اليوم بالكتابة باللون الاخضر تفاعلاً مع المنتخب حتى تنتهي مباريات المنتخب .... ولا عليكم أمر ... يا حبايب المملكة .................

قرقاص · #2 30/05/2002, 11:52 AM

المملكة صبحك الله بالخير!!
وجزاك الله خير على نصائحك! بس عندي استفسار !! ليش طريقة كلامك تشبه طريقة الجدات والأمهات بقولك يااحبابي وترديدها كثير! ليش انتي كبيره لها الدرجه!!

اما اطرف موقف مر بي في الأمتحان فكان امتحان السنه التحضيريه في كلية الصيدلة في مادة اللغة الأنجليزيه حيث كان فيه سؤال يقول رتب الجمل التاليه حسب تسلسلها في القطعه!! وحاطين فراغ جنب كل وحده! انا حسبت السؤال حط صح وغلط واقوم احط صح وغلط! ويوم طلعت سئلت الشباب عن وقالو لي غلط ويضيق صدري وارجع للدكتور واشرح له الوضع وكان امريكي مسلم ويطلع في القناة الثانيه ويوافق اني اعيدهالسؤال جزاه الله خير!! وخذت في الأمتحان 9 من 10 ولله الحمد!

شذى الهلال · #3 30/05/2002, 03:25 PM

مشكوره يالمملكه على نصائحك وبالأخص دعوتك لعدم التهاون بالصلاة .. وياشين المنتدى بالاختبارات كل ما دخلت مالقيت فيه أحد (أخاف أجلس لحالي)..

بالنسبه للمواقف الطريفه والله الاختبارات مافيها شئ طريف لأنها هي أصلا ثقيلة دم ..

الله يوفق جميع الطلاب والطالبات ويرجعون للشبكة مثل أول ..بصراحة وحشتونا ;)

رامي وبس · #4 30/05/2002, 03:41 PM

مشكور المملكه على دعائك لنا في الاختبارات وحرصك على الجميع.

بس اطمنئك انه الهلالين يحبون النجاح في كل شي.

اطرف واصعب موقف في هذه الاختبارات هو انه كان معه جوالي في قاعه الاختبار في جيبي نسيت اني لم اضعه في البيت او السياره المهم دق الجوال في وسط الامتحان والمدير كان بجواري والمصيبه اني واضع نغمه موسيقي(جرح الزمن) وما دريت الى المدير ماسكني مع رقبتي ومااقدر اكمل الباقي...
وجميع من بالقاعه ينظرون لي ويضحكوون.
علما اني الى الان متاثر بالموقف.

ابوساره مهجد الحاره · #5 30/05/2002, 04:07 PM

سلااام يامملكتنا الغاليه (هذي السعوديه موب انتي)

هلا فيك اختي الغاليه المملكه هذي انتي:p

والله اطرف موقف صارلي (يوم كنت ادرس في ثالث ثنوي) في الكيمياء

كنت في الترم الأول جايب العيد ويبغالي على النجاح على الورقه 24درجه

من 35

وطبعاً خويكم في الكيميا داج وقاعدت افكر وش اسوي

على شان انجح

وقلت ما بدهاش عليك بالبراشيم المهم

والله وقعت طول ليلي ابرشم وفي القاعه وخويكم شغال
<<<<<على باله فاهم

وانا شغال نقش طب علي المراقب وانا منيب يمه

حط يده على كتفي ومن الروعه وابلع البراشيم

وصار للمراقب كذا

من هول الموقف (المراقب طبعاً مصري)

وقال يبني طلعها والله والله حنقحك وصار الي صار......
==================

الوليد · #6 30/05/2002, 04:58 PM

[c]لا جيت البيت وشفت أخواني وأقول كيف الاختبارات يقولون ( ماء ) يعني سهل غسلت يدي
وعلى كذا قررت أهدي لهم الصورة [/c]

[c]

[/c]

[c]ومعليش هذى صوره أختى المملكة الشاملة أيام الطفولة أول مدخلت الروضه
الروضه المدرسة ماهو الحي
يالله نوم العوافي إن شاء الله [/c]
[c]

[/c]
[c]ومعليش يالمملكة الشاملة على نشر صور الذكريات بس حلوه صح [/c]

ابوساره مهجد الحاره · #7 30/05/2002, 05:02 PM

iiiiiiiiiiiiii
من الظحك نسيت اقلبه عربي هههههههههههههههههه

المملكة · #8 31/05/2002, 01:00 AM

هلا وغلا ..................

قرقاص :

يعني نجحت بالدز ؟؟؟؟ يالله المهم نجحت ! بس الله يعافيك علمنا في أي صيدلية أنت ؟؟؟؟؟؟؟؟؟؟؟؟؟؟؟؟؟؟؟؟

شذى الهلال :

بالفعل المنتديات أيام الإختبارات موحشة ! بس بصراحة أنا مبسوطه ! لأن هذا دليل الوعي .. والإحساس بالمسؤولية !

رامي بس :

لا عاد تعودها ............؟؟؟؟؟؟؟؟

الوليد :

بسم الله علي الرحمن الرحيم ...... الله لا يضرني .. أعيذني بكلمات الله التامه من كل شيطان وهامه ومن كل عين لامه ....!

أبو ساره مهجد الحاره :
ونقحك ؟؟؟؟؟؟؟؟؟؟؟؟؟؟؟؟؟؟؟؟؟

نواف السديري · #9 31/05/2002, 03:32 AM

أختي الفاضله وأستاذتي الكبيره المملكه

=======================

إقتباس


	وش سويتوا في الإختبارات اللي انتهت !؟؟؟

لسه ما أنتهت باقي ثلاث مواد

وكلها يوم الأحد

^
^
^
^
^
^
^
^
شكلي مثل اللي الصوره اللي فوق

أخـــــــــــــــــــــوك
نـــانـــــو <<< أسم الدلع

قرقاص · #10 31/05/2002, 10:09 AM

Dear kingdom
I told in my preiveous replay i get 9 from 10! which means excellent! not pass by push!!and for your question about my pharmacy i am working in abig hospital in Riyadh!!!
بالعربي شوفوني اعرف انجليزي ومانجحت بالدف زي ماتقول المملكة

المملكة · #11 31/05/2002, 11:34 AM

الأحبة : صباحكم فل وياسمين وورده ؟

نانو !!!!!!!!!!!!!!!!! زاد فضلك ....!! أقصد المواد اللي انتهت .....

وبعدين أكيد منشغل في الشعر ومخلي المذاكرة ... !!

قرقاص ... مادام تشتغل في مستشفى كبير .. أكيد في

( المملكة ) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حاطينك مستشار ؟؟ يا

الانقريزي !!!!!!!!!!!!!!!! وترى كل قام يحكي انجليزي حتى الأمي

عرفها أيام أرامكو ؟؟؟؟؟؟؟ واسأل أبناء الصحراء .. الأشاوس ...!

يعني علاماتك مشكوك فيها ؟؟؟؟؟؟؟؟؟؟؟

ابوساره مهجد الحاره · #12 01/06/2002, 02:02 PM

ايوا موتي نقحني

قرقاص · #13 01/06/2002, 05:43 PM

يالمملكة 9-10 وبالدز!!! اجل وش تقولين باللي ماخذين 5 و6 من عشره!

المملكة · #14 02/06/2002, 08:12 PM

عزيزي قرقاص ..........

هذولا ( باشتراك ) !!!!!!!!!!! في الأوائل ؟؟؟؟؟؟؟؟؟؟؟؟؟؟؟؟؟؟

الحكم · #15 03/06/2002, 08:11 PM

إقتباس


	المشاركة الأصلية كتبت بواسطة المملكة يا أحبابي ............. صدقني إذا قلت لك ..... إني أفكر فيك ... احبك وامووت فيك يالحكم عطني وجه تكفى

هههههههههه تسلمين على مشاعرك بس واللة عندي زحمة بنات هههههههه