بصراحة الله يكون في عون أخوننا الموظفين المباريات صباح خير والله من مدير يبي يصير غثيث ما يخليكم تطلعون بس عندي لكم مجموعة من الحيل عساها تنفع

1 - طبعا تعال لدوام بدري وخلص شغلك أول بأول

2 - أجلس عند المدير وتحكك فيه(كنك قطوة تبي تونة)

3 - لا تقول للمدير لا طول فترة المونديال

4 - إذا كان المدير راعي سيارات قله أخبر لك موتر زين وأن كان صاحب عقار قله والله يافيه أرض في الشمال مترها بعشرة ريال.....الخ حسب ميول مديرك

5 - طبعا اذا كان المدير مو راعي كورة سب في الكورة وقل غثونا بها والحمد لله أنها جت الصبح علشان ما نشوفها

6 - يوم الأحد الجاي فيه أربع مباريات والارجنتين ونيجيريا الساعة ثمان ونصف يعني كل اليوم فل فيستحسن أخذ إجازة إضطرارية

7 - حاول تقول للمدير إن جدي جاي زيارة للبيت ويبغى من يتقهوى معه في الصبح الساعة تسع كل يوم

8 - وفي حالة تعثر ما سبق عليك بالإجازة ترى لك عشرة أيام أضطرارية وثلاثين يوم عادي ولا يفصل الموظف الا بعد غياب 15 يوم متواصل أو 30 يوم متتالية

9- وصدقوني ماراح يجي كاس العالم في مثل هذا التوقيت مستقبلا حيث إن المونديال القادم في المانيا واللي بعده في أفريقيا إحتمال وهذه الدول توقيتها مناسب جدا



وشكرا لكم

أخي الفاضل عنيد2000
================

الموظفين ماعليهم خوف الخوف علينا أحنا يالطلاب

أنا عندي ثلاث أختبارات يوم الأحد وكل ماده أصعب من اللي قبلها

أخــــــــــــــــــوك
نواف السديري

الله يكون في عونك بس عندي لك حل

وقت الفديو وسجل المباريات ولا تدري عن النتيجة وبعد ما تصحى في الليل شف المباريات وركز على مباراة الارجنتين ونيجيريا

والله يوفقك

محاكيك مجنون كوره Live

السبت:
إيرلندا × الكاميرون (9.30 )
أرجواي × الدنمارك (12.00)
ألمانيا × السعوديه ( 2.30)

كذا كيف نذاكر

الأحد:
الارحنتين × نيجيريا (8.30 ) ألحق على الشوط الأول فقط
بارجواي × جنوب أفريقيا ( 10.30 ) ما أقدر أشوفها
إنجلترا × السويد ( 12.30 ) ما أقدر أشوفها

كذا كيف نرتاح

يارجال وسع صدرك


سجل المباريات واسهر عليها يوم الاثنين

والله إني مقدم إجازة إضطراربة يوم الأحد من أمس ، مجنون أنا أداوم والأرجنتين ونيجيريا تلعب . زين إني موفر رصيد إجازات إضطرارية من أول . أمابالنسبة للطلاب فمستقبلكم ألزم عليكم ، وخلوا ا لأهل يسجلوها ولا يخبروك بالنتيجه وشوفها بعد المذاكرة .

الحمد لله اشوف المباريات باالبيت ولا بدوام

والله شي يحير

بالله وش فيها لو تقدمت الاختبارات اسبوع ؟
يعني وزارة المعارف ماتعرف ان الشباب وخاصة الطلاب مجانين كورة !!

ما أقول غير الله يعينكم يالطلاب

اما الموظفين فالبركة باخوي عنيد وافكاره

انا عني لا قيها لاحس مخ المدير واذا سوى لي فيها انواع الطنش والتزليب وبعدين كلها اسبوع ونعطل حنا المدرسيييييين .......

الغالي نواف السديري
والله حالك يقطع القلب ولو هو الأمر في يدي دقيت بيجر على بلاتر وباركت له بالفوز وقلت له الا لا يهينك خل المباريا مسيان
بس شد حيلك وخل أحد يسجل لك المباريات وشفها في العطلة وترى ما فيه شي يفوت

الغالي رمادي:
شكرا لك وأن شاء الله نواف يسمع الكلام ويركز في دراسته

العزيز مخاوي زعيم ا لمجد:
والله أنك ذيب وحاسبها صح وأهنئك على تفرغك ليوم الأحد القادم


الغالي هلال الكويت (11) :
الحمد لله أن ما عندك اي إشكالية


العزيز هلالي الجوف:
خلها على الله والأمتحانات من عام 94 وهي ماشية مع كاس العالم شكل العملية مقصودة

الغالي
wise444

مشاء الله عليك وأن شاء الله تستمتع بالمونديال بس لا يدري أحد تجيك عين ويطلع الرشيد قرار تدامون زيادة شهر

عمري مافكرت اني محظوظ بهدنيا غير هل ايام الجاية بس والسبب

ان دوامي يعتمد على التلفزيون يعني مااااااعندي مشكلة

لاني شغااال بالتلفزيون بكبرة

هههههههههههههههههههههه

شغال في التلفزيون ماعندك علم عن نقل كاس العالم

يعني اللي ماكلها انا ونواف السديري, نواف اختبارات الله يوفقة انشاء الله وانا ما استحق اجازة (ثلاث شهور فقط من داومت) والمدير الله لا يوريكم (( يماني )) متجنس (( ما يحتاج اكمل صح؟!!!)) والدوام من الساعة 8 الى 4 يعني حتى آخر الدقايق ما يمديني, وابشركم بعد عندي دوام يوم الخميس الى الساعة الواحـــــ1ـــدة يعني نص مباراتنا مع الكاميرمن راحت " مع العلم ان المشوار الى البيت نص ساعة وانا مكيم طبعا", يعني ولا مباراة بتهنا فيها.

رسالة الى كل العاطلين عن العمل:

"""""" احـــــــــــــــــــسدكم """"""

وبالتوفيق يا نجوم الاخضر, وكل من يحك راسه ويحاول يلتفت يمين او شمال في قاعة الاختبارات حاليا و للجميع

اخوكم "الموظف":
ازرق & ابيض
باي