أخواني وأخواتي...الموضوع ومافيه باختصره لكم...
الخبر منقول من جريدة الجزيرة عدد يوم الثلاثاء 16/3...
زبدة الخبر
أنه فيه طالب بجامعة الملك عبد العزيز بجدة قام وأطلق
النار من مسدسه على أحد الدكاترة الله يدرسونه ست طلقات ثلاث منها صابت
الدكتور في فخذه الأيمن وثلاث أخطأته).
أخواني وأخواتي..الموضوع اللي أبي أوصله من هالخبر...
ماتحسون أن الظلم علينا من بعض الدكاترة هاظمين حق الطالب هظم
(الله حسيبهم)والظلم له عدة طرق...المشكلةأن الطالب اللي بالخبر
يحضر الماجستير.. الماجستير ياناس..
يمكن بعضكم بيقول ان يمكن الخطأ من الطالب نفسه..لكن سالفه هالطالب
أنه كان قدم شكاوي لمدير الجامعة أكثر من مرة(ولاحس ولاخبر).
أنا على سبيل المثال تعرضت للظلم من دكتور الله لايوفقه...
أخذت كورس عنده الفصل الأول وتخيلوا ماكان يحضر ولانشوف خلقته ماعدا
كم محاضرة تنعد على الأصابع وفي نهاية الفصل كانت الحصيلة في
الأختبار ثلاث دروس من المقرر.. والله ماتصدقون..حفظت هالثلاث دروس
صم وفي النهاية وش تنوقعون؟؟؟؟...
حضرة هالدكتور الفاشل سقطني بالأختبار(حسبي الله عليه) والأدهى والأمر
اللي صار بعدين..(جايكم بالسالفة ليه مستعجلين)..
أنا رحت من حرتي لرئيس القسم وقدمت طلب باعادة تصحيح ورقتي..وش
قال حضرة جنابه يوم درى..؟؟؟؟؟
نادني وقال بالحرف الواحد:انت ليه تروح تشكى علينا(مع الرغم أنه
يحق للطالب طلب اعادة التصحيح)تراني حطيتك برأسي(يقصد بالفصل
الثاني لأني آخذ كورس ثاني عنده بهالفصل)...
بالله عليكم وش رأيكم؟؟؟ قمة الظلم للطالب وهظم الحقوق..بعدها أنا
سلمت أمري لله وعدت المادة اللي سقطني فيها عند دكتور ثاني.
أخواني وأخواتي طلاب الجامعات أبي رأيكم بصراحة في هالموضوع.
أخوكم/
Daredevil
للطلبة الجامعيين والطالبات (مهم جداً جداً). 
الوضع العادي
