لله درك ياسيدتي , دائماً في الصدارة والباقي من خلفك يتصارعون .
وعلى عرش الكرة متربعون للأبد .

يارجـــــال أي نسبه أو أي كلام فــــاضي.


معروف لو تجمع جماهير الأنتر مع اليوفي ما راح يعادلــــون جماهيرية الميلان


وخاصه في أيطاليا ..


لان في العالم الكل يعرف أن الميلان الاول على العالم


على مستوى الجماهيريه والبطولات ويضاهيه الريال والبرسا والمان يونايتد.


فـــــاز اليوفي مباراه وحطوا أنه اكثر جماهيريه .؟؟؟ ومن موقع متعنصر لليوفي.

إقتباس الرسالة الأصلية كتبت بواسطة FAISAL_511 يارجـــــال أي نسبه أو أي كلام فــــاضي. معروف لو تجمع جماهير الأنتر مع اليوفي ما راح يعادلــــون جماهيرية الميلان وخاصه في أيطاليا .. لان في العالم الكل يعرف أن الميلان الاول على العالم على مستوى الجماهيريه والبطولات ويضاهيه الريال والبرسا والمان يونايتد. فـــــاز اليوفي مباراه وحطوا أنه اكثر جماهيريه .؟؟؟ ومن موقع متعنصر لليوفي.

السلام عليكم ورحمة الله وبركاته

اخوي هذا كلام عصام الشوالي واللاقزيتا من قبل لا نشوف هالاحصائية

وهذا شي مسلم فيه من زمان من ناحية تصدر اليوفي

وبامكانك تروح لرابطة الميلان وتسألهم عن هالشيء

انت تقول معروف , قلنا وش مصدرك ؟

السلام

عواافي بدر على الترجمة وماقصرت ..

انا ما قهرني الا سالفتن وحدة بهالموضوع ..!!

الحين كيف فريق مثل كييفو _ الكناري الاصفر _ ماله الا اربعتلاف وثمانمية مشجع !!

يعني معقوله مدينة فيرونا مابه ال هالعدد بس ياخي على الاقل اهالي اللاعبين بس

الرايد وهو الرايد يصفق المية الف بالريوس وش لون كييفو


ــــــــــ

خارج النص ..

اللي يبي يمزح مع احد .. لازم يتقبل المزح من الطرف الاخر ..ََ!!

ورده

ــــــ

بس ولو وراه بس اربعتلاف وثمانمية

إقتباس الرسالة الأصلية كتبت بواسطة عاشق الأمير الأسيوي ترجمة الي لم يترجمة الأخ بدر ..

إقتباس الرسالة الأصلية كتبت بواسطة عاشق الأمير الأسيوي لتوضيع هذه الإحصائية بشكل أشمل .. أجريت بين يونيو وتموز /يوليه 2008 الماضي .. وقام معهد نيلسن بعمل هذه الإحصائية .. لمعرفة أكثر فرق دوري الدرجة الآولى الايطالية شعبية .. " & " مجرد مجهود معهد ونتائجه ربما تكون نحو الصواب وربما العكس .. وليست مهمة تجعلنا نعطيها أكثر من مما تستحق .. عذراً ع الإضافة يابدر وشاكر لك مجهودكـ ..

مشكور اخوي على تكمله الترجمه

انا جبت العنوان وزبده الموضوع فقط
لانها احصائيه ماتحتاج اقول من وين جايبها او من حاطها
واللي عنده اي شك بالموضوع يدخل رابط الموقع ويترجم على كيفه اللي يبيه

يعني سواها معهد او موقع او شركه متخصصه بالاحصائيات ماتفرق لان الموضوع واضح ومايبي له اي شي

بس بصراحه فيه ردود لو اني داري انها بتصير كذا كان ماسويت الموضوع من الاساس وخليته بالرابطه

الموقع يقول الانتر ثانيا والميلان ثالثا
وش المشكله الحين يعني الاحصائيه بيسوونها عشان يقدمون الانتر على الميلان؟؟ على فرض ان الاحصائيه سواها ناس تحب الانتر ليش حطوا اليوفي الاول ومعروفه العدائيه اللي بين الناديين في ايطاليا

واللي يقول ان الموقع يوفاوي ليش ماحط روما او الميلان في المركز الثاني قبل الانتر؟؟

ياناس بالعقل شوي بدون تعصب

عاشق الامير الاسيوي

يعطيك العافيه على التكمله وماقصرت

إقتباس الرسالة الأصلية كتبت بواسطة أبوحمد _ Mi السلام عواافي بدر على الترجمة وماقصرت .. انا ما قهرني الا سالفتن وحدة بهالموضوع ..!! الحين كيف فريق مثل كييفو _ الكناري الاصفر _ ماله الا اربعتلاف وثمانمية مشجع !! يعني معقوله مدينة فيرونا مابه ال هالعدد بس ياخي على الاقل اهالي اللاعبين بس الرايد وهو الرايد يصفق المية الف بالريوس وش لون كييفو

ابوحمد انا اصدق الاحصائية حقت كييفو صراحة !!

بمباراة اليوفي ضد كييفو الاخيره الملعب كان مليان وحسينا ان المباراة في تورينو مهيب بديرتهم !!

حتى قلت هالكلام في الرابطة , ملعبهم كبير والمشكلة كلهم كانو يشجعون اليوفي ويصارخون مع اي هجمة والضعوف تشتتو وهم يقالهم راعين الارض الحين

واذكر بعد ان ملعب باري اغلبه يشجعون جوفنتوس في المباراة

والعام الماضي فيه رئيس نادي ناسيه صرح قبل مباراة جوفنتوس وقال اتمنى من اهل المدينة تشجيع نادي المدينة وترك تشجيع جوفنتوس هالمباراة على الاقل الظاهر انه كاتانيا ماني متأكد !

===

اعذرني بدر على المداخلة

^^

ناصر يا خلفهم انا معك ان شعبية اليوفي جارفة حتى بكييفو بس ولو ما تاصل لاربعتلاف وثمانمية

نرجع لمثالنا وهو جماهير الرايد الزلايب وفي ارضهم كل الملعب هلالي في مباراة الهلال والرايد

بس ما يعني هذا انهم تسذا .. هالجمهور اللي حضر للمباراة كان من منطقة القصيم وضواحيها كله لمشاهدة الزعيم على الطبيعة .. ونفس الكلام على اليوفي


الا على طاري القلبات اليوم جمهور جامبا اوساكا قلبو على فريهم وشجعو المان يونايتد والملعب احمر ما به الا ربعة زرقا بس

صحيح كلامك واولا واخيرا هو استفتاء وعمل البشر ولا هو قران منزل

وبيني وبينك عليك تدقيق بعد رايح تناشب مع كييفو

وبخصوص التشجيع ترا جماهير السعودية قد شجعت المكسيك ضد المنتخب في كاس القارات يوم يلزخونا 5

غريبة الانتر قبل الميلان


وكييفو 4800؟؟؟؟؟!!!!!!!!! ما يصير

إقتباس الرسالة الأصلية كتبت بواسطة العسيماوي يالغالي أنا يوفاوي ومادامك تميل لليوفي فقلي الموسم الماضي هل كان الريال يستحق اللاليغا وهو اللي أخرجه روما أنا ميولي في اسبانيا مدريدية اليوفي إذا كنت محايد( مو تميل ) مشكلته 2005- 2006 فقط بدونها (لأنها اسطقت) لازال يغرد بعيدا في ايطاليا والفريق مميز عناصريا وأداء وإدارة مسألته مسألة حظ في التشامبيونز بعكس الملكي وأأكد لأن الملكي ميولي بعد اليوفي الملكي منطقيا العام أخذ اللاليغا لأن برشلونه يترنح وقبله النقاط تتكلم رحمكم ربي بفوزكم على البرسا والأبطال من 2001 مالكم حس فمنطقيا المسؤول عوقب واليوفي ككيان غير مسؤول ويكفي فريقك من مجموعة فرق تلاحقوا في لم اشلاء اليوفي يوم طاح فبالله دام اليوفي مايستاهل جاي تدور لاعبينه ليه لازلت أتكلم عن الملكي لأني افك الارتباط العقلي بين المحاكمة المدعوة وبين مستوى اليوفي وإلا فالأسواء من اليوفي مستوى أولى بأن يشك فيه خصوصا إذا حقق إنجاز شكرا ومعذرة لبدر على فكرة في احصائية زغبي الأول في السعودية الانتر طبعا أقصد الآندية الايطالية

اللي يقهرني في بعض الاعضاء ..

انهم يحاولون تغير مجرى الموضوع ..

اخوي العسيماوي , انا اتكلم عن فضائح نادي كبير , ماتكلمت عن غياب اليوفي ..

عن البطولات والتتويج .. وانا قلت معجب , وافهمني زين يرحم امك ..

عل العموم حصل خـير , وبخصوص كلامك عن الملكي فاأعذرني ماني متكلم ..

لاني شبعت وانا اهجر في القسم ولا احد يفهم بصراحه ..

الله لايهينك

إقتباس الرسالة الأصلية كتبت بواسطة أبوحمد _ Mi السلام عواافي بدر على الترجمة وماقصرت .. انا ما قهرني الا سالفتن وحدة بهالموضوع ..!! الحين كيف فريق مثل كييفو _ الكناري الاصفر _ ماله الا اربعتلاف وثمانمية مشجع !! يعني معقوله مدينة فيرونا مابه ال هالعدد بس ياخي على الاقل اهالي اللاعبين بس الرايد وهو الرايد يصفق المية الف بالريوس وش لون كييفو ــــــــــ خارج النص .. اللي يبي يمزح مع احد .. لازم يتقبل المزح من الطرف الاخر ..ََ!! ورده ــــــ بس ولو وراه بس اربعتلاف وثمانمية

و أنا بإعتقادي الشخصي أن النادي بالأساس كان عبارة عن إستراحة ساسكو في خط فيرونا - تورينو و خلف الإستراحة

كانت هنالك مسطحات خضراء يلعبون عليها و سبحان الله تأهلوا للدرجة الأولى و سلكت معهم أرزاق ههههههه

يستاهل اليوفي
دام لعب له اصاطير الكرة
زيدان_روبيرتو باجيو.....الخ

لا جديد اليوفي هو زعيم ايطاليا واكثر جماهيرية
شكرا لــك