لو لا قدر الله وصار نفس الشي دامك تعرف لوحة اللي صادمك راح يجيبونه مرة واحد صدمني وهرب وجابوه المرور بعد كم يوم وخلوه يخيس في الحجز لين ما دفع قيمة تصليح السيارة

الله يشفيه

كلنا عبيد لله وحده
ابونا ادام
وامنا حواء

إقتباس الرسالة الأصلية كتبت بواسطة Z3EEM . FC نفس الحاله في حي الروابي ,, ولكن هالمره الي انسرق الظاهر ظابط ولله ان الدوريات ملغمه الحاره ..! وكل من جا وقفوه وحققو معه واولهم انا وتجمعو علي 3 دوريات لو انه مواطن عادي كان ماجابو خبره وبخصوص المفحط اعتقد المفروض يعاقب سواء صدم اميره ولا ماصدمها لاهنت عبدالملك

الله يذكرك الشهادة

قسما بالله صار لي اكثر من عشر ايام وانا موجعني راسي ... ودّي افهم وش اللي صار

ذاك اليوم حسّيت ان (حركة طالبان) بكبرها موجودة بالحي على هالتفتيش

حتى انهم حجروني قدام مغاسل جدّة كانك تعرفها لمدة تزيد عن ثلاثة عشر دقيقة ونصف

اعود الى لب الموضوع وصاحبه..

الله يشفيها ويعافيها وتقوم بالسلامة تتنطط مثل الفرس

وانت الله يحسن خاتمتك

يا حليلها والله ...
شو ذنبها وهي طالعه مع الدريول ...؟؟؟

الله يقومها بالسلامة ...
يمكن لو كانت هي تسوق جان ما مرت بهالطريق

الله يشفيها ويشفي كل مسلم ..

ودي انهم يمسكون اي واحد يفحط سواء هذا اللي صدم الاميرة والا اللي صدم اصغر مواطن والا اللي صدم اصغر عامل ..!
واي واحد يفحط سواء صدم والا ما صدم ..!


لكن صيغة الخبر تخليك تقول كل هذا الحرص وينه من زمان ؟!!




ادري اني بخطم خطمه مالها سنع بس مدري ليش تذكرت سالفة حنا ما تمسكنا زين يا طويل العمر !!

إقتباس الرسالة الأصلية كتبت بواسطة Z3EEM . FC نفس الحاله في حي الروابي ,, ولكن هالمره الي انسرق الظاهر ظابط ولله ان الدوريات ملغمه الحاره ..! وكل من جا وقفوه وحققو معه واولهم انا وتجمعو علي 3 دوريات لو انه مواطن عادي كان ماجابو خبره وبخصوص المفحط اعتقد المفروض يعاقب سواء صدم اميره ولا ماصدمها لاهنت عبدالملك

السسسؤال هنا .. وش يضمن لنا أن الكلام صحيح ..
ووش يضــمن لنا أن لو كان هالخبر صحيح أن المفحط لا يقطن سجن الحاير حالياً !

إقتباس الرسالة الأصلية كتبت بواسطة بريماكس اللي ابوصله مثل ماقلت مافيه مقارنه بين واحد ولد اسره .......... بواحد من ابناء الاسره المالكه وشئ طبيعي هذا

أي طبيعي الله يهداك ، قل هذا واقعنا أتفق معك ان الموازين انقلبت واقول الله يصلح حالنا
أما تقول طبيعي !! لا والف لا حنا مسلمين واعزنا الله بالأسلام
الأسلام الي الغا كل الفروقات بين الناس
الأسلام الي ساوا بين العبد والسيد ، بين الخادم والأمير
ساوى بين الأبيض والأسود ، مافيه أي فرق بينهم الا اللهم بالتقوا
أضرب أبن الأكرمين ، قالها الفاروق للعبد النصراني
ماحسب حساب لجاه أبوه ولا أمراته ولا نظرة الناس للأمير وابنه ، بالعكس قال اضرب صلعة ابيه
لأنه لولا مكانته ماتجراء عليك ولده
للأسف واقولها بحرقه في زمنا الحالي صار أصغر فرد في العائله المالكة
يسبق اسمه صاحب السمو الملكي ، وأكبر ضابط في البلد يدقله تحيه
هذا غير القصور والشوارع الي بأسمه ، قبل فتره قراءة مقاله لشيخ العواجي
تطرق فيها لهذا الموضوع وتجاوز الخطوط الحمرا المفروضه علينا وقال كلام يشيب الراس ،، يعني خلونا صريحين كلنا نبي نخدم الوطن وكلنا بالأخير نبي مصلحته

ذكرت سالفه زمااااان يوم اني صغير كنا نتسوق في أحد محلات الملابس ، ابوي تركنا انا واخوي وراح بيقضي شغله
جت جلست بجنبنا حرمه معها ولد ، وقامت تسأله بصوت عالي انت وش اسمك : قال انا فلان بن فلان ال سعود
ورددت سؤالها مره ثانيه وثالثه " عشان نسمع " طيب يا بنت الناس وش تبينا نسويله ، نقوم نحب رجله

والله لو يرجع الزمن لصرخ في وجهها واقول انا فلان بن فلان الي جداني روو هالأرض بدمهم مع المرحوم المؤسس عبد العزيز جد الولد الي تتباهين فيه

كلنا عيال هالأرض ومافيه فرق بينا ، والمنصب قبل كل شي تكليف وليس تشريف
والله يرحم حالنا واسف على الأطاله ورده ،،

إقتباس الرسالة الأصلية كتبت بواسطة alhawey أحسن الظن يا غالي السيارة اللي سرقت في الروابي قبل أسبوع كانت لمواطن بسيط، أما سبب الاهتمام المبالغ فيه وحصار المنطقة فهو لأن السيارة حين سرقت كان بداخلها فتاة صغيرة وهي ابنة الرجل وعمرها 13 سنة حسب ما علمت من أحد الجيران.. وأسأل الله العلي القدير أن تكون الفتاة قد عادت إلى أهلها من غير مكروه.

والله يالغالي انا غلطان وانت غلطان

هنا الخبر الصحيح .!


لازالت حلقات مسلسل سرقات المنازل في مدينة الرياض وخصوصا في هذا الصيف مستمراً ،
فقد تعرض منزل الاعلامي ورئيس القسم الاقتصادي بوكالة الانباء السعودية الاستاذ ابراهيم العقيلي الى السرقة ،
حيث كسرت ابواب المنزل الداخلية وتم سرقت اشياء ثمينة من مجوهرات وساعات واجهزة كمبيوترات واجهزة جوالات وكذلك الأجهزة الكهربائية ،

الوئام التقت مع الزميل والاستاذ ابراهيم العقيلي حيث قال : ذهبت في تمام الساعة السابعة مساء ليلة البارحة لكي نتنزه في احد روافد مدينة الرياض الحبيبة انا وافراد عائلتي وعندما رجعت الى المنزل الساعة الحادية عشر والنصف مساء سبقوني اولادي الصغار الى دخول المنزل فعندما راوا هذا المنظر الارهابي المخيف لاطفال صغار هربوا مسرعين الي وانا في طريقي الى دخول المنزل ورايت هذه الاحداث وبقايا الدمار الحاصلة وكانهم اتوا ليشنوا حربا على منزلي وليس لسرقته وتم ابلاغ الدوريات الامنية بذلك والحمدلله على قضاءه وقدره ولااملك الا ان اقول حسبي الله ونعم الوكيل واستطرد قائلا ان هذه الحادثة ليست الاولى في حينا وهو حي الروابي شرق الرياض ،
وهي تعد من عشرات حوادث السرقة خلال هذا الشهر ولكن لابد من ان يقع المجرم في قبضة العدالة.



المعذره عبدالملك على الرد الثاني
واسفين دخلنا بموضوع ثاني

الله يشفــي الأميرة ويردهــا لبيتهــا بصحه وعــافيــه
ويسهــل على الدوريــات القبض على المفحط ..

وكما قال صلى الله عليه وسلم: إنما الناس سواءٌ كأسنان المشط ، وإنما يتفاضلون بالعافية .

الله يشفي الأميره ويطول بعمر حكامنا ويرزقهم البطانه الصالحه ويرشدهم لما فيه خير للأسلام والبلاد والعباد ااااااااامين