متى وكيف بداآ عشقك لِـ جن الملاعب ؟! - نادي الهلال السعودي - شبكة الزعيم

il campion · #1 14/12/2008, 06:04 PM

السلام عليكم ؛

شلوونكم وشخباآاركم ؟ طيبين ولا شريرين

_-_-_-_-_

السالفة وما فيها انك تكتب متى وكيف بدأت قصة ع ــشقك
لهذا النادي الأسطوري
الي دوره بطل وباقي الفرق كومبارس

,,
يعني انا مثلا بالوراآاثة حبيت الهلال وغيري كان يشجع فريق بعدين قلب هـلالي
وغيره حب لاعب في الهلال بعدين حب الهلال كله على بعضه .. الخ

فهمتوا .. ؟!

يالله كل واحد يكتب متى وكيف شجع الهلال

,,

..

crash991 · #2 14/12/2008, 06:10 PM

والله انا من يوم اني صغير وكل ماافتح التلفزيون اشوف الهلال هو فايز والا على المنصه يستلم الكأس فبدآ عشق الهلال يدغدغ مشاعري>>>>>>هي كذا تجي
وبدأت قصتي الحقيقيه في مباراة الهلال والشباب في النهائي وهدف سامي الشهير
وشوكرن

نزيه المشاعر · #3 14/12/2008, 06:11 PM

انا عشقت الزعيم عام 1414 هــ

وكنت احب سامي

وله الفضل بعد الله بتشجيعي للزعيم

مكفخ نمله · #4 14/12/2008, 06:17 PM

انا كنت اشووف عائلتنا وجيراننا وزملائي بالمدرسة>>عام 1410

كلهم هلاليين بديت اتابعه والله يآآهو فريق مابعدهـ فريق

il campion · #5 14/12/2008, 06:20 PM

crash 991 , نزيه المشاعر , مكفخ نملة

مشكووورين ع المرور ,,

مرور الكرام · #6 14/12/2008, 06:34 PM

بكل بساطة طلعت من بطن امي هلالي ..
و بحكم ارتباط خوالي بالنادي .. اعطوني حبه اول ما عرفت شي اسمه كورة !
قربنا من النادي و احتكاكنا فيه .. خلاني اعشقه من عرفت الدنيا ..

هذا اعتقد السبب !

il campion · #7 14/12/2008, 07:37 PM

مرور الكرام , شكرا لمرورك ,,

هلالي القصيم10 · #8 14/12/2008, 08:17 PM

من عرفت اسمي وانا هلالي

لا ويمكن عرفت اني هلالي قبل اعرف اسمي

تقبل مروري ..

زعيم المجمعه · #9 14/12/2008, 08:18 PM

انا نشئت في عائله هلاليه كبيره
ومن انا صغير وان اشجع الهلال
يمكن اول مباراة شفتها للهلال وتحمست معها نهائي كاس اسيا 1412
ويومها طلعت مع اخواني للتشجيع
ومسكونا وحطو اخواني الكبار في التوقيف وانا واخواني الصغار وعيال عمي فكوناا
ومن هذاك اليوم بديت عشقي للزعيم
مع العلم اني كنت اعرف الهلال قبل ذلك بس اتابع المبارة نص ساعه او شوط واتركها
يعني مو تحمس

الرمح الرديني · #10 14/12/2008, 08:28 PM

من اول دوري بدأ عام 1397هـ تقريبا وانا عشقي الزعيم
والحمد لله ما خاب ظني في الموج الازرق تربع عرش الزعامة الاسيوية
ويوم بعد يوم ازداد عشقا لهذا الكيان

فـيـلـسـوف زمـانـه · #11 14/12/2008, 08:32 PM

عشقت الهلال من اجل يوسف الثنيان ولأن يوسف الثيان من نادي الهلال فشجعته

اما الان وبعد اعتزل الكرة الكابتن يوسف فأنا الان اشجع الهلال ولا اتحيز لأي نجم كان

هلالي الوجه · #12 14/12/2008, 08:36 PM

اه ياهدف الذيب في الشباب 1418

الزعـــ47ـــيـــم · #13 14/12/2008, 08:47 PM

قبل حوال 8 سنوات كنا مجتمعين انا وعيال عمي (تعرفون بزاين)المهم قالولي وش تشجع الهلال ولا النصر وانا مدري وشو الهلال والنصر المهم قلت وشو الهلال والنصر وسألون نفس السؤال بلشت مدري وش اقول واجي واقول على الطاير (النصر) مع العلم اني مدري وشو النصر وقالولي (وعععععععععععععععععععععععععععععععععععععععععععععععععععععععععع) وخر عنا انت نصراوي واجي واقول لالالالالا قصدي الهلال ويقلون لي ايه كذا

المهم وبديت امشي وكل شوي اسئل واحد وش تشجع الهلال ولا النصر وكل واحد اسئله يقول الهلال

وبدت محبة الهلال

وجاء يوم فتحت قناة الخشبيه ولقيت مباراة الهلال والشباب (يوم ينهزم الهلال 3-0) وانا جالس اشجع الشباب على بالي انه الهلال

المهم ويجي ابوي ويتطنز بي الهلال انهزم وانا اقول لا فاز

المهم اقتنعت ان الهلال انهزم مشيته عادي ماهمن

وبدا حبي للهلال يكبر وكل شوي يزود حبي للهلال

تحياتي (الزعـــ47ـــيـــم)

* هتون * · #14 14/12/2008, 09:02 PM

من يوم طلعت على الدنيا نشات في عائله كرويه فكان ابوي هلالي متعصب وامي أهلاويه متعصبه

بس قلبي مال للهلال وعشقته بجنون

لان ابوي حببني فيه الله يطول فعمره

il campion · #15 14/12/2008, 09:09 PM

مشكووووورين كلكم ع المروور

خصوصا الــــــزعـــ47ــــيـم