الداب .. مساك الله بالخير .. مبطين عنك يا الخال
لاتقطع تكفى .. ترا لك وحشة والله
شيء بسيط ودي أوضحّه ..
المانيو " بأفضل مستوياته " وهو أفضل فريق بالعالم " الموسم الماضي " قفّل ضد البرسا "
وهو بأسوأ حالاته " .. ونجح بالفوز على البرسا بخطأ فردي من زامبو .
الريال " بأسوأ حالاته ومستوياته " وبدون استقرار " هالموسم " قفـّل ضد البرسا "
وهو بأفضل مستوياته من 3 مواسم .. وانهزم بعد 83 دقيقة .
مايحتاج أقول غيابات أو نقص أو ظروف أو أو أو أو ..
المان نجح لوجود فريق كامل ضد فريق تعبااان " البرسا " .. وبخطأ فردي بسيييط .
الريال خسر لوجود فريق " ناقص " ضد فرريق كاامل ودكته أقوى من أساسي مدريد " البارح " .. وبخطأ فردي بسييط
وما استغل الكونتر آتاك أبد " لأن مافيه لاعب تقدر بيوم وليلة ترّهم له مخ
( وجه درينثي ) "
السؤال هنا .. من اللي يقدر يفتح ملعبه ضد البرسا وهو بأفضل مستوياته بالكامب نو ويفوز ؟
مافيه أحد .. وهو بأسوأ حالاته ماقدر المان .. بيقدر الريال وهو ناقص وخصمه بالتوب ليفل ؟
هالكلام كله لو بتكلم بعقلانية ومنطقية .. تبونها بهياط .. جبناها بهياط ترا عادي خخخ .
 | إقتباس |  | | | | | | | | | | بوفون
زبينا اندرادي ليغروتالي حميدتش
بولسون كامورانيزي زانتي
ترزيغيه ياكونتا ديل بيرو | |  | |  | |
لاحظ إنكم بداية الموسم لعبتوا ودية ضد المان .. وهي وديّة وفريقك كامل " نوعاً ما " كيف كان مستواكم ؟
وكم انتهت ؟ وكيف قمطة رانييري وتشكيلته ؟ .. صحيح ودية .. بس هي فرصة تعرف إن اليوفي مستواه
ولاشي جنب " أباطرة أوروبا حالياً < لاتطري التاريخ والـDNA .. أتكلم بمعطيات حاليّة مالها أي صلة بالتاريخ " .
على فكرة .. ترا الريال وأندية إيطاليا مو مقياس لقوّة
دفاع أي نادي .. تبي تعرف قوّة فريقك دفاعياً ؟
العب ضد المانيو وإلا البرسا وإلا تشلسي وإلا الارسنال .
وعلى فكرة .. وحتى وانتم ناقصين .. فوزكم على الريال ذهاب وعودة كان بطريقة " ردة الفعل "
مافيه شي سواه اليوفي صح من البداية للنهاية " هجومياً أتكلم " .. إلا هدف وحيد جاء من سرعة ودهاء الدل ..
الباقيات " فاول " وأخطاء فردية من قوتي وبيبي " يعني ردة فعل صحيحة لفعل مدريدي خاطئ "
ميشان هيك .. ودي أسئلك .. وش سالفة شخصيّة البطل ذي اللي طايحين بها
؟
خل مباراة المانيو على جنب .. ممكن تذكرني بمتش زينيت اللي كان بأرضكم لو سمحت ؟
طيب ذكرني بكلام ليغرو بعد المتش ؟
هدف جاء من فاول .. والقيم كللله لـ زينيت .. اللي فرق فاولات دل دل.. وغيره ماسوا شي اليوفي .
دفاعكم كان مفتوح بس كـ العادة .. مافيه أثور من إنهاء مهاجمي زينيت للهجمة " زي ماصار قدامنا برضو ".
أوضّح لك إن الريال حتى لو كان " زعيم أوروبا " .. بعهد شوستر الفريق ماهو مقياس أبد لقوة اليوفي أو ضعفه
ولا الدوري الايطالي مقياس " لدفااعك " لأسباب واضحة أعتقد ولايبي لها شرح
.
لأنك تشوف لعبت ضد البطل .. كيف فاز عليك ؟ دفلكشن .. وطول المباراة قامطين العافية خايفين من هدف .
واليوم بتلعبون ضد الميلان .. بيفرق يا دلدل ياروني وفاولاته وإلا سبرنت من كاكا " لو لعب " .
فـ ياصاحبي حاول تجرّب طريقة ثانية لـ مدح فريقك " دفاعياً " .. لأن مافيه شك إن دفاعكم قوي دامكم طليان .
ولو لعبت ضد البرسا .. صدقني بتطلع بعد المباراة .. تقول واااوتش وش ذا خخخ .
على فكرة .. هذي المرة الأولى من سنوااات الريال يقفـّل ضد البرسا .. ذكروني متى قفلنا ضد البرسا غير أمس ؟
دايم هو الفريق الأجرأ على فتح اللعب .. ونادراً مايطلع بدون مايسجل هدف أو هدفين ..
ونادر تلقى فريق يسويها .. حتى تشلسي مورينيو ماسواها وقمط حتى بملعبه ..
السؤال هنا لـ الأذكياء شوي .. ليه أمس قفـّل اللعب ؟ .. وليه المان قفـّل اللعب بملعبه وبملعب الكامب نو ؟
الداب .. ولكم باك .. تصدق لو قلت لك إن أمس الفوز عندي كان إيكر ورجعته
..
حتى إني أقول لواحد أمس أول مارد شوتة إيتو بعد البلنتي ..
بس خلاص .. يكفيني كذا .. لو يفوز البرسا الحين عادي .. خلاص انا فزت
.
تشاو
..
)
)
الوضع العادي
