السلام عليكم ورحمة الله وبركاته

جماهير الزعيم بين سعر الفانيله الأصلية و التجارية..... أين الحل!!!!

ردود من موضوع الوليد:

http://vb.alhilal.com/showthread.php?t=662630

هذي بعض الردود من موضوع الوليد..... ( تم أخذ الردود من أول 10 صفحات فقط من أصل 26 صفحه )

إقتباس هاللي يسرقون الزعيم عساهم على القووه الحين من بيشتري طقم الزعيم بسعره الحالي!!!! معقول اب بيشتري لابنه اللي يعشق الزعيم طقم ب200 ريال !!!!!! ياتقلل اسعارها لمقاسات الاطفال اللي توهم بادين يحبون الزعيم يايتركون هالاطقم المقلده للي ماهم قادرين على الاصلي وشكرا

إقتباس اتمنى يكون فيه دراسه جديده وعدم استغلال فرضا انا عندي اربع اطفال ويدرسون في الابتدائي ويبون طقم الزعيم الجديد اشتري 840 ريال في اطقم ملابس والا اشتريها طقم مجهز ومعروف و نفس الفصيل وكلهم 40 ريال واربع اطقم 160 ريال اليس هذا فرق ؟؟؟ ارحمووووو جيوب الجماهير والا تستغلونهم في حبهم للهلال

إقتباس كلام سليم ميه ميه

إقتباس انا اشوف انها شيء عادي جدا وهذا اللي لازم يصير اللي يبي الاصلي يشتري اصلي لانه قادر على الدفع ومن حقه واللي يبي يشتري تقليد لانه دخله محدود او فقير او او او يشتري تقليد يعني هذولا مالهم رب يعني مايلبسون طقم الهلال الفريق اللي يعشقونه لانه ماعندهم قدرة على الصرف والله عيب عليك تكتب موضوع زي هذا وان تعلم علم اليقين بعدم قدرة كثير من الجماهير الهلالية شراء طقم الهلال بسعر 200 او حتى 100 وبعدين اللي يشوف الهلال الحين نادي فقير ماعنده دخل الا هالفنايل للاسف اخاف يجي يوم مانفكر في البطولات بقدر مانفكر بالاستثمارات

إقتباس يعني اللي مايقدر يشتري لانه فقير او او دخله محدود جدا الطقم الاصلي هذا حارم عليه يلبس طقم الهلال اللي يحبه والله عيب علينا نفكر بالطريقة هذي الحين وش الفرق بينك وبين صالح كامل قلي

إقتباس وقفت على ذي الله يحييك الفساد مستشري من الجرذان ------------------------------------------------- وبعدين تعال حبيبي الوليد فيه صغار السن وخاصة في الاحياء الشعبية لايستطيعون شراء الطقم الاصلي ابو ميتين وكسور تدري ان ابآئهم رواتبهم على الف وميتين وتحت الظاهر تعرف الجيازنه وولعهم بالكورة انت شف حط هالاقتراح ان الادارة الهلالية تدعم الطقم الاصلي بحيث ينزل سعره الى 40 ريال على الاكثر حتى يكون بمتناول الجميع لان ولد التاجر اذا اشترى الطقم مايطلع بالحارة ويلعب فيه ملعبهم منه وفيه داخل بيتهم يعني ما نستفيد بنشر شعبية الهلال وسبق ان تحفظت لما قامت به شركة هاتريك ببيع شنطة سامي ب500 ريال وانا اعرف ان الشريحة المستهدفة لهذه الشنطة وغيرها من الاحتياجات الرياضية هم صغار السن وهم السواد الاعظم الذي بإمكانه لبس التي شيرت في كل مكان وشاهدهم بالمساجد والا انا غلطان .. لذلك حبيب البي الوليد ارجو ان توجه دعوة للامير عبدالرحمن بدعم الطقم الاصلي حتى ينزل سعره وليس سرد القوانين والانظمة والجزاءات والغرامات التي ابعد الناس عنها هم بنو بنقال فهناك حل بديل وهو الدعم لاغيره اذا كانت وزارة التجارة لم تحمي المواطن من استغلال التجار برفع الاسعار بالاشياء الضرورية وليس الكمالية فكيف بهم حماية الهلال من هذا الغش كما ذكرت والضرب بالميت حرام انطلق بارك الله فيك وكلم الامير بايجاد طريقة لدعم الطقم واعرفك اخي الوليد انك انسان واصل شكرا لك

إقتباس يعني تبي تفهمني اني مقدر اشتري الا قميص اصلي ؟؟؟؟؟ طيب انا انسان عندي اخوان .. تتوقع اني بشتري لكل واحد فيهم طقم بـ 200 ريال ؟؟ وبعدين وقفت على قمصان الزعيم ؟؟ الاحتيال بمعناه الحقيقي هو .. سلب المال الكثير على سلعه لا تساوي الا القليل ودامه يصمم ويبيع بسعر منخفض وفيه منفعه لنا .. فـ الله يوفقه واذا انت معترض يا عزيزي .. اتمنى منك توزع اطقم الزعيم ( الأصليه ) على جمهورنا .. شاكر ومقدر

إقتباس البنغاليه يبيعون طقم الهلال ب20 ريال وانتم تبيعونه ب200 ريال بحجة القماش يختلف الجماهير مايهمها القماش لانها ماشترته بتكشخ فيه لان الي بيكشخ مارح يكشخ بفانيلة كورة هذا اولا ثانيا الشي المضحك متعب حالك وتتكلم عن وزارة التجاره اذا كانت الوزارة متخليه عن الغش التجاري في السلع والحاجات الضرورية لحياة المواطن تبي تخليني اتوقع انها بتهتم للهالمواضيع نضحك على انفسنا وحنا نعرف ربعنا

إقتباس تبي الصدق مستعد أشتري من ذولا بسعر رخيص ولا أشتري الطقم الأصلي بـ سعر خيالي .. بالنسبة.. يعني لو السعر كويس كان ماحد شراء هاذي الأطقم المقلدة

إقتباس والله جبتها بالله من عنده إمكانية يشتري لولده هذا الطقم بمبلغ خيالي ........ حنا لاقينها من الأسهم وإلا من غيرها خفوا علينا ...... يعني وش المانع يتم الحاق هالخياطين الفلتات بمقر النادي ويخيط على كيفه ويبيع بنفس سعر البنقالي يعني البنقالي خسران ..... اتحد أهم شيء تشوفون حل

إقتباس بصرررراحة عادي لذوي الدخل المحدود خاصة الي عنده صغار في السن كيف يشتري طقم 200 لي اكثر من واحد .

إقتباس الله يكثرهم البنقال.. اجل اشتري طقـم بـ 200 ريال ..؟

إقتباس طيب ياحلوو والا عنده 5 اطفال يشتري بـ 1000 ريال..؟

إقتباس هذا يعتمد على امكانية المستهلك اخي الوليد يعني المستهلك لو حصل شي ارخص بيشتريه على طول ولاتنسى ان سعر الطقم الاساسي 200 ريال مبالغ فيه كثيرا

إقتباس شف انا رحت لغرناطه ابغى اشتري لاخوي الصغير شعار الهلال الجديد قلت بكم قال 240 انا كنت اظنه شعاركامل ( 11 ) فانيله قلت له لا ابغى وحده بس .. قال ايه الوحده بـ 240 مشنا وحنا نضحك عليه استغلال اعمى وصراحه تشتري باربعين ريال افضل من 240

إقتباس والله بصراحه اذا كان الطقم الاصلي 230 ريال والتقليد 35 اشتري التقليد ابرك هذا اولاً وثانيا ليه نطالب وزارة التجاره تمسك هالي يقلدون ونفسها وزارة التجاره تاركه محلات الماركات وهي نصب بنصب اسعارهم خياليه ويدبلونها بالمواسم ونقول امسكوا الي يقلدون عشان التاجر يربح الا معصي جعلهم يتركونهم يقلدون الين نلقا حل لهلغلا الي حنا فيه احفظو حقوق المستهلك قبل التاجر

إقتباس والله اذا تبون الجد هذولا فاكين ازمه على عشاق الزعيم يعني انا كل مابغيت اشتري لاخواني الصغار او لي طقم الزعيم بدفع مايقارب الالف لشراء خمس اطقم لكن هالمحلات ماتحي خمس اطقم ب 200 ريال يعني الفرق واضح ولا فيه اي مقارنه والله يقوي هالمحلات التجاريه اللي فاكه الازمه على محبين الزعيم

إقتباس قسم بالله انك صادق يخوي وش الي ادعمو النادي حنى شعب فينا الفقير وفينا الغني وفينا نص ونص وش فنيله 200 وش ذا الكلام والله الفنيله حقت البنغالي احسن وافر قسم بالله يخوي انا اقدر اشتري انت تقدر تشتري والنادي ياخذ في ذا الملايين وحنى ما دري ادعمو النادي النادي فيه رجال ما يحتاجون الدعم تحياتي أبوفيصل

إقتباس كلامك صحيح 100%

إقتباس مشكور ياخوي بس الغلا ذبحنا الناس عندهم اطفال كثيرين يعني رايكلفه 1000 اذا اشترى الأصلي حرام الطقم 200

إقتباس خفضوا سعر القناه .. والفنايل.. اللي بـ 200 .. والله لو اني شاري وشو 200 ريال !!! بعدين فكروا باللي يسرقوون .. في ناس يا عالم والله ما تقدر تدفع فيمة التيشيرتات اللي حاطينهم انتم بـ 200 ريال ..!! والحين تقولون حاربوا اللي يستغلون شعار الزعيم .. !! والله الناس ماراح تبلغ دام هذا السعر موجود .. لانهم يبون الأرخص .. وصدقني لما ينزلون سعر التيشيرت الناس بتشتريه .. واأصحاب الملحلان اللي يبيعون التقليد راح يخسرون .. بدون تبيلغ ولا شي .. وشكراً لكم ..,

إقتباس لو ما حصلوا من يشتري منهم كان ما عملوا هذا العمل وبصراحه سعر الطقم الاصلي سواء لنادي الهلال او غيره من الانديه يعتبر غالي وهذا سبب انتشار التقليد

إقتباس الاعضاء الي فوق كفوو ووفو صراحه انا مع المقلد اذا سعر الاصلي بهالوضع هي كلها سنه وحده واغير لطقم بواحد ثاني وانتهينا مؤقت والنادي ندعمه بحضورنا وحبنا له واعتقد الحضور والمسانده تكفي لجلب البطولات وبالنسبه للدعم المادي فالهلال غني برجالاته وموبايلي ماهي مقصره وجهة نظر

إقتباس إذا ت الإبلاغ وتم تنظيف المحلات من هذا الغش من وين أنا اشتري لي بدله إذا ما اقدر على سعرها

إقتباس تبيني اشتري ابو بـ200 ثم يومين ويتغير لا حلوهـ هآذي بالله جد مثل ما قال العضو خالد القريني يشتري لعياله بـ850..!! والله إستغلآل لمحبه الهلال

إقتباس السلام عليكم ورحمة الله وبركاته لمن قريت الموضوع وشفت الصور ماحسيت فيه فرق بينه وبين art الزعيم كل واحد يستغل الناس لمصلحته انا اموت في الزعيم واحب الهلال وكل اللي عندنا في البيت هلاليين صميييييييييم لكن اشتري لاخواني اطقم بتقريبا 750 ريال والله يبغالها تفكير مثل التفكير حق اشتراك art الزعيم شكلي بشتري الاطقم التجارية وبعدين ببلغ على المحل عشان الهلال ولا وش رايكم معليش ياشباب خلونا واقعيين وشكرا

إقتباس من اكثر من 15 سنه وملابس الهلال التقليد تنباع بكل محلات الرياضه يا رجال وسع صدرك دام وزراة التجاره ما منعهتم من فهم يبي يبيعون

إقتباس كلام في عين الصواب مع احترامي وتقديري للزعيم ولجماهيره ولحقوق النادي لكن الاسعار الي في السوق لا تطاق اسعار مو معقووولة

إقتباس الاداره هي التي حدتنا عليهم ولا رخصو السعر حق الطقم وانتهت المشكله

إقتباس الحمدله هذه نعمة من الله الذي جعلنا قادرون على شراء الطقم الأصلي ذو القيمه والجودة العاليـه . ولكن هناك طبقة من الشعب لا يقدرون على هذه الأسعار ومع ذلك فهم يسهرون الليل ليبتسم إبنهم , ولكن الأسعار خياليه والإبن يرفض تصديق والده فيفاجأ والده بنفس الطقم ولكنه بسعر بخيص نعم بخيص القيمه ولكنه بخيص السعر اكثر . فلذلك إن كنا لا نريد ان يسرقوا هذه الشعارات فلنساهم أيضا إستغلال الشعب بهذه الاسعار نعم انا هلالي وهلالي صميم ولكن فلنكن واقعيين

!!..إذاً أين الحل..!!
!!..ما أقول إلا عساهم على القوة و يازين التجاري..!!