منورين بتواجدكم كلمات الانشودة
أجامل وابتسم واضحك وانا في داخلي مقهور..
احاول اكتم احزاني ورى صـدري وأخبيهـا
أحاول اكتم همومي واخبيهـا وأنـا مجبـور...
واحاول قد مـا أقـدر أبعـد عـن حراويهـا
لو اني كنت بنطقها مع انها واقفـة بالـزور
... ولكـن لازم اكتمهـا ولا ابيـن معانيهـا
ولو بعض البشر تدري وتكشف خافي المستور
... أببلش في شماتتها وابتعب من حكاويهـا
طبيعه ماتفارقهم طبيعة مـن قديـم عصـور
.. ورا حكي القفى تطرد وتنبش في خوافيهـا
واذا طاح الرجل مرة وصار من الزمن مكسور
.. تجيله طعنه بظهره تفاجأ مـادرى فيهـا
تفاجئ مادرى باللي بيصير ومن وراه يـدور
...وخابت هقوته فيهم بعـد ماكـان هاقيهـا
لجل هذا كتمت الهم في صدري وانا معـذور
... همومي في وسط قلبي أخبيهـا واخليهـا
واذا زاد الحزن فيني كني وحيد بعالم مهجور
... كأني بدنيتي وحدي وكل النـاس جافيهـا
واذا ودي أبوح بهم أبد مـا اكتبـه بسطـور
... همومي بس في نفسي الحنهـا واغنيهـا
مصير الهم يترحل وأعيش بدنيتـي مسـرور
...مصير الهم ينساني ونفسـي مـا يعنيهـا
مصير القلب لو يظلم يجي يوم ويشوف النور
...مصير النـاس تتبـدل وتتغيـر مماشيهـا
اذا صار الذي ودي أبيـح خافـي المستـور
...واخلي الناس تدري بي وبهمومي أبكيهـا
ولكن بكتم همومي واخبيهـا عـن الجمهـور
... وطبع الهم مايهنى بغير ظلـوع راعيهـا
الوضع الشجري
