27/05/2009, 09:02 PM
|
| زعيــم متواصــل | | تاريخ التسجيل: 02/06/2007 المكان: الريـاض
مشاركات: 106
| |
ياخوي هذا الهلال ماهو بفريق ابو عشر قروش يلعب فيه نامي ومن هم على شاكلته
انا بذكرك بهدف هزازي بالدوري اللي اخذوه منا بالرياض كيف نامي يتفرج على هزازي
هذا الزعيم ونادي البطولات والصولات والجولات اذا ماكان عندنا دكة احتياط بنفس مستوى الاساسي ولا ماينفع ننافس على الاسيويه والدوري
وفيه لعيبه عمرهم تجاوز الثلاثين ومستواهم في انحدار شديد ومازالو بالفريق
نامي اتمناه احتياطي الموسم في اي نادي غير الهلال
اسامه انت اسد الدفاع بدون منازع وياليت زملائك يتعلمون منك القتاليه واتمنى من الاداره اعطائه الكابتنيه الموسم القادم كدعم نفسي لهالاسد
المرشدي بطل بس اتمنى تترك النرفزه الزايده
الزوري شمعه وانطفت وياليت تراجع حساباتك لانه في الزعيم منت بالنهضه وياليت الموسم الجاي نشوفك احتياطي لكامل الموسى
رادوي ابن الهلال الذي لم يولد فيه ومشكور على حماسك وقتاليتك بس ياليت تضبط اعصابك شوي
الغنام احبك لله فالله بس ياعبداللطيف انت بسيد آسيا راجع حسابات ولا القلب داعيلك
التايب اتمنى نشوفك باحسن من هالحال الموسم القادم
ويلي ذبحك الحر وهذا مابعد جاك طباخ اللون اتمنى اشوفك بالريان
الشلهوب ياما تغنينا باسمك كثير بس ماعاد انت مثل اول اصبحت لاعب اقل من عادي اتنمى اشوفه على قائمة الانتقالات هلالنا ماذبحه الا المجاملات
سول الله يستر عليك ونتمنى نشوفك بفريق ثاني غير الهلال لان الهلال اكبر من امكانياتك
ياسر مستواك في هبوط شديد ياليت تراجع حساباتك عشان الموسم الجاي اذا بتكون زي كذا مااتوقع بتلقالك مكان بالاساسي
الصويلح مشكور وماقصرت وكنت اتمنى اشوفك البارح جنب ياسر
لاعبين لا يستحقون ارتداء شعار الزعيم
نامي الغنام ويلي سول الشلهوب المبارك السعود العنبر الخثران
ياناس هذا كيان ماهو ضمان اجتماعي نجمع العواجيز واشباه الاعبين ونصرف عليهم نبي لاعبين يحترقون للشعار اللي لابسينه يحترقون لتاريخ سيد آسيا مثل مااحترقنا البارح |
الوضع العادي
