صرخــــــــة الــم .. وهم .. تعبنا .. والله تعبنا... مدري من وين القاها .. من هم الغربة وبعدي عن اهلي .. ولا من هم الدراسة ... حتى الفرحة بشوفة الهلال محروم منها ... تعبت .. والله تعبت ... مليت من شوفة المباريات مسجلة على شبكة الزعيم ,, الله يعيطهم الف عافية ويجزاهم الف خير على اللي يسوونه لنا ,, لــــكن يا اخوان الوضع متعب هنا باستراليا ... كل المواقع اللي تنقل مباريات الهلال على النت تقطيع .. تروح ثلاثة ارباع المباراة وانت تدعي ربك ان التقطيع يوقف ...

وش الحل ياجماعة ... ارجوكم نبي حل عملي يريحنا بغربتنا .. على الاقل في ابسط الاشياء اللي تهون على الواحد غربته ... نبي الهــــــــــــــــــلال ... نبي نشوفه مباشرة مثلنا مثل غيرنا بدون تقطيع ... والله ماتسوى علينا هالغربة اللي تحرمنا من كل شي .. اتمنى حل جذري ...ولقناة وحدة بس اهم شي تنقل كل شي .. واللي هي الزعيم .. ومستعدين ندفع اي شي بس وفروها لنا " بدون تقطيع " ..

عذرا ياجماعة بس الوضع سيء مره والنفسيات تعبانة .. اجبروا خواطرنا على الاقل بشوفة اللي له القلب يرتاح ..



لاتنسونا من الدعاء يااخوان ... والله محتاجين لكم في هالغربة حتى لو بالدعاء ...

اخوكم / يوسف ..

الله يوفقكم بدراستكم
ويقويكم على الغربه
وترجعولنا سالمين غانمين ان شاء الله
ورافعين روسنا فيكم
اتمنى انكم تلقون حل يساعدكم انا بصراحه ما اعرف بس حبيت ادعيلكم دعوه
واحب اقولك انه كلها فتره وترجعولنا ان شاء الله
وتحضرها بالملعب بدون اي تقطيع
ركز بدراستك اهم من اي شي ثاني لأن هذا هدف روحتكم
وبالتوفيق لجميع المغتربين ان شاء الله

الله يجزاك خير ياخوي عساك تسلم ان شاء الله ...

يالغالي صدقني الوضع سيء صراحة لنا حنا اللي متعلقين بالهلال من الصغر ... كل مباراة قبلها بنص ساعة تجلس تشوف التحليل وبعدها تشوف المباراة وبين الشوطين تحليل والشوط الثاني وبعدها التحليل ..او تروح للملعب وتشوفها ... تخيل ياعزيزي يعني وش اقولك .. متعلق بشكل كامل بهالنادي ... وفجأة ..!! منت قادر تشوف حتى المباراة على الهواء بس ..ماتبي شي ثاني ..بس نشوفها على الهواء مباشرة ..شي على الاقل يرفه عنك وعن همك ...مع ان توقيت المباراة هنا باستراليا ..او بمدينتي تحديدا يكون 3 ونص الفجر ..او اربع الا ربع ..!! لكن مايهم وانا خوك والله مايهم .. ياما قمنا بأنصاف الليالي اشغل اللاب توب واقعد مثل المجنون ادور لي لنك ينقل لي مباراة ...!!

على العموم الله يجزاك خير ... وننتظر ان شاء الله هدية للمغتربين ...

إقتباس الرسالة الأصلية كتبت بواسطة هلاليوووو الله يجزاك خير ياخوي عساك تسلم ان شاء الله ... يالغالي صدقني الوضع سيء صراحة لنا حنا اللي متعلقين بالهلال من الصغر ... كل مباراة قبلها بنص ساعة تجلس تشوف التحليل وبعدها تشوف المباراة وبين الشوطين تحليل والشوط الثاني وبعدها التحليل ..او تروح للملعب وتشوفها ... تخيل ياعزيزي يعني وش اقولك .. متعلق بشكل كامل بهالنادي ... وفجأة ..!! منت قادر تشوف حتى المباراة على الهواء بس ..ماتبي شي ثاني ..بس نشوفها على الهواء مباشرة ..شي على الاقل يرفه عنك وعن همك ...مع ان توقيت المباراة هنا باستراليا ..او بمدينتي تحديدا يكون 3 ونص الفجر ..او اربع الا ربع ..!! لكن مايهم وانا خوك والله مايهم .. ياما قمنا بأنصاف الليالي اشغل اللاب توب واقعد مثل المجنون ادور لي لنك ينقل لي مباراة ...!! على العموم الله يجزاك خير ... وننتظر ان شاء الله هدية للمغتربين ...

وأنا أخوك انا لس جاي من استراليا
ومر بي نفس الوضع
وانصحك انك ماتعرف النتيجة وتشوف المباراة مسجلة بعد نهايتها
لكن وانا اخوك لابد تركز شوي على اهتمامات اخرى
انا كنت ساكن لحالي في شقة قبل مايجي لاستراليا اي سعودي
وكان ربي الرحيم الودود مالي علي الشقة

وعلمتني الغربة ان الغريب هو البعيد عن الله عزوجل
لكن اذا كان الله مؤنسك صدقني بتسعد ولو انك في جزيرة لحالك

والله وانا اخوك قبل ما أسافر وانا بين اهلي كنت احيانا أعيش في هم وغم لاتفه الأسباب
لكن بعد مااختليت بنفسي وتغربت وعرفت الله عزوجل وتقربت اليه بانواع القربات والله حسيت بسعادة لاتوصف ، صدقني وانا خوك في دنيانا هذي جنة سرية وفيه ناس كثير طلعو من الدنيا وهم مادخلوها

حبيبي واخوي الغالي جنة الدنيا هي محبة الله والأنس به والتلذذ بمناجاته

ولكي تدخلها بقولك الأشياء اللي كنت أعملها في شقة مدينة هوبارت الأسترالية:
1- حاول تترك المعاصي بالتدريج

2- حافظ على الصلوات الخمس في وقتها

3-حافظ على اذكار الصباح والمساء

4-حاول تدعي الله عزوجل من قلب بعد صلاة العشاء

5-وهذه اهم نقطه حاول تسمع برنامج موجود في المكتبة السمعية لعمرو خالد في موقعة على النت اسم البرنامج (بسمك نحيا) وصدقني هذا البرنامج بالتحديد هو من جعلني اتحسر على مامضى من حياتي وانا ماسمعته لأنه خلاني اشعر بحلاوة وسعادة في الحياة عمري ماشعرت بها وهو مكون من ثلاثين حلقة وهو يتكلم في كل حلقة عن اسم من اسماء الله الحسنى ويعلمك كيف بكل اسم تعيش حياتك باسلوب مشو ق مليىء بالقصص صدقني بعد كل حلقة بتدمع عينك وبتقول أنا اسعد انسان على وجه الأرض، وانصحك تسمع كل اربع ايام اسم ،،

6- اكتب في قوقل موسوعة النابلسي وبعدين ادخل على الموقع العربي وبعدين اضغط على آخر ايقونة على اليمين بعنوان احاديث رمضان وخش على أحاديث رمضان عام 1428 وبالتحديد على برنامج قوانين القرآن ،هذا وانا اخوك هو ثاني اروع برنامج سمعته في حياتي وفيه يتحدث العلامة راتب النابلسي عن ثلاثين قانون من القوانين التي يسير الله بها هذي الحياة وبتخليك تعرف اسرار كثيرة في حياتك الشخصية وبتعرف كيف تتحكم في حاضرك ومستقبلك،،

7- حاول تقرأ في Week Endاي حاجة من القرآن بس بشرط تكون بسكينة وتدبر

8- ان استطعت حافظ على السنن الرواتب

9-اختم ليلتك بثلاث ركعات وفي الركعة الثالثة وهي الوتر ارفع يديك وفضفض كل اللي في خاطرك واطرح همومك لحبيبك ربك الذي يشعر بمعاناتك ويسمع همسك ويرأف لحالك ويشعر بهمك ويعطيك سؤلك ولاتهون عليه ابدآ وهو أرحم لك من ابيك وامك،،،،

10-اذا انهيت سماع برنامج بسمك نحيا وقوانين القرآن ، حاول تسمع باستمرار من البرامج الحلوة الموجودة في موقع عمرو خالد وموقع الدكتور محمد راتب النابلسي صدقني ستسبب لك نقلة نوعية في حياتك وسيعزك الله في الدنيا والآخرة
.

اي استفسار منك او اي احد من الأخوة
راسلني على :
[email protected]

/

,

آلله يصبركم يآرب ,

وقسم بـ آلله قهر بـ صرآحة ,

ربي يعينك خيو ويعيين جميع آلمغتربين ,

,

/

خذ هذا الرابط يمكن ينفع في الازمات ترى ممكن ينقل 7 مباريات في وقت واحد
http://ar.justin.tv/almooh

السلام عليكم
والله يا اخوان انا بنيوزيلاند واعاني نفس معانتكم والله اني قبل ما اطلع من السعوديه ما قد فاتتني مباره للهلال قبل المباره محضر ببريق الشاهي والوالده الله يسلمها صارت تحب الهلال بسبتي من كثر ماتشوفني ازاعق فجأه جيت هنا ماعاد قدرت اشوف المباريات كلها تقطيع في تقطيع الين تطفش ويروح الارسال وتنوم وتسحب على الجامعه والله معاناه تعبت يا رجل اشوف بس ملخص المباره .
والله لو فيه امكانيه اني اشوف المباريات في التلفزيون والله لأدفع كل ماوراي ودوني بس اشوف المباريات زي الناس ياخي مالي الا شبكه الزعيم اشكي لهم الحال جزاهم الف الف الف الف خير والله ماقصروا ومجهوداتهم فوق الخيال بس تكفون شوفولنا حل والله نفستي جدا تعبانه والله هذا اللي حاصل .ياليت المسؤولين في شبكه الزعيم يشوفون لنا حل الله يخليكم والله نفسياتنا تعبانه مره .
تخلوا مباره الهلال والاتحاد نهائي الدوري شايف الملخص بس والله مالها طعم ابدا .
اتمنى من الاخوان في الشبكه يشوفوا اي مباره على النت وراح يحسون باللي نحس فيه .
وشكرا لك ياكاتب الموضوع .انا كنت بنزل الموضوع بس سبقتني وقلت خل نتشارك في المعاناه مع بعض.
مع السلامه

الله يجزاكم خير .. ابو عزيز .. الهويمل .. الله يرضى عليكم ..

الغالي : hobart

وش اقول ياخوي .. الله يجزاك خير ويرضى عليك .. والله احرجتني بردك .. كلام ينحط على الجرح يبرى .. بيض الله وجهك يالغالي .. والله تعبتك بالرد .. تسلم والله ..

صدقت ياخوي .. هم وتعب نفسي فعلا .. حتى مع وجود السعوديين .. لأن الموضوع هو " غربة " حتى لو انه مليانة سعوديين ...

والله حمستني وابدخل للمواقع اللي قلت عنها ان شاء الله ..

وكلامك الله يجزاك خير ووصاياك بتكون من اولوياتي ان شاء الله ...

الله يكثر خيرك ويوفقك بالدنيا والاخرة ...

اخوك / يوسف

the best=15

الحال من بعضه .. وان شاء الله تنحل المشكلة ..والله يعين الجميع ..

/
,

الله يعينكم .,, وبإذن الله راح نلقا لكم حل .,,

وابو مساعد ماهوب مقصر بس خلوا صوتكم يوصل له ..

,
/

نقول ان شاء الله ... الله يجزاكم خير ..