|
يــا فارس عوض الهلال وجماهيره في غنى عنك وعن تعليقك بسم الله الرحمن الرحيم واسعد الله جميع اوقات الزعماء بكـل خير البارح وانا أتابع مباراة الهلال والشباب بصوت المعلق فارس عوض لاحظت عبارات غريبه من هذا المعلق والذي يحاول هو والقائمين على هذه القناه ان يوهمون الناس أن الهلال هو طارق التايب وأول عباراته هي ( قالولي لا تعلق على مباريات الهلال في غياب التايب ) والمعنى واضح وكأنه يقول ماهو مصبرني على التعليق لمباراة الهلال الى طارق التايب ولأجلك ياتايب يهون التعليق على مباريات الهلال والعباره الثانيه هي ( أنا لا أشجع الهلال ولا كني أشجع التايب ) ولم يقل نفس هذه العباراه حينما كان يتغنى بمحمد نور وألتـــون وكلمات كثيره قالها ولا أدري هل من قناعات فارس ام هي بتوجيه من مدير القناه الي ذكر مستنداً على كلام فهد الهريفي ان جماهير الهلال حظرت وزاد عددها في الشرقيه بسبب عودة طارق التايب !!! نقول لك يافارس ان نادي الهلال وجماهيره في غنى عنك وعن تعليقك |
لالا .. اذا كان قايل انه مايتابع الهلال الا علشان طارق ( هذي يبيلها تكية ) .. هومعلق ممتاز لكن يعيبه حركات المراهقه والزحف الزايد .. عموما الهلال لايستند على لاعب واحد بل الهلال كله فريق .. تقبل تحياتي .. |
ياااااااااا حول الله يا عليكم استقعاد مو طبيعي طيب هو حرّ يبي يشجع التايب يشجعه وحتى لو كان يشجع الهلال مستحيل يصرّح بهالشي و الشي الثاني هو من ايام ايقاف طارق التايب وهو يقول امنيه ان اعلق على مباراه يلعب بها طارق التايب و بعدين مو قلنا بنقاطع !! ليش تتابعه :D |
لا تبالغ اخوي ، مو معناه ان فارس قال ما اشجع الهلال معناه انه يكره الهلال وووووو اول شي كلنا نعرف ان التآيب عظيم بجمهوره ، والجميع يعلم ان هناك من يتابع مباريات الهلال من الليبين من اجل التايب لا اكثر ولا اقل ولا يعني ذلك كرههم للهلال، احسن الظن اخي في اخيك المسلم وانت تعلم ان الرسول امر بأن تضع لاخيك سبعون عذرا او كما قال، بدال ما نشن هجمات على أناس طيبين مع الهلال كثيرا المفروض نناقش الامور اللي ترقي بالفريق ووتنهض به ، تحياتي |
كلامك غلط في غلط .. قصد فارس شريف , ومن زمان وهو يقول اتمنى اعلق وطارق موجود !! لا تجيب كلام من بطنك وتنسبه عن فارس والا خذ لك كورس " فهم " .. يبقى طارق مطلب لاي معلق , |
تكفى وش تحسبه ليه معطي نفسك كل هالاهميه منك تتكلم عن الكيان الهلالي |
كان تابعت المباراة على art الزعيم وريحت راسك |
والله انكم عالم فاضية يعني كلمتين منة خلتك ماتنام الليل وتكتب موضووع عشانة |
شكلكم تبوننا نقاطع كل العالم |
أول ما شروا الحقوق قمتوا تتطالبون بـ أن يعلق فارس عوض على مباريات الزعيم ويوم جا تقول نحن في غنى عنك....!! والله أحنا الي في غنى عنك..... حتى لو قال الرئيس قاطعوا و أحذفوا القناة أنا لن ولن أقاطع و أحذف القناة....!! شاء من شاء و أبى من أبى..! واللبيب بـ الإشارة يفهموا...!!! |
والله ان فارس افضل معلق عندي وكمان ماله داعي الكلام دا حتى ولو تبغاه يشجع الهلال بالقوة مع احترامي لك الموضوع ماله داعي |
بسم الله الرحمن الرحيم بالله عليك ياغريب جده ماعندك أخوان أو أقارب يشجعون فرق ثانية مثل الاتحاد والنصر والاتفاق والشباب وفرق أخرى هل بينك وبينهم عداوة ؟؟ طيب فارس عوض حتى لو أن ميوله فريق ثاني غير الهلال يأخي من أبسط حقوقه ماهو تجبر الناس أنه تشجع الهلال أهم شىء عندي أن المعلق يعلق بكل حيادية ولا تكون متعصب ليش وليش وليش هذه يعتبرها الجمهور الواعي بمختلف ميولها سخافات مع احترامي لك سواء كان أي مشجع من الأندية الأخرى كان واقعي سواء مدح مستوى الهلال أو أنتقده هذا شيء يرجعله كل نفس وهواها. |
وراكم معصبين هدو اعصابكم يا شباب فارس عوض معلق رائع وان كان له شطحات فانا لمااسمعه اعتقد انه قابل كل اللعبين وطق حنك وياهم وكل المدربين والادارينن يعني كل واحد حصلت له سالفه معه بس هذا ما يعيبه هذا للتشويق وحقيقه صوته ممتع اما بخصوص كلامه عن طارق وانااخوك فلو ما جاه من الهلال الا انه قدر في حياته الكرويه يعلق علي مباراه يلعب فيها التائب لكفاه من الهلال |
إقتباس:
معلق ولا في الاحلالالالالالالام:smilie47: |
فارس عوض .. أفضل معلق عربي .. يجعل للمباراة متعه .. وأنا اكثر الذين يحبون المعلق فارس عوض .. معلق رائع .. |
ياخي هو قال اللي براسه واعتقد انه مايلام لانه يبي المتعه ولاننسى انه مدح بالهلال من اول المباره لين اخرها |
يعني مدري وش تبي بالموضوع هذا إذا ما مدح المعلق قتواا قاطعوووووووووووووه وإذا مدح قلنا هذا يفرق بين اللاعبين حنا في غنى عنه بعدين وانا اخوك فارس عوض افضل معلق موجود على الساحه الآن وانت سمعته يمدح التايب ولا سمعته يمدح دفاع الهلال اللي قال عنه المفروض ناصر الجوهر ياخذ الاربعه ويحطهم دفاع المنتخب او صح هذي كنت في في الحمام ماسمعتها خلونا اكثر واقعيه |
كلامك غلط في غلط .. قصد فارس شريف , ومن زمان وهو يقول اتمنى اعلق وطارق موجود !! لا تجيب كلام من بطنك وتنسبه عن فارس والا خذ لك كورس " فهم " .. يبقى طارق مطلب لاي معلق , |
هناك بعض الاعضاء اشتاظوا غضباااا هل هذه الحركات غريبة على مثل هذه القناة "ابو غبي"...؟؟!!!! بعد ما فعلته من محاربة للهلال بشكل واضح جدا لا نستبعد عليها اي شيء ..!! فالامير الشاعر شبيه الريح لم يأمر بمقاطعتها الا لامور خافية هو اعلم بها منا لكن اكتشفت ان الجماهير هنا تتأثر بأول رد وتبني ردودها وقناعتها عليه...! |
يمكن فهمت شي غير الي يقصده أو أخطأ من غير قصد لكن يظل المعلق الأفضل |
كلامك عيييييين الصوااااااااب |
انا ماحبه من زمان أيام دوري ابطال اسيا والكلام اللي ماله داعي عن الهلال ولا نسيتوا |
...فارس عوض افضل معلق عربي ولاتبينا نتابع الحربين(مستر صخب)...المزعج ولااظن انه قال شي غلط الهلال شف حال الهلال بعد التائب |
يعطيك العافية على حبك وغيرتك على الكيان الهلالي...... وبصراحة فارس عوض مصخها في المباراة بطريقة غريبة .... وخصوصا بعد ماسجل العنبر الهدفين قالها في المرة الاولى وفي المرة الثانية ( الله يالتايب ...الله يالتايب ...انت تخلي ( أي) مهاجم هداف ) ... قمة العنجهية وقلة الاحساس ضد المهاجم الشاب العنبر... يعني الغى دوره تماما وكلمة ( أي مهاجم) فيها استخفاف بالعنبر .. فارس عوض معلق كبير ... بس يوم يعلق على مباريات الهلال يبدا شغل تصفية الحسابات .... والغريب العجيب ان معلوماته عن نادي الهلال تجي بنفس صياغة صحف (اكرهك يالزعيم) ... ليش ؟ قلت المصادر!! اخوي لا يهمك بعض الردود وانت حطيت يدك على الجرح ... واللي بدا ينزف فعلا ... الكل يهاجم الزعيم ويستفز جماهيره ارضاءا لاطراف (يدها طايلة) ..... وفي النهاية انا اضم صوتي لصوتك واقول دام هذي شواريها يافارس ترى بتخسر جمهور عظيم حبك وشجعك وطالبك كثير ... وحتى اللي زعلوا وبيزعلوا من هذا الكلام يجي يوم و تسقط عنك ورقة التوت وتنكشف قدامهم...... ويظل الزعيم عظيما وشامخا لا يطوله المتسلقون..... |
إقتباس:
فارس حاليا الافضل |
الله يصبرنا عليكم!!! والله انه يمدح بالهلال تمديح مب صاحي طيب مدامك قلت هالكلمتين اللي فرحان فيهم وراه ماقلت انه قال(( الشباب مو مشكلته النقص وغياب عبده... مشكلته العظمى انه قابل الهلال )) (( يبقى الاسطوره السعوديه سامي الجابر أول الهدافين لقاءات الفريفين )) أما عن انه قال انا لا أشجع الهلال بل اشجع التايب ... كلامه صح اكثر المعلقين يبحثون عن اللاعب اللي يمتع ويرج الجماهير مثل ياسر وطارق ونور وهو قال هذه العباره من باب الحياد طيب الحربي نصراوي لكن اللاعب المفضل عند طارق التايب فيها شي !!. قسم بالله كرهتونا بالمنتدى من كثر مواضيعكم البايخه ياخي اكبر انتو وياه والله عقولكم عقول اطفال هذا قال كذا يله قاطعوه ويجون المبزره يله يله ... والله منتب لم الهلال انت على قولتهم ...(( معاهم معاهم ...عليهم عليهم ))... |
اقول شباب ممكن اشطح معكم شطحه ترى فارس عوض يموت بالدعيع وكل شوي يجيب معلومه له ويمدحه ولاصد كوره ماخلى شي ماقاله شكله مايشجع الهلال يشجع بس الدعيع يالله لك الحمد على نعمه العقل شخصيا نص مقاطع هالقناه باختصار لا صارت مباراه للهلال اتابعها عشان فارس عوض وعامر عبدالله بس ماتابع التحليل ولا برامجهم مريح راسي بس فيه سؤال شطحه شوي يعني الموضوع هذا وش المطلوب منه ؟؟ نكره فارس عوض ؟؟ شخصيا انا ماقدرشي بتاتا البته |
يارجال الشرهه ماهيب عليه الشرهه عليك وانا اقوللك: 1 - جالس تشوف المباراه في البيت 2- جالس تشوف قناة ابو غبي . يعني انت اللي جبت على قولت الاجانب( جبت الدب لكرمك) انت اكثر جمهور في العالم اللي يدور الكلام اللي عليه عشان يجي ويتكلم به هنا .. |
إقتباس:
كلااام الامير ننفذ من دون نقاااش تدري ليه؟؟ لان نحب الهلاال:naughty: |
فارس عوض .. فارس التعليق العربي :smilie47: معقوله في احد ينتقد هذا المعلق ..؟ معلق رائع .. صدقوني انتظر المباراة تعاد على ابو ظبي علشان اتابعها مو علشان مقاطعين خط السته .. نترك افضل معلق عربي :yes: |
المشكله غاثينا بنقاطع القناه بنقاطع القناه... واكثر اخبار وربي عن قناة ابوظبي في منتدى الهلال:d:d |
يا رجال .. ترى بعض المعلقين يبون يكثرون الكلام و يرفعون بالواحد و يزلون عادي اشوف انه كان يحاول يبرز التايب و اخطأ |
فارس عوض معلق ممتع ... ولكن الزين مايكمل ..... اولا - وجودة في قناة ابو ظبي المفلسه !! ثانيا - كثرة المديح وبزيادة الى حد ان وده يمدح (( العارضة )) من الحماس!! وبالنسبة للميول فانا ابصملك بالعشرة ان (( فارس عوض )) لايشجع اي نادي سعودي!! لان الميول لاياتي بين ليلة وضحاها !! وهو من افضل المعلقين العرب وبصرااااااااااااااااااااااااااحة !! |
عزيزي مع احترامي لك تفكير طفولي واسف على كلمة طفولي الحين احنا نضحك على جماهير الجار وتفكيرهم بعيد المدى بكل صغيره وكبيره ونصير مثلهم انا تابعت المبارت على ابو ظبي واستمتعت كثيرآ بتعليق الأستاذ فارس ادار المباراة بكل حياديه ولم يقصر بحق الزعيم واذا كان اخطئ في جمله او جملتين ما فيه انسااااان معصووم من الخطأ اتمنى اننا نرتقى في تفكيرنا وما ننظر لي امور تافهه لا تفيد الفريق بشيئ اسف على الأطاله ولك كل التقدير والأحترام |
’’ألــــف شكر لك وبالتوفيق للهلال |
ياخي هذا المعلق ماعجبني هياط وهبال مايقهرني الا لاقال وه يعلق اللــــــــــــــــــــــــــــــــــــــــــــــــــــــــــــــه ههههههههههههههههههههه |
طيب وش المشكله يبقى التايب لاعب هلالي و له جمهوره انا اعتبر اي مشجع يشجع لاعب دون ناديه اعتبره مراهق و يمكن الاخ فارس من مشجعي التايب لذلك هو مراهق |
يارجال اذا بتتعب نفسك وتكتب موضوع اكتب مواضيع زي العالم .. بلا خرابيط .. الا فارس عوض .. الصراحه بعض المواضيع ترفع الضغط.. |
والله مدري اش اللي عاجبكم في هذا المعلق ما غير صياح ونفخ في الاعبين الجماهيريين لاغير المعلق الهادء اللي يفيدك بمعلومات رياضيه هذا المطلوب |
مو قلنا بنقاطع !! ليش تتابعه :D |
معلق ممتـاز ومن أفضل المعلقين العرب والحساسيه الزايده سيئه |
إذا تبغى الصراحة الهلال مع التائب غير وهذي مافيها عيب تخيل ميلان بدون كاكا أو برشلونة بدون ميسي أو........................ |
ماالومه يشجع التايب يبي يشوف المتعه على حقيقتها مع التايب على قولتهم ماتقدر تغمض لمسات وحركات تشجع الجمهور على التصفيق اسمع وش قال عن الثنيان هذا يكفي عن كل شي http://www.3rbox.com/get-11-2008-3rbox_com_06ouwhtk.rar |
غريب جده احنا اخوان وما ازاود عليك في حب الهلال ابدا لكن ياليت تقبل مني اني اشره عليك واعاتبك عتب محب انك ما قاطعت قناة ابو ضبي الرياضيه حتى يتاءدب القائمون عليها بس على الاقل من يشاهد هاذة القناه يحترم مقاطعتنا لها ولا يجيب سيرة هاذة القناة اقولها وانا من الناس الي يعترفون بفارس عوض كمعلق جيد جدا |
لاحول ولاقوة الا بالله وش بلاكم قعدتو للرجال ههههههههههههههههههه :d |
اقول يا الشيخ هو قاعد يعلق في قناة ابو ظبي مو في قناة الزعيم عشان تتكلم وبعدين هو حر وش يشجع |
مع احترامي لكاتب الموضوع ولكن اتحفتنا بعقلية اطفال لا يفقه في الكوره الا شكلها المدور وهذه العقليات تكرهني احياناً في منتدى الزعيم ارجوا ان يرتقي فكرك لأمور اهم من هذه الامور وفارس عوض معلق كبير اقتحم التعليق وتألق بشده ولا يحتاج الى الهلال والهلال لا يحتاج له وعن الكلام الي يقالك ماسكه على فارس عوض كلام عادي وياما الحربين نقل نفس الكلام في لعب التايب ارتقي ارتقي ارتقي |
نقول لك يافارس ان نادي الهلال وجماهيره في غنى عنك وعن تعليقك |
قـآلكم أميرنـآ المحبوب .. قــــــــــــــــــــــــــــآطعوهم .. فهم لآ يستحقون من يتـآبعهم ,, عــوآفـي أخوي , |
عندي لك حل افضل اترك ابوظبي وتابع على قناة ثانيه لأنك انت الي رايح لفارس عوض في قناته ماهو العكس :) |
/ لاحووووول / قسم بالله انك ملحوس ياكاتب المووضوع / الحين لامدحكم سبيتوه ولعنتوا خيره اجل لو سبكم وش بتسوون ؟! بالعكس فارس عوض اتوقع انه هلالي لانه مايتحمس الا في مباراه الهلال ومدح اكثر من لاعب مو بس طارق التايب / ياخي مادري وش يعجبكم انتم ؟ الا تطلعون زله على فارس عوض وابو ظبي ؟! طيب شرايك يحولون شعار ابو ظبي لـ شعار الزعيم مو احسن ؟ لاحول ولاقوة الا بالله لااحد يقولي مندس انا هلالي صميم قبل لايولد كاتب الموضوع / بس خلونا نرتقي شوي والي يرحم والديكم |
فارس عوض .. أفضل معلق عربي .. يجعل للمباراة متعه .. وأنا اكثر الذين يحبون المعلق فارس عوض .. معلق رائع .. |
أخي فارس عوض معلق رائع وهو أفضل الموجودين علينا الترفع عن الصغائر وإحسان النيه وأن لانخسر محبة حترام الأخرين وبخاصه إذا ماكانو حياديين |
ان لله وانا اليه راجعون اقول شرايكم اتصل على المسؤل على الاقمار الصناعيه اقفل لكم هالقناة وترتاحون والله قسم ابو ظبي الرياضيه 100% احلى من قناتنا الخشبيه |
والله الغلاط مش عليه الغلط على الجمهور الي صار يصفقله ولا يصفق لباقي اللاعيبه فتخيل لو انا الجمهور مع كل لمسه يلمسه لاعب هلالي يصفق ذيك الساعه حيكون غلطان وقناة ابو ظبي ممتازه لاكن خط السته هو الي خربها ولعيون عبد الرحمان بن مساعد قاطعناه |
حتى فـــــارس عــوض ماسلــم منكــم :( |
رساله خاصه من كاتب الموضوع غريب جده إقتباس:
اخي اليوم في مباراة الهلال مع الحزم وكنت اتابع المباراة بكل حزن لانها لم تنقل على ابو ظبي الرياضيه لكي يعلق عليها الآستاذ فارس عوض ويمتعنا ! بعد ماسجل الصويلح هدف قال المعلق وبالحرف الواحد ( لم اكذب اذا قلت ان التايب هو الهلال ) من منطلق موضوعك وفكرك اقترح ان تقاطع اي ار تي وتبقى على السعوديه الرياضيه ! اخي ارتقي ارتقي ارتقي وفرق بين المدح والذم ومايسيء وما لا يسيء وشكراً |
الى هنى وبس وقف الى فارس الحين تبغاه يقول انا عشق الهلال هو قال العباره هذي انه يشجع طارق بس لانه كان متحمس مع اداء البرنس وخاف ان الناس تقول انه هلالي قال انا ما اشجع الهلال اشجع طارق بعطيك معلومه بس وصدقني فيهى فارس هلالي والدليل انه مجنون يوسيف الثنيان زفي كل مباراة هلال يمدح يوسف بشكل مو طبيعي حتى في مباراة زيدان ورنالدو تكلم عن ابو يعقوب وكان متابعه على وقته يعني يعرف الهلال ومتابع الهلال من زمان وهذا دليل انه محب للهلال لكن من المستحيل ان يعلن هذا الشيء بتقولون له الفخر انه هلالي اوكي صادقين بس مهنة التعليق تطلب انك لا تعلن من تشجع او ان لا تظهر ميولك وتكون حيادي |
لاتعليق ــــــــــــــــــــــــــــــ |
هههههه الله يصلحكم منتدى المعلقين والقنوات الظاهر !!! على العموم .. يمتعني فارس عوض واتمنى انك ماتدخل بالنوايا .. هو قال , يعني يقصد !! غريب امركم ؟ احترامي |
| الوقت المعتمد في المنتدى بتوقيت جرينتش +3.
الوقت الان » 05:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd