السلام عليكم ورحمة الله وبركاته
مساء الخير يا زعماء
كيف الحال عساكم طيبين
أنا والله أبي آخذ رايكم في لاعبين من وجهة نظري ظلموا انهم في نادي مثل الهلال
ولا لو كانوا في غيرهـ كان بيطلعون من ركائز المنتخب
وأولهم واللي ما أتوقع اثنين يختلفون عليه
الثعلب:: أحمد الصويلح
لاعب :: مهاري :: هداف:: قناص :: يمتلك بنية جسمانية جيدة ( ما شا الله)
يعني مؤهلات لاعب أوروبي بس الى الحين ما شفناه يلعب على الأقل 5 أو 6 مباريات متتالية
والسبب أول شي خطة المدرب الميتة اللي تعتمد على مهاجم واحد
وتفكيرنا اللي ما يتحمل يشوف ياسر احتياطي والصويلح اساسي
ويوم جته الفرصة ( اصابة ياسر الله يشفيه) نلقى المدرب يطلع العنبر مدري من وين
( أصلا ما ندري انه حي )
واللي ما يذكر الصويلح يرجع الى عام 1425هـ ويدور عن لقطات له
بعدين فهد الشمري <<< حارس شروا عقدهـ من الطائي بــ 5 مليون وتحملنا منة رئيس الطائي اللي دفع من جيبه بقية المبلغ وو
وآخر شي موسمين ما لعب فيها الا 15 ساعة <<<مع مباراة مانشستر ( ما بقى الا انا ما لعبت في ذيك المباراة)
يعني حارس متخصص ضربات جزاء ردهـ فعله حلوة عندهـ مميزات حارس عالمي
طيب بتقولون الدعيع أنا معكم الدعيع أسطورة ولولا الله ثم هو ما مشى فريقنا في الدوري
بس الدعيع كبر في السن <<< يعني أشوف لو يرتاح عن بعض المباريات السهلة
مثل الحزم نجران ..... الخ
ويجرب فهد فيها على الأقل ما يفقد حاسية الصد ( وش ذي بعد ) والله مدري
ومعروف ان أي لاعب ينقطع عن الكورة فترة طويلة ينزل مستواه
فما بالك بلاعب له أكثر من موسمين ما لعب
وفيه واحد مانيب مستعجل عليه بس نبي نشوفه يلعب على الاقل
مارادونا السعودية ( عبدالعزيز الدوسري)
أشوف انه أفضل من الشلهوب حاليا وبمراحل بعد
ما اتوقع احد يقدر ينكر ان الشلهوب انخفض مستواه بشكل كبير طيب ليش يلعب على حساب لاعبين تأمل عليهم في كؤوس العالم مع المنتخب<<< يعني عشان نرفع معنوياته نقتل موهبه قادمة بقوة
وسؤال عن اللاعب عبدالعزيز العبد السلام << اذا في أخبار عنه ياليت أحد ينقلها لنا
وهذي وجهة نظري
واختلاف وجهات النظر لايفسد للود قضية
وأتمنى ما أكون غلطت أو جرحت في أحد
ان أصبت فمن الله وحدهــ وان أخطأت فمن نفسي والشيطان
والسلام عليكم ورحمة الله وبركاته
الوضع العادي
