|
الى كل من يعرف ويلهامسون ... ارجو الدخول السلام عليكم ورحمة الله و بركاته طبعا كل من دخل يعرف الشخص الذي يدعى (( كريستيان ويلهامسون )) طبعا ويلي اتى للهلال بعد صفقة بلغت الـ 50 مليون ريال و بعد كم تجربة خاضها مع الهلال اخرها مباراة الهلال و الاتفاق كثرت المواضيع الموجودة في المنتدى عن ويلي و مستوى ويلي احب اقول نقطة يا جماعة يا ناس ترا مستوى ويلي هذا هو نفس ماهو في المنتخب يعني لا ازود و لا انقص يعني لا تاخذون بمقاطع اليوتيوب والله لو اجيبلك رودريقاو الفان و احطله مقاطع في اليوتيوب والله يطلع افضل لاعب بس اذا تبون تعرفون مستوى ويلي الحقيقي تابعوا مبارياته الدولية والله نفس مستواه مع الهلال بس غيروا التي شيرت |
مشاء الله عليه لعبه في المنتخب نفس لعبه في الهلال ..؟ هذا لاعب كبير وانا اقول ليه ضامينه لمنتخب بلاده ولا لعب لاكثر الانديه الاروبيه ............................................... صراحه شويه عليه 50 مليون :::::::::::::::::::::::::::::: اظن مو احنا الي نحكم على لاعب بحجم ولي ................................................ لنا التشجيع ولهم التفكير ... |
والله يـــاخوي كلامك واقعــــي ويلهامسون ماعندهـ شي جديد يقدمه ومع الوقت راح يثبت صحه كلامي ،، يعني مقلب واكلناه اتمنى بيعه بأسرع وقت ياشباب ارجوا احترام وجهات النظر |
ان شاء الله نكون من الحاضرين الملعب وراح يتعبا الملعب عن بكرت ابيه من منكم راح يحظر |
ويلي ,, والله ماتدري وين ربي حاطك ,, خسارة فيك 50 مليون لو حطوها في شي يستااآهل كان ازين ,, مو ملاحظين ياجماعه ان اللاعبين الاجانب هالسنة طلعو مقالب بالرغم من المبالغ الضخمه الي دفعت لهم لو دفعوها في تفاريس كان وفرو عليهم هالفلوس الله يذكرك بالخير يابو سلطان كنت تعرف وين تصرف الفلوس فيه ,, |
يؤ يؤ يؤ يؤ يؤ يؤ يؤ .. تستهبلـــونـ .. ويلي والله لاعب مهوب سهل ومهوب مقلب ياخوي .. هذا لاعب فنان .. وعنده اشياء .. حتى هو يقول انتظرونا في الاسيوية .. بناء على كلامه عنده شي يقدمه .. وبعدين تعال .. انت خالد الشنيف ولا يوسف عنبر ولا ماجد عبدو .. الخبراء يمدحون فيه وانت جاي الله يهديك تالي الليول .. تقولي . ويلي مستواه بايخ !! هذا لاعب عالمي .. والاسيوية راح تكشف لك ... وانت فااق ثمك عند هالتلفزيون .. ومستانس .. وتقبل مروري ،، القاسي شوي ،، لكن والله فقط تعليق او عتب حبايب .. تحياتي ،، |
لاعب عادي ياحسافة الخمسين مليون |
الميدان يا حميدان !! ماقول غير الله يوفق الهلال بسسسسسس |
إقتباس:
8 8 8 8 خاش عرض ومو عارف وش السالفه هههههههههههههههههههههههه ياحبيلك بس... اخوي اسمحلي مع احترامي لك اقولك انك ما تفهم بالكوره اذا تقول ويلي لاعب عادي وما اضاف شيء اولآ الى الان مانقدر نحكم عليه بالرغم من المستويات الرائعه الي قدمها بالمباريات السابقه... ثانيآ والله ملينا من هالموضوع كل يوم والثاني جايك واحد مطفي نوره وكاتب وش رايكم بمستوى ويلي طيب ارجع وشوف المواضيع السابقه وتعرف رأينا ... اسف على المداخله الحاده :) لكن هذا الي بخاطري وقلته لك احترامي |
استغرب كتابة البعض عن لاعب في مستوى ولهامسون وهو لاعب دولي ولاعب في منتخب السويد ولاعب له مدة قصيرة في الملاعب السعودية ؟؟:bigeek::bigeek: يا أحبابي كلنا يذكر بداية كماتشو ومدافعنا الله يذكره بالخير تفاريس أول ما لعبوا مع الزعيم قبل مواسم وش قلنا عنهم هذولي ما عندهم مستوى وخبازين ومقالب وبعد مدة أصبحوا من أكثر اللاعبين الاجانب فن ومستوى . يا أخوان الصبر شوي على ولهامسون وبتشوفون .:clap::clap: على فكرة : واحد يقول أذا إجتمع التايب وولهامسون والفريدي في مباراة وحدة أخاف تجينا عقوبه :d::d في الختام أصبروا ياجماعة وبتشوفون العجب :naughty::naughty: |
((..وبعدين تعال .. انت خالد الشنيف ولا يوسف عنبر ولا ماجد عبدو .. الخبراء يمدحون فيه وانت جاي الله يهديك تالي الليول .. تقولي . ويلي مستواه بايخ !!..)) يا هلالي شامخ تحس اللي يقول ويلي مو لاعب غبي صح..؟؟ مو غبي وبس الا اكبر دلخ.. |
تعال تعال ومين قال ان ويلي مستواه بايخ انا قلت ويلي مستواه زي ما هو في المنتخب لان الاراء كثرت في شي ما يستاهل |
اقول تلايص انت وياه وش تبون اجل تبون كرستيانو ولا ميسي كل واحد طالع لي في موضوع يعني تبي تعلمنا انك تعرف تكتب موضوع |
صدقوني ولي يحتاج للاعب ثاني يتفاهم معاه |
^ ^ ^ ^ نعم نعم انتا كذا ياعيني عليك |
الحكمـ لحد الان .. فيه متواضع .. وننتظره في الاسيويه |
ياشين الي توهم يشجعون هلال وجايين يقيمون |
إقتباس:
لالالا.. وشوله نخسر دراهم ونجيب كوزمين اللي ماعندهـ سالفه ,, ياليت تقدم على الادارة يتعاقدون معك بما ان لك نظره باللاعبين العالميين :bigeek: صحيح لاجرباكـ ماعندهـ سالفه ,, حاط ويلي أساسي ولا بمنتخب أوروبي عالمي تحياتي لكـ ياكوتش |
إقتباس:
اخوي فارس انت وش فيك خاش غلط اقرا الموضوع زين و بعدين افهم السالفة انا قاعد اشوف مواضيع المنتدى كلها تنكتب عن مستوى ويلي عشان كذا حبيت ابدي رايي اللي هو الصحيح طبعا واللي الكل غافل عنه اللي يشوفلي مقاطع اليوتيوب و مستانس بويلي و مكبره زياده عن اللزوم والثاني شاف مباراة ويلي مع الاهلي و قال ويلي تعبان و طيحه لين ما قال بس انا قلت لا هذا ويلي و مستواه و بصراحة حرام عليه ال 50 مليون ملاحظة : اقرا الموضوع زين بعدين نافخ زي ما تبي |
لاعب خرافي ومستواه ممتاز ومباراته الوديه الاخيرة مع منتخب بلاده ضد هولندا تشهد له مع انه ما قدم فيها شي كثير مستواه خرااافي بمعنى الكلمة بس انا مستغرب مستواه معنا بس نعذره يمكن ما تأقلم مع الدوري السعودي دينلسون مع النصر لعبه ضعيف جدا شوفوه مع بالميراس الحين الظاهر انه بالميراس مبدع ابداع مو طبيعي فررق شاااسع حتى جسمه نحف وطلع مشدود وبعدين اغلبكم يقول يا حسافة الـ50 مليون !!! ابو فيصل دافعها من فلوسه وقال انا اتحمل مسؤوليته والخسارة علي ما اخذت شي من خزينة النادي صدقوني متفائل جدا بحضوره القوي في مباراة الاتحاد بالذات احساس يرااااودني الله يوفق تحياتي |
والله ويلي مكسب كبير للهلال وان شاء الله الهلال يستفيد منه لعدت سنوات أتوقع يصير ثنائي قوي مع الأمير البرنس طارق |
إقتباس:
حبيبي لمعلوميتك كوزمين جاء في عهد ابو سلطان ,, ثأني شي لو تلاحظ انا كاتب اللاعبين الاجانب ماكتبت المدربين ,, يمدحون النوم هالحزه s60s |
اصبروا عليه شوي .. .. .. .. |
أنا أستغرب من العضو اللي يقول: خساره فيك الخمسين مليون !! قبل كل شي وبعيد عن مستوى اللاعب (اللي اعتقد انه يتصاعد تدريجي ) (أنت دافع من جيبك؟؟؟) والا ( مع الخير يا شقراء ) |
صرآآحة ويلي لاعب مميز بسـ اصبروا عليه شوي |
ههههههههههههههه حلوه ويلي مايستحق 50 مليون ويلي عمك |
ويلي لاعب ممتاز وان شاء الله يقدم المزيد |
إقتباس:
اما ما يخص اللاعب بأذن اللــه اللاعب مستواه اكثر من جيـــد ونحــن بالبــدايه ولم يكتمل الفريق لــحد الان للظروف الاصابات وما حدث من ظروف خارجه عن الارادة ولكن كلي ثقــه بأن اللاعب سيكون دعااامه قويه للفريق وسيقدم المستوى المأمول منه في قادم المباريات ومع اكتمال الصفوف للزعيم بأذن الله . القــادم احلى بمشيئه اللــه كلي ثقــه في كوزميــن والاداره وفي حســن اختيــارهم للاعب يفيــد الفــريق فنيــا وليــس على مستوى ( التسحيبات ) وبعض الالعاب الفرديه التي تثيـــر الجمهور واللاعب الاوروبي عموما معروف بتطبيــقه للمطلوب منه تكتيكيا وبحذافيره من المدرب فما يهمنى هو اداء اللاعب فنيا وليــس عاطفيــا |
إقتباس:
ثانيا ,, مادفعت جيبي ولو استلزم الامر بدفع ماعندي مشكله دام الامر يهم النادي ثالثا ,, انا تهمني المصلحه العامه للنادي واتوقع اي شخص عاقل بيقول نفس كلامي فلو لاحظنا ويلي من اول مباراه الى اخر مباراة ماقدم الشي الي ينفع الفريق .. ليالي العيد تبان من عصاريها وانا اخوك s60s |
إقتباس:
يمكن يكون عمك انت ,, من يدري :d |
تكفة ياباكيتا ولا كالدرون على غفلة ولا كوزمين أستريح بس لاتكثرون بمستويات الاعبين ويلهامسون لايختلف علية أنثين أنتم ماينعرفلكم أذا الاعب شد حيلة رفعتوة فوق واذا ماقدم شي نزلتوة تحت وش عرفكم بضروف الشخص ممكن ماتأقلم بالجو ممكن ظروف ماقول غير لاحول ولاقوة الا بالله أتركو الاعبين بحالهم أنا أوقف معاكم بشغلة اذا نزل مستوى لاعب من نجومنا صغير أوكبير يجب أن نقف معهم قلبآ وقالبآ ولا نقول هذا الاعب مايستحق المبلغ الفلاني وش رايك أنت وهو الي يعيبون بالاعبين ولي يحددون الصفقة وش رايك نسلمكم خزينة النادي ولا حساب عبدالرحمن بن مساعد الخاص وتجيبون لاعبين على ذوقكم نحن جمهور مثالي يجب علينا مناقشة أمور النادي بعين العقل وليس بذم لاعب أو غيرة وأسف ع الأطالة ياباكيتا وكالديرون |
الحمد الله والشكر الحين هذا اللي طلع معكم ويلي عمك و الثاني يقولي دافع من جيبك و الثالث دخل كوزمين والله انكم ما تعرفون عن الهلال الا سامي و ياسر و التايب ولا تدرون عن اشياء تخص الهلال اولا و صح لسانك اخوي ابو رشرش |
إقتباس:
مع احترمي موضوع ليس له معنى وعضو من المحسوبين على المنتدى ... اجل تبي تقيم ويلهامسون ..؟؟ ما بقى الا هي ..!!!! طيب من في رايك يكون المحترف الرابع يا مقيمنا الفاضل ... اللهم طولك ياروح ... |
إقتباس:
يا شيخ حرام اناقش موضوع مهم مع ناس امثالكم ما تفكرون و توكم قاصرين والمشكلة بتقولون الحين اني مندس بس لو ما تهمني مصلحة الهلال ما كتبت هالكلام بعدين انا عضو من المحسوبين على المنتدى وش خليت لصغار السن اللي مليين المنتدى |
إقتباس:
مشكور على نصيحتك بس ياليت تطبقها بنفسك .. يعني لازم نقتنع بكلامك ؟؟ كم لعب من مباراة هو عشان تجي تقول لي من أول مباراة لآخر مباراة؟؟؟؟؟؟؟؟؟؟؟ .. عبدالرحمن بن مساعد بنفسه قال: لا تستعجلون بالحكم على اللاعب أقل شي بعد 15 مباراة رسميه .. وبعد 15 مباراة تعال قول هالكلام وأنا أعتقد حتى 15 مباراة ما تكفي للحكم على لاعب أوربي انتقل الى بيئه تختلف اختلاف جذري عن بيئته اللي عاش فيها .. اصبروا عليييييه و الرجال متحمس للآآآسيويه .. وهذا اللي مفرحني .. والله يكتب اللي فيه الخير للهلال |
هذا انتو اذا جاب هدف ولا سوا حركه قلتو لاعب زين واذا نزل مستواه في مباراه مثل اي لاعب في العالم لازم ينزل مستواه مو كل مباراه بتشوفه عال العال لكن شتقول بنتعب لو نطاوع افلان و علان |
إنـا لله وإنا إليه راجعون الله يعينك يا عبد الرحمن بن مساعد على شوية هالجمهور اللى بيرفع ضغطك ياجماعة الخير اللاعب توه .. ما يمدي نحكم عليه اصبروا الله ياخذ ابليسكم على طول حطيتوا الادمي مقلب .. طيب وش اللى يثبت انه مقلب ؟؟ هذا لاعب سويدي اوروبي اجواء غير كل شي غير عليه شلون تبيه يتأقلم لو اخذ واحد من اللى يهايطون ويقولون انه مقلب وانطله بأخر ديره واقول يلا ورينا شطراتك شرط ثاني يوم راد لأهله من الطفش الزبده قمت اهذري انا بس حبيت اقول اصبروا عليه شوي :stoned: |
من الافضل الانتظار على الحكم على الاعب حتى يتاقلم على الاجواء وكلا يذكر تفاريس بداياته كيف كانت |
والله ولي ما يعرف مستواه الا المدرب والمحللين فقط ولي لاعب تكتيكي راقبه في المباراه وتعرف شنو تكتيكي يلعب لك الملعب كله ماشاءالله عليه لياقه توووب ولي متعود على اللعب السريع والقطات مو لاعبيننا اذا اخذ الكوره ما يلعب سريع يتأخر ويمشي فيها ويسحب الاول ويقطعها الثاني وترتد علينا هجمه عكسيه بعدين ولي تو الحكم عليه والي يشوفكم يقوول دافعين شي من جيبكم !! الله يخلي لنا ابو مساعد بس انتظروا المهاجم العالمي اغلى من ولي ونبي نشووف وش تقولون عنه بعد الهلال راصد 8ملايين يوروا للمهاجم الجديد وانتم تقوولون 50 مليون ريال !! اقووول ترى الهلال ما يفرق عن الاندية الاوروبية وهذي اسعار الاعبين المميزين مو ردريقوا !! الله يخلف بس |
إقتباس:
|
إقتباس:
وصلت رسآآلتك يا كبتن :d :d ----------------------------------------------------------- اما بالنسبه لموضووع ولي اخوووي انا ما اتفق معك بالموضوووع هذآ .. الشي الوحييد اللي اشووف ان ولي ما سوآآه من يووم جـآ هوو التهديف << مع ان هذي مووب شغلته ابــد سوآء في الهلال اوو غييره وبعديين الله يهديكم كمآتشوو وتفآريس كآنت بدآيتهم اســوأ بكثثثير من ولي مع الهلال بس انكم ما بعد فطنتوو على مووضة ( وش رآيكم بـ .. ) بعد كل مبآرآه ... ومع هذآ اعطيوو كل الوقت اليين انسجموو وصآآرو من افضل المحترفيـن في النآدي وفي السعوديه برضو بووقتهم المشكله انكم تبوون وآحد مثل ابطآل افلام الكرتون (( الكآبتن رآآآبــح ولا هدآف )) في كل مبآرآه لازم هوو اللي يسجل و هوو اللي يسوووي الحركه ولا الشووته اللي تفك الفريق من الازمه اذا كآن متأخر بالمبآرآه يـآآ جمآآعه اكبروو وخلوو النآآس الي جآلسه يندفع لها فلوووس في النآآدي عشآآن بس تشووف من اللي يفييد ومن اللي ما يفييد هــي اللي تقــرر |
تبين لكم يا عيال ... أنا من المعارضين له و يبي يجي يوم كل من في المنتدى قالب علييييه .................................. لاعب و صل حدهــ الاتماني خلاااااااااااااااااااااااص نــسـّــــب |
يكفيك متابعة التلفزيون السويدي والصحافة السويدية له حتى في التمارين (اللاعب كبير وفنان بس مشكلتنا ان البعض ما يفهم في ادوار اللعيبه ) |
شـكرا لك .. و ويلي يحتاج لبعض الوقت للحكم عليه . |
خخخخ ... انتم تبون لاعب يقعد يسوي لكم مهارات ولا ماتبون ؟ :d والله جمهورنا عاطفي ياحبيلهم ... :) وويلهامسون اعرفه يقربلي من طرف خوالي <<< اقول ظف وجهك :d والله لاعب فنان ويقدر يمسك الوسط كله له .. يكفي انه لاعب اساسي في منتخب له ثقله مثل السويد .. اذا انتم ماعجبكم اللاعب كوزمين عاجبه والاداره معجبين فيه ومدرب السويد والجمهور السويدي عاجبهم هاللاعب ومعظم جمهور الانديه الثانيه تتمنى مثله ..! الله يهديكم ياخوان مب حنا اللي نحكم .. كبروا عقولكم شوي:d |
يا خي تقارن اجواء لعبنا النايم مع لعب اوروبا اللي لعبهم قلبه قلبه ما عندهم ووقت ولا يتمططون في الكورهـ..ويزودونها بالتسحيب والفلسفه الزايده يعني لعبهم سرررررررررريع ويلي يبي له ياسر ومعهم التايب والاجنبي الثالث باذن الله بيكونوووون متفاهمين ولعبهم سريع بيجبر الباقين تطبيق حركاتهم وانا اطالب كوزمين بتسرررريع لعب الهلال لانهم يغبنووون بالتسحيب نبيها تسحيب على السريع الى الباب موب يرجعووون الى الدعيع نبي الفريق المنافص ياكلها قدام الهلالالالال بالتوفيق للززززززززززززززعيم |
إقتباس:
88 88 تماااااام s60s تحياتي |
إقتباس:
اذا كل لاعب يجي تبيه يستعرض علشان يصير في نظرك لاعب اعتقد ان هذي نظره خاصه فيك ويجب تغييرها:upset: بالنسبه لي انا أشوف ان مستواه ممتاز ورا يتطور الى الافضل |
لآلآلآلآلآلآلآلآلآلآ تعليق |
والله خسارة فيه هالملايين .. وادارة الهلال راح تندم كثير على تعاقدهـا معه .. ويلــه بيطلع مطبلين لذا اللاعب .. الله يعين بس .. الملهــوف |
انا بالنسة لراي المتواضع ... اقول ان اللاعب كريستيان وليهامسون لاعب جدا ممتاز ومفيد ولكن ارى ان المبلغ المدفوع فيه مبالغ فيه فقط |
ويلهامسون لاعب كبير واصبر عليه شف كم لعب من مباراة تراها 5 مباريات على ما اظن ومستواه جيد يعني ان شاء الله مع الايا بيطلع افضل ............................. |
إقتباس:
كلامك صحيح اخوي احنا كذا نبغا اللعب يبدع من اول مباراه حتى لو جبنا رونالدينيو ما راح يبدع من اول 5مباريات تقبل مروري |
إقتباس:
هذا احسن رد قريته .. تسلم يمينك s60s:clap: |
عاد انتو ودكم كعوب وكباري اما تكتيك وسرعة لا الله يصبر الكيبوردات عليكم بس |
ويلي أكبر مقلب كليناه من بدأ التعاقد مع اللاعبين الأجانب واستغرب صراحةً من بعض الأخوان اللي يقولون أصبر عليه !!!! الدور الأول ما بقى عليه إلا مباراة وحدة ويخلص وهذولا يقولون أصبر عليه !!!!!!! ليش ما صبرنا على التايب أول ماجاء ؟؟؟؟؟ عارفين ليش ؟ لأنه لاعب فنان وتأقلمه صار سريع لأن نجم وبين نجوم ما هو مثل ويلي خابور ما يدري وش السالفة حتى الركنيات لو أجيب ولدي رفعها أحسن منه ! سرهيد |
يؤ يؤ يؤ يؤ يؤ يؤ يؤ .. تستهبلـــونـ .. ويلي والله لاعب مهوب سهل ومهوب مقلب ياخوي .. هذا لاعب فنان .. وعنده اشياء .. حتى هو يقول انتظرونا في الاسيوية .. بناء على كلامه عنده شي يقدمه .. وبعدين تعال .. انت خالد الشنيف ولا يوسف عنبر ولا ماجد عبدو .. الخبراء يمدحون فيه وانت جاي الله يهديك تالي الليول .. تقولي . ويلي مستواه بايخ !! هذا لاعب عالمي .. والاسيوية راح تكشف لك ... وانت فااق ثمك عند هالتلفزيون .. ومستانس .. وتقبل مروري ،، ارسينالي وقلبي هلالي،، لكن والله فقط تعليق او عتب حبايب .. تحياتي ،، |
كيف الحال بس عساك بخير ........................................... |
ياجماعة الخير ترى تونا في بداية الموسم يعني اصبرو شوي بعدين اللاعب له اسمه وسمعته يكفيك انه يلعب بالمنتخب وبعدين هذا اول موسم له اصبرو عليه شوي :smilie47::smilie47: |
إقتباس:
تاريخ التسجيل وعدد المشاركات يدعو الى الشك ولكن حبيت اقولك ان ولي من افضل الى افضل وطارق توه راد من الايقاف ورالديس مدافع صلب ولكن كوزمين اعتمد على الثنائي الدولي لانهم متفاهمين ورالديس كثير المشاركات مع منتخب بلده وشلون حكمت انهم مقالب ما ادري |
| الوقت المعتمد في المنتدى بتوقيت جرينتش +3.
الوقت الان » 05:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd