اكاد لا أجد سببا مقنعا لعدم حضور الشعب الهلالي الكبير في ملاعب الرياض وأقصد أستاد الملك والملز بعد ما كنا نحن نمثل الحضور الأقوى بين مدن مملكتنا الحبيبة ولكن في الآونة الأخيرة أصبحت الجماهير الهلالية في الشرقية والقصيم ومعظم المدن الأخرى" الله يعطيهم القوة والعافية" تحضر بشكل كثيف بعكس الرياض وهو المقر الرئيسي لنادي الهلال وخير دليل على ذلك مباراة الوحدة الحضور الجماهيري يخزي العين والله عيب يا شباب شوفوا كيف جماهير الشرقية قبل أمس !!!؟؟

أبي كل واحد يدخل على الموضوع يعطيني سبب مقنع ليه ما يحضر؟؟؟؟؟؟ هل لأسباب مادية ولا الملعب بعيد ولا دراسة ولا شلون؟؟؟؟

وأخيرا همتكم يا عيال يوم الأربعاء مع الشباب فريقنا محتاج لنا !!! وأنا أول الحضور في الملعب انشالله

انا ماشوف به عوف جماهيري
بس اوقات المباراه هو اللي مايخدم الجماهير

1- في الرياض يشاهد الهلال على أقل تقدير 14 مرة

2- زحمة سير


3 - القنوات الناقلة:

شاهي +فصفص
..........................................



هذي اسباب عزوف الجمهور لكن :

هل هي اعذار مقبولة ؟

اولا انا بقولك شي

مباراة الاتفاق ابيك تجمع المشجعين الاتفاقيين والهلاليين وتضعهم في ستاد الملك فهد
ايش بيصير ؟

يمكن ماتمتلي الواجهه بس

سا اخي ملاعب الرياض لاتقارن بملاعب المدن المجاوره

حبيبي جمهور الشرقيه يعشق الهلال بالكلام والفعل
اما مع احتراماتي للجمهور الرياض كله كلام في كلام ولا ابي احد يزعل مني انا
ما اقول كلهم لا البعض منهم

إقتباس الرسالة الأصلية كتبت بواسطة هلالي عمراني اولا انا بقولك شي مباراة الاتفاق ابيك تجمع المشجعين الاتفاقيين والهلاليين وتضعهم في ستاد الملك فهد ايش بيصير ؟ يمكن ماتمتلي الواجهه بس سا اخي ملاعب الرياض لاتقارن بملاعب المدن المجاوره

أبيك تناظر برا الملعب وقت المباراهـ

وبتشوف شلون يمديهم يرصون الإستاذ

إقتباس الرسالة الأصلية كتبت بواسطة هلالي عمراني اولا انا بقولك شي مباراة الاتفاق ابيك تجمع المشجعين الاتفاقيين والهلاليين وتضعهم في ستاد الملك فهد ايش بيصير ؟ يمكن ماتمتلي الواجهه بس سا اخي ملاعب الرياض لاتقارن بملاعب المدن المجاوره

كلامك صحيح ميه بالميه سعة الملاعب تختلف

اا اشوف انها عدم رضا الجماهير عن مستوى الاعبين وهذا الحضور القليل هو سبب تصاعد

مستوى الفريق

واللاعبين يعرفون هذا جيدا وهو في مصلحة الهلال و مراجعة اللاعبين لمستوياتهم

يعني جمهور الرياض هم المعيار الاساسي الذي يبين للاعبين مستوياتهم المنخفضة

وبالنسبة للمناطق الاخرى فهي مباراة واحدة ينتظرونها سنويا في منطقتهم

وصدقني متى كان هناك رضا عن مستوى اللاعبين تجد مدرجات الدرة والملز مكتظة بالحضور

مشكووور

لا عزوف جماهيري ولا هم يحزنون مباراة وراحت بظروفها الجوية من أمطار وكلنا يعرف الرياض وقت المطر مع توضيح أن استاد الملك فهد بعيد عن الأحياء المكتظة بالسكان

دائما تطلع مواضيع بهالشكل والردود كلها الوعد يوم...؟
وفي الأخير مانشوف الا القليل

انا من ناحيتي ماتخيل فيه امور تعيق الجمهور عن الحضور

كل مشكله لها حل

يجي واحد يقولي اللي جنبي يدخن او اللي يجنبي يتلفظ بالفاظ سيئه

اقوله ابعد عن الشر ياعمري وغنيله يعني بالعاميه تشطر عنهم

بالنسبه لي انا من محافظه تبعد عن الرياض 230 كلم

ولكن اغلب المباريات اللي تكون ايام الاجازات احضرها

وان شاء الله الوعد يوم الاربعاء