والله هذا السبب الحقيقي لتسجيلي في المنتدى هذه الردود الجميله الي توصي بطاعة الوالدين الله يوفقك يالزعيم وهذه البطوله الحقيقيه مشجعين لاينسون واجباتهم امام الشهوات وشكرا يا احلى جمهور ودمتم
اتمنى ان تحذو المنتديات بمثل هذا الشعور

أخوي محمد ..

صدقني أبوك مامنعك من الحضور إلى الملعب إلى لخوفه عليك ..

يمكن لصغر سنك ..

تخبر الملعب دخان وشتم ولعن ..

وأبوك خائف عليك ..

أثبت حبك للزعيم ..

مافي مشكله تابع المبارات على التلفزيون ..

أهم شي رضا الوالدين ..

والله يوفقك .

اخوي محمد وربي ان ابوك مامنعك لانه متلكع عليك او يبي يضيق عليك في امور الكوره عشان تتركها وتبعد عنها مثل ابوك الله يحفظه لا ابداً وانا اقولها لك من واقع تجربه ابوي يوم كنت في المتوسط والثنوي كان شاد علي ويمنعني من الروحه للملعب ومن الفرح بفوز الزعيم والدوره في الشوارع ويوم كبرت حط ثقته فيني طلبت منه الروحه للملعب ووافق وبلعكس قال جعلك ما ترجع الى والهلال فايز ............وانصدمت يوم دخلت الملعب وشفت اشياء ما كنت اتوقعها ابداً ولا تخطر في البال شباب تشوفهم والله انتقعد تسبح وتهلل وتستغفر ربك طول المباراه وتقول يارب انك تكفيني شرهم وتلقاهم قاعدين يناظرون صغار السن الي في المتوسطه وغيرهم ويحاولون يشبكونهم وانت خابر عاد وش يبون فيهم لكن ولله الحمد هذولا عددهم قليل وانشاء الله يجي يوم وندخل ملاعبنا وما نشوف احد منهم وهذا غير الدخان وغيرهااا كثير .........

لك تحياتي والله الله بوالديك طعهم ولا تعصيهم....وتأكد اي قرار يصدر منهم ماصدر الى في شي لمصلحتك.............

إقتباس الرسالة الأصلية كتبت بواسطة تعاون الطرقية أخوي محمد .. صدقني أبوك مامنعك من الحضور إلى الملعب إلى لخوفه عليك .. يمكن لصغر سنك .. تخبر الملعب دخان وشتم ولعن .. وأبوك خائف عليك .. أثبت حبك للزعيم .. مافي مشكله تابع المبارات على التلفزيون .. أهم شي رضا الوالدين .. والله يوفقك .

هذا هو الكلام الصحيح ,, !

شوف يالغالي انت والله بنعمة وتحسد عليها
الدليل خوف والديك عليك
للأسف الوقت هذا الاباء قلت متابعتهم لأولادهم
وحبيت اذكرك ان رفقاء السوء في كل مكان
خاصة في الملاعب يصطادون فيها فريسهم
لوجود الدخان والاخلاق السيئة من كلمات وافعال(من بعض الجماهير)
وفي الحقيقة اذا فيه شكر فأنا أشكر والدك على حسن التربية
يكفي خوفه عليك ومطلع على الي يصير في الملاعب
أخيراً
الله الله بطاعة الوالدين ولا تسمع لأغراء الاصدقاء

<لطاح الجمل كثرت سكاكينه>

والله من بعد (الجرايم) الي صارت في مباراة الإتفاق والنصر .. من حقه يمنعك


وأخوي الله الله في الوالدين .. (وطز) في الهلال إذا كان فيه شيء يمس الوالدين

وبعدين أخوي بكلمك بصراحه .. لو انت أب وسمعت عن مباراة الإتفاق والنصر والي صار فيها بتخلي ولدك يروح للمباراة ولا لا .!؟ .. فكر فيها وتجي معك


ع العموم لا يهمك هلال ولا كوره اذا كان بيظرك .. أهم شيء ( صلاتك وبر الوالدين ) واحمد ربك إن عندك أب يمنعك فأنا أبي متوفي

مع احترامي للأب صراحه مايفهم ولا عنده احساس

هذا ولدك فلذة كبك كيف تحرمه من شي هو يبيه

اخوي ابوووووووووووووووك اهم من الهلال

أخوي محمد ..

ماازيد على كلام الاخوان , ممدين على الحضور في المبارايات وانا اخوك ..
ان ماحضرت هالسنه اللي بعدها ان كتب لنا ربك عمر .. والله يوفقك دنيا واخره ..

انت لاتتضايق ولاتعكر جوك , واكسب ثقة الوالد الله يخليه لكـ ..

إقتباس الرسالة الأصلية كتبت بواسطة سيد العشق مع احترامي للأب صراحه مايفهم ولا عنده احساس هذا ولدك فلذة كبك كيف تحرمه من شي هو يبيه

هذاك انت قلتها فلذة كبده ........... وشلون تبيه يفرط فيه ؟؟؟؟؟؟؟؟؟؟؟؟؟؟؟؟

وسع صدرك اخوي

مامنع الا لمصلحتك


وحبك لزعيم لن يتغير

وطاعة الوالدين واجبه

في القـــــــــــــــــــــــبر من بينفعك ابوك ولا الهلال

وانا واحد مثلك

هلا والله بالغالي


حصلت معي نفس الحكاية


والوالد كان رافض حضووور ملاعب

لكن صممنا انا واخواني

نروح للملعب ورحنا

لكن بين الشوطين رجعنا

تدخين ورقص وكلام وصخ

وغير كذا لاتحسب نفسك باوروبا

تنظيم وحركات وقوانين صارمة تريحك

ماعندك الا سلطكان ونواف

من جنب القده


خلك على بيتك اصرفلك

واان اقترح على ابوك يخليك تروح

وتشوف الخافي

وتقتنع بنفسك مع ان ردود الاعضاء باعتقادي تكفي